Muridke Today

18/08/2026

𝐀𝐝𝐦𝐢𝐬𝐬𝐢𝐨𝐧 𝐎𝐩𝐞𝐧 𝐟𝐨𝐫 𝐈𝐧𝐭𝐞𝐫𝐦𝐞𝐝𝐢𝐚𝐭𝐞 - 𝐒𝐞𝐬𝐬𝐢𝐨𝐧 𝟐𝟎𝟐𝟔-𝟐𝟎𝟐𝟕
Begin your academic journey at Chand Bagh College and join the league of high achievers.
For details, contact:
Tel: +92-42-111-1998-98 (Ext: 3154 & 3066), +92-42-37991490
WhatsApp: 0325-7476541 | Voice: 0345-4220553

17/08/2026

شیخوپورہ
گورنمنٹ بوائز پرائمری سکول
برج اٹاری ٹھیکری والا فیروزوالہ جوہڑ کا منظر پیش کر رہا ہے ارباب اختیار سے گزارش ہے کہ فوری طور نوٹس لیں

17/08/2026

موٹر سائیکلوں میں تصادم، *ریسکیو1122*

*فیروزوالہ:* حادثہ کالا خطائی روڈ فتح ریحان کے قریب پیش آیا۔ *ریسکیو1122*

*فیروزوالہ:* حادثہ میں 3 افراد زخمی اور 1 جاں بحق۔ *ریسکیو1122*

*فیروزوالہ:* کال موصول ہوتے ہی ریسکیو 1122 کی امدادی ٹیموں کا جائے حادثہ پر فوراً ریسپانس، *ریسکیو1122*

*فیروزوالہ:* ریسکیو ٹیموں نے تمام زخمیوں کو فرسٹ ایڈ فراہم کرنے کے بعد ہسپتال شفٹ کر دیا، *ریسکیو1122*

*فیروزوالہ:* ریسکیو ٹیموں نے جاں بحق شخص کی لاش کو مزید قانونی کاروائی کے لیے ہسپتال شفٹ کر دیا، *ریسکیو1122*

*فیروزوالہ:* زخمیوں میں عمران ،نوید اور لال عثمان شامل ہیں، *ریسکیو1122*

*فیروزوالہ:* جاں بحق شخص کی شناخت 38سالہ فاروق ولد رزاق سے ہوئی، *ریسکیو1122*

*ریسکیو 1122،شیخوپورہ*

17/08/2026

کار اور ٹریکٹر ٹرالی میں تصادم، *ریسکیو1122*

*فیروزوالہ:* حادثہ کالا خطائی روڈ بابکوال کے قریب پیش آیا۔ *ریسکیو1122*

*فیروزوالہ:* حادثہ میں 5 افراد زخمی۔ *ریسکیو1122*

*فیروزوالہ:* کال موصول ہوتے ہی ریسکیو 1122 کی امدادی ٹیموں کا جائے حادثہ پر فوراً ریسپانس، *ریسکیو1122*

*فیروزوالہ:* ریسکیو ٹیموں نے تمام زخمیوں کو فرسٹ ایڈ فراہم کرنے کے بعد ہسپتال شفٹ کر دیا، *ریسکیو1122*

*فیروزوالہ:* زخمیوں میں 20سالہ عمیر،35 سالہ زاہدہ بی بی ،3 سالہ ارحم ،56 سالہ اسل۔ اور 17 سالہ نبی احمد شامل ہیں، *ریسکیو1122*

*ریسکیو 1122،شیخوپورہ*

07/08/2026

مریدکے میں جماعت اسلامی کا احتجاج، ایک مشاہداتی تجزیہ
(کرامت بھٹی میڈیا)
مریدکے میں جماعت اسلامی کا دھرنا محض ایک سیاسی اجتماع نہیں تھا بلکہ اس نے ایک ہی وقت میں جماعت کی تنظیمی صلاحیت، کارکنوں کے نظم و ضبط، عوامی جذبات اور معاشی مسائل پر مبنی سیاسی بیانیے کے مختلف پہلو نمایاں کیے۔ اس احتجاج کو موقع پر دیکھنے کا موقع ملا تو چند ایسے مشاہدات سامنے آئے جو محض خبر سے آگے بڑھ کر تجزیے کا تقاضا کرتے ہیں۔
سب سے نمایاں پہلو تنظیمی نظم تھا۔ کارکن ضلع شیخوپورہ کے مختلف علاقوں سے منظم انداز میں مریدکے پہنچے اور قیادت کی ہدایات پر عمل کرتے دکھائی دیے۔ جی ٹی روڈ کی بندش بھی مرحلہ وار کی گئی۔ ابتدا میں ایک طرف کی ٹریفک روکی گئی، بعد میں شرکاء کی تعداد بڑھنے پر دونوں اطراف آمدورفت کچھ دیر کے لیے محدود ہوئی، جبکہ بعد ازاں کارکنوں کو ایک جانب منتقل کرکے ٹریفک بحال کر دی گئی۔ اس سے یہ تاثر ملا کہ احتجاج کے دوران آئینی و انتظامی نظم برقرار رکھنے کی ہرممکن کوشش کی گئی۔
جلسے کی فضا روایتی پاکستانی سیاسی اجتماعات سے مختلف نہیں تھی۔ مقررین نے حکومت اور مختلف سیاسی جماعتوں کو سخت تنقید کا نشانہ بنایا۔ مسلم لیگ (ن)، تحریک انصاف، پیپلز پارٹی، جمعیت علمائے اسلام (ف) اور ایم کیو ایم سبھی خطابات میں زیرِ تنقید آئیں، جبکہ بعض مواقع پر سیاسی مخالفین کے لیے سخت اور تلخ الفاظ بھی استعمال کیے گئے۔
تاہم تمام خطابات ایک جیسے نہیں تھے۔ نائب امیر جماعت اسلامی وسطی پنجاب نصراللہ گورایہ کی تقریر کہیں زیادہ مربوط محسوس ہوئی۔ انہوں نے پنجابی زبان میں خطاب کرتے ہوئے اپنی توجہ زیادہ تر معاشی معاملات پر مرکوز رکھی۔ پٹرولیم لیوی، آئی پی پیز، کسانوں کے مسائل، گندم کی درآمد، مہنگائی اور عام شہری پر بڑھتے مالی دباؤ جیسے موضوعات ان کی تقریر کا مرکزی حصہ رہے۔ ان کا انداز محض نعرے بازی یا بلند بانگ الفاظ تک محدود نہیں تھا بلکہ انہوں نے اپنے مؤقف کے حق میں سلیقے سے معاشی نکات اور عوامی مسائل پیش کیے۔
انہوں نے دھرنے میں مریدکے کی عوام کی بھرپور نمائندگی نہ ہونے پر ہلکے انداز میں شکوہ بھی کیا اور کہا کہ ہمارا مدعا کسی ایک جماعت سے خاص نہیں بلکہ پورے معاشرے کا مسئلہ ہے۔ اسی خطاب میں انہوں نے ایک مرتبہ پھر سانحۂ مریدکے کا حوالہ دیا، جو ظاہر کرتا ہے کہ یہ واقعہ ان کی یادداشت اور عوامی بیانیے کا مستقل حصہ ہے۔
امیر جماعت اسلامی وسطی پنجاب مولانا محمد جاوید قصوری، جیسا کہ اسٹیج سے انہیں پکارا گیا، نے اپنے پرجوش خطاب میں کارکنوں کے حوصلے، خوف کی فضا کا مقابلہ کرنے اور جماعت کی بھرپور تنظیمی قوت کو سراہا۔ ان کا کہنا تھا کہ اگر مرکزی قیادت آئندہ کسی بڑے احتجاج کی کال دے گی تو کارکن ہر محاذ پر پہنچیں گے۔ ان کی تقریر میں دلیل، تسلسل، سیاسی عزم اور تنظیمی اعتماد نمایاں رہا۔
آج کے احتجاج سے متعلق ضلع شیخوپورہ کے امیر زاہد عمران کوروٹانہ، فوکل پرسن طارق ریحان اور مریدکے کیمپ کے انچارج رانا ظہیر احمد بابر، سرفراز ریحان و دیگر قائدین نے بھی کارکنوں سے خطاب کیا اور احتجاج کے مقاصد بیان کرتے ہوئے اپنے کارکنان کے حوصلے بلند رکھنے کی کوشش کی۔
کارکنوں کے رویے کا جائزہ لیا جائے تو مجموعی طور پر نظم و ضبط دکھائی دیا۔ اگرچہ ہر بڑے اجتماع کی طرح بعض مقامات پر بے ترتیبی بھی نظر آئی، تاہم مجموعی منظر میں کارکن قیادت کی ہدایات پر عمل کرتے دکھائی دیے۔ البتہ نوجوان جنہیں" جِن زی کے شاہین" کے لقب سے سرفراز کیا گیا تھا، ان کی موجودگی توقع سے کم محسوس ہوئی، جبکہ مقامی اور ضلعی قیادت و کارکنان کی حاضری کہیں زیادہ نمایاں رہی۔
آج کا یہ احتجاج اپنے پیچھے ایک اہم سوال چھوڑ جاتا ہے کہ اگر بنیادی مقصد مہنگائی، ٹیکسوں اور معاشی مشکلات کو اجاگر کرنا تھا تو کیا خطابات میں انہی مسائل پر مزید تفصیل، اعداد و شمار اور قابلِ عمل تجاویز شامل کی جا سکتی تھیں؟
دوسری جانب سیاسی جماعتوں پر سخت تنقید پاکستانی سیاسی اجتماعات کا روایتی حصہ رہی ہے۔ اس لیے یہ فیصلہ قارئین پر چھوڑا جا سکتا ہے کہ ان کے نزدیک کون سا انداز زیادہ مؤثر ہے۔
مجموعی طور پر مریدکے کا یہ احتجاج اس بات کی عکاسی کرتا ہے کہ جماعت اسلامی مقامی سطح پر کارکنوں کو متحرک کرنے اور منظم احتجاج منعقد کرنے کی صلاحیت رکھتی ہے۔ ساتھ ہی یہ اجتماع اس امر کی بھی یاد دہانی کراتا ہے کہ مہنگائی، ٹیکسوں اور معاشی دباؤ جیسے مسائل بدستور عوامی بحث کا مرکز ہیں، اور مختلف سیاسی قوتیں انہیں اپنے اپنے زاویۂ نظر سے عوام کے سامنے پیش کر رہی ہے۔
نوٹ: یہ تحریر موقع پر موجود رہ کر کیے گئے مشاہدات اور عوامی خطابات کے تجزیے پر مبنی ہے۔

07/08/2026

مریدکے جی ٹی روڈ کی مشرقی جانب بلاک۔ ضلع بھر سے جماعت اسلامی کے قافلوں کی آمد کا سلسلہ جاری۔ مقامی انتظامیہ نے مجاہد ہوٹل کے سامنے سے لاہور جانے والی ٹریفک متبادل راستوں کی طرف موڑنا شروع کردی

30/07/2026

معظم کالونی بازار نمبر دو گلی نمبر نو میں گٹروں کا گندا پانی زیادہ ہے۔ جس سے نمازیوں کو گزرنے میں دشواری ہوتی ہے اور مائیں بہنیں گزرنے میں بے شمار اور بچے بیمار ہو رہے ہیں

30/07/2026

محلہ شیرانوں چوک گلی نمبر 1 مقبول سٹریٹ کے نام سے ہے اس کی حالت 20 دن سے بہت خراب ہے آپ ہماری پوسٹ لگا دے آپ کے پیچ سے ہماری رہنمائی ہوجائے آپ سے بہت گزارش ہے

کرامت بھٹی صاحب

25/07/2026

نالہ ڈیک میں نہاتے ہوئے نوجوان ڈوب گیا، *ریسکیو1122*

*مرید کے* ڈوبنے کا واقعہ نالہ ڈیک شریف پورہ راوی ریان جی ٹی روڈ کے قریب پیش آیا۔ *ریسکیو1122*

*مریدکے:* کال موصول ہوتے ہی ریسکیو 1122 کی امدادی ٹیموں کا جائے حادثہ پر فوراً ریسپانس، *ریسکیو1122*

*مریدکے:* ریسکیو غوطہ خور ٹیموں نے ڈوبنے والے نوجوان کی تلاش شروع کر دی، *ریسکیو1122*

*مریدکے:* ڈوبنے والے نوجوان کی شناخت ابو ہریرہ ولد بشیر 20سال ساکن راوی ریان سے ہوئی، *ریسکیو1122*

*ریسکیو 1122،شیخوپورہ*

14/07/2026