24/09/2025
ایکشن کمیٹی اور وفاقی وزراء کے درمیان مذاکرات کا عمل جاری
29 ستمبر کے احتجاجی مظاہروں سے قبل ایکشن کمیٹی اور حکومت کے درمیان مذاکرات جاری ہیں۔ جموں و کشمیر جوائنٹ عوامی ایکشن کمیٹی نے اپنے 9 رکنی مذاکراتی وفد کا اعلان کیا ہے جس میں مظفرآباد، پونچھ اور میرپور ڈویژن کے نمائندے شامل ہیں۔
مظفرآباد ڈویژن سے شوکت نواز میر، انجم زمان اعوان اور فیصل جمیل کشمیری، پونچھ ڈویژن سے سردار عمر نزیر کشمیری، راجہ غلام مجتبٰی اور سردار افتخار زمان، جبکہ میرپور ڈویژن سے چوہدری امتیاز اسلم، توصيف احمد جرال ایڈووکیٹ اور سعد انصاری ایڈووکیٹ شامل ہیں۔
وفاقی وزرا اور آزادکشمیر حکومت کے نمائندے اس کمیٹی سے مذاکرات کر رہے ہیں تاکہ عوامی مطالبات کے پرامن حل کے لیے ایک مشترکہ فارمولا تیار کیا جا سکے۔ مذاکرات کے نتائج 29 ستمبر کے احتجاج کی نوعیت پر فیصلہ کن اثر ڈال سکتے ہیں۔
