28/07/2026
مورو ،،
پاڪستان تحريڪ انصاف جي ڪارڪنن پاران 5 آگسٽ يومِ سياه جي حوالي سان مورو شهر ۾ آگاهي مهم ۽ ڀرپور اسٽريٽ موومينٽ.. پاڪستان تحريڪ انصاف تعلقو مورو جي سینیئر اڳواڻن ورڪرن پاران 5 آگسٽ تي چيئرمين عمران خان جي قيد جا ٽي سال مڪمل ٿيڻ جي موقعي تي "يومِ سياه" جي حوالي سان مورو شهر ۾ آگاهي مهم ۽ ڀرپور اسٽريٽ موومينٽ هلائي وئي. هي مهم تعلقو مورو جي سينيئر اڳواڻن ۽ ڪارڪنن جان محمد پڃارو، شاهد حسين مگنيجو، جنسار علي ڪلهوڙو، ممتاز علي سولنگي، ڪامريڊ ارشاد علي ڪورائي، شاهد حسين، منظور علي، سجاول خان ۽ ٻين جي اڳواڻي ۾ ڪئي وئي. اڳواڻن ورڪرن ۽ ڪارڪنن مورو شهر جي مين روڊ، شاهي بازار، سونارا مارڪيٽ، موبائل مارڪيٽ، کيڙا بازار ۽ دادو چوڪ سميت مختلف علائقن ۾ عوام سان ملاقاتون ڪيون، پمفليٽ ورهايا ۽ 5 آگسٽ جي اهميت بابت آگاهي ڏني. ان موقعي تي ڪارڪنن عمران خان سان يڪجهتي جو اظهار ڪندي سندس آزادي لاءِ نعرا هنيا ۽ عوام کي پرامن سياسي جدوجهد ۾ ڀرپور حصو وٺڻ جي اپيل ڪئي. اڳواڻن پنهنجي خطاب ۾ چيو ته پاڪستان تحريڪ انصاف جا ڪارڪن هر حال ۾ پرامن ۽ جمهوري جدوجهد جاري رکندا ۽ عوام جي حقن جي تحفظ لاءِ پنهنجو ڪردار ادا ڪندا. ان موقعي تي وڏي انگ ۾ ڪارڪنن شرڪت ڪئي ۽ مورو شهر ۾ مختلف هنڌن تي آگاهي مهم کي ڪامياب بڻايو..
