https://www.sarkarpublishers.com/

Sarkar Publishers, Office My School System 40 Feet Road Samija Abad, Multan (2026)

05/06/2026

Sarkar Publishers| چائے باتیں اور کتابیں| بولیاں از مہر مستان علی جاوید| بک ریویو | Roofi Sarkar

02/06/2026

الحمدللہ! سرکار پبلشرز کا نیا مطبوعہ ♥️

نام کتاب/ گیان (شعری مجموعہ)
لکھاری/ اشفاق انجم
قیمت: 1000 روپے۔ ڈسکاؤنٹ کے ساتھ 800 روپے
فری ڈیلیوری کے ساتھ

شاعری، تاریخ، فلسفہ، سائنس، مذہب، سیاست، نفسیات، ناول، طنزومزاح،۔سفرنامے،صحت،تعلیم، سوانح حیات،تہذیب و تحقیق پر مبنی کتب کا مرکز

گھر بیٹھے اپنی پسندیدہ کتب منگوانے کے لئے نیز خوبصورت معیاری اور دیدہ زیب کتب چھپوانے کے لئے ہم سے رابطہ کریں۔

برائے رابطہ: 03004228864

سرکار پبلشرز ڈبلیو بلاک مارکیٹ نیو ملتان کالونی ملتان

01/06/2026

چائے باتیں اور کتابیں| سرکار پبلشرز ملتان|Sarkar Publishers Multan|Roofi Sarkar

31/05/2026

میری رائے 😊📈

29/05/2026

بشکریہ ہم سب
حاصل زیست، ایک مطالعہ۔۔۔ اعجاز اعوان
کیا آپ جانتے ہیں کہ ہر باعزت اور پر سکون گھر کے بنانے میں مرد کی بردباری اور تحمل کے ساتھ ساتھ اس کی گھر بنیادوں میں ایک عورت کی انا کی لاش بھی دفن ہوتی ہے ہر سجے سجائے خوبصورت گھر کے درو دیوار میں ایک مرد کی محنت کی کمائی کے ساتھ ساتھ عورت کی اچھی منصوبہ بندی، سلیقے اور شب و روز کی تگ و دو شامل ہوتی ہے۔ ہر لائق فائق بچے کے پیچھے ایک باپ کا احساس ذمہ داری کے ساتھ ایک ماں کی دن رات کی محنت اور آنسوؤں کے ساتھ مانگی ہوئی دعائیں شامل ہوتی ہیں۔

زندگی کو خوبصورت بنانا ہمیشہ سے ممکن رہا ہے، کبھی معاف کر کے، کبھی بات میں پہل کر کے، کبھی جھگڑے والی بات ٹال کر۔ صبر اور خاموشی دو ایسے ہتھیار ہیں جن سے گھریلو زندگی پرسکون اور خوشگوار بن سکتی ہے۔ مناسب وقت میں مناسب بات کہنے کا سلیقہ آپ کی زندگی میں خوشیوں کے کئی رنگ بکھیر سکتا ہے۔

یہ اقتباس میں نے معروف مصنفہ روبینہ قریشی کی کتاب ”حاصل زیست“ سے نقل کیے ہیں جس میں انہوں نے اپنی زندگی کے شب و روز کی داستان لکھی ہے تو ساتھ ساتھ اس میں بہت سے ایسے سبق بھی شامل کیے ہیں جو ہماری زندگیوں کو بلاشبہ خوشگوار بنا سکتے ہیں۔ روبینہ قریشی بنیادی طور پر میرے دونوں آبائی اضلاع خوشاب اور سرگودھا سے تعلق رکھتی ہیں تو ان کی تحریر میں مجھے اپنے علاقے کی خوشبو محسوس ہوتی ہے۔ دریائے جہلم کنارے ٹبہ قائم دین آبائی گاؤں، سرگودھا کی سب سے خوبصورت سڑک کلب روڈ کی ایک سرکاری کالونی کے کشادہ کوارٹر میں پرورش و تعلیم نے ان کی خداداد صلاحیتوں کو خوب نکھارا۔
لکھتی بھی یوں ہیں کہ اپنے بچپن کا زمانہ آنکھوں کے سامنے گھومنے لگتا ہے۔ یوں محسوس ہوتا ہے جیسے کسی نے ہماری ہی داستان لکھ دی ہو۔ ایک بڑے خاندان سے تعلق ہونے کی وجہ سے والدہ کے ساتھ ساتھ نانی، دادی، پھوپھیوں، خالاؤں سبھی سے کچھ نہ کچھ سیکھا اور ان اصولوں کو اپنی زندگی کا ایک لازمی حصہ بنا لیا۔ ان کی تحریر میں شگفتگی بھی ہے، کامیاب ازدواجی زندگی گزارنے کے اصول بھی ہیں۔ ستر اور اسی کی دہائی کی زندگی کتنی سادہ اور پرسکون ہوا کرتی تھی اس کی یادیں بھی کتاب میں شامل ہیں۔ جب سرگودھا ایک مختصر آبادی پر مشتمل ایک پرسکون شہر ہوا کرتا تھا۔
کتاب کی ابتداء میں ہی وہ اپنی شادی اور اس کی دلچسپ تقریبات کا ذکر کرتی ہیں جب صرف سترہ سال کی عمر میں ان کی رخصتی ہوئی۔ ٹبہ قائم دین دریائے جہلم کے کنارے پر ہونے کے باوجود اپنے اندر ایک ریگستان سموئے ہوئے ہے۔ جہاں کئی قدیم رسومات ابھی تک زندہ ہیں اور نوجوان نسل ابھی بھی ان سے پوری طرح لطف اندوز ہوتی ہے۔ لکھتی ہیں

”شادی کے وقت دلہن کے ہاتھوں پر خوب مہندی لگائی جاتی، کہا جاتا تھا کہ جتنا مہندی کا رنگ گہرا آئے گا، اتنی ہی دلہن کی ساس اچھی ہو گی“
ایک اور دلچسپ تقریب دلہا کی مہندی کے موقع پر دلہن کے گھر آمد تھی، دلہا کے سامنے ایک پرات میں چھ عدد ہانڈیاں اور تین ڈھکن لائے گئے، دلہا سے کہا گیا کہ تین ہانڈیاں تمہاری امی کے کچن کی ہیں اور تین تمہاری ساس کی۔ یہ تین ڈھکن ہیں ہانڈیوں کو کیسے ڈھانپو گے؟ یہ دلہے کا امتحان تھا، دلہے نے یوں کیا کہ اپنی گوٹے والی چنی کے پلو سے ساری ہانڈیاں ڈھانپ دیں، دلہا امتحان میں پاس ہو گیا تھا۔
نکاح کے بعد منہ میٹھا کرانے کے لئے ایک پلیٹ میں گڑ لایا گیا ساتھ ہی ایک کٹوری میں دیسی گھی تھا، خالہ نے گڑ دیسی گھی کے ساتھ مس کر کے ان کے ہونٹوں سے لگایا تو دلہن نے گڑ اپنے دانتوں سے قابو کر لیا اب خالہ گڑ کو اپنی طرف کھینچ رہی ہیں اور دلہن گڑ کو کھانے کی کوشش میں ہیں، خالہ نے کہا، ارے کملی، اسے کھانا نہیں بس رسم ادا کرنی ہے۔ لیکن دلہن شہر کی پڑھی لکھی، اس نے گڑ کھا کر ہی چھوڑا۔

شادی کی رسمیں اتنے دلچسپ انداز میں ادا کی گئیں کہ شادی کے بہت عرصہ بعد بھی جب یہ ٹبہ قائم دین کسی شادی میں شرکت کے لئے جاتیں تو پورا گاؤں انہیں دیکھ کر یہی کہتا یہ وہ بی بی ہے جس کی شادی بہت یادگار تھی۔
شادی کے بعد عملی زندگی میں آئیں تب انہیں معلوم ہوا کہ والدین کے گھر گزری بے فکری و پر آسائش زندگی اور ازدواجی زندگی میں کتنے فرق ہیں۔ لیکن انہوں نے یہ مشکل مرحلہ بھی کامیابی کے ساتھ طے کیا۔ کبھی کمیٹیاں ڈالیں تو کبھی اپنا زیور بیچا اور سرگودھا کے اچھے علاقے میں اپنا گھر تعمیر کیا۔ ایک مڈل کلاس فیملی کے لئے گھر کیا اہمیت رکھتا ہے یہ بات ان کی تحریر سے محسوس ہوتی ہے۔
کتاب کیا ہے ایک دلچسپ داستان ہے جس کا ہر عنوان اپنی جگہ ایک جامع کہانی بیان کرتا ہے۔ گاؤں میں گزری چھٹیاں، گرمی کے طویل دن، درختوں پر لگائی پینگیں، بڑے بوڑھوں سے سنی داستانیں، لینڈ لائن فون جو کبھی بہت نایاب ہوا کرتے تھے پورے محلے کی نگاہ کا مرکز وہ گھر ہوا کرتا جہاں لینڈ لائن فون لگا ہوتا تھا۔ بچوں کی تعلیم و پرورش کی باتیں، ان کے رشتے ناتے کرنے کے قصے، بچوں کے بچوں کی دلچسپ باتیں۔ ہر موضوع بہت عمدہ ہے۔
والدین کی اطاعت اور ان کو خوش کیسے رکھنا ہے اس پر ایک دلچسپ واقعہ لکھتی ہیں، ان کے پڑوس میں دو بھائی رہتے تھے دونوں اپنی ضعیف ماں سے بہت پیار کرتے تھے جنہیں آنکھوں سے کم دکھائی دیتا تھا، وہ صحن میں چارپائی پر بیٹھی تھیں انہیں وہم ہوا کہ وہ دوسری منزل پر ہیں انہوں نے بچوں سے کہا کہ مجھے نیچے لے جاؤ، یہاں مجھے سردی لگ رہی ہے، بچوں نے کہا کہ آپ نیچے ہی بیٹھی ہیں، بیٹے نے بھی سمجھایا کہ آپ نے نیچے صحن میں ہیں، مگر وہ مان نہیں رہی تھیں، اتنے میں ان کا دوسرا بیٹا آیا، ماں کے پاس بیٹھا تو ماں نے شکایت لگائی کہ دیکھو یہ مجھے نیچے نہیں لے جا رہے، مجھے سردی لگ رہی ہے، بیٹے نے انہیں گود میں اٹھایا، صحن میں دو تین چکر لگوائے اور پھر آرام سے چارپائی پر لٹا دیا، پیچھے تکیہ رکھ دیا، ماں بہت خوش ہوئیں کہ دیکھو میرا یہ بیٹا کتنا اچھا ہے، بوڑھے والدین کو سمجھانا اور سنبھالنا تھوڑا مشکل تو ہوتا ہے مگر ناممکن نہیں ہے بس تھوڑی سی توجہ، تھوڑی سی عقل اور تھوڑی سی محنت درکار ہوتی ہے ورنہ والدین تو راضی ہونے کے بہانے تلاش کرتے ہیں
آج کل ہمارے جو معاشرتی و معاشی مسائل چل رہے ہیں ان کے بارے لکھتی ہیں اور کیا خوب لکھتی ہیں کہ جو انسان کڑے حالات کی دھوپ میں کھڑا ہوتا ہے جس کے مالی وسائل بھی کم ہوتے ہیں اور زندگی کے چیلنج سخت، وہ انسان بھی تھوڑا سخت مزاج ہو جاتا ہے، باتوں کا منفی رخ زیادہ دیکھتا ہے، بات بات پر غصہ کرتا ہے، اس سے ملنے والے لوگ بھی پریشان ہونے لگتے ہیں، کیوں نہ ہم اپنے ارد گرد ایسے لوگ دیکھ کر ان سے چند اچھی باتیں کریں، کچھ حوصلہ افزا ء جملے کہہ دیں، کوئی بھی انسان برا نہیں ہوتا بس یہ اس کے حالات ہوتے ہیں جو کبھی کبھی انسان کو منفی بنا دیتے ہیں، ایسے لوگوں کو تھوڑا سا مارجن دینے کی ضرورت ہے ان کی تلخ باتوں کو درگزر کرنے کی ضرورت ہے۔ اللہ نے ہمیں بڑی نعمتوں سے نوازا ہے جن میں سے ایک کسی کے لئے خوبصورت مسکراہٹ کا تحفہ ہے۔
کتاب کی سب سے خاص بات جو مجھے پسند آئی وہ ہے اپنی ازدواجی زندگی کو خوشگوار کیسے بنایا جا سکتے ہیں اور اس پر لکھے آزمودہ مشورے۔ اور ساس بہو کے روایتی تعلقات کو بہتر بنانے کے لئے تو بہت عمدہ لکھتی ہیں،

”کیوں نہ آج کی ساس سے کچھ ہتھ ہولا رکھنے کا کہا جائے، جب بہو بیاہ کر اس کے گھر آتی ہے تو اس وقت ساس کا عروج اور کروفر دیکھنے والا ہوتا ہے لیکن اسے یاد نہیں رہتا کہ یہ حکمرانی، یہ صحت، یہ بادشاہی ہمیشہ کے لئے نہیں ہے، ہر گزرتے دن کے ساتھ اس کی جوانی، صحت، طاقت سب کچھ زوال کی طرف جا رہے ہوتے ہیں جبکہ آنے والی کا عروج ابھی دروازے پر کھڑا اندر آنے کا انتظار کر رہا ہوتا ہے۔ اگر آج کی ساس اپنے ساتھ ہونے والی زیادتیوں کا بدلہ اپنے گھر آنے والی بیٹی سے لینے کی بجائے اسے کھلے دل سے قبول کرے تو اس میں ہماری اپنی آنے والی نسلوں کی بہتری ہے“
” آج کی بہو کل کی ساس ہے، اگر آج ہم اپنی بہو کے آرام کا خیال رکھیں، تھکی ہوئی نظر آئے تو پیار کے دو بول بول دیں، کبھی اس کے لئے کوئی خاص ڈش بنا دیں، تو یقین کریں کہ یہ بھی ایک صدقہ جاریہ ہے، کل آپ کمزور ہوں گی تو وہ آپ کے ساتھ بہتر سلوک کرے گی، کل کو وہ بھی آنے والی بہو کے ساتھ اچھا برتاؤ کرے گی“

ایک باب دوستوں کے بارے میں ہے جو ہمیں کچھ سبق دیتا ہے۔ کہیں پڑھا کہ دوست کے غم میں غمگین ہونا آسان لیکن خوشی میں خوش ہونا مشکل ہے۔ ایک مرتبہ ان کی اپنی ایک سکول فیلو سے ملاقات ہو گئی، وٹس ایپ نمبرز کا تبادلہ ہوا۔ کچھ دن بعد وڈیو کال پر بات ہوئی۔ دکھ سکھ کی باتیں ہوئیں، روبینہ قریشی نے اپنی کامیابیوں کی داستان سنانا شروع کی، ذاتی گھر، بیٹے اعلیٰ عہدوں پر فائز، بیٹیاں اچھے گھروں میں بہت خوش ہیں، جیسے جیسے بتاتی گئیں دوست کا رنگ اڑتا گیا، اور جلدی میں کال ہی کاٹ دی، یہ پریشان کہ ہوا کیا، کئی دن کال ملانے کی کوشش کرتی رہیں مگر کال اٹینڈ نہ ہو۔

اپنا تجزیہ کیا کہ پہلی کال پر کیا ایسا انوکھا ہوا کہ دوست نے کال اٹینڈ کرنا چھوڑ دی ہے۔ ایک وجہ ذہن میں آئی اسی کو سامنے رکھ کر آڈیو کال ملائی، کال ملتے ہی اپنے دکھ درد چھیڑ دیے، اپنی پریشانیوں کا دردناک نقشہ کھینچا، اپنی مشکل زندگی کے بارے میں بتایا، پھر دوست کی تعریفوں کے پل باندھ دیے، دوست بھی خوش ہو گئی، کچھ رہنما مشورے دیے، اب ان کی دوستی بحال ہو چکی ہے۔ یہ واقعہ ہمیں سبق دیتا ہے کہ دوست کی خوشی میں خوش ہونا کس قدر مشکل ہوتا ہے۔ اپنی کامیابیاں اور خوشیاں سوچے سمجھے بغیر ہر ایک کو نہیں بتانا چاہئیں۔

خوشبو کی بات چھڑی تو خوشبو کا استعمال لازمی قرار دے دیا، گھر کے ماحول کو خوشبودار اور فریش بنانے کے لئے موتیا کے پھول گھر میں جگہ جگہ لگانا، ایک دو پھول بالوں میں لگا لینا، خوشبو کا یہ ہالہ نہ صرف اپنی طبیعت خوشگوار رکھتا ہے بلکہ ملنے ملانے والوں پر بھی اچھا تاثر پڑتا ہے۔

میری رائے میں ہر نئے شادی شدہ جوڑے کو یہ کتاب ضرور پڑھنا چاہیے۔ زندگی کو کیسے خوشگوار بنانا ہے، کامیابی ایک دم سے نہیں ملتی، اس کے لئے کس قدر محنت کی ضرورت ہے، شوہر، سسرال، مائیکے، رشتہ داروں، بچوں، بچوں کے سسرالیوں سے کیسے تعلقات بہتر رکھنے چاہئیں، سب یہ کچھ اس کتاب میں موجود ہے۔ یہ کتاب سرکار پبلشرز ملتان نے شائع کی ہے، جس کے مالک روفی سرکار ہمارے بہت سے دوستوں کے مشترکہ دوست ہیں انہیں کہہ کر بھی کتاب منگوائی جا سکتی ہے۔

0300 4228864
کتاب منگوانے کے لیے اس نمبر پر رابطہ فرمائیں

28/05/2026

اشفاق انجم صاحب کو "گیان" کی اشاعت پہ مبارکباد پیش کرتے ہیں 🥀

28/05/2026

ڈاکٹر بشیر بدر
پیدائش: 15 فروری 1935ء
وفات: 28۔ مئی۔ 2026ء

اُجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے

بشیر بدر اُردو غزل کا دامن محبت، خوشبو، پھولوں، رنگوں اور لطیف احساسات سے بھر دینے والے شاعر، اپنی طرح کے واحد غزل گو اور ہندوستانی غزل کے بڑے نمائندہ ڈاکٹر بشیر بدر طویل علالت کے بعد انتقال فرما گئے۔ وہ ایک طویل عرصے سے بھولنے کی بیماری (ڈیمینشیا) میں مبتلا تھے اور انہیں کچھ یاد نہیں تھا لیکن شاعری سے محبت کرنے والوں کو بشیر بدر ہمیشہ یاد رہیں گے۔

تمہیں ضرور کوئی چاہتوں سے دیکھے گا
مگر وہ آنکھیں ہماری کہاں سے لائے گا

نہ جانے کب ترے دل پر نئی سی دستک ہو
مکان خالی ہوا ہے تو کوئی آئے گا

میں اپنی راہ میں دیوار بن کے بیٹھا ہوں
اگر وہ آیا تو کس راستے سے آئے گا

تمہارے ساتھ یہ موسم فرشتوں جیسا ہے
تمہارے بعد یہ موسم بہت ستائے گا

یا

آنکھوں میں رہا دل میں اتر کر نہیں دیکھا
کشتی کے مسافر نے سمندر نہیں دیکھا

بے وقت اگر جاؤں گا سب چونک پڑیں گے
اک عمر ہوئی دن میں کبھی گھر نہیں دیکھا

جس دن سے چلا ہوں مری منزل پہ نظر ہے
آنکھوں نے کبھی میل کا پتھر نہیں دیکھا

یہ پھول مجھے کوئی وراثت میں ملے ہیں
تم نے مرا کانٹوں بھرا بستر نہیں دیکھا

یاروں کی محبت کا یقیں کر لیا میں نے
پھولوں میں چھپایا ہوا خنجر نہیں دیکھا

محبوب کا گھر ہو کہ بزرگوں کی زمینیں
جو چھوڑ دیا پھر اسے مڑ کر نہیں دیکھا

خط ایسا لکھا ہے کہ نگینے سے جڑے ہیں
وہ ہاتھ کہ جس نے کوئی زیور نہیں دیکھا

پتھر مجھے کہتا ہے مرا چاہنے والا
میں موم ہوں اس نے مجھے چھو کر نہیں دیکھا

(انا للہ و انا لیہ راجعون)

27/05/2026

احباب عید مبارک!
اس پرمسرت موقع پر ہم اپنے تمام معزز کلائنٹس کا تہہ دل سے شکریہ ادا کرتے ہیں۔ آپ کا اعتماد ہی ہماری کامیابی کا اصل سرمایہ ہے۔ سرکار پبلشرز، سرکار ڈیجیٹل لائبریری، مائی اسکول سسٹم اور سرکار ڈیجیٹل کے ساتھ جڑے رہنے کے لیے آپ کا بہت شکریہ۔ ہم آپ کی قدر کرتے ہیں اور دعا گو ہیں کہ یہ عید آپ کی زندگی میں ڈھیروں خوشیاں اور کامیابیاں لائے۔
نیک تمنائیں،
صاحبزادہ روفی سرکار (CEO)

23/05/2026

Tariq Javed visited the Sarkar Publishers Office and had a meeting with Roofi Sarkar The CEO discussed regarding his next book 📚

22/05/2026

Get published your book now at your doorstep just contact Sarkar Publishers Now | Roofi Sarkar

Sarkar Publishers

05/06/2026

02/06/2026

01/06/2026

31/05/2026

29/05/2026

28/05/2026

28/05/2026

27/05/2026

23/05/2026

22/05/2026

Address

Telephone

Website

Alerts

Contact The Business

Shortcuts

Share

Category