Shyri by MNS

28/08/2025

‏محسنؔ غریب لوگ بھی تنکوں کے ڈھیر ہیں
ملبے میں دب گئے، کبھی پانی میں بہہ گئے

27/08/2025

ھر شخص تو ھوتا نہیں ھر بات کے قابل
ھر شخص کو ھر بات بتایا نہیں کرتے

قد آوروں کے ساتھ نہ چلنا مرے یارو
اونچے کہیں بھی خاک پہ سایہ نہیں کرتے

سچ بات کہاں بولتے ھیں لوگ یہاں پر
فوراََ کسی کی بات میں آیا نہیں کرتے

اِخلاص اور احساس کا اَفلاس ھے ھر سُو
اِس دور میں جذبات لُٹایا نہیں کرتے

یہ تختِ خُدا ھے اِسے تُم پاک ھی رکھنا
ھر شخص کو اِس دِل میں بسایا نہیں کرتے

خاموشیوں کو جو تری خاطر میں نہ لائے
اُس شخص پہ الفاظ کو ضائع نہیں کرتے

پروین شاکر

08/08/2025

30/06/2024

دل کی باتوں کو دل ربا سمجھے
جیسے لہروں کو ناخدا سمجھے

دوسروں کی سمجھ سے باہر ہے
اُس کے صدقے جو مدّعا سمجھے

غور سے اس لئے نہیں دیکھا
کیا خبر تُو اِسے برا سمجھے

تو نے مٹی ہٹائی بالوں سے
اور یہ لوگ کیا سے کیا سمجھے

تو نے غصے سے فون پھینک دیا
ہم اِسے بھی تری ادا سمجھے

کوئی کتنی بھی گفتگو کرلے
بات وہ ہے جو دوسرا سمجھے

کم نظر جانتا ہوں میں اسکو
آنکھ سے جو تمہیں چھپا سمجھے

اُس نے میری کبھی نہیں سمجھی
اب کوئی آئے تیسرا سمجھے

کس قدر حُسن فتنہ پرور ہے
حسن سمجھے ہے یا خدا سمجھے

شوق سے رنج و غم کماتا ہوں
میری محنت کو کوئی کیا سمجھے

عشق والوں کی رہ گزر نکلی
عقل والے جسے خلا سمجھے

کوئی گہرا ہی بھید ہے تحسین
تیری خاموشیاں خدا سمجھے

یونس تحسین

30/06/2024

ٹبہ ، ٹویا ۔ اک برابر
گڈیا ، بویا ۔ اک برابر

راتیں اکھ تے بدل برسے
رویا ، چویا ۔ اک برابر

قسمےسُن کے نیندر اڈ گئی
سُتا ، مویا ۔ اک برابر

ماڑے گھر نوں بوھا کادھا؟
کھلا ، ڈھویا ۔۔ اک برابر

سورج ٹُردا نال برابر
دن کیوں لگن سال برابر

وِتھ تے سجنا وِتھ ہوندی اے
بھاونویں ہووے وال برابر

اکھ دا چانن مر جاوے تے
نیلا، پیلا، لال برابر

جُلی منجی بھین نوں دے کے
ونڈ لئے ویراں مال برابر

مرشد جے نہ راضی ہووے
مجرا ، ناچ، دھمال برابر

اُتوں اُتوں پردے پاون
وچوں سب دا حال برابر

30/06/2024

دعا میں التجا نہیں، تو عرضِ حال مسترد
سرشت میں وفا نہیں، تو سَو جمال مسترد

ادب نہیں، تو سنگ و خشت ہیں تمام ڈگریاں
جو حُسنِ خلق ہی نہیں، تو سب کمال مسترد

عبث ہیں وہ ریاضتیں جو یار نہ منا سکیں
وہ ڈھول تھاپ بانسری، وہ ہر دھمال مسترد

کتابِ عشق میں یہی لکھا ہوا تھا جا بجا
بجز خیالِ یار کے، ہر اک خیال مسترد

کہو سنو ملو مگر بڑی ہی احتیاط سے
مٹھاس بھی تو زہر ہے، جو اعتدال مسترد

وہ شخص آفتاب ہے، میں اک چراغ کج ادا
سو اس حسیں کی بزم میں، میری مجال مسترد

میں معترف تو ہوں تیرا، مگر اے چاند، معذرت
کہ ذکر حُسنِ یار میں، تیری مثال مسترد

حسابِ عُمر دیکھ لو، کہ پھر پلِ صراط پر
یہ نفس کے اگر مگر، فریبِ چال مسترد

- شاعر نامعلوم

10/03/2024

زندہ ہونا تو نہیں ہجر میں زندہ ہونا
ہم اِسے کہتے ہیں ہونے کے علاوہ ہونا

کیا ضروری ہے محبت میں تماشہ ہونا
جس سے ملنا ہی نہیں اُس سے جدا کیا ہونا

تیرا سورج کے قبیلے سے تعلق تو نہیں
یہ کہاں سے تجھے آیا ہے سبھی کا ہونا

تونے آنے میں بہت دیر لگا دی ورنہ
میں نہیں چاہتا تھا ہجر میں بوڑھا ہونا

کیا تماشہ ہے کہ سب مجھ کو برا کہتے ہیں
اور سب چاہتے ہیں میری طرح کا ہونا

عباس تابش🥀

09/03/2024

یہ ستم کم تو نہیں ہے کہ ترے ہوتے ہوئے
دوستا مجھ کو لگا ہے کہ مِرا کوئی نہیں...

09/03/2024

اکتفا کر لیا بس دیکھتے رہنے پہ تجھے!
ورنہ تُو جس کا مقدر ہو وہ کیا کچھ نہ کرے!
۔۔۔۔۔۔۔۔۔۔
دوسری بار بھی پڑ جائے اگر کچھ کرنا!
آدمی پہلی محبت کے سوا کچھ نہ کرے!...

09/03/2024

چشمِ نم ,دلِ مضطرب, غمِ آرزو ,غمِ جستجو
لئے پھر رھے ھیں نگر نگر کسی مہربان کی امانتیں...

09/03/2024

میں نے اظہار کی کُنجی تو تمھیں لا دی ہے،
اب تجھے جرآتِ اظہار بھی میں لا کر دوں.؟؟

یہ محبت میں میرے دوست کہاں لکھا ہے ،
تجھ کو انکار بھی، اقرار بھی میں لا کر دوں.!