All about Nawabshah

Directions Website Contact the business

All about Nawabshah Nawabshah (Sindhi and Urdu: نوابشاہ‎) is a city and headquarters of the Shaheed Benazirabad District of Sindh province, Pakistan.

It is the 27th largest city in Pakistan. Nawabshah derives its name from Syed Nawab Shah, from the Syed Family.

نوابشاہ مکمل غیر محفوظ، چوروں اور ڈکیتوں کی امان گاہ بن گیا​نوابشاہ:شہر میں بڑھتی ہوئی اسٹریٹ کرائمز کی وارداتوں نے شہری...
20/07/2026

نوابشاہ مکمل غیر محفوظ، چوروں اور ڈکیتوں کی امان گاہ بن گیا

​نوابشاہ:

شہر میں بڑھتی ہوئی اسٹریٹ کرائمز کی وارداتوں نے شہریوں کا جینا دوبھر کردیا ہے۔ جوتوں کے تاجر شہباز رحمانی سے گپچانی کے قریب مسلح ڈاکوؤں نے ساڑھے چار لاکھ روپے نقد اور گاڑی کے اہم کاغذات چھین لیے۔

​متاثرہ تاجر کے مطابق، وہ ریکوری کے سلسلے میں نوابشاہ سے شاہپور چاکر جا رہے تھے کہ راستے میں موٹر سائیکل پر سوار تین مسلح ملزمان نے تعاقب کے بعد انہیں روک لیا۔ واردات کے دوران ملزمان نے فرار ہوتے ہوئے ان پر فائرنگ بھی کی، تاہم وہ خوش قسمتی سے محفوظ رہے۔

​شہباز رحمانی نے صوبائی وزیر داخلہ ضیاء الحسن لنجار، ایس ایس پی شہید بینظیر آباد اور ایس ایچ او گپچانی سے فوری نوٹس لینے اور ملزمان کی گرفتاری کا مطالبہ کیا ہے۔ انہوں نے خبردار کیا ہے کہ اگر جلد انصاف نہ ملا تو نواب شاہ پریس کلب کے سامنے سڑک بند کر کے احتجاجی دھرنا دیا جائے گا۔

​رپورٹ: داود شاہ لکیاری

نوابشاہ سانگھڑ روڈ کریانہ کی دکان پر ڈکیتی کا واقعہ، ڈکیتوں کے چہرے واضح، کیا نوابشاہ پولیس پکڑ پائے گی؟سانگھڑ/ نوابشاہ:...
17/07/2026

نوابشاہ سانگھڑ روڈ کریانہ کی دکان پر ڈکیتی کا واقعہ، ڈکیتوں کے چہرے واضح، کیا نوابشاہ پولیس پکڑ پائے گی؟

سانگھڑ/ نوابشاہ: نوابشاہ سانگھڑ روڈ پر گرڈ اسٹیشن کے بالکل سامنے واقع "نثار آرائیں کریانہ اینڈ کمیونیکیشن" کی دکان پر تین مسلح ڈکیتوں نے دھاوا بول کر نقدی اور سامان لوٹ لیا اور باآسانی فرار ہو گئے۔

واردات کی سب سے تشویشناک بات یہ ہے کہ تینوں ڈکیتوں نے چہروں پر کوئی نقاب نہیں پہن رکھا تھا، جس کی وجہ سے سی سی ٹی وی (CCTV) فوٹیج میں ان کے چہرے بالکل واضح ہیں۔ بغیر کسی خوف کے سرعام ڈکیتی کر کے ان ملزمان نے پولیس کی بہادری اور قانون کو کھلم کھلا چیلنج کیا ہے۔

اس واقعے کے بعد مقامی عوام اور تاجروں میں شدید تشویش پائی جاتی ہے۔ اب عوام یہ سوال اٹھا رہے ہیں کہ چہرے واضح ہونے کے باوجود پولیس کب تک ان نڈر ڈکیتوں اور ان کے سہولت کاروں کو گرفتار کر کے قانون کے کٹہرے میں لائے گی؟

(ذرائع: بولتا نیوز نوابشاہ)

✍️ کیا نوابشاہ پولیس ان واضح چہروں والے ڈکیتوں کو جلد گرفتار کر پائے گی؟ یا یہ بھی روایتی سستی کا شکار ہو جائے گا؟ اپنی قیمتی رائے کا اظہار نیچے کمنٹ باکس میں لازمی کریں.

🚨 نوابشاہ میں ہوٹل مافیا بے لگام، انتظامیہ خاموش تماشائی!📍 نوابشاہ: مہنگائی نے عوام کی کمر توڑ دی ہے، لیکن پرائز کنٹرول ...
11/07/2026

🚨 نوابشاہ میں ہوٹل مافیا بے لگام، انتظامیہ خاموش تماشائی!

📍 نوابشاہ: مہنگائی نے عوام کی کمر توڑ دی ہے، لیکن پرائز کنٹرول اتھارٹی کی آنکھوں پر پٹی بندھی ہوئی ہے۔ شہر میں سرِعام "جس کی لاٹھی، اس کی بھینس" کا قانون چل رہا ہے۔

❓ بڑا سوال: 300 روپے کلو والی مرغی ہوٹل پر 2200 روپے کیوں؟
جب مارکیٹ میں مرغی کا خام گوشت 300 روپے فی کلو ہے، تو ہوٹلوں پر مرغی کی کڑاہی 2200 روپے کلو کس قانون کے تحت بک رہی ہے؟ کیا ہوٹل مالکان کو پوچھنے والا کوئی نہیں؟ اگر ہر کوئی اپنی مرضی کے ریٹ لگائے گا تو عام آدمی کہاں جائے گا؟

ضلعی انتظامیہ اور پرائز کنٹرول اتھارٹی فوری ایکشن لے، ناجائز منافع خوری کا خاتمہ کرے اور عوام کو انصاف فراہم کیا جائے!

💬 آپ کی کیا رائے ہے؟ کیا آپ کے علاقے میں بھی یہی صورتحال ہے؟ نیچے کمنٹ سیکشن میں ہمیں ضرور بتائیں۔

✍️ رپورٹ: ڈاکٹر راحیل راٹھور (Dr. Raheel Rathore)

نوابشاہ (بیورو رپورٹ): سندھ کے بڑے شہروں کی طرح بھاری بجٹ حاصل کرنے والے، صدرِ پاکستان کے آبائی شہر نوابشاہ کا سول ہسپتا...
10/07/2026

نوابشاہ (بیورو رپورٹ): سندھ کے بڑے شہروں کی طرح بھاری بجٹ حاصل کرنے والے، صدرِ پاکستان کے آبائی شہر نوابشاہ کا سول ہسپتال اس وقت بنیادی ترین طبی سہولیات سے یکسر محروم ہو چکا ہے۔

​سوشل میڈیا پر وائرل ہونے والی ایک دلخراش ویڈیو (بشکریہ: ڈاکٹر راحیل) نے ہسپتال انتظامیہ اور متعلقہ حکام کے بڑے بڑے دعووں کی قلعی کھول دی ہے۔ ویڈیو میں دیکھا جا سکتا ہے کہ ہسپتال میں اسٹریچر اور وہیل چیئر جیسی بنیادی ترین سہولت نہ ہونے کے باعث، مجبور شہری اپنے شدید بیمار پیاروں کو گود میں اٹھا کر ایک وارڈ سے دوسرے وارڈ منتقل کرنے پر مجبور ہیں۔

مقامی شہریوں کا کہنا ہے کہ نوابشاہ کے لیے ہر سال کروڑوں اور اربوں روپے کا ہیلتھ بجٹ منظور کیا جاتا ہے، لیکن زمین پر صورتحال انتہائی ابتر ہے۔ ہسپتالوں کی یہ حالت دیکھ کر سوال اٹھتا ہے کہ عوام کے ٹیکسوں کا یہ پیسہ آخر کس کی جیب میں جا رہا ہے؟ اس کرپشن اور بدانتظامی کا حساب لینے والا کوئی نہیں!

اگر ہمارے شہروں کے ہسپتالوں کا یہی حال رہا، تو آنے والے وقت میں غریب عوام کا کیا بنے گا؟ اپنی رائے کا اظہار کمنٹس میں ضرور کریں

🚨 پرانہ نواب شاہ کی نادر شاہ کالونی میں دن دھاڑے ڈکیتی. ڈکیتی کرنے والے چہرا واضح دیکھا جا سکتا ہے۔نواب شاہ (نمائندہ خصو...
08/07/2026

🚨 پرانہ نواب شاہ کی نادر شاہ کالونی میں دن دھاڑے ڈکیتی. ڈکیتی کرنے والے چہرا واضح دیکھا جا سکتا ہے۔
نواب شاہ (نمائندہ خصوصی، نواب شاہ سٹی نیوز): پرانا نواب شاہ کی نادر شاہ کالونی میں مسلح ڈاکوؤں نے دن دھاڑے تاجر قادر پٹھان کی دکان پر دھاوا بول دیا۔ نواب شاہ سٹی نیوز کے مطابق، ڈاکوؤں نے پستول کے زور پر لوٹ مار کی اور مزاحمت کرنے پر تاجر کے بیٹے کو شدید تشدد کا نشانہ بنایا۔ ملزمان دکان سے نقد رقم اور موبائل فون لوٹ کر بآسانی فرار ہو گئے۔

واردات کی سی سی ٹی وی فٹیج سامنے آ گئی ہے جس میں ملزمان کے چہرے بالکل واضح ہیں۔ نواب شاہ سٹی نیوز کی رپورٹ کے مطابق، تاجر برادری نے آئی جی سندھ اور ایس ایس پی شہید بینظیر آباد سے مطالبہ کیا ہے کہ فٹیج کی مدد سے ملزمان کو فوری گرفتار کیا جائے۔

چہرے واضح ہونے کے بعد اب پولیس کے پاس کوئی بہانہ نہیں ہے۔ نادرا سسٹم اور مقامی نیٹ ورک کے ذریعے ان ملزمان تک پہنچنا انتہائی آسان ہے، اب سب کچھ پولیس کی نیت اور فوری ایکشن پر منحصر ہے

پیٹرول کی قیمت میں پورے 1.97 روپے کی تاریخی کمی! 😒 نئی قیمت 297.53 روپے مقرر، الحمدللہ۔​ اس وقت عالمی منڈی میں خام تیل ک...
03/07/2026

پیٹرول کی قیمت میں پورے 1.97 روپے کی تاریخی کمی! 😒 نئی قیمت 297.53 روپے مقرر، الحمدللہ۔
​ اس وقت عالمی منڈی میں خام تیل کی قیمتیں انتہائی کم سطح پر ہیں، لیکن اس کے باوجود حکومت عوام کو اس کا اصل فائدہ منتقل کرنے میں مکمل ناکام نظر آتی ہے۔
​آپ کا اس "بڑے ریلیف" کے بارے میں کیا کہنا ہے؟ کمنٹ سیکشن میں اپنی رائے کا اظہار کریں۔ 👇

​

بخدمت جناب وزیر اعلیٰ سندھ سید مراد علی شاہ صاحب​موضوع: پولیس لائن کی دکانیں اور فلیٹس خالی کرانے کی کارروائی کا فوری نو...
03/07/2026

بخدمت جناب وزیر اعلیٰ سندھ سید مراد علی شاہ صاحب

​موضوع: پولیس لائن کی دکانیں اور فلیٹس خالی کرانے کی کارروائی کا فوری نوٹس لینے اور متاثرہ تاجروں اور رہائشیوں کو قانونی تحفظ فراہم کرنے کی درخواست

​محترم جناب!

​میں، صدر آل پاکستان انجمنِ تاجران سندھ، آپ کی خدمت میں مؤدبانہ گزارش کرتا ہوں کہ سندھ میں پولیس لائن کی دکانیں اور رہائشی فلیٹس خالی کرانے کی جاری کارروائی کے باعث تاجر برادری، فلیٹس میں مقیم خاندانوں اور عام شہریوں میں شدید تشویش پائی جاتی ہے۔ اس اقدام سے سینکڑوں کاروبار متاثر ہو رہے ہیں، ہزاروں افراد کے روزگار کو خطرہ لاحق ہے اور بے شمار خاندان اپنی رہائش کے حوالے سے شدید پریشانی کا شکار ہیں۔ آپ سے مؤدبانہ درخواست ہے کہ اس معاملے کا فوری نوٹس لیتے ہوئے متعلقہ حکام کو ہدایت فرمائیں کہ اس کارروائی کا ازسرِنو جائزہ لیا جائے، متاثرہ تاجروں اور رہائشیوں کو قانونی تحفظ فراہم کیا جائے، اور کسی بھی فیصلے سے قبل تمام متعلقہ فریقین سے مشاورت کی جائے تاکہ عوام کے روزگار اور رہائش کا تحفظ یقینی بنایا جا سکے۔ ہمیں یقین ہے کہ آپ عوامی مفاد، انصاف اور قانون کی بالادستی کو مدنظر رکھتے ہوئے اس اہم مسئلے کے حل کے لیے فوری اور مثبت اقدامات کریں گے۔

​درخواست گزار:

​جاوید قریشی

صدر، آل پاکستان انجمنِ تاجران سندھ

🚨 پولیس لائن دکانیں سیل: تاجروں کا صبر کا پیمانہ لبریز، زاہد اعوان کی قیادت میں احتجاجی کیمپ قائم!نوابشاہ: معاشی بحران ک...
03/07/2026

🚨 پولیس لائن دکانیں سیل: تاجروں کا صبر کا پیمانہ لبریز، زاہد اعوان کی قیادت میں احتجاجی کیمپ قائم!
نوابشاہ: معاشی بحران کے اس دور میں غریب کا چولہا ٹھنڈا کرنے کی کوشش، پولیس لائن کی 100 سے زائد دکانیں گزشتہ 4 روز سے سیل ہونے پر دکانداروں کا احتجاجی کیمپ قائم۔
📌 خبر کی تفصیلات:
پولیس لائن کے صدر زاہد اعوان کی قیادت میں متاثرہ دکانداروں نے اپنی بند دکانیں فوری طور پر کھولنے کے لیے احتجاجی کیمپ قائم کر دیا ہے۔ مظاہرین کا کہنا ہے کہ دکانوں کی اچانک بندش نے 100 سے زائد خاندانوں کے منہ سے نوالہ چھین لیا ہے۔
احتجاجی کیمپ سے خطاب کرتے ہوئے صدر زاہد اعوان کا کہنا تھا کہ دکاندار پہلے ہی شدید مالی مشکلات کا شکار ہیں، ایسے میں دکانیں سیل کرنا معاشی قتل کے مترادف ہے۔ انہوں نے انتظامیہ سے مطالبہ کیا کہ وہ معاملے کا فوری نوٹس لے اور دکانیں کھولنے کے احکامات جاری کرے تاکہ متاثرہ خاندانوں کا روزگار بحال ہو سکے۔ دکانداروں نے خبردار کیا ہے کہ اگر مطالبات تسلیم نہ کیے گئے تو احتجاج کا دائرہ کار مزید وسیع کیا جائے گا۔ دوسری جانب انتظامیہ نے اس پورے معاملے پر تاحال خاموشی اختیار کر رکھی ہے۔
🔑 اہم ترین نکات (Important Points):
بڑا معاشی دھچکا: تقریباً 100 سے زائد دکانیں گزشتہ 4 دنوں سے سیل ہیں۔
متاثرہ خاندان: دکانوں کی بندش سے 100 سے زائد گھرانوں کا روزگار شدید متاثر ہوا ہے۔
قیادت: احتجاج پولیس لائن کے صدر زاہد اعوان کی سربراہی میں کیا جا رہا ہے۔

ایک طرف ملک پہلے ہی شدید معاشی بحران اور مشکلات سے دوچار ہے، ایسے میں کاروباری طبقے اور چھوٹے دکانداروں کے ساتھ تعاون کرنے کے بجائے دکانیں سیل کر کے ایسا سلوک کرنا کہاں کا انصاف ہے؟ کیا اس طرح کے اقدامات سے بے روزگاری میں مزید اضافہ نہیں ہوگا؟
آپ کی اس بارے میں کیا رائے ہے؟ کیا انتظامیہ کا یہ اقدام درست ہے یا تاجروں کا مطالعہ جائز ہے؟ کمنٹ میں اپنی قیمتی رائے کا اظہار ضرور کریں اور اس پوسٹ کو شیئر کر کے مظلوم دکانداروں کی آواز بنیں! 👇

🚨 نواب شاہ: تیز رفتار آئل ٹینکر کی ٹکر سے موٹر سائیکل سوار نوجوان جاں بحق​سکرنڈ روڈ نئے ناکے کے قریب تیز رفتار آئل ٹینکر...
03/07/2026

🚨 نواب شاہ: تیز رفتار آئل ٹینکر کی ٹکر سے موٹر سائیکل سوار نوجوان جاں بحق

​سکرنڈ روڈ نئے ناکے کے قریب تیز رفتار آئل ٹینکر نے موٹر سائیکل سوار نوجوان کو کچل دیا، جس سے وہ موقع پر ہی جاں بحق ہو گیا۔ ریسکیو 1122 نے لاش کو پیپلز میڈیکل اسپتال منتقل کر دیا۔ حادثے کے بعد ٹینکر ڈرائیور فرار ہو گیا جبکہ پولیس نے ٹینکر تحویل میں لے لیا ہے۔

​💬 آپ کی کیا رائے ہے؟

شہر کی مین سڑکوں پر ان ہیوی گاڑیوں کی تیز رفتاری اور لاپرواہی کا ذمہ دار کون ہے؟ کیا نواب شاہ میں ہیوی ٹریفک کے داخلے کے اوقات مقرر ہونے چاہئیں؟

​نیچے کمنٹ میں اپنی رائے دیں اور آواز اٹھانے کے لیے پوسٹ کو شیئر کریں۔

عالمی مارکیٹ میں خام تیل کی قیمتیں انتہائی کم، کیا پاکستانیوں کو کوئی فائدہ مل پائے گا؟​اسلام آباد / کراچی (نیوز ڈیسک)عا...
02/07/2026

عالمی مارکیٹ میں خام تیل کی قیمتیں انتہائی کم، کیا پاکستانیوں کو کوئی فائدہ مل پائے گا؟

​اسلام آباد / کراچی (نیوز ڈیسک)

عالمی مارکیٹ میں برینٹ اور امریکی خام تیل کی قیمتوں میں نمایاں کمی کے بعد پٹرولیم مصنوعات کے ریٹس گزشتہ چار ماہ کی کم ترین سطح پر آ گئے ہیں۔ عالمی منڈی میں قیمتیں یکدم گرنے سے جہاں دنیا بھر میں تیل سستا ہوا ہے، وہی اب پاکستان میں بھی پٹرولیم قیمتوں میں بڑی کمی کی توقعات پیدا ہو گئی ہیں۔

​عوام کے لیے ریلیف کی امید:

​تیل کی قیمتوں میں کمی: عالمی مارکیٹ کے اثرات کے باعث اگلے پندرہ روز کے لیے پاکستان میں پٹرول اور ڈیژل سستا ہونے کا قوی امکان ہے۔

​مہنگائی سے نجات: اگر حکومت نے عالمی منڈی کا پورا فائدہ عوام تک منتقل کیا تو ملک میں ٹرانسپورٹ کے کرایوں اور مہنگائی میں واضح کمی آ سکے گی۔

​اب عوام کی نظریں حکومت پر ہیں کہ آیا اس عالمی ریلیف کا فائدہ عام پاکستانی کی جیب تک پہنچایا جاتا ہے یا نہیں۔ آپ کمنٹ میں بتائیں کہ آپ کو حکومت سے کیا امید ہے۔

Address

Nawabshah

Website

Alerts

Be the first to know and let us send you an email when All about Nawabshah posts news and promotions. Your email address will not be used for any other purpose, and you can unsubscribe at any time.

Contact The Business

Send a message to All about Nawabshah:

Shortcuts

Share

Category