18/10/2025
وزیراعظم محمد شہباز شریف کی خانیوال آمد، مسلم لیگ ن کے سینئر رکن مرحوم عرفان احمد خان ڈاھا کی تعزیت کیلئے ان کے بیٹے رکن قومی اسمبلی محمد خان ڈاھا سے ملاقات
وزیراعظم کا مسلم لیگ ن کے جنوبی پنجاب سے اہم رکن، سینئر رہنما و سابق صوبائی وزیر حاجی عرفان احمد خان ڈاھا کے انتقال پر گہرے رنج و غم کا اظہار.
وزیر اعظم کی مرحوم کے ایصالِ ثواب کے لیے فاتحہ خوانی اور لواحقین سے تعزیت.
مرحوم حاجی عرفان احمد خان ڈاھا مسلم لیگ ن کے سرگرم کارکن اور ہمارے دیرینہ ساتھی تھے. وزیرِ اعظم
مرحوم حاجی عرفان احمد خان ڈاھا کی پارٹی کیلئے خدمات کبھی فراموش نہیں کی جاسکتیں. وزیرِ اعظم
مرحوم حاجی عرفان احمد خان ڈاھا نے جنوبی پنجاب میں مسلم لیگ کی قیادت کو ہر مشکل وقت میں مضبوطی سے تھامے رکھا. وزیرِ اعظم
مسلم لیگ ن مرحوم حاجی عرفان خان ڈاھا کی عوام اور پارٹی کیلئے خدمات کو قدر کی نگاہ سے دیکھتی ہے. وزیرِ اعظم
مرحوم حاجی عرفان احمد خان ڈاھا کی سیاسی و سماجی خدمات کو اور عوامی خدمت کے مشن کو ہمیشہ یاد رکھا جائے گا۔
وزیرِ اعظم
وفاقی وزیر اطلاعات و نشریات عطاء اللہ تارڑ، وزیر مملکت عبد الرحمٰن کانجو، معاون خصوصی طلحہ برکی اور اسپیکر پنجاب اسمبلی ملک احمد خان بھی وزیر اعظم کے ہمراہ تھے۔
ملاقات میں ارکان قومی و صوبائی اسمبلی اور پارٹی ٹکٹ ہولڈرز بھی شریک تھے. ارکان صوبائی اسمبلی رانا محمد سلیم حنیف، چوہدری عثمان فضل، سابق رکن قومی اسمبلی ملک عبدالغفار ڈوگر، ذوہیب احمد خان ڈاھا، میاں اکرام اللہ کمبوہ نائب صدر مسلم لیگ ن خانیوال بھی موجود تھے.
