https://www.facebook.com/100838822717361/

DRH News, News, Multan (2026)

23/03/2026

دنیاپور روڈ اسلام پور کا رہائشی محمد عطاء اللہ عرف تایا بقضائے الٰہی وفات پا گیا

جس کی نمازِ جنازہ آج بروز 23 مارچ 2026 دن 11 بجے اسلام پور والے قبرستان میں ادا کی جائے گی۔
DRH News

15/03/2026

دنیاپور روڈ چاون والا پر بدترین ٹریفک جام، شہریوں کو شدید مشکلات کا سامنا

دنیاپور روڈ کے علاقے چاون والا میں شدید ٹریفک جام روز کا معمول بن گیا ہے۔ سڑک کے دونوں اطراف ایک فیکٹری کے سامنے درجنوں ٹرک کھڑے ہونے کے باعث آمدورفت بری طرح متاثر ہو رہی ہے

مقامی ذرائع کے مطابق اڈا چاون والا کے قریب روڈ کے دونوں جانب تقریباً 50 ٹرک کھڑے ہیں جنہوں نے سڑک کو انتہائی تنگ کر دیا ہے۔ صورتحال اس قدر خراب ہو چکی ہے کہ ایک گاڑی کا گزرنا بھی مشکل ہو گیا ہے

ٹریفک کی روانی متاثر ہونے کے باعث گاڑیوں کی تقریباً 2 کلومیٹر تک لمبی قطاریں لگ جاتی ہیں جس سے شہریوں کو شدید پریشانی اور اذیت کا سامنا کرنا پڑ رہا ہے

عوامی حلقوں نے ملتان ٹریفک پولیس سے مطالبہ کیا ہے کہ روڈ کے دونوں اطراف کھڑے ٹرکوں کے خلاف فوری کارروائی کی جائے اور ٹریفک کی روانی کو بحال کیا جائے تاکہ شہریوں کو اس مستقل مسئلے سے نجات مل سکے۔
وقار ہنجرا
ڈی آر ایچ نیوز
DRH News

07/03/2026

دنیاپور روڈ و گردونواح میں عید سے قبل ڈکیتی کی وارداتوں میں اضافہ، شہری لٹنے لگے دنیاپور روڈ مخدوم رشید 11 ایم آر کے رہائشی محمد صغیر ولد شاکر کو مسلح ڈاکوؤں نے لوٹ لیا

متاثرہ شہری کے مطابق وہ 6 مارچ کو رات تقریباً 8:30 بجے ملتان سے اپنے گھر جا رہے تھے کہ دنیاپور روڈ پر جمعہ والا موٹروے پل کے نیچے موٹر سائیکل پر سوار 2مسلح ڈاکوؤں نے انہیں روک لیا

ڈاکو اسلحے کے زور پر ان سے ایک موبائل فون مالیت تقریباً 18 ہزار روپے، 3500 روپے نقدی، بٹوا جس میں اے ٹی ایم کارڈ، شناختی کارڈ، اور دیگر اصل، دستاویزات، موجود تھے چھین کر فرار ہو گئے۔

جبکہ پولیس کی جانب سے مؤثر کارروائی نظر نہیں آ رہی ڈکیتی کی وارداتیں بڑھ رہی ہیں جبکہ شہریوں نے تھانہ مخدوم رشید، تھانہ ممتاز آباد پولیس سے فوری نوٹس لینے اور گشت بڑھانے کا مطالبہ کیا ہے۔
رپورٹ: وقار ہنجرا
ڈی آر ایچ نیوز
DRH News

06/03/2026

یہ دنیاپور روڈ کا تعمیراتی کام کب تک مکمل ہوگا؟ اور کتنا وقت چاہیے اسے 🤔

06/03/2026

دنیاپور روڈ 18پل اور حسیناچوک کے درمیان ایل پی جی گیس سلنڈروں سے بھرا شہزور ڈالا حادثے کا شکار ہو کر الٹ گیا

ریسکیو ذرائع کے مطابق حادثہ تیز رفتاری یا گاڑی کا توازن بگڑنے کے باعث پیش آیا

خوش قسمتی سے ڈالا میں موجود گیس سلنڈر خالی تھے جس کے باعث کوئی بڑا نقصان نہیں ہوا

حادثے کے نتیجے میں ڈرائیور معمولی زخمی ہوا جسے ابتدائی طبی امداد فراہم کر دی گئی

واقعہ کے بعد کچھ دیر کے لیے ٹریفک متاثر رہی جبکہ مقامی افراد نے گاڑی کو سیدھا کرنے میں مدد کی۔
رپورٹ: وقار ہنجرا
ڈی آر ایچ نیوز
DRH News

05/03/2026

دنیاپور روڈ پر پیرا فورس کی جانب سے تجاوزات کے خلاف کارروائیاں جاری، 18 پل اور حسینا چوک دکانوں کے باہر سامان رکھنے پر 1ہزار سے 5ہزار تک کہ جرمانے

دکانداروں کے مطابق مختلف دکانوں کو 1ہزار سے 5ہزار روپے تک جرمانے کیے گئے حسیناچوک پوسٹ میں دی گئی تصویر ایک فرنیچر کی دکان کے مالک کو دکان کے باہر سامان رکھنے پر 1ہزار روپے جرمانہ کیا گیا

اسی طرح دنیاپور روڈ 18 پل پر واقع ظفر چکن شاپ کو مرغی کے گوشت کی قیمت سرکاری ریٹ سے 20 روپے زیادہ لینے پر 1ہزار روپے جرمانہ عائد کیا گیا

دکانداروں کا کہنا ہے کہ دکان کے باہر سامان رکھنے پر کارروائی کی جا رہی ہے، اس میں کریانہ اسٹور، فرنیچر کی دکانیں، سبزی فروش، موٹر سائیکل مستری اور دیگر دکاندار شامل ہیں جو دکان کے باہر سامان رکھ کر کاروبار کرتے ہیں یا سایہ کے لیے شیڈ وغیرہ بناتے ہیں

مقامی افراد کے مطابق پیرا فورس کی کارروائیوں سے دنیاپور روڈ پر تجاوزات کے خاتمے میں واضح بہتری آئی ہے اور سڑک پر آمدورفت بھی بہتر ہو رہی ہے۔
رپورٹ: وقار ہنجرا
ڈی آر ایچ نیوز
Fecbook Page
https://www.facebook.com/share/1AeLsNTCSS/
DRH News

28/02/2026

دنیاپور روڈ ٹھٹہ صادق آباد علی شیروان میں توڑی کے تنازع پر مزدور محمد ساجد جاں بحق

دنیاپور روڈ ٹھٹہ صادق آباد کے نواحی گاؤں علی شیروان میں توڑی اٹھانے کے معمولی تنازع نے افسوسناک رخ اختیار کر لیا، جہاں مبینہ تشدد کے نتیجے میں ایک مزدور جان کی بازی ہار گیا

علی شیروان میں ذرائع کے مطابق زمیندار کے ملازمین کے درمیان توڑی اٹھانے پر تلخ کلامی ہوئی جو دیکھتے ہی دیکھتے ہاتھا پائی میں بدل گئی

عینی شاہدین کا کہنا ہے کہ نمبردار جلال عرف جلالو کے بیٹوں نے مبینہ طور پر ملازم ساجد آرائیں کو تشدد کا نشانہ بنایا، جس کے باعث وہ موقع پر ہی دم توڑ گیا

واقعے کی اطلاع ملتے ہی ڈی ایس پی جہانیاں اور ایس ایچ او ٹھٹہ صادق آباد پولیس نفری کے ہمراہ جائے وقوعہ پر پہنچ گئے۔ پولیس نے شواہد اکٹھے کر کے لاش کو قانونی کارروائی کے بعد ٹی ایچ کیو ہسپتال جہانیاں منتقل کر دیا

پولیس ذرائع کے مطابق واقعے میں ملوث دو افراد کو “وکیل” اور “کوکل” کے نام سے پکارا جاتا ہے, حکام کا کہنا ہے کہ مختلف پہلوؤں سے تحقیقات جاری ہیں، ملزمان کی گرفتاری کے لیے چھاپے مارے جا رہے ہیں جبکہ مقدمہ درج کرنے کی تیاری مکمل کی جا رہی ہے

مزید پیش رفت پوسٹ مارٹم رپورٹ اور ابتدائی تفتیش کے بعد سامنے آئے گی
رپورٹ: وقار ہنجرا
ڈی آر ایچ نیوز
WhatsApp Chenal
https://whatsapp.com/channel/0029Vb5zvRW30LKKuIi4G925
DRH News

26/02/2026

ملتان تحصیل جلال پور پیر والا میں 25فروری شام 4بجے بکری چور پکڑا گیا ہے۔
DRH News

22/02/2026

انسپکٹر سلیم وٹو متعینہ سٹی ٹریفک پولیس ملتان کا جعلی فیس بک اکاؤنٹ بنا کر پیسے مانگے جا رہے ہیں سب دوست محتاط رہیں

سلیم وٹو اس وقت عمرہ کی ادائیگی کے لیئے سعودی عرب میں موجود ہیں۔
منجانب: میاں محمد سلیم وٹو
DRH News

20/02/2026

دنیاپور روڈ بستی ملوک چک 14 فیض چار قتل کیس کا فیصلہ، ملزم کو 5 بار سزائے موت

ایڈیشنل ڈسٹرکٹ اینڈ سیشن جج نے چک نمبر 14 فیض میں پیش آنے والے چار قتل کے مقدمے کا فیصلہ سناتے ہوئے ملزم محمد وارث کو پانچ بار سزائے موت اور 20 لاکھ روپے جرمانہ ادا کرنے کا حکم دے دیا

8 اگست 2025 کو پیش آنے والے افسوسناک واقعے میں ملزم نے اپنی بیٹی اور تین کمسن نواسے نواسی کو قتل کیا تھا

مقدمے کی سماعت مکمل ہونے کے بعد جرم ثابت ہونے پر ملزم کو تعزیراتِ پاکستان کی دفعہ 302 کے تحت سزا سنائی گئی

ڈی ایس پی مہر ناصر کے مطابق عدالت میں شواہد اور گواہوں کی بنیاد پر جرم ثابت ہوا جس کے بعد فیصلہ سنایا گیا

ورثا نے عدالتی فیصلے پر اطمینان کا اظہار کرتے ہوئے اسے انصاف کی فراہمی قرار دیا، جبکہ شہری حلقوں نے فیصلے کو عبرتناک مثال قرار دیا ہے۔
رپورٹ: وقار ہنجرا
ڈی آر ایچ نیوز
DRH News

20/02/2026

جند دن پہلے دنیاپور روڈ حسیناچوک پر ٹریفک حادثے میں 12ایم آر کا رہائشی محمد سمیع شدید زخمی ہوا تھا جس کیلئے B, Negative Blood کی نشر ہسپتال میں اشد ضرورت ہے جو بھائی بلڈ دینا چاہتا ہو رابطہ کریں۔شکریہ
Muhammad Tariq
03051787707

17/02/2026

دنیاپور روڈ و گردونواح کے علاقوں مخدوم رشید، بستی ملوک میں جعلی سروے کے نام پر شہریوں سے رقم بٹورنے والے ملزم کو گرفتار کرلیا گیا

پولیس تھانہ بستی ملوک اور سپیشل برانچ (انٹیلیجنس ونگ) نے مشترکہ کارروائی کرتے ہوئے موضع ترگڑھ اور گرد و نواح میں کارروائی کی۔ ملزم خواتین کو سرکاری سروے کا جھانسہ دے کر فی خاتون 500 روپے وصول کرتا تھا اور ان کے انگوٹھے ایک مشکوک ڈیوائس پر لگواتا تھا

ملزم کو رنگے ہاتھوں گرفتار کر لیا گیا، گرفتار ملزم کی شناخت محمد یسین آرائیں کے نام سے ہوئی ہے۔ تاہم جس ڈیوائس پر انگوٹھے لگوائے جا رہے تھے، وہ ایک نامعلوم ساتھی لے کر فرار ہو گیا جس کی تلاش جاری ہے

پولیس کے مطابق اس گھناؤنے فعل میں ملوث دیگر افراد کو بھی جلد قانون کی گرفت میں لایا جائے گا جبکہ متاثرہ خواتین سے مزید معلومات حاصل کی جا رہی ہیں

متاثرہ شہری فوری طور پر تھانہ بستی ملوک میں درخواست جمع کروائیں تاکہ مزید قانونی کارروائی عمل میں لائی جا سکے۔
رپورٹ: وقار ہنجرا
ڈی آر ایچ نیوز
DRH News

DRH News

23/03/2026

15/03/2026

07/03/2026

06/03/2026

06/03/2026

05/03/2026

28/02/2026

26/02/2026

22/02/2026

20/02/2026

20/02/2026

17/02/2026

Address

Telephone

Website

Alerts

Contact The Business

Shortcuts

Share

Category