05/06/2026
🚨*احتجاج سے قبل آزاد کشمیر میں انٹرنیٹ بند کرنے کی تیاری عوام پریشان*
*مظفرآباد:* آزاد کشمیر حکومت کی جانب سے عوامی ایکشن کمیٹی کے 9 جون کے مجوزہ احتجاج سے قبل انٹرنیٹ سروس معطل کرنے کے فیصلے پر شدید تحفظات کا اظہار کیا جا رہا ہے ذرائع کے مطابق نجی ٹی وی چینل اے آر وائی نیوز نے دعویٰ کیا ہے کہ انٹرنیٹ سروس آج رات (5 جون) 12 بجے سے بند کر دی جائے گی جو 12 جون تک معطل رہے گی
اگر احتجاج سے نمٹنے کے لیے پورے خطے کی انٹرنیٹ سروس بند کی جاتی ہے تو اس کے اثرات صرف مظاہرین تک محدود نہیں رہیں گے بلکہ طلبہ، کاروباری افراد، سرکاری و نجی ملازمین، مریضوں، بزرگوں اور روزمرہ آن لائن خدمات پر انحصار کرنے والے ہزاروں شہری متاثر ہوں گے
حکومت کو امن و امان برقرار رکھنے کے لیے ایسے اقدامات اختیار کرنے چاہئیں جو عوام کے بنیادی مواصلاتی حقوق سلب نہ کریں چند افراد یا گروہوں کی سرگرمیوں کو جواز بنا کر پوری آبادی کو مشکلات سے دو چار کرنا مناسب طرزِ حکمرانی نہیں
عوامی حلقوں نے سوال اٹھایا ہے کہ اگر کسی احتجاج سے نمٹنا مقصود ہے تو اس کا بوجھ عام شہریوں، مریضوں اور طلبہ پر کیوں ڈالا جا رہا ہے؟
