12/06/2026
سعودی عرب کے مدینہ ریجن کے المہد گورنریٹ میں آثارِ قدیمہ کے سروے کے دوران 1774 اہم تاریخی دریافتیں سامنے آئی ہیں۔ سعودی ہیریٹیج کمیشن کے مطابق سروے میں 156 نئے آثارِ قدیمہ کے مقامات کی نشاندہی کی گئی۔ دریافت ہونے والی اشیا میں 461 اسلامی کتبے، 34 ثمودی کتبے اور 1259 چٹانی نقوش شامل ہیں۔ اس کے علاوہ پتھر سے بنے 11 ڈھانچے، 3 تاریخی محلات، 2 قدیم قافلہ راستے اور 4 کنویں بھی دریافت ہوئے ہیں۔ نمایاں دریافتوں میں خلیفہ دوم حضرت عمر فاروقؓ کے نام سے منسوب ایک نادر کتبہ بھی شامل ہے۔ ماہرین کے مطابق یہ دریافتیں خطے کی تاریخی، ثقافتی اور اسلامی اہمیت کو مزید اجاگر کرتی ہیں۔ سعودی ہیریٹیج کمیشن کا کہنا ہے کہ وژن 2030 کے تحت مملکت کے ثقافتی ورثے کے تحفظ اور دستاویز بندی کا عمل جاری رکھا جائے گا۔
