آفیشلJamia Qadria Hanfia Multan

04/09/2026

04/09/2026

گزشتہ روز 20 ربیع الاول 1448ھ، بروز جمعرات بمطابق 4 ستمبر 2026ء جامعہ قادریہ حنفیہ ملتان کے ماہانہ روحانی و اصلاحی اجتماع میں حضرت مولانا معاویہ اعظم صاحب کی جامعہ آمد ہوئی، جہاں آپ نے شرکائے اجتماع سے عقیدۂ توحید کے موضوع پر ایمان افروز اور فکر انگیز خطاب فرمایا۔
اسی روحانی و اصلاحی اجتماع اور حضرت کے خطاب کے چند مناظر پیشِ خدمت ہیں۔

03/09/2026

گزشتہ سے پیوستہ کل بروز 18 ربیع الاول 1448ھ، مطابق یکم ستمبر 2026ء بروز منگل بعد نمازِ عصر، مہتمم جامعہ، جانشینِ حضرت شیخ
و شیخ الحدیث جامعہ، ناظمِ تعلیمات حضرت مولانا عبداللہ صاحب زید مجدہ، اور استاد الحدیث حضرت مولانا انجم نوید صاحب زید مجدہ کی معیت میں ملک کی قدیم و عظیم دینی درسگاہ جامعہ خیر المدارس ملتان میں تشریف آوری ہوئی۔

اس موقع پر قائدِ وفاق آیتُ الخیر حضرت مولانا قاری حنیف جالندھری صاحب سے ملاقات کی سعادت حاصل ہوئی، جس میں باہمی دلچسپی کے دینی، و تعلیمی امور پر مفید اور خوشگوار تبادلۂ خیال ہوا۔ نیز جامعہ کے نائب مہتمم حضرت کے صاحبزادے مولانا احمد حنیف جالندھری صاحب سے بھی ملاقات و گفتگو

02/09/2026

*(( افسوسناک خبر ))*

تبلیغی مرکز رائے ونڈ کے ذمہ دار،قطب الاقطاب شیخ الحدیث حضرت مولانا محمد زکریا کاندھلوی رح کے خلیفۂ اجل،عظیم مبلغ و داعی حضرت مولانا احسان الحق رحمہ اللہ طویل علالت کے بعد انتقال کرگئے۔
انا للہ وانا الیہ راجعون
گزشتہ چند سالوں سے صاحب فراش تھے، ساری زندگی عالمی دعوت وتبلیغ میں بڑی دینی خدمات انجام دیں،تبلیغی مرکز رائے ونڈ میں مدرسہ کے نگران بھی رہے۔۔۔۔دینی و علمی نسبت سے آپ ہزاروں فیض یافتہ تلامذہ کے مربی و استاد تھے۔اکناف عالم کے ملکوں ملکوں کے اسفار میں لاکھوں افراد نے آپ سے استفادہ کیا۔۔۔۔۔آپ کے والد بابو بشیر رحمہ اللہ بھی رائے ونڈ مرکز کے قدیم ذمہ داروں میں تھے۔۔۔
احباب و اہل مدارس سے خصوصی دعاؤں کے اہتمام کی اپیل ہے۔۔۔۔
اللہ تعالیٰ آپ کے درجات عالیہ خوب سے خوب بلند فرمائیں۔ آخرت کی منزلیں آسان فرمائیں۔لواحقین،اعزہ، تلامذہ،متعلقین و متوسلین کو صبر جمیل عطا فرمائیں۔آمین
نمازِ جنازہ کل ظہر کے وقت مرکز میں ادا کی جائے گی۔

02/09/2026

🇵🇰 دفاعِ پاکستان | جامعہ قادریہ حنفیہ ملتان 🇵🇰

🌹 نعتِ رسولِ مقبول ﷺ
پاک فطرت محمد کی، پاکیزہ ماں سیدہ آمنہ

🎙️ با آواز: حافظ معمر فاروق
📚 درجہ: اولیٰ

01/09/2026

آپ ﷺ کی رفعت و عظمت

17 ربیع الاول 1448ھ، بمطابق 31 اگست 2026ء، بروز پیر، بعد نمازِ مغرب حسبِ سابق جامعہ میں اصلاحی مجلس منعقد ہوئی۔ مجلس کا آغاز تلاوتِ کلامِ الٰہی سے ہوا، جس کے بعد جامعہ کے ایک طالب علم نے بارگاہِ رسالت مآب ﷺ میں نعتِ رسولِ مقبول ﷺ پیش کی۔

بعد ازاں مہتممِ جامعہ، جانشینِ حضرت شیخ رحمۃ اللہ علیہ نے ’’آپ ﷺ کی رفعت و عظمت‘‘ کے عنوان پر نہایت مؤثر، علمی اور اصلاحی بیان فرمایا۔

حضرت نے بیان فرمایا کہ نبی کریم ﷺ کی رفعت و عظمت اس قدر بلند ہے کہ اللہ تبارک و تعالیٰ کے بعد کائنات میں سب سے بڑھ کر عظمت و رفعت ہمارے آقا و نامدار، حبیبِ کبریا حضرت محمد مصطفیٰ ﷺ کی ہے۔ آپ ﷺ کی اس عظمت و رفعت کا صحیح عقیدہ اور یقین ایمان کا بنیادی تقاضا ہے۔

اللہ تبارک و تعالیٰ نے اپنی مخلوقات کے مختلف درجات مقرر فرمائے ہیں۔ جمادات، نباتات اور حیوانات کے بعد جن، انس اور ملائکہ جیسی مخلوقات ہیں اور ان میں بھی مراتب اور درجات ہیں۔ انسان کو اشرف المخلوقات کا شرف حاصل ہے، پھر انسانوں میں انبیاءِ کرام علیہم السلام سب سے اعلیٰ مرتبے پر فائز ہیں، اور انبیاءِ کرام علیہم السلام میں سب کے سردار، امام الانبیاء اور حبیبِ کبریا حضرت محمد مصطفیٰ ﷺ سب سے اعلیٰ و ارفع مقام پر فائز ہیں۔

حضرت نے قرآنِ کریم کی روشنی میں رسول اللہ ﷺ کی رفعت و عظمت کے متعدد مظاہر بیان فرمائے، جن میں تین اہم مظاہر بطورِ خاص ذکر فرمائے۔

پہلا مظہر: انبیاءِ کرام علیہم السلام سے میثاق

سورۂ آلِ عمران میں اللہ تعالیٰ نے انبیاءِ کرام علیہم السلام سے لیے گئے میثاق کا ذکر فرمایا ہے کہ اللہ تعالیٰ نے جب انہیں کتاب و حکمت عطا فرمائی تو ان سے عہد لیا کہ اگر ان کے بعد ایسا رسول تشریف لائے جو ان کی کتابوں کی تصدیق کرے تو وہ اس پر ایمان لائیں گے اور اس کی مدد کریں گے۔

یہ آیت اس بات کی عظمت پر دلالت کرتی ہے کہ رسول اللہ ﷺ کی تشریف آوری محض ایک عام نبی کی آمد نہیں، بلکہ آپ ﷺ کی ذاتِ اقدس کا مقام ایسا بلند ہے کہ سابقہ انبیاءِ کرام علیہم السلام سے بھی آپ ﷺ پر ایمان لانے اور آپ ﷺ کی نصرت کرنے کا عہد لیا گیا۔

دوسرا مظہر: حضرت عیسیٰ علیہ السلام کا نزول اور شریعتِ محمدی ﷺ کی اتباع

حضرت عیسیٰ علیہ السلام اللہ تعالیٰ کے جلیل القدر نبی ہیں، جنہیں اللہ تعالیٰ نے آسمانوں پر اٹھا لیا اور قیامت کی نشانیوں میں سے ایک نشانی ان کا دوبارہ دنیا میں تشریف لانا ہے۔ لیکن جب حضرت عیسیٰ علیہ السلام نزول فرمائیں گے تو وہ اپنی سابقہ شریعت کو نافذ نہیں کریں گے، بلکہ رسول اللہ ﷺ کی شریعت کے مطابق عمل کریں گے اور اسی شریعت کو نافذ فرمائیں گے۔

یہ رسول اللہ ﷺ کی عظمت و رفعت کا نہایت واضح مظہر ہے کہ اللہ تعالیٰ کے بنائے ہوئے ایک عظیم نبی، حضرت عیسیٰ علیہ السلام، جو خود صاحبِ شریعت نبی تھے، رسول اللہ ﷺ کی بعثت کے بعد آپ ﷺ کی شریعت کے تابع ہوں گے۔

حضرت نے اس سے ایک نہایت اہم اور بنیادی نکتہ واضح فرمایا کہ جب اللہ تعالیٰ کے مقرر کردہ اور حقیقی نبی حضرت عیسیٰ علیہ السلام بھی رسول اللہ ﷺ کی شریعت کے سامنے اپنی سابقہ شریعت کو جاری نہیں رکھیں گے، بلکہ آپ ﷺ کی شریعت کے تابع ہو کر زندگی گزاریں گے، تو جو لوگ رسول اللہ ﷺ کے بعد جھوٹا دعویٰٔ نبوت لے کر کھڑے ہوئے، اللہ تعالیٰ ان کی خود ساختہ نبوت اور شریعت کو کیسے تسلیم یا جاری رہنے دے سکتے ہیں؟

لہٰذا رسول اللہ ﷺ کے بعد کسی شخص کا نبوت کا دعویٰ کرنا ہی باطل ہے، اور اس دعوے کی بنیاد پر کوئی نئی شریعت یا نیا دینی نظام قائم ہونا قطعاً ممکن نہیں۔ حضرت عیسیٰ علیہ السلام کا نزول بھی اس حقیقت کو واضح کرتا ہے کہ قیامت تک شریعتِ محمدی ﷺ ہی اللہ تعالیٰ کی آخری اور نافذ شریعت ہے۔

تیسرا مظہر: معراج اور امامتِ انبیاء

رسول اللہ ﷺ جب واقعۂ معراج میں تشریف لے گئے تو آپ ﷺ نے انبیاءِ کرام علیہم السلام کی امامت فرمائی۔ اس طرح آپ ﷺ کو امام الانبیاء ہونے کا شرف حاصل ہوا۔ یہ بھی آپ ﷺ کی رفعت و عظمت اور تمام انبیاءِ کرام علیہم السلام پر آپ ﷺ کی فضیلت کا ایک عظیم مظہر ہے۔

قیامت کے دن بھی آپ ﷺ کی عظمت سب کے سامنے ظاہر ہوگی۔ جب میدانِ حشر میں نفسا نفسی کا عالم ہوگا اور لوگ شفاعت کے لیے مختلف انبیاءِ کرام علیہم السلام کی خدمت میں حاضر ہوں گے، تو ہر نبی ’’نفسی نفسی‘‘ فرمائے گا۔ بالآخر لوگ رسول اللہ ﷺ کی خدمت میں حاضر ہوں گے، اور آپ ﷺ شفاعتِ کبریٰ فرمائیں گے، جس کے بعد حساب و کتاب کا آغاز ہوگا۔ صحیح مسلم کی حدیثِ شفاعت میں اس کی تفصیل بیان ہوئی ہے۔

یہ تمام مظاہر اس حقیقت کو واضح کرتے ہیں کہ رسول اللہ ﷺ کی رفعت و عظمت تمام مخلوقات میں بے مثال ہے۔ آپ ﷺ اللہ تعالیٰ کے آخری نبی، تمام انبیاءِ کرام علیہم السلام کے امام، تمام انسانوں کے سردار اور قیامت کے دن مقامِ محمود کے حامل ہوں گے۔

آخر میں حضرت نے فرمایا کہ جب اللہ تبارک و تعالیٰ نے ہمیں ایسے عظیم المرتبت نبی ﷺ کی امت بنایا ہے تو یہ ہمارے لیے بہت بڑی سعادت اور عظیم نعمت ہے، لیکن اس نعمت کا تقاضا بھی بہت بڑا ہے۔ ہمیں صرف آپ ﷺ کی عظمت کے تذکرے تک محدود نہیں رہنا چاہیے، بلکہ یہ دیکھنا چاہیے کہ آپ ﷺ جس مقصد کے لیے دنیا میں تشریف لائے، ہم اس مقصد کے لیے کیا کر رہے ہیں۔

رسول اللہ ﷺ لوگوں کو اللہ تعالیٰ کی توحید، عبادت، اطاعت، پاکیزہ اخلاق اور آخرت کی کامیابی کی طرف بلانے کے لیے تشریف لائے۔ لہٰذا آپ ﷺ کی امت ہونے کا حقیقی تقاضا یہ ہے کہ ہم آپ ﷺ کی تعلیمات کو اپنی زندگی میں اختیار کریں، آپ ﷺ کی سنت کو اپنائیں، آپ ﷺ کے لائے ہوئے دین کو سمجھیں، اس پر خود عمل کریں اور دوسروں تک بھی پہنچانے کی کوشش کریں۔

آپ ﷺ کی عظمت کا اعتراف عقیدہ ہے، آپ ﷺ سے محبت ایمان کی علامت ہے، اور آپ ﷺ کی تعلیمات پر عمل اس محبت کا عملی تقاضا ہے۔ اللہ تعالیٰ ہمیں اپنے حبیبِ کریم ﷺ کی سچی محبت، کامل تعظیم اور سنتِ مبارکہ کی حقیقی اتباع نصیب فرمائے۔

بیان کے اختتام پر ذکر و مراقبہ ہوا، جس کے بعد دعا فرمائی گئی۔