باب خویشگی نیوز

30/08/2025

✨ ہردلعزیز اسفندیار خان کھیلوں کے فروغ میں پیش پیش ✨

نوشہرہ: نوجوانوں میں کھیلوں کی ترویج و ترقی کے لیے ہمیشہ سرگرم رہنے والے اسفندیار خان مقامی کرکٹ میچ کے مہمانِ خصوصی بنے۔

اس موقع پر نوجوانوں نے ان کا شاندار استقبال کیا۔ اسفندیار خان نے کھلاڑیوں کے حوصلے بڑھاتے ہوئے کہا کہ:

> "کھیل نوجوانوں کو مثبت سوچ، محنت، برداشت اور ٹیم ورک کا جذبہ سکھاتے ہیں۔ ہماری نئی نسل میدانوں میں آئے، کیونکہ صحت مند نوجوان ہی ایک صحت مند معاشرے کی ضمانت ہیں۔"

انہوں نے مزید کہا کہ وہ ہمیشہ نوجوانوں کے ساتھ کھڑے ہیں اور کرکٹ سمیت ہر کھیل کی حوصلہ افزائی کرتے رہیں گے۔ ان کے اس عزم کو دیکھ کر نوجوانوں اور کھلاڑیوں میں خوشی اور جوش و خروش دیکھنے کو ملا۔

30/08/2025

29/08/2025

📢 " آج ہونے والے اجلاس کے دوران ناظم انعام خٹک کا گھروں اور دکانوں پر ٹیکس وصولی کے فیصلے کو ماننے سے صاف انکار
مزید تفصیلات اس ویڈیو میں

29/08/2025

ثانوی و اعلیٰ ثانوی تعلیمی بورڈ مردان کے انٹرمیڈیٹ کے سالانہ اول امتحانات 2025 کے نتائج کا اعلان 2 ستمبر 2025 کو کیا جائے گا۔

28/08/2025

📢 درس و تدریس کا شاندار موقع

دی برائٹ کالج، خویشگی بالا
ایک قابل، تجربہ کار اور اہل فزکس ٹیچر کی تلاش میں ہے تاکہ ہمارے تعلیمی عملے کا حصہ بن سکیں۔

اہلیت:

✅ ایم۔اے/ایم۔فل فزکس (زیادہ تعلیم یافتہ کو ترجیح دی جائے گی)
✅ کالج یا اسکول کی سطح پر تدریسی تجربہ
✅ عمدہ رابطے اور کلاس روم مینجمنٹ کی صلاحیت

📍 مقام:
دی برائٹ کالج، خویشگی بالا

📞 رابطہ نمبر:
+92 340 1693458 | 0316 9612497

✨ آئیں اور ہمارے مشن کا حصہ بنیں، تاکہ معیاری تعلیم کو فروغ دیا جا سکے اور طلبہ کا مستقبل روشن بنایا جا سکے۔y

28/08/2025

تلاش گمشدگی

*نام:* محمد شریم
*عمر:* 12 سال
*تاریخ:* 26 اگست (بروز منگل)
*مقام:* مدرسہ تحسین القرآن، بینک روڈ، مردان
*وقت:* رات 10 بجے کے بعد سے لاپتہ

*حلیہ:*
- آسمانی رنگ کے کپڑے
- عینک (چشمہ) لگا ہوا تھا

اگر کسی کو اس بچے کے بارے میں کوئی بھی معلومات ہو تو براہِ کرم فوری طور پر *مردان سٹی تھانے* یا درج ذیل نمبرز پر رابطہ کریں:

📞 0300-9514827
📞 0345-6560009
📞 0346-7299920

*برائے مہربانی شیئر کریں* تاکہ بچہ جلد از جلد اپنے گھر والوں کو مل جائے۔ شفیق الرحمن خاکسار حضرت ابو ایوب انصاری ماڈل ویلج چارسدہ

27/08/2025

*پی ڈی ایم اے اپڈیٹس*
*موسمی انتباہ (27 اگست،2025)*

*خیبرپختونخوا میں 28 اگست تا 2 ستمبر تک مزید مون سون بارشوں کی پیشگوئی، پی ڈی ایم اے نے ہائی الرٹ جاری کر دیا*

صوبائی ڈیزاسٹر مینجمنٹ اتھارٹی خیبرپختونخوا نے محکمہ موسمیات کی پیشگوئی کی روشنی میں 28 اگست سے 2 ستمبر تک خیبرپختونخوا کے مختلف علاقوں میں وقفے وقفے سے مزید بارشوں، آندھی، گرج چمک اور بعض مقامات پر موسلادھار بارشوں کا امکان ظاہر کرتے ہوئے متعلقہ ضلعی انتظامیہ اور اداروں کو الرٹ رہنے کی ہدایت جاری کر دی ہے۔

اس دوران تیز بارشوں کے باعث بالائی و وسطی اضلاع گلیات، مانسہرہ، کوہستان (بالائی و زیریں)، کولائی پالس، ایبٹ آباد، بونیر، باجوڑ، بٹگرام، ہنگو، تورغر، ہری پور، کرک، چترال (بالائی و زیریں)، دیر (بالائی و زیریں)، سوات، شانگلہ، خیبر، کوہاٹ، نوشہرہ، صوابی، مردان، کرم، لکی مروت، ملاکنڈ، مہمند، اورکزئی، بنوں، وزیرستان (شمالی و جنوبی) اور ٹانک میں میں مقامی نالوں، برساتی چشموں اور دریاؤں میں فلیش فلڈ (اچانک سیلاب) کا خدشہ ہے۔ پی ڈی ایم اے

پہاڑی علاقوں میں لینڈ سلائیڈنگ میں مقامی نالوں، برساتی چشموں اور دریاؤں میں فلیش فلڈ (اچانک سیلاب) کا خدشہ ہے:

صوبہ کے بالائی اضلاع میں بارشوں کے باعث لینڈ سلائیڈنگ جبکہ شہری علاقوں میں اربن فلڈنگ کا خدشہ ہے۔ پی ڈی ایم اے

مراسلے میں خبردار کیا گیا ہے کہ تیز ہواؤں اور گرج چمک کے باعث کمزور مکانات، بجلی کے کھمبے، اشتہاری بورڈز اور سولر پینلز کو نقصان پہنچ سکتا ہے۔ اس سلسلے میں تمام ضلعی انتظامیہ کو ضروری احتیاطی اقدامات، نکاسی آب کے نظام کی صفائی، اور مقامی آبادی، سیاحوں اور مسافروں کو بروقت آگاہی فراہم کرنے کی ہدایات دی گئی ہیں۔

پی ڈی ایم اے نے کاشتکاروں، مال مویشی پال حضرات اور سیاحوں کو خصوصی ہدایات جاری کرتے ہوئے کہا ہے کہ فصلوں اور جانوروں کو محفوظ مقامات پر منتقل کیا جائے اور سیاح خطرناک مقامات پر جانے سے گریز کریں۔

مزید براں، متعلقہ اداروں کو ہدایت کی گئی ہے کہ ایمرجنسی سروسز، طبی امداد، خوراک اور دیگر ضروری اشیاء کی دستیابی کو یقینی بنایا جائے، جبکہ عوام سے اپیل کی گئی ہے کہ وہ خراب موسم کے دوران غیر ضروری سفر سے اجتناب کریں۔

پی ڈی ایم اے کا ایمرجنسی اپریشن سنٹر مکمل طور پر فعال ہے عوام کسی بھی ہنگامی صورتحال یا اطلاع کے لیے پی ڈی ایم اے کی 24/7 ہیلپ لائن 1700 پر رابطہ کر سکتے ہیں۔