Multan Rang HD

29/08/2025

ستلج نے تباہی مچا دی
بورےوالا کے درجنوں گاوں سیلاب کی زد میں، قبرستان ڈوب گیا

28/08/2025

بورےوالا: کمشنر ملتان رانا عامر کریم خاں کا خیمہ بستی کا دورہ، متاثرین سے ملاقات

بورےوالا (شاہد ڈوگر) کمشنر ملتان ڈویژن رانا عامر کریم خاں نے ڈپٹی کمشنر وہاڑی عمرانہ توقیر اور ڈی پی او وہاڑی محمد افضل کے ہمراہ ساہوکا میں قائم خیمہ بستی کا دورہ کیا۔ اس موقع پر اسسٹنٹ کمشنر بورےوالا کیپٹن (ر) ارشد اقبال نے صورتحال اور ریلیف سرگرمیوں پر بریفنگ دی۔

کمشنر رانا عامر کریم خاں نے متاثرین سے ملاقات کرتے ہوئے کہا کہ وزیراعلیٰ پنجاب مریم نواز کی خصوصی ہدایت ہے کہ سیلاب متاثرین کو تنہا نہیں چھوڑا جائے گا اور نقصانات کا ازالہ یقینی بنایا جائے گا۔ متاثرین نے خیمہ بستی میں فراہم سہولیات پر اطمینان کا اظہار کرتے ہوئے اسسٹنٹ کمشنر کے اقدامات کو سراہا۔

28/08/2025

پنجاب میں 80 ڈیموں کے حوالے سے کام شروع کردیا ہے ، عظمیٰ بخاری

28/08/2025

بورے والا: وزیر اعلیٰ پنجاب کی اسسٹنٹ کمشنر کو سیلاب متاثرین کے ساتھ کھانے پر شاباش

بورے والا (شاہد ڈوگر) اسسٹنٹ کمشنر بورے والا ارشد اقبال نے ریلیف کیمپوں میں سیلاب متاثرہ افراد کے ساتھ بیٹھ کر کھانا کھایا اور ان کے مسائل سنے۔ اس موقع پر متاثرین نے انتظامیہ کے اس اقدام کو سراہا۔ وزیر اعلیٰ پنجاب مریم نواز شریف نے اسسٹنٹ کمشنر بورے والا کے جذبہ ہمدردی اور عوام دوستی پر انہیں شاباش دی۔

28/08/2025

وہاڑی: خاتون نے وکیل کے ساتھ مل کر دکاندار کو بلیک میل کرکے لاکھوں روپے ہتھیا لیے

وہاڑی تھانہ ٹھینگی کی حدود میں خاتون نے وکیل کے ساتھ ملی بھگت کرکے دکاندار کو بلیک میل کرتے ہوئے لاکھوں روپے نقدی وصول کرلی۔ ایف آئی آر کے مطابق مدعی محمد اشرف، سکنہ 97 ڈبلیو بی، نے پولیس کو بتایا کہ وہ دکان پر کپڑے کا کاروبار کرتا ہے۔ اسی دوران مقامی خاتون بشریٰ بی بی اسے کپڑے سلوانے کے بہانے اپنے گھر بلاتی رہی اور وہاں ویڈیو بنا کر اسے بلیک میل کرنا شروع کردیا۔

مدعی کے مطابق ملزمہ نے وکیل نوید ظفر کے ساتھ مل کر مختلف حیلے بہانوں سے اس سے مجموعی طور پر 15 لاکھ روپے ہتھیا لیے۔ 18 اگست کو دوبارہ ملزمہ نے مزید رقم کا مطالبہ کیا اور نہ دینے کی صورت میں ویڈیو وائرل کرنے کی دھمکیاں دیں۔ اس دوران مدعی نے 19 اگست کو دو لاکھ روپے اور بعد ازاں مزید 15 لاکھ روپے کا چیک دیا۔

پولیس کے مطابق ملزمان کے خلاف مقدمہ درج کرلیا گیا ہے جس میں تعزیرات پاکستان کی دفعات 388، 292، 506 اور 34 شامل کی گئی ہیں۔ پولیس نے مزید تفتیش شروع کردی ہے۔

28/08/2025

بورے والا: بی ایس چار سالہ پروگرام کا پہلا کانووکیشن، طلبہ و طالبات میں ڈگریاں تقسیم

بورے والا (شاہد ڈوگر) گورنمنٹ پوسٹ گریجوایٹ کالج بورے والا میں بی ایس چار سالہ پروگرام (سیشن 2020-24) کا پہلا کانووکیشن منعقد ہوا جس میں فارغ التحصیل طلبہ و طالبات کو ڈگریاں دی گئیں۔ اس موقع پر خوشی و مسرت کا اظہار کرتے ہوئے کامیاب طلبہ کو مبارکباد پیش کی گئی۔

تقریب کے مہمانِ خصوصی چوہدری فقیر احمد آرائیں اور مہمانِ اعزاز چوہدری نذیر احمد آرائیں تھے، جبکہ ڈپٹی ڈائریکٹر کالجز وہاڑی پروفیسر ملک مشتاق ریحان نے بھی شرکت کی۔ اس موقع پر خطاب کرتے ہوئے مقررین نے اعلیٰ تعلیم کی اہمیت اجاگر کی اور طلبہ پر زور دیا کہ وہ اپنی صلاحیتوں کو ملک و قوم کی خدمت کے لیے بروئے کار لائیں۔

تقریب میں خصوصی مہمانوں میں مسز اسما حسین (پرنسپل گورنمنٹ گرلز کالج وومن بورے والا)، مسز فرزانہ رحمان (چیئرپرسن شعبہ تعلیم) اور پروفیسر محمد مقصود عالم (پرنسپل گورنمنٹ ایسوسی ایٹ کالج اوکانوالہ بنگلہ) شامل تھے۔

کالج کے قابلِ فخر اساتذہ کی خدمات کو بھی سراہا گیا جن میں پروفیسر محمد مظہر حسین (صدر شعبہ انگلش)، پروفیسر فضل رحیم خان (صدر شعبہ اکنامکس)، پروفیسر ڈاکٹر رانا محمد ندیم (صدر شعبہ کمپیوٹر سائنس)، پروفیسر غلام قادر حسن (صدر شعبہ کیمسٹری) اور پروفیسر عبدالجبار شاہد ( صدر شعبہ اردو) شامل ہیں۔

28/08/2025

وزیراعلیٰ مریم نواز کا دریائے راوی پر شاہدرہ کے مقام کا دورہ

لاہور: وزیراعلیٰ پنجاب مریم نواز نے دریائے راوی پر شاہدرہ کے مقام کا دورہ کیا جہاں بڑا سیلابی ریلا گزر رہا ہے۔ وزیراعلیٰ نے موقع پر سیلابی صورتحال کا جائزہ لیتے ہوئے ریسکیو اور انتظامیہ کو فوری اقدامات یقینی بنانے کی ہدایت دی۔مریم نواز نے کہا کہ حکومت پنجاب سیلاب متاثرین کے ساتھ کھڑی ہے، نقصان خواہ کتنا ہی بڑا کیوں نہ ہو، صوبائی حکومت متاثرین کی بھرپور مدد کرے گی۔

28/08/2025

ضلع وہاڑی کی دلچسپ تاریخ
وہاڑی وہاڑ سے ماخوز ہے جس کا معنی ہے نشیب یعنی نیچاٸی والا علاقہ۔دیگر روایت بھی تحریر میں زکر ہے۔1976 تک ضلع ملتان کا حصہ رہنے والا یہ شہر جسے یکم جولاٸی 1976 کو ضلع کا درجہ ملا تین تحصلیوں پہ مشتعمل ہے ۔وہاڑی ۔بورے والا۔اور میلسی۔ پورے پاکستان میں کپاس کی پیداوار کا سب سے بڑا ضلع ۔ اس ضلع کی شرقاً غرباً لمبائی 80 میل اور شمالاً جنوباً چوڑائی 40 میل بنتی ہے۔ اس کا کل رقبہ1854 مربع میل ہے۔وہاڑی کی آباد کاری باقاعدہ منصوبہ بندی کے تحت 1924ء میں شروع ہوئی۔ اس سال پاک پتن نہر نکلی اور1925ء میں نیلی بار پراجیکٹ شروع ہوا۔ مسٹر ایف ڈبلیو ویس پہلے منتظم آبادی مقرر ہوئے۔ 1925ء میں یہاں لائن بچھائی گئی اور 1928ء میں منڈی کی تعمیر ہوئی۔ 1927ء میں اسے نوٹیفائیڈ ایریا قرا ر دیا گیا، پھر ٹاٶن کمیٹی اور 1966ء میں میونسپل کمیٹی کا درجہ حاصل ہوگیا۔ ایک سکیم کے تحت علاقے میں دس ایکڑ فی خاندان رقبہ الاٹ کرنے کا سلسلہ بھی شروع ہوا۔ ضلع وہاڑی کے چکوک ڈبلیو بی 19، 21 اور 23، 1926ء میں اسی سکیم کے تحت وجودمیں آئے تھے۔ 1942ء میں وہاڑی کو تحصیل میلسی سے الگ کر کے تحصیل کا درجہ دے دیا گیا۔ 1963ء میں وہاڑی کو سب ڈویژن اور 1976ء میں اسے ضلع بنا دیا گیا۔ میلسی، بوریوالہ اور وہاڑی کو اس کی تحصیلیں اور ٹبہ سلطان اور گگو منڈی کو سب تحصیلوں کا درجہ دیا گیا۔دو دریاوں کو ملانے والی ٹھنگی نہر بھی وہاڑی سے گزرتی ہے۔میجر طفیل شہید نشان حیدر
۔قومی ہاکی ٹیم کے سابق کپتان وسیم احمد اور سلیم شیروانی.بوریوالا ایکسپریس وقار یونس.اولمپین وقاص اکبر کا تعلق اس ضلع سے ہے۔
ضلع وہاڑی میں 3 تحصیلیں
1-بوریوالہ۔2وہاڑی۔3میلسی ہیں
ضلع وہاڑی قومی اسمبلی کے4
اورصوبائی اسمبلی کے8حلقوں پرمشتمل ہے
مردم شماری2017کے مطابق ضلع وہاڑی کی کل آبادی
2897446ہے
پنجاب کا شہر ضلع وہاڑی، ملتان سے 100 کلومیٹر جبکہ بوریوالہ سے 35 کلومیٹر کے فاصلے پر واقع ہے۔
یہ ضلع دو دریائوں ستلج اور بیاس کے درمیان ہے۔ اس ضلع کا علاقہ دریائے ستلج کے بائیں اور بیاس کے دائیں کنارے کے درمیان ہے۔ ماضی میں یہ علاقہ نیلی بار کہلاتا تھا۔ اس ضلع کی حدود جنوب کی طرف ضلع بہاولپور اور بہاولنگر سے ملتی ہیں۔ دریائے ستلج ان دونوں اضلاع کی حد بندی کا کام دیتا ہے۔ مشرقی طرف ضلع ساہیوال، شمال میں ضلع خانیوال اور شمال مغرب کی طرف ضلع ملتان واقع ہے۔ ماضی قدیم میں ہزاروں سال قبل اس علاقے میں چھوٹی چھوٹی آبادیاں پھیلی ہوئی تھیں اور یہ علاقہ تاریخی ریاست ملوہہ کا حصہ تھا۔ اس زمانے میں دریائے بیاس اپنی پوری روانی کے ساتھ موجود تھا۔ وسطی پنجاب یعنی ہڑپہ اور ملتان کے علاقے میں دریائے بیاس سوکھ گیا۔ اس آبی گزرگاہ کو آج کل مقامی زبان میں سکھ ویاہ (خشک بیاس) کہتے ہیں۔ 1985ء سے اس میں تھوڑا تھوڑا پانی رواں رہتا ہے۔ دریائے بیاس کے خشک ہوجانے کے بعد ان کے کنارے بسی بسائی آبادیوں پر موت نے اپنے سائے پھیلا دئیے۔ مختصر مختصر سی بستیاں، بڑے بڑے قصبے اور گاٶں کھنڈروں میں بدل گئے اور وہ بلند ٹیلوں کی صورت میں باقی رہ گئے۔ نہروں کے نکلنے کے بعد لوگوں نے ہزاروں برس پرانی بستیوں کے آثار کے حامل ٹیلوں کو ہموار کر کے زراعت شروع کردی۔ اس طرح قدیم مقامات کا نام و نشان ہی مٹ گیا۔ ضلع وہاڑی کے علاقے میں دریائے بیاس کو مقامی لوگ ’’ویاہ‘‘ کہتے تھے۔ جب بیاس سوکھ گیا تو برساتی نالے کی گزرگاہ کے لئے بھی لفظ ’’ویاہ‘‘ استعمال ہونے لگا۔ چنانچہ برساتی نالوں کے قریب کئی بستیاں آباد ہوئیں جو لفظ ’’ویاہ‘‘ کی نسبت سے ’’ویاڑی‘‘ اور پھر ہوتے ہوتے ’’وہاڑی‘‘ کہلائیں۔ اس نام کی کئی بستیاں مثلاً وہاڑی سموراں والی اور وہاڑی ملکاں والی وغیرہ آباد ہیں۔ وہاڑی دراصل ’’وہاڑی لُڑکیاں والی‘‘ نام کی ایک معمولی بستی تھی جو اس جگہ آباد تھی جہاں آج کل اسلامیہ ہائی سکول واقع ہے۔ رفتہ رفتہ اس لمبے نام کا تخصیصی حصہ ’’لُڑکیاں والی‘‘ کثرت استعمال سے حذف ہوگیا، اور اس پرانی بستی کی جگہ جواب ناپید ہو چکی ہے۔ نئی بستی صرف ’’وہاڑی‘‘ کہلائی۔ ابتداً وہاڑی میلسی میں شامل تھا ۔ ماضی میں اس علاقہ کا تعلق ملتان سے رہا ہے۔ ضلع وہاڑی کی تحصیل بوریوالہ کا قصبہ کھتوال سب سے پُرانا اور تاریخی اہمیت کا حامل ہے۔ یہ علاقہ محمد بن قاسم کی ملتان فتح کے وقت راجہ داہر کی حکومت کے ماتحت تھا۔ اکبر بادشاہ کے زمانے میں 1591ء میں ملتان، کہروڑپکا، جھنگ، شورکوٹ اور وہاڑی کے علاقوں کو ملا کر دوبارہ صوبہ ملتان بنایا گیا۔ اسی عرصے میں بادشاہ اکبر کے دور میں ستلج دریاکے دائیں کنارے کے علاقے پر جوئیہ خاندان کا راج تھا اور ان کا مرکز فتح پور (تحصیل میلسی) تھا۔ یہ قصبہ آج بھی قائم ہے۔ 1748ء سے 1752ء کے دوران معین الدین اور میر منو لاہور اور ملتان کے صوبیدار مقرر ہوئے۔ میر منو نے ایک چھوٹے درجہ کے ہندو کوڑا مل کو علاقہ ملتان کا کچھ مشرقی حصہ، جس میں وہاڑی، میلسی، کہروڑپکا، بہاول گڑھ اور دُنیا پور کے علاقے شامل تھے، پٹے پردے دیا۔ کوڑا مل نے بغاوت کی اور مہاراجہ کا لقب اختیار کر کے ان علاقوں پر حکمرانی کرنے لگا۔ بعد ازاں اس کے خلاف کارروائی کرکے اس کا اقتدار ختم کر دیا گیا۔ اٹھارہویں صدی عیسوی کے آخری ربع میں نواب مظفر خاں والیِ ملتان کی حکومت قائم ہوئی
سورس: ڈسکور وہاڑی

24/08/2025

پاکستان اور بنگلادیش میں 6 معاہدوں پر دستخط

پاکستان اور بنگلادیش نے دو طرفہ تعلقات مضبوط بنانے کا فیصلہ کر لیا ہے۔ وزیرِ خارجہ اسحاق ڈار کے دورے کے دوران پاکستان اور بنگلادیش کے درمیان 6 معاہدوں اور مفاہمت کی یادداشتوں پر دستخط ہوئے ہیں۔پاکستان نے بنگلادیش کے طلبہ کے لیے ’پاکستان بنگلادیش نالج کوریڈور‘ کا آغاز کر دیا، جس کے تحت 5 سال میں 500 اسکالر شپس دینے کا اعلان کیا گیا. اسکالر شپس میں ایک چوتھائی طب کے شعبے میں دیے جائیں گے جبکہ پاکستان 100 بنگلادیشی سول سرونٹس کو تربیت بھی دے گا۔ اسحاق ڈار کے دورے کے دوران سفارت کاروں اور حکومتی اہلکاروں کے لیے ویزا ختم کرنے کا معاہدہ ہوا، دونوں ممالک نے ویزا سہولتوں میں آسانی اور فضائی رابطے بحال کرنے پر اطمینان کا اظہار کیا۔ دونوں ممالک کی فارن سروس اکیڈمیز اور تھنک ٹینکس کے درمیان بھی تعاون کے معاہدے ہوئے، دونوں ممالک کے درمیان تجارت، سرمایہ کاری، تعلیم، توانائی اور صحت سمیت کئی شعبوں پر بات ہوئی

24/08/2025

خیرپور ٹامیوالی:سی سی ڈی پولیس اور اشتہاریوں کے درمیان مبینہ مقابلہ ہوا۔ فائرنگ کے تبادلے میں 19 سنگین مقدمات میں مطلوب اشتہاری ریاض دادپوترہ زخمی حالت میں گرفتار کر لیا گیا جبکہ اس کا ایک ساتھی رات کی تاریکی کا فائدہ اٹھا کر فرار ہوگیا۔ پولیس کے مطابق گرفتار ملزم کے قبضے سے اسلحہ، موبائل فون اور نقدی برآمد ہوئی ہے۔ ریاض دادپوترہ کے خلاف بہاولپور، یزمان اور حاصل پور کے مختلف تھانوں میں درجنوں مقدمات درج ہیں۔ مزید تحقیقات جاری ہیں۔

14/08/2025

13/08/2025

پاکستان یوگا کونسل کے زیرِ اہتمام جشنِ آزادی اور معرکۂ حقِ پاکستان کی مناسبت سے رنگا رنگ تقریب سجائی گئی۔
Covered By
ملک شاہ میر
Multan Rang
Multan Rang HD
,