Aawami jaddojahad Pakistan

30/05/2026

10/05/2026

*پریس ریلیز*
*جنرل سیکرٹری عوامی جدوجہد پارٹی پاکستان*

حکومت کی جانب سے پیٹرولیم مصنوعات کی قیمتوں میں حالیہ اضافہ عوام پر ایک اور ناقابلِ برداشت بوجھ ڈالنے کے مترادف ہے۔ پہلے ہی مہنگائی، بے روزگاری اور بجلی و گیس کے بڑھتے ہوئے بلوں نے عام آدمی کی زندگی اجیرن بنا رکھی ہے، ایسے میں پیٹرول کی قیمتوں میں اضافہ ہر طبقے خصوصاً مزدور، کسان، سرکاری و نجی ملازمین اور دیہاڑی دار طبقے کے لیے شدید مشکلات کا باعث بنے گا۔

پیٹرولیم مصنوعات کی قیمتوں میں اضافے کا براہِ راست اثر اشیائے خوردونوش، ٹرانسپورٹ کرایوں اور روزمرہ استعمال کی دیگر بنیادی ضروریات پر پڑتا ہے، جس سے مہنگائی کی ایک نئی لہر جنم لیتی ہے۔ موجودہ حالات میں عوام پہلے ہی معاشی دباؤ کا شکار ہیں اور مزید بوجھ کسی صورت قابلِ قبول نہیں۔

*عوامی جدوجہد پارٹی پاکستان* حکومت سے پرزور مطالبہ کرتی ہے کہ پیٹرولیم مصنوعات کی قیمتوں میں فوری کمی کی جائے تاکہ عوام کو کچھ ریلیف مل سکے۔ حکومت کو چاہیے کہ عوام دشمن پالیسیوں سے گریز کرتے ہوئے ایسے عملی اقدامات کرے جن سے عام شہری کی مشکلات میں کمی آئے اور معیشت میں استحکام پیدا ہو۔

اگر حکومت نے فوری طور پر قیمتوں میں کمی نہ کی تو عوامی جدوجہد پارٹی پاکستان ملک بھر میں احتجاجی لائحہ عمل اختیار کرنے پر مجبور ہوگی۔

*جاری کردہ:*
جنرل سیکرٹری
*عوامی جدوجہد پارٹی پاکستان*