14/06/2026
نارووال ڈسٹرکٹ رپورٹر) پورا ضلع نارووال مافیا کی لپیٹ میں ہےتلونڈی بھنڈراں میں ایل پی جی مافیا کا راج، دکانداروں کے خود ساختہ نرخ، عوام پریشان
تلونڈی بھنڈراں اور گردونواح میں ایک دو ایل پی جی دکانداروں نے مبینہ طور پر اپنے خود ساختہ نرخ مقرر کر رکھے ہیں اور صارفین سے 570 سے 600 روپے فی کلو تک وصول کیے جا رہے ہیں، جبکہ اوگرا نے جون 2026 کے لیے ایل پی جی کی سرکاری قیمت 308.76 روپے فی کلو مقرر کر رکھی ہے۔ شہریوں کا کہنا ہے کہ سرکاری نرخوں کو یکسر نظر انداز کرتے ہوئے من مانے ریٹ وصول کیے جا رہے ہیں، جس کے باعث غریب اور متوسط طبقہ شدید مالی دباؤ کا شکار ہے۔
علاقہ مکینوں کے مطابق بیشتر مقامات پر سرکاری نرخ نامے بھی آویزاں نہیں کیے گئے اور انتظامی نگرانی نہ ہونے کے باعث بعض دکاندار اپنی مرضی کے نرخ وصول کر رہے ہیں۔ شہریوں نے ڈپٹی کمشنر نارووال، اسسٹنٹ کمشنر نارووال اور سول ڈیفنس نارووال سے مطالبہ کیا ہے کہ تلونڈی بھنڈراں میں فوری کارروائی کرتے ہوئے اوورچارجنگ اور ناجائز منافع خوری میں ملوث عناصر کے خلاف بلاامتیاز آپریشن کیا جائے، سرکاری نرخ نمایاں جگہوں پر آویزاں کروائے جائیں اور اوگرا کے مقررہ نرخوں پر ایل پی جی کی فروخت یقینی بنائی ڈسٹرکٹ رپورٹر روز نامہ جرآت
