News27

News27 News27 Azad Kashmir and Mirpur are the voice of the oppressed. Contact us for coverage of all kinds. [email protected]
03009530424

آزاد جموں و کشمیر میں عام انتخابات کا شیڈول جاری، پولنگ 27 جولائی کو ہوگی آزاد جموں و کشمیر الیکشن کمیشن نے عام انتخابات...
05/06/2026

آزاد جموں و کشمیر میں عام انتخابات کا شیڈول جاری، پولنگ 27 جولائی کو ہوگی
آزاد جموں و کشمیر الیکشن کمیشن نے عام انتخابات کے انعقاد کے لیے باضابطہ انتخابی شیڈول جاری کر دیا ہے، جس کے تحت ریاست بھر میں پولنگ 27 جولائی 2026 کو ہوگی۔
الیکشن کمیشن کے جاری کردہ نوٹیفکیشن کے مطابق امیدواروں سے کاغذات نامزدگی وصول کرنے کا عمل 9 جون سے شروع ہو کر 19 جون تک جاری رہے گا۔ امیدوار 19 جون کو شام 4 بجے تک اپنے کاغذات نامزدگی جمع کرا سکیں گے۔
کاغذات نامزدگی کی جانچ پڑتال 20 جون کو کی جائے گی، جس کا آغاز صبح 8 بجے ہوگا، جبکہ درست کاغذات نامزدگی رکھنے والے امیدواروں کی ابتدائی فہرست بھی اسی روز جاری کی جائے گی۔
مسترد ہونے والے کاغذات نامزدگی کے خلاف اپیلیں 21 جون سے 24 جون تک دائر کی جا سکیں گی، تاہم اپیلیں دوپہر 2 بجے سے پہلے جمع کرانا لازمی ہوگا۔ ان اپیلوں کی سماعت 26 اور 27 جون کو ہوگی، جس کا وقت صبح 9 بجے سے شام 4 بجے تک مقرر کیا گیا ہے۔
اپیلوں پر فیصلے 28 اور 29 جون کو سنائے جائیں گے، جبکہ امیدواروں کو اپنے کاغذات نامزدگی واپس لینے کے لیے 30 جون کی تاریخ مقرر کی گئی ہے۔ اس روز بھی دستبرداری کے لیے دوپہر 2 بجے تک کا وقت دیا گیا ہے۔
امیدواروں کی حتمی فہرست یکم جولائی کو جاری کی جائے گی، جبکہ انتخابی نشانات کی الاٹمنٹ 2 جولائی کو عمل میں لائی جائے گی۔ اسی روز حتمی امیدواروں کی فہرست بمعہ انتخابی نشانات بھی جاری کر دی جائے گی۔
الیکشن کمیشن کے مطابق آزاد کشمیر میں پولنگ 27 جولائی کو صبح 8 بجے سے شام 5 بجے تک بغیر کسی وقفے کے جاری رہے گی۔
نوٹیفکیشن کے مطابق انتخابی شیڈول فوری طور پر نافذ العمل ہو چکا ہے، اور تمام متعلقہ اداروں کو انتخابات کے انعقاد کے لیے ضروری انتظامات مکمل کرنے کی ہدایات جاری کر دی گئی ہیں۔

04/06/2026

ڈپٹی ڈائریکٹر محکمہ اطلاعات ملک محمد جاوید کی باوقار ریٹائرمنٹ کے موقع پر کشمیر پریس کلب میرپور میں الوداعی تقریب۔۔۔

01/06/2026

آزاد کشمیر جنرل الیکشن تیاریاں۔۔!
آزادجموں وکشمیر الیکشن کمیشن کے ممبر سید نظیر الحسن گیلانی کا آمدہ عام انتخابات بارے خصوصی پیغام۔۔
چار لاکھ پندرہ ہزار سات سو دس ووٹرز کا اضافہ
2021کے الیکشن میں آزاد کشمیر کے 33 الیکشن میں کل ووٹرز کی تعداد 28 لاکھ پندرہ ہزار چار سو نوے تھے جبکہ 2022 کے بلدیاتی انتخابات میں یہ تعداد 29 لاکھ پچاس ہزار ایک سو انتیس ہو گئی جبکہ اب موجودہ جنرل الیکشن 2026 میں ووٹرز کی تعداد33 لاکھ پینسٹھ ہزار انتالیس ووٹ ہو گئے ہیں کل اضافہ چار لاکھ پندرہ ہزار سات سو دس ووٹوں کا ہوا ہے

30/05/2026

مظفرآباد: 9 جون کی پہیہ جام اور شٹر ڈاؤن ہڑتال کی کال برقرار، ایکشن کمیٹی کا دوٹوک مؤقف
مظفرآباد: جوائنٹ عوامی ایکشن کمیٹی نے 9 جون کو اعلان کردہ ریاست گیر پہیہ جام اور شٹر ڈاؤن ہڑتال کی کال برقرار رکھنے کا فیصلہ کرتے ہوئے احتجاج ملتوی کرنے سے صاف انکار کر دیا ہے۔ حکومت کی جانب سے مذاکرات کے دوران ہڑتال مؤخر کرنے کی درخواست کو مسترد کرتے ہوئے ایکشن کمیٹی نے اپنے مؤقف پر ڈٹے رہنے کا اعلان کیا ہے۔
تفصیلات کے مطابق مظفرآباد میں جاری مذاکراتی عمل کے دوران حکومتی وفد نے ایکشن کمیٹی سے اپیل کی کہ وہ 9 جون کے احتجاج کو مؤخر کرے تاکہ معاملات کو افہام و تفہیم سے حل کیا جا سکے، تاہم جوائنٹ عوامی ایکشن کمیٹی نے اس مطالبے کو تسلیم کرنے سے انکار کر دیا۔
جوائنٹ عوامی ایکشن کمیٹی کے ممبر شوکت نواز میر نے مذاکراتی اعلامیہ جاری کرتے ہوئے واضح کیا کہ مطالبات کی منظوری تک عوامی جدوجہد جاری رہے گی اور 9 جون کی ہڑتال اپنی جگہ برقرار ہے۔ انہوں نے کہا کہ حکومت کی سنجیدہ کوششوں کا خیرمقدم کیا جاتا ہے، مگر جب تک عوامی مطالبات پورے نہیں ہوتے احتجاج کا سلسلہ جاری رہے گا۔
شوکت نواز میر نے ریاست بھر کے شہریوں اور بالخصوص اوورسیز کشمیریوں سے اپیل کی کہ وہ 9 جون کے احتجاج میں بھرپور شرکت کے لیے اپنی تیاریاں تیز کریں۔ ان کا کہنا تھا کہ یہ جدوجہد عوام کے حقوق کے حصول کے لیے ہے اور اس میں ہر طبقے کو اپنا کردار ادا کرنا ہوگا۔
اعلامیہ کے مطابق اگرچہ حکومت اور ایکشن کمیٹی کے درمیان مذاکراتی عمل جاری ہے، تاہم فی الحال 9 جون کو ہونے والی پہیہ جام اور شٹر ڈاؤن ہڑتال کی کال واپس نہیں لی گئی۔ ایکشن کمیٹی کا کہنا ہے کہ آئندہ پیش رفت کی صورت میں مزید اعلان کیا جائے گا۔
واضح رہے کہ 9 جون کو ہونے والی مجوزہ ہڑتال کو ریاست بھر میں ایک بڑی عوامی تحریک کے طور پر دیکھا جا رہا ہے، جس کے پیش نظر مختلف علاقوں میں تیاریاں بھی تیز کر دی گئی ہیں۔

30/05/2026

مظفرآباد: وفاقی وزیر برائے امور کشمیر و گلگت بلتستان رانا ثناء اللہ نے کہا ہے کہ آزاد جموں و کشمیر حکومت جلد آل پارٹیز کانفرنس (APC) کا انعقاد کرے گی جس میں موجودہ سیاسی صورتحال اور عوامی مطالبات پر تفصیلی غور کیا جائے گا۔
مظفرآباد میں میڈیا سے گفتگو کرتے ہوئے رانا ثناء اللہ نے واضح کیا کہ حکومت اور جوائنٹ عوامی ایکشن کمیٹی کے درمیان ہونے والے مذاکرات ناکام نہیں ہوئے بلکہ بات چیت کا سلسلہ جاری ہے۔ انہوں نے بتایا کہ فریقین کے درمیان آئندہ مذاکراتی نشست 6 یا 7 جون کو دوبارہ منعقد ہوگی، جس میں اہم امور کو حتمی شکل دی جائے گی۔
انہوں نے مزید کہا کہ مجوزہ آل پارٹیز کانفرنس میں ایکشن کمیٹی اور وفاقی نمائندوں کی جانب سے پیش کی گئی تجاویز کو زیر بحث لایا جائے گا اور ان پر تفصیلی غور و خوض کے بعد قابل عمل حل نکالنے کی کوشش کی جائے گی تاکہ عوامی مسائل کا پائیدار حل ممکن بنایا جا سکے۔
رانا ثناء اللہ کا کہنا تھا کہ آزاد کشمیر میں آئین و قانون کی بالادستی کو یقینی بنایا جائے گا اور تمام انتخابات آئین کے مطابق مقررہ وقت پر ہی منعقد ہوں گے۔ انہوں نے اس عزم کا اعادہ کیا کہ جمہوری عمل کو ہر صورت برقرار رکھا جائے گا اور کسی بھی غیر آئینی اقدام کی اجازت نہیں دی جائے گی۔
انہوں نے امید ظاہر کی کہ تمام سیاسی قوتیں اور اسٹیک ہولڈرز قومی مفاد میں یکجا ہو کر مسائل کے حل کیلئے مثبت کردار ادا کریں گے، تاکہ خطے میں استحکام اور عوام کو ریلیف فراہم کیا جا سکے۔

مظفرآباد: جوائنٹ عوامی ایکشن کمیٹی اور وفاقی مذاکراتی کمیٹی کے درمیان اہم مذاکرات جاریمظفرآباد میں جوائنٹ عوامی ایکشن کم...
30/05/2026

مظفرآباد: جوائنٹ عوامی ایکشن کمیٹی اور وفاقی مذاکراتی کمیٹی کے درمیان اہم مذاکرات جاری
مظفرآباد میں جوائنٹ عوامی ایکشن کمیٹی اور وفاقی مذاکراتی کمیٹی کے درمیان اہم اور فیصلہ کن نوعیت کے مذاکرات کا باقاعدہ آغاز ہو گیا ہے۔ یہ مذاکرات ایسے وقت میں ہو رہے ہیں جب عوامی مطالبات، سابقہ معاہدوں پر عملدرآمد اور سیاسی صورتحال خاصی حساس مرحلے میں داخل ہو چکی ہے۔
ذرائع کے مطابق مذاکراتی نشست میں وفاقی حکومت کی نمائندگی وفاقی وزراء رانا ثناء اللہ، ڈاکٹر طارق فضل چوہدری، سابق وزیراعظم چوہدری پرویز اشرف اور قمر زمان کائرہ کر رہے ہیں، جبکہ جوائنٹ عوامی ایکشن کمیٹی کی جانب سے راجہ امجد حسین ایڈووکیٹ، شولت نواز میر اور دیگر اہم رہنما شریک ہیں۔ ایکشن کمیٹی کی کور کمیٹی کے 16 ارکان میٹنگ روم کے باہر موجود ہیں اور صورتحال پر گہری نظر رکھے ہوئے ہیں۔
مذاکرات کا مرکزی ایجنڈا عوامی مطالبات اور سابقہ معاہدے پر مکمل عملدرآمد کو قرار دیا گیا ہے۔ جوائنٹ عوامی ایکشن کمیٹی نے واضح مؤقف اختیار کیا ہے کہ معاہدے کے تمام نکات پر بلا تاخیر عملدرآمد یقینی بنایا جائے، بصورت دیگر عوامی ردعمل سامنے آ سکتا ہے۔ کمیٹی نے 31 مئی کی ڈیڈ لائن برقرار رکھتے ہوئے حکومت سے فوری عملی اقدامات کا مطالبہ دہرایا ہے۔
ذرائع کے مطابق مذاکرات میں مہاجرین نشستوں کے خاتمے کا مطالبہ بھی زیر غور آیا ہے، جس پر فریقین کے درمیان تفصیلی تبادلہ خیال جاری ہے۔ ایکشن کمیٹی کے رہنماؤں کا کہنا ہے کہ عوام سے کیے گئے وعدوں کی تکمیل ہی مذاکرات کی کامیابی کی ضمانت ہے اور اس حوالے سے کسی قسم کی تاخیر قابل قبول نہیں ہوگی۔
سیاسی و عوامی حلقے ان مذاکرات کو انتہائی اہمیت دے رہے ہیں اور ان کے نتائج پر گہری نظر رکھی جا رہی ہے۔ مبصرین کے مطابق اگر دونوں فریقین کے درمیان اتفاق رائے قائم ہو جاتا ہے تو خطے میں سیاسی استحکام کی راہ ہموار ہو سکتی ہے، بصورت دیگر حالات میں کشیدگی کا خدشہ موجود ہے۔
ذرائع کا کہنا ہے کہ مذاکراتی عمل تفصیل کے ساتھ جاری ہے اور کسی بھی وقت اہم فیصلوں یا مشترکہ اعلامیے کا امکان ظاہر کیا جا رہا ہے، جو آئندہ کی سیاسی سمت کا تعین کرے گا۔

مختلف علاقوں میں موسلا دھار بارش نے موسم کو خوشگوار بنا دیا 🌧️✨میرپور اور گردونواح میں تیز بارش کے باعث گرمی کا زور ٹوٹ ...
30/05/2026

مختلف علاقوں میں موسلا دھار بارش نے موسم کو خوشگوار بنا دیا 🌧️✨
میرپور اور گردونواح میں تیز بارش کے باعث گرمی کا زور ٹوٹ گیا، جس سے شہریوں نے سکھ کا سانس لیا۔ منگلا، چیچیاں، جاتلاں، اسلام گڑھ اور ڈڈیال سمیت کئی علاقوں میں بارش اور ٹھنڈی ہواؤں نے موسم کا نقشہ ہی بدل کر رکھ دیا۔
شدید گرمی سے پریشان عوام کے چہروں پر خوشی لوٹ آئی، اور ہر طرف بارش کی بوندوں نے راحت اور تازگی کا پیغام دیا 💙

14/05/2026

آزاد جموں و کشمیر کے ضلع میرپور کے سیکٹر بی فور میں قائم دینی و تعلیمی ادارہ دارالعلوم صدیقہ گزشتہ نصف صدی سے دین اسلام کی خدمت میں مصروفِ عمل ہے اور علاقے میں علمی و تربیتی مرکز کی حیثیت اختیار کر چکا ہے۔
ادارے نے اپنے قیام سے لے کر اب تک ہزاروں طلبہ کو حفظِ قرآن کی دولت سے مالا مال کیا ہے، جبکہ یہاں سے فارغ التحصیل ہونے والے طلبہ ملک کے مختلف دینی و تعلیمی اداروں میں خدمات سرانجام دے رہے ہیں اور دین کی اشاعت میں اہم کردار ادا کر رہے ہیں۔

12/05/2026

ذرا نم ہو تو یہ مٹی بڑی زرخیز ہے ساقی ،سننے اور بولنے کی نعمت سے محروم کائس کے پانچ بچوں نے نیشنل سپیشل اولمپکس کے لیے کوالیفائی کر لیا ، چودہ سے سترہ مئی تک اسلام آباد میں منعقدہ ان ایونٹس میں شرکت کرینگے ! ڈائریکٹر کائس ڈاکٹر امجد انصاری نے کشمیر پریس کلب میں ان بچوں کے ہمراہ وزٹ کیا اور اس موقع پر گفتگو کرتے ہوئے انھوں نے کہا کہ نیشنل سپیشل اولمپکس کے مقابلہ جات چودہ سے سترہ مئی تک اسلام آباد میں منعقد ہونگے جس میں کائس کے پانچ ہونہار بچے بھی سلیکٹ ہوئے ہیں جن میں فیضان دو سو میٹر ریس اور لانگ جمپ ،شیراز ریلے ریس ،سو میٹر ریس ،اور لانگ جمپ میں شرکت کریگا جبکہ ادارہ کی طالبہ ایمان بشارت پاور لفٹنگ،مبین دو سو میٹر ریس جبکہ ریحان سائیکلنگ کے مقابلہ جات میں حصہ لے گا انھوں نے بتایا کہ یہاں سہولت نہ ہونے کی وجہ سے ان بچوں کو کھاریاں میں ٹریننگ کروائی گئی ہے جبکہ ان اولمپکس مقابلہ جات میں چاروں صوبوں ،گلگت بلتستان اور اسلام آباد سے چار ہزار کے قریب اتھلیٹکس شرکت کرینگے ان بچوں کی شمولیت نہ صرف میرپور بلکہ پورے آزاد کشمیر کے لیے اعزاز ہے انھوں نے کہا کہ سپیشل بچے بے پناہ صلاحیتوں کے حامل ہیں مگر سہولیات نہ ہونے کی وجہ سے وہ محروم رہ جاتے ہیں ہم کوشش کررہے ہیں کہ ان بچوں کی صلاحیتوں کو نکھارا جاے اس سے قبل بھی ہمارے ادارے کے بچے متعدد مقابلوں میں شاندار کامیابی حاصل کر چکے ہیں

05/05/2026

وزیراعظم آزاد کشمیر کا دورہ میرپور جیالے مایوس۔۔۔سابق وزیراعظم کو بھی نو لفٹ۔۔مختلف پروجیکٹس کا افتتاح۔۔آنے والے وقت میں کیا ہونے جا رہا ہے۔۔۔تفصیلی تجزیہ۔۔

Address

Mirpur
10250

Telephone

+923009530424

Website

Alerts

Be the first to know and let us send you an email when News27 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News27:

Shortcuts

Share

Category