Annas Wazeer Sojhal

07/08/2026

Sain Mushtaq Sabqat Saraiki poetry #سرائیکی

04/08/2026

لوکی پچھدن،

کاں کوں کافر کیوں آھدن؟

ہک معصوم پرندہ جیہڑا

مہمانیں دیاں خبراں ݙیندے

کہیں وسوں دیاں شانداں ݙیندے

کافر کیوں ھے؟

میں اے آھداں۔

کافر کہیں مذہب دا ناں نئیں

نہ اے رنگ یا ذات دا ناں ھے

نہ کہیں دی اوقات دا ناں ھے

کافر ہک کردار کوں آہدن

کیتے ہوئے نروار کوں آہدن

میں اے آہدان

بھانویں اݙدا پکھی ھووے

کہیں وستی دا ڳودا ھووے

کہیں درگاہ دا وارث ھووے

بھانویں ملک دا حاکم ھووے

جیکر کہیں مجبور دے ہتھو

کہیں مجبور دے ٻالیں دے ہتھو

رزق کھسیندے

کافر ہوندے..

اصغر گرماݨی
#سرائیکی

30/07/2026

فیصلہ آپ میݙی محبت دا کر......

Ishrat Leghari Saraiki Poetry
#سرائیکی

19/07/2026

27/06/2026

لکھت تے فوٹو گرافی Rana Awais Wazir Noon
اے ریل دیاں پٹڑیاں، جیڑھیاں سدھیاں پرے تئیں ویندیاں پیئن، ایویں لڳدے جیویں انسان دی حیاتی دا پینڈا ہوون۔ .ایں فوٹو دے وچ کِھنڈی ہوئی اے لوہے دی پٹڑی ݙسیندی پئی ہے جو سفر کݙاہیں نئیں مکدا، بس مسافر وٹیندے راہندن۔ اسمان تے کھنڈے ہوئے سوہݨے بدل ایں منظر کوں ہک عجیب جہی اداسی تے سکون بخشیندے پئن۔
سڄے پاسے کلہا کھڑا اے وݨ ایویں لڳدے، جیویں صدیاں توں چپ چاپ کہیں دا انتظار کریندا ہووے۔ اے وݨ روز کِتنی ریل گاݙیاں تے مسافراں کوں اتھوں لنگھدا ݙیکھدے، پر آپ اپݨی جاء تے کھڑا راہندے۔ اوندے تلے ٻیٹھے ہوئے لوک ݙسیندے پئے ہن جو زندگی دی بھڄ دُھر توں تھک تے انسان کوں کجھ پل دا سکون اتھائیں فطرت دے نیڑے ہی ملدے۔
حیاتی وی ایں ریل دی پٹڑی وانگوں ہے، جتھاں اساں سارے مسافر ہئیں۔ کجھ پینڈے سوکھے ہوندن تے کجھ اوکھے، پر چلدا رہوݨ ہی زندگی ہے۔ اے خاموش منظر سکھیندے جو منزل دی سِک توں زیادہ، ایں سفر کوں محسوس کرݨ تے وقت دے نال ٹرݨ ضروری ہے۔

26/06/2026

اساݙی وستی دا سب توں پراݨا تے مشہور لوہار، چاچا رمضان، جیندی ساری حیاتی ایں مٹی دی بھٹھی تے لوہے کوں موم کریندیں گزری ہے۔ اڄ جݙاں میں ٹوکے ٹھپواوݨ اوندی دکان تے ڳیم، تاں پتہ لڳا جو او نال آلی مسیت توں پاݨی بھرݨ ڳیا ہویا ہے۔ اوندی غیر موجودگی وچ، دکان اندر ہک عجیب جہی خاموشی تے سکون ہا۔ بھٹھی دے سامݨے کھڑ تے میں ایں سادگی تے محنت نال سجی دکان دی اے فوٹو بݨا گھدی، تاں جو ایں سچے ہنر کوں محفوظ کر سڳاں۔

ایں تصویر وچ سامݨے تگاری (تھال) وچ پئے اوزار، ہتھوڑے، ہک پراݨا پکھا تے مٹی دی اے بھٹھی چاچے رمضان دے ہتھاں دی مضبوطی تے رِزق حلال دی گواہی ݙیندے پئے ہن۔ اے کچیاں سلھاں دی کندھ تے پچھوں اندھاری کوٹھڑی صرف ہک دکان نئیں، بلکہ ہک جفاکش انسان دی روزانہ دی مشقت دا جیندا جاگدا ثبوت ہن۔ اے بھٹھی اڄ وی روز ٻلدی ہے، تے اے زنگ آلود سَندھ (اوزار) اڄ وی کٹھور لوہے کوں نویں شکل ݙیندن۔ ایں مشینی تے تیز ترین دور وچ، جتھاں ہر کم کیتے نویاں مشیناں آ ڳیاں ہن تے لوک سوکھے رستے ڳولیندن، اتھاں چاچے رمضان جیہے لوک اڄ وی ایں پراݨی طرز دی محنت آلی زندگی کوں ترجیح ݙیندن۔

وݙا افسوس تھیندے جو اڄ دے ایں مشینی دور وچ اے جیہے سچے، کھرے تے جفاکش کاریگر ہولے ہولے مکدے ویندن۔ نویاں مشیناں بھانویں جتنا سوکھ پیدا کر گھنن تے کم کوں جلدی مکا ݙیون، پر جیڑھی برکت ایں پراݨی طرزِ زندگی، ہتھ دی محنت تے پگھر وچ ہے، او کݙاہیں کہیں مشین وچ نئیں مل سڳدی۔ ٹوکے ٹھپواوݨ تاں ہک بہانہ ہئی، پر ایں منظر میکوں احساس ݙیوایا جو سکون تے سچی برکت اڄ وی اپݨے ہتھاں دی محنت تے پرانڑیاں روایتاں نال جڑے رہوݨ وچ ہے۔ اساݙے وسیب دے اے محنتی لوک ہی اساݙی اصل ثقافت دا مانڑ ہن۔

25/06/2026

سِتم دے راہ تے کھڑ ونڄو،
‎حسینؑ وانگوں اڑ ونڄو
‎المِ وفا دا چا کرئیں
‎جفا دے شہر وڑ ونڄو
‎زمیں تے سوجھلا کرو
‎توڑے جو آپ سر ونڄو
‎پہاڑ غم دا آ ونڄے
‎پہاڑ تے وی چڑھ ونڄو
‎توڑے طوفان وی ہووے
‎طوفان نال لڑ ونڄو

جمشید ناشاد

‎

25/06/2026

With سرائیکی پلس آفیشل – I just got recognized as one of their top fans! 🎉