Nankana News update

16/10/2025

16/10/2025

*ننکانہ صاحب – شاہکوٹ:*
وارڈ نمبر 7 کے رہائشی عزیز جاوید کی موبائل شاپ رات گئے نامعلوم چوروں نے لوٹ لی!
چور تالے توڑ کر دکان سے 40 سے زائد قیمتی موبائل فونز، جن کی مالیت تقریباً 12 لاکھ روپے بنتی ہے، چرا کر فرار ہو گئے۔
سی سی ٹی وی ویڈیو ننکانہ نیوز اپڈیٹ سامنے لے آیا
ایس ایچ او سٹی شاہکوٹ کو دی گئی درخواست پر مقدمہ نمبر 872/25 بجرم 380 ت پ درج کر کے پولیس تفتیش میں مصروف ہے۔

16/10/2025

*ننکانہ صاحب – بچیکی:*
*مین بازار بچیکی میں برتنوں کی دکان پر چوری کی واردت!*
نامعلوم چور رات کی تاریکی میں دکان کی چھت پھاڑ کر اور نقب لگا کر اندر داخل ہوئے، دکان میں موجود کیش گلہ توڑ کر *4 لاکھ روپے نقدی* لے اُڑے۔

متاثرہ دکاندار سہیل ولد منظور کی درخواست پر *تھانہ بڑاگھر پولیس نے کارروائی کا آغاز کر دیا*

16/10/2025

*ننکانہ صاحب – تھانہ سیدوالہ:* کی حدود گاؤں واں موہلاں کھچیاں سے نوجوان لڑکی مبینہ طور پر اغوا، مقدمہ درج

متاثرہ خاتون ثمینہ بی بی کی درخواست پر پولیس نے مقدمہ نمبر 593/25 بجرم 365-B درج کر لیا۔
مقدمہ کے مطابق، *ملزم عمران عرف کالی* اور *رقیہ بی بی* نے مبینہ طور پر حرام کاری کی نیت سے سائلہ کی 17/18 سالہ بیٹی *ب اب رہ* کو اغوا کر لیا

16/10/2025

*ننکانہ صاحب – تھانہ فیض آباد:*
*فلڈ کے متاثرہ شہری کا گھر بھی چوری کی زد میں آ گیا!*

مقامی شہری محمد صادق کی درخواست پر پولیس نے چوری کی واردات کی تفتیش شروع کر دی ہے۔ درخواست گزار کے مطابق، حالیہ سیلاب کے باعث وہ گھر چھوڑ کر محفوظ مقام پر منتقل ہوا تھا، اسی دوران مشتاق، اشرف، بابر علی اور دو نامعلوم افراد نے اس کے گھر سے قیمتی سامان، کپڑے، بجلی کا میٹر، کیبل تار، گندم کے توڑے اور دیگر اشیاء چوری کر لیں۔

*چوری شدہ سامان کی مالیت تقریباً ڈیڑھ لاکھ روپے بتائی جا رہی ہے۔*
پولیس تھانہ فیض آباد نے واقعے کی تفتیش شروع کر دی ہے۔

16/10/2025

*ننکانہ صاحب – تھانہ صدر کی حدود میں جھگڑا، ایک شخص شدید زخمی*

4 چک گاؤں میں معمولی تلخ کلامی پر جھگڑا شدت اختیار کر گیا، مخالفین نے اشفاق نامی شخص پر ڈنڈوں کے وار کر کے شدید زخمی کر دیا۔
زخمی اشفاق کو فوری طبی امداد کے لیے ڈسٹرکٹ ہیڈ کوارٹر اسپتال ننکانہ صاحب منتقل کر دیا گیا۔ پولیس واقعہ کی تحقیقات کر رہی ہے۔

16/10/2025

*ننکانہ صاحب – تھانہ صدر کی حدود میں رات گے خوفناک حادثہ!*

روتوانہ سیم پل کے قریب ایک تیز رفتار کار بے قابو ہو کر پہلے موٹر سائیکل سے ٹکرائی، پھر پیٹر انجن رکشے سے جا ٹکرائی۔ تصادم اتنا شدید تھا کہ گاڑی رکشے پر چڑھ گئی۔

حادثے کے بعد کار ڈرائیور موقع سے فرار ہو گیا، جبکہ ریسکیو ٹیم نے فوری طور پر زخمیوں کو طبی امداد فراہم کر کے ڈسٹرکٹ ہیڈ کوارٹر ہسپتال منتقل کر دیا۔
عینی شاہدین کے مطابق حادثے کی بنیادی وجہ تیز رفتاری اور غفلت بنی۔ شہریوں نے ٹریفک پولیس سے مؤثر اقدامات کا مطالبہ کیا ہے تاکہ مستقبل میں ایسے حادثات سے بچا جا سکے۔

* *

16/10/2025

*چیف ایگزیکٹو ایجوکیشن محترمہ شازیہ بانو نے ننکانہ صاحب میں اسکولوں کی نئی ٹائمنگ کا نوٹیفکیشن جاری کر دیا*

16/10/2025

*حکومت نے پیٹرولیم مصنوعات کی قیمتوں میں کمی کردی*
وزارتِ خزانہ نے پیٹرولیم مصنوعات کی قیمتوں کا نوٹیفکیشن جاری کردیا

اسلام آباد:وفاقی حکومت نے پیٹرولیم مصنوعات کی قیمتوں میں کمی کردی اور نوٹیفکیشن جاری کردیا۔

وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 5 روپے 66 پیسے فی لیٹر کی کمی کردی گئی ہے اور پیٹرول کی قیمت 268 روپے 68 پیسے سے کم ہو کر 263 روپے 2 پیسے فی لیٹرکردی گئی ہے۔

ہائی اسپیڈ ڈیزل کی قیمت میں ایک روپے 394 پیسے فی لیٹر کی کمی کر دی گئی، ہائی اسپیڈ ڈیزل کی قیمت 276 روپے 81 پیسے فی لیٹر سے کم کر کے 275 روپے 41 پیسے فی لیٹر مقرر کردی گئی ہے۔

نوٹیفکیشن کے مطابق مٹی کے تیل کی قیمت میں 3 روپے 26 پیسے فی لیٹر کمی سے 184 روپے97 پیسے سے کم ہو کر181 روپے 71 پیسے فی لیٹر ہوگئی ہے۔

لائٹ ڈیزل آئل کی قیمت میں 2 روپے 74 پیسے فی لیٹر کمی کے بعد نئی قیمت 165 روپے 50 پیسے سے کم ہو کر162 روپے 76 پیسے فی لیٹر ہوگئی ہے۔

وزارت خزانہ کی جانب سے اعلان کردہ پیٹرولیم مصنوعات کی نئی قیمتوں کا اطلاق رات 16 اکتوبر سے ہوگا اور اگلے 15 دن کے لیے لاگو رہیں گی۔

15/10/2025

*ننکانہ صاحب:*
ڈپٹی کمشنر تسلیم اختر راؤ کی زیر صدارت *ڈسٹرکٹ کوالٹی کنٹرول بورڈ* کا اجلاس۔ *16 میڈیکل کیسز* کی سماعت، 4 کیسز ڈرگ کورٹ بھجوائے گئے، 6 کو ری وزٹ، 5 کو وارننگ جبکہ 1 ملتوی۔
ڈی سی ننکانہ کا کہنا تھا:
"*جعلی، غیر معیاری اور بغیر لائسنس میڈیکل اسٹورز کے خلاف سخت کارروائیاں جاری رہیں گی۔ کوئی قانون سے بالاتر نہیں۔*"
جبکہ میڈیکل اسٹورز پر *کوالیفائیڈ پرسن کی موجودگی* اور *ادویات کا مکمل ریکارڈ* رکھنا لازم قرار۔
*رپورٹ: رانا حسیب طارق، بیورو چیف میٹرو ون نیوز ننکانہ صاحب*

* *

15/10/2025

*موٹروے ایم تھری پر رات گئے ملاوٹی دودھ کی ترسیل ناکام!*

ڈی جی فوڈ اتھارٹی کی ہدایت پر ڈپٹی ڈائریکٹر ننکانہ عمار جاوید کی سربراہی میں موٹروے سروس ایریا پر *گرینڈ آپریشن* کیا گیا، جس کے دوران:

✅ *900 لٹر جعلی دودھ تلف*
✅ *گاڑی نمبر JA-9651 ضبط*
✅ *سپلائر کے خلاف مقدمہ درج*

موقع پر کیے گئے ٹیسٹ فیل ہونے پر کارروائی کی گئی۔
*دودھ میں پانی، پاوڈر اور قدرتی فیٹ کی کمی پائی گئی۔*
*سپلائر کے پاس کوئی لازمی ریکارڈ یا دستاویزات موجود نہیں تھیں۔*

ترجمان فوڈ اتھارٹی کے مطابق:
» یہ کارروائی طویل ریکی کے بعد عمل میں لائی گئی۔
» شہری گھریلو استعمال کے دودھ کے مفت ٹیسٹ بھی کروا سکتے ہیں۔
» ملاوٹ مافیا کا ہر ہتھکنڈا ناکام بنائیں گے!

*پنجاب کو ملاوٹ سے پاک کرنا ہمارا مشن ہے!*

15/10/2025

🎯 شاہ کوٹ اپڈیٹ

ننکانہ صاحب:
اسسٹنٹ کمشنر شاہ کوٹ ثناء شرافت کی جانب سے ننکانہ روڈ پر واقع سنوکر کلب پر چھاپہ۔
چھاپے کے دوران اسکول اوقات میں مختلف اسکولوں اور کالجز کے طلباء کی بڑی تعداد موجود پائی گئی۔
ثناء شرافت نے فوری کارروائی کرتے ہوئے سنوکر کلب کو سیل کر دیا۔ان کا کہنا تھا کہ طلباء کا تعلیمی اوقات میں کلبز میں وقت گزارنا ناقابلِ قبول ہے،
اور ایسے عناصر کے خلاف سخت کارروائی جاری رہے گی جو طلباء کے مستقبل سے کھیل رہے ہیں۔

📍 کارروائی کا مقصد تعلیم کو ترجیح دینا اور طلباء کو غیر ضروری مشاغل سے دور رکھنا ہے۔