JiyaBaloch007

19/08/2026

18/08/2026

04/08/2026

پچھلے مہینے سے ہی دماغ میں ایک کے بعد ایک خیالات کی یلغار ہو رہی ہے کافی عرصے بعد کوئی بہترین سی کہانی لکھنے کا من کر رہا ہے اتنا معلوم ہے کہ اس بار کی جو کہانی ہوگی وہ True events سے inspired ہو سکتی ہے ۔
مسئلہ یہ ہے کہ ہم سے کتابی شکل میں لوگ خریدنے سے کتراتے ہیں اور " عمر کتابی" بھائی کے کتابوں کے آرڈرز دیکھ کر سمجھ نہیں آتی کہ کون سے سیارے کے لوگ ہیں جو کتابیں منگوا کر پڑھتے ہیں ایک ہم ہیں کہ ایک ناول شائع کروایا اور کونوں کھدروں سے قاری تلاش کرنا پڑا ۔
"ہمنوائے زیست " جس جس نے خریدا اور پڑھا ہم ان کے مشکور ہیں اگلی کہانی کا سوچیں گے کیسے منظر عام پر لائیں ۔

02/08/2026

ابھی ایک ڈیڑھ ماہ پہلے میری ملاقات دو مختلف نئی شادی شدہ لڑکیوں سے ہوئی ۔ دونوں کی شادی کو سمجھیے تین چار ماہ سے زیادہ وقت نہیں ہوا تھا ابھی ۔ اتفاق سے دونوں نے اپنے کمرے دکھائے تو دونوں کے کمروں میں ایک چیز common نظر آئی وہ تھے بچوں کے پوسٹر جو بعد میں معلوم ہوا کہ شادی ہوتے ہی سسرال والے خرید کر دیواروں پر چپساں کر دیتے ہیں ۔
اب سوچیے کہ ایک نیا کپل جن کو ابھی ساتھ میں زیادہ رہنے کا موقع بھی نہیں ملا وہ ایک دوسرے کو سمجھنے کے عمل سے گزر رہے ہیں کہیں لڑکا لڑکی کو سمجھنے کی کوشش کر رہا ہے کہیں لڑکی لڑکے مزاج کو ۔ کہیں لڑکا زیادہ اخراجات کو پورا کرنے کے لیے زیادہ روزگار کے اسباب پیدا کرنے اور سوچنے میں لگا ہے کہیں لڑکی سسرال، میکے اور اپنی ازدواجی زندگی میں گھن چکر بنی ہوئی ہے ۔ ان سب چیزوں کو مینیج کرتے ہوئے کہیں نہ کہیں نئے کپل کے درمیان ہلکا پھلکا لڑائی جھگڑا اور صلح. جیسی نوک جھونک چلنے کا دور ہے ۔
ایسے میں شادی سے اگلے دن ان کے کمرے میں جہاں ان کی شادی کی کوئی تصویر فریم کی ہوئی دیوار پر لگی ہوتی کی بجائے بچوں کے پوسٹر لگا دیے گئے ہیں تو ایک نیا کپل کتنا دباؤ محسوس کرے گا ۔ آخر میں ہمارے معاشرے میں کتنی ہی ایسی مثالیں موجود ہیں کہ نئے شادی شدہ جوڑے کی بانڈنگ کتنی ہی وجوہات کی بنا پر نہیں بن پاتی اور علیحدگی ہو جاتی ہے لیکن بات ختم یہاں نہیں ہوتی اسی دوران سوسائٹی کے ان دیکھے پریشر میں جو بچہ اس دنیا میں آ گیا اس کا کیا؟
ایسے بچوں کے پاس کہیں باپ ہوتا ہے تو ماں نہیں ہوتی ماں ہوتی ہے تو باپ نہیں ہوتا ۔ سوسائٹی کے ایسے کتنے ہی پریشر ہیں جو انسان جھیل رہا ہے اور سوسائٹی ہے کون؟ بنائی کس نے ہے؟ اور اکثر لوگ ناچاہتے ہوئے بھی سوسائٹی کے پریشر میں کیوں آتے ہیں؟
ہر کسی کا اپنا جواب اور اپنا جواز ہوگا جو لکھنا چاہے بسم اللہ کرے کمنٹ سیکشن میں ۔

31/07/2026

ایک دور تھا جب ہم کچھ بھی بولتے تھے یا لکھتے تھے تو موقع پر موجود نفوس تک ہی بات جاتی تھی اور ہماری تربیت پر تھو تھو ہوتی یا واہ واہ وہ وہیں تک محدود رہتی اور اگر بات پھیل بھی جاتی تو زیادہ سے زیادہ محلے تک ہی مگر اب دور بدل گیا ہے اب ہم سب "ڈیجیٹل" ہو گئے ہیں ۔ اب ہمارے منھ سے جو پھول جھڑتے ہیں وہ کیمرہ ریکارڈ کرتا ہے اور یوں وہ پھول گلوبل ولیج میں بکھر جاتے ہیں اور ہمارے ہاتھ جو سنہری اقوال کمنٹ سیکشنز یا ہماری وال پر لکھتے ہیں وہ بھی کہیں نہ کہیں باقی رہ جاتے ہیں اور ہماری تربیت پر تھو تھو یا واہ واہ پورا گلوبل ولیج کرتا ہے ۔
کچھ لوگ بھلے برے کی تمیز کیے بغیر ہی اپنی بھڑاس کہیں بھی نکال کر چلے جاتے ہیں ایسے لوگ بھی کیا کریں بھئی جہاں زور چلتا ہے چلاتے ہیں..... 😅
میں تو بس یہ کہہ رہی تھی کہ بھلا ہو Gemini کا جس نے زندگی آسان کر دی ہے ورنہ تو کسی دور میں ہم لوگو، کور فوٹو ایڈٹ کر کر کے سارا دن نکال دیتے تھے ۔

30/07/2026

بیویاں اپنے شوہروں سے اتنا ڈرتی کیوں ہیں جیسے حال ہی میں ایک ڈاکٹر صاحبہ کا تین لاکھ کا آئی فون واش روم میں گر کر خراب ہو گیا اور اسے ٹھیک کروانے کے لیے ڈاکٹر صاحبہ نے میاں کے ڈر سے بھائی سے رابطہ کیا اور فون ٹھیک کروانے کے لیے بھائی پر بھروسہ کیا ۔
یہ بہن بھائی کا رشتہ شادی سے پہلے بڑا نٹ کھٹ سا ہوتا ہے بہنیں چیختی چلاتی رہ جاتی ہیں کہ بھائی مارکیٹ جانا ہے لے جاؤ، بازار سے فلاں چیز لا دو تو مرضی سے اٹھیں گے اور بہن کی شادی ہوتے ہی پہلی پکار پر بھائی لوگ بہنوں کے لیے پہنچ جاتے ہیں یہ بعد کی بات ہے کہ جب بھائیوں کی شادیاں ہو جاتی ہیں تو وہ بدل جاتے ہیں وغیرہ وغیرہ ۔
اصل بات یہ ہے ایسے کتنے ہی کیسز ہیں کہ جن میں بیویاں شوہروں پر اعتماد کرنے سے ڈرتی ہیں چاہے شوہر کتنا ہی بے روزگار، نکما، نکھٹو کیوں نہ ہو اور بیویاں پڑھی لکھی، لائق فائق ہوں ۔
ازدواجی رشتے میں دونوں فریقین کی طرف سے ڈر نہیں اعتماد ہونا چاہیے ۔ آپ اپنے پارٹنر کے لیے سپورٹ سسٹم بن کر کھڑے ہوں ۔ ازدواجی تعلق میں ساری سروسز ایک ہی فریق نے پوری نہیں کرنی ہوتیں ۔
اب سوال یہ ہے کہ بیویاں شوہروں سے کیوں ڈرتی ہیں کیا شوہروں کے سر پر سینگ لگے ہوتے ہیں نہیں بلکہ اس لیے کہ ہمارے معاشرے میں عورت کو اتنا پریشرائز کر دیا گیا ہے کہ وہ کھل کر اپنے بنیادی حقوق بھی شوہر سے نہیں مانگ سکتی ۔ جائز اور ناجائز حقوق کی بات تو بعد میں آتی ہے ۔ اس سوال کا ایک جواب میں دے چکی باقی کے جوابات دینے کی باری آپ کی ہے.

22/07/2026

ابھی بھی بہت سے لوگ ہوں گے جو ان باتوں سے متفق نہیں ہوں گے اور ہمیں ان کی باتوں میں نہیں آنا آپ کی اپنی زندگی ہے سوچ سمجھ کر قدم اٹھائیے 😇