11/09/2021
مظفرآباد:خواتین کو ہراساں اور بلیک میل کرنے کے جرم میں میڈیکل کالج کا سابق ملازم پولیس کی حراست میں۔
آزاد جموں کشمیر میڈیکل کالج مظفرآباد کے ایک سابق ملازم احسان لطیف کی مبینہ طور پر خواتین کے ساتھ نازیبا تصاویر اور ویڈیوز کے سامنے آنے کے بعد عوامی سطح پر غم و غصہ پایا جاتا ہے، ملزم کی گرفتاری کے لئے مطالبات بعد ازاں احتجاج میں بدل گئے۔
احتجاجی مظاہروں کے بعد مقامی پولیس نے میڈیکل کالج کے سابق ایڈمن افسر کے خلاف ہراسانی اور مقدمہ زیرِ دفعاتAPC. 489/7,354A/489, 504/509,500/501
کے تحت مقدمہ دائر کر کے گرفتار کر لیا۔
ایس ایچ او راشد حبیب کے مطابق سوشل میڈیا پر شیئر کئے جانے والے مواد کی بنیاد پر مقدمہ درج کیا گیا ہے اور مزید تحقیقات جاری ہیں جس کی تفصیلات ایک دو دن میں سامنے آ جائیں گی۔
تاہم ملزم کے وکیل وقار عباسی کا کہنا ہے کہ ایف آر آر میں جو دعویٰ کیا گیا ہے کہ ان کا مؤکل خواتین کو بلیک میل کر رہا تھا لیکن ابھی تک کوئی بھی متاثرہ خاتون اس دعویٰ کی توثیق کے لئے سامنے نہیں آئی۔
میڈیکل کالج کے پرنسپل ملازم شاہ کے مطابق انہیں ان کے کالج کی کسی بھی طالبہ نے ہراسانی اور بلیک میلنگ کی شکایت نہیں کی۔ ملازم شاہ کا مزید کہنا تھا کہ ویڈیوز اور تصاویر میں دکھائی دینے والی ان کے کالج کی طالبات نہیں۔
میڈیکل کالج کے پرنسپل نے دعویٰ کیا کہ سوشل میڈیا پر وائرل ہونے والی تصاویر چار سال پرانی ہیں جو ان کی اہلیہ کے ساتھ ذاتی رنجش کے سبب لیک کی گئی ہیں۔
