Rattvi News

Rattvi News سیاسی و سماجی خبروں کا معیاری نیٹ ورک

میرپور آزاد کشمیر ۔ چندماہ قبل شکایت کنندہ کا دوران سفر گمشدہ موبائل کی رپورٹ موصول ہونے پر موبائل ٹریسنگ یونٹ نے موبائل...
18/09/2026

میرپور آزاد کشمیر ۔ چندماہ قبل شکایت کنندہ کا دوران سفر گمشدہ موبائل کی رپورٹ موصول ہونے پر موبائل ٹریسنگ یونٹ نے موبائل ٹریس کرتے ہوئے برآمد کر لیا جو
خرم اقبال ایس ایس پی میرپور نے آج حوالہ شکایت کنندہ کردیا۔

میرپور آزاد کشمیر ۔ *ڈی آئی جی آفس میرپور میں پروموشن تقریب کا انعقاد*میرپور ریجن پولیس کے 7 افسران کو اگلے عہدوں پر ترق...
17/09/2026

میرپور آزاد کشمیر ۔ *ڈی آئی جی آفس میرپور میں پروموشن تقریب کا انعقاد*
میرپور ریجن پولیس کے 7 افسران کو اگلے عہدوں پر ترقی دے دی گئی۔
ڈی آئی جی میرپور ریجن کامران علی کی زیر صدارت ڈی آئی جی آفس میں ایک پروقار تقریب منعقد ہوئی، جس میں ڈپٹی کمشنر میرپور ساجد اسلم، ایس ایس پی میرپور خرم اقبال، ایس ایس پی کوٹلی عدیل احمد لنگڑیال سمیت دیگر پولیس افسران اور معزز مہمانوں نے شرکت کی۔
تقریب میں 3 اسسٹنٹ سب انسپکٹرز کو سب انسپکٹر کے عہدے پر اور 4 ہیڈ کانسٹیبلان کو اسسٹنٹ سب انسپکٹر کے عہدے پر ترقی دیتے ہوئے رینک لگائے گئے۔ اس پُرمسرت موقع پر ترقی پانے والے افسران کے اہلِ خانہ بھی موجود تھے۔
*ڈی آئی جی میرپور ریجن کامران علی نے اظہار خیال کرتے ہوئے ترقی پانے والے تمام افسران کو مبارکباد دی اور مزید کہا کہ یہ ترقی آپ کی محنت، ایمانداری اور فرض شناسی کا صلہ ہے۔ مجھے امید ہے کہ آپ آئندہ بھی اسی جذبے سے عوام کی خدمت کریں گے اور محکمہ پولیس کا نام روشن کریں گے۔
اس موقع پر اظہار خیال کرتےہوئے کامران علی ڈپٹی انسپکٹر جنرل پولیس ریخن میرپور نے کہا کہ جہاں رینک بڑھا ہےوہاں آپکی ذمہ داریاں بھی بڑھی ہیں۔ عوام کے جان و مال کے تحفظ اور عوام کو بہتر سہولیات کی فراہم کرنےباور پولیس ورکنگ میں بہتری کیلئے اپنا اپنا کردار ادا کریں۔
ڈی آئی جی میرپور ریجن نےترقی پانے والے افیسران کی پیشہ وارانہ خدمات کو سراہا۔ تقریب کے اختتام پر شرکاء کے لیے ریفریشمنٹ کا بھی اہتمام کیا گیا۔

منگلا: تھانہ منگلا کی حدود میں افسوسناک واقعہ پیش آیا، جہاں مبینہ طور پر سفاک والد نے جو کہ منگلا کینٹ کا رہینے والا ھے ...
17/09/2026

منگلا: تھانہ منگلا کی حدود میں افسوسناک واقعہ پیش آیا، جہاں مبینہ طور پر سفاک والد نے جو کہ منگلا کینٹ کا رہینے والا ھے اپنے تین کم سن بچوں کو نہر میں پھینک دیا۔ ریسکیو ٹیموں نے دو بچوں کی لاشیں نکال لیں، جبکہ تیسرے بچے کی تلاش جاری ہے۔
ڈپٹی کمشنر میرپور چوہدری ساجد اسلم اور ایس ایس پی میرپور خرم اقبال نے جائے وقوعہ کا دورہ کیا، ریسکیو آپریشن کا جائزہ لیا اور متاثرہ خاندانوں سے ملاقات کرکے افسوس کا اظہار کیا۔ حکام نے ملزم کو قانون کے مطابق قرار واقعی سزا دلانے کی یقین دہانی کروائی۔

میرپور آزاد کشمیر ۔ تھانہ پولیس تھوتھال کی ایک اور کارروائی۔۔۔میرپور,E2 سے چوری ہونے والی مہران کار 18 گھنٹے کے اندر برآ...
17/09/2026

میرپور آزاد کشمیر ۔ تھانہ پولیس تھوتھال کی ایک اور کارروائی۔۔۔میرپور,E2 سے چوری ہونے والی مہران کار 18 گھنٹے کے اندر برآمد۔ ایک ملزم فرحان علی گرفتار ۔کارروائی میں آصف عظیم SHO کی سربراہی میں پولیس ٹیم ۔توفیق si. نوید سراج si عنصر مٹھو HC ذوالفقار۔ نے حصہ لیا۔

میرپور آزاد کشمیر ۔ تھانہ پولیس نیو سٹی میرپور کی کارروائی، 14 لاکھ روپے کی رقم ریکور۔ تفصیلات کے مطابق مسمی امجد محمود...
17/09/2026

میرپور آزاد کشمیر ۔ تھانہ پولیس نیو سٹی میرپور کی کارروائی، 14 لاکھ روپے کی رقم ریکور۔ تفصیلات کے مطابق مسمی امجد محمود ولد محمد اسلم، قوم جٹ، سکنہ مسلم آباد، ڈاکخانہ سنیاہ پنجن، تحصیل چڑہوئی، ضلع کوٹلی نے ایس ایس پی میرپور خرم اقبال کے روبرو تحریری درخواست پیش کی۔
درخواست گزار نے مؤقف اختیار کیا کہ 15 اگست 2021ء کو مسمی محمد آزاد ولد عبدالرزاق، سکنہ کمروٹ، تحصیل سماہنی، ضلع بھمبر نے پلاٹ کی خریداری کے لین دین کے سلسلہ میں اس سے 14 لاکھ روپے وصول کیے، تاہم رقم تاحال واپس نہیں کی گئی۔
درخواست پر ایس ایس پی میرپور خرم اقبال نے ایس ایچ او تھانہ نیو سٹی محمد عرفان کو کارروائی عمل میں لانے کی ہدایت کی ایس ایچ او تھانہ
نیو سٹی نے درخواست پر فوری کارروائی کرتے ہوئے 14 لاکھ روپے کی رقم ریکور کروا کر درخواست گزار کے حوالے کر دی۔
میرپور پولیس کی جانب سے شہریوں کے مسائل کے فوری ازالے، شکایات پر بروقت قانونی کارروائی اور عوام کو ان کی رقوم و حقوق کی واپسی کے لیے مؤثر اقدامات کا سلسلہ جاری ہے۔

میرپورآزادکشمیر۔ گزشتہ روز میرپور آزاد کشمیر کے نواحی علاقے لہڑی میں انتہائی افسوس ناک واقعہ پیش آیا ۔ سنگدل باپ کے ھات...
17/09/2026

میرپورآزادکشمیر۔ گزشتہ روز میرپور آزاد کشمیر کے نواحی علاقے لہڑی میں انتہائی افسوس ناک واقعہ پیش آیا ۔
سنگدل باپ کے ھاتھوں 3 بچوں کو لہڑی نہر اپر جہلم میں پھینکنے کا واقعہ،،
بڑی بچی فجر ذیشان اور نور زیشان کی ڈیڈ باڈیز ریسکیو کر لی گئی ہیں بچے کی ڈیڈ باڈی کی تلاش جاری
ریسیکو ٹیم

میرپور آزاد کشمیر ۔ تھانہ سٹی میرپور پولیس کا جرائم پیشہ عناصر کے خلاف کریک ڈاؤن، موٹر سائیکل سوار سے 16 بوتل شراب برآمد...
16/09/2026

میرپور آزاد کشمیر ۔ تھانہ سٹی میرپور پولیس کا جرائم پیشہ عناصر کے خلاف کریک ڈاؤن، موٹر سائیکل سوار سے 16 بوتل شراب برآمد، مقدمہ درج ۔ تفصیلات کے مطابق ایس ایس پی میرپور خرم اقبال کے جاری کردہ احکامات کی روشنی میں جرائم پیشہ عناصر کے خلاف کارروائیوں کا سلسلہ جاری ہے۔ ڈی ایس پی سٹی حاجی سکندر اعظم کی زیرِ نگرانی ایس ایچ او سٹی فیصل صدیق، منور حسین، اے ایس آئی نصیب احمد اور ڈی ایف سی راجہ عمران پر مشتمل پولیس ٹیم نے دورانِ چیکنگ مقام آمر کھاری کے قریب ایک موٹر سائیکل سوار کو روک کر چیک کیا۔ پولیس کے مطابق ملزم محمد رمضان عرف جاناں ولد انور، ساکن بی/3، کے قبضے سے 16 بوتل شراب برآمد ہوئی، جس پر تھانہ سٹی میرپور میں مقدمہ درج کر کے مزید تفتیش شروع کر دی گئی ہے۔ پولیس کا کہنا ہے کہ ملزم سے مزید انکشافات متوقع ہیں جبکہ جرائم پیشہ عناصر کے خلاف کارروائیاں بلاامتیاز جاری رہیں گی۔

*درد بھری اپیل — فیلڈ مارشل عاصم منیر صاحب کے نام* فیلڈ مارشل عاصم منیر صاحب سے ایک درد بھری اپیلہم DHA Valley کے وہ ہزا...
16/09/2026

*درد بھری اپیل — فیلڈ مارشل عاصم منیر صاحب کے نام*

فیلڈ مارشل عاصم منیر صاحب سے ایک درد بھری اپیل

ہم DHA Valley کے وہ ہزاروں متاثرین ہیں جو 2008 سے 2026 تک اپنے پلاٹ، اپنے گھر اور اپنے حق کے انتظار میں زندگی کے قیمتی سال گزار چکے ہیں۔
کسی نے اپنے بچوں کے لیے گھر کا خواب دیکھا تھا، کسی نے ریٹائرمنٹ کی جمع پونجی لگائی، کسی نے شہید خاندان کے لیے چھت کا سہارا سوچا، کسی بزرگ نے اپنی زندگی کی جمع پونجی اس امید پر دی کہ اب اپنا گھر ہوگا۔

مگر سال گزرتے گئے، عمر گزرتی گئی، نسلیں انتظار کرتی رہیں… اور انتظار ختم نہ ہوا۔

*آج بھی ہمارے پاس سوال ہے*

آخر کب تک؟

*فیلڈ مارشل عاصم منیر صاحب،*

ہم آپ سے کسی ذاتی رعایت کی درخواست نہیں کر رہے۔
ہم صرف یہ چاہتے ہیں کہ ہماری فریاد سنی جائے،
ہمارے مسائل کو دیکھا جائے اور ہمارے حق کے لیے عملی قدم اٹھایا جائے۔

ہماری آواز کی نمائندگی کرنے والی نائلہ جبین بھی گزشتہ دس سال سے اپنے چودہ سالہ اسپیشل بیٹے کی ذمہ داریوں کے ساتھ ساتھ DHA Valley کے متاثرین کے حقوق کے لیے آواز اٹھا رہی ہیں۔

ایک ماں اپنے گھر کی ذمہ داریوں، اپنے بچے کی ذمہ داریوں اور ہزاروں متاثرین کے دکھ کو ساتھ لے کر چل رہی ہے۔

یہ کسی عہدے کی جنگ نہیں،

یہ کسی ذاتی فائدے کی جدوجہد نہیں،

یہ اُن خاندانوں کی آواز ہے جنہوں نے برسوں انتظار کیا ہے۔

*فیلڈ مارشل عاصم منیر صاحب،*

ہم آپ سے اپیل کرتے ہیں کہ DHA Valley کے متاثرین کی فریاد تک پہنچیں۔

ہمیں صرف وعدے نہیں،

واضح ٹائم لائن چاہیے۔

ہمیں صرف تسلی نہیں،

عملی پیش رفت چاہیے۔

ہمیں مزید انتظار نہیں،

اپنے حق، اپنے پلاٹ اور اپنے گھر کے بارے میں واضح اور قابلِ عمل حل چاہیے۔

23 ستمبر 2026
دن 11:30 بجے
DHA فیز 1 راولپنڈی
ہمارے ساتھ خواتین ہوں گی، بزرگ ہوں گے، معذور افراد ہوں گے، شہداء کے خاندان ہوں گے، ریٹائرڈ فوجی ہوں گے، اوورسیز پاکستانی ہوں گے اور وہ عام خاندان ہوں گے جنہوں نے برسوں اپنی امید سنبھال کر رکھی ہے۔

*فیلڈ مارشل عاصم منیر صاحب،*

ہماری آواز کو احتجاج سے پہلے ایک فریاد سمجھ کر سنیے۔

ہماری آنکھوں میں برسوں کا انتظار ہے،

ہمارے دلوں میں اپنے گھر کا خواب ہے،

اور ہمارے ہاتھوں میں صرف اپنے حق کی درخواست ہے۔

ہمیں سنا جائے۔

ہمیں جواب دیا جائے۔

ہمیں ہمارا حق دیا جائے۔

اور دو دہائیوں سے جاری یہ انتظار ختم کیا جائے۔

*ڈی ایچ اے ویلی کے متاثرین* 2008 سے 2026 تک — انصاف کے منتظر

میرپور آزادکشمیر: منگلا لہڑی کے قریب باپ نے تین بچوں کو نہر میں پھینک دیا، ریسکیو آپریشن جاریمیرپور آزادکشمیر کے علاقے م...
16/09/2026

میرپور آزادکشمیر: منگلا لہڑی کے قریب باپ نے تین بچوں کو نہر میں پھینک دیا، ریسکیو آپریشن جاری
میرپور آزادکشمیر کے علاقے منگلا لہڑی کے قریب ایک افسوسناک واقعہ پیش آیا، جہاں مبینہ طور پر ایک شخص نے اپنے تین بچوں کو نہر میں پھینک دیا ۔ واقعہ رات تقریباً 9 بجے پیش آیا۔
ذرائع کے مطابق سنگدل شخص کی شناخت ذیشان فاروق، ساکن منگلا کینٹ ڈھوک صوبیدار، ضلع جہلم کے طور پر ہوئی ہے، جبکہ بچوں میں 8 سالہ فجر ذیشان، 5 سالہ عمر ذیشان اور 3 سالہ نور فاطمہ شامل ہیں۔
واقعہ کی اطلاع ملتے ہی ریسکیو ٹیمیں موقع پر پہنچ گئیں اور نہر میں باپ اور بچوں کی تلاش کے لیے ریسکیو آپریشن شروع کر دیا گیا۔ ایس ایس پی میرپور خرم اقبال بھی موقع پر پہنچ گئے اور ریسکیو آپریشن کی نگرانی کر رہے ہیں۔
پاوندہ بوٹنگ کلب کے رضاکار بھی ریسکیو ٹیموں کے ہمراہ تلاش کے آپریشن میں حصہ لے رہے ہیں۔ آخری اطلاعات تک باپ اور بچوں کی تلاش کا عمل جاری تھا۔

Address

Mirpur
10250

Telephone

03009545772

Website

Alerts

Be the first to know and let us send you an email when Rattvi News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category