25/05/2023
صدر مملکت ڈاکٹر عارف علوی، وزیراعظم شہباز شریف اور مسلح افواج کے سربراہان نے یوم تکرم شہداء پاکستان کے موقع پر اپنے پیغامات میں شہدائے پاکستان کو زبردست خراج عقیدت پیش کیا ہے جنہوں نے ملک اور مادر وطن کی سالمیت، خودمختاری اور عزت کو یقینی بنانے کے لیے اپنی جانوں کا نذرانہ پیش کیا۔ صدر جمہوریہ نے اپنے پیغام میں کہا کہ پوری قوم کو اپنے بہادر شہداء پر فخر ہے جنہوں نے تاریخ کے مشکل وقت میں حب الوطنی اور بے خوفی کے جذبے کا مظاہرہ کیا۔ وزیر اعظم نے ایک ٹویٹ میں بچوں سمیت لوگوں پر زور دیا کہ وہ شہدا کی یادگاروں اور قبروں پر جائیں اور ان پر پھول برسائیں۔ انہوں نے کہا کہ ہمیں دنیا کو دکھانا چاہیے کہ ہم وہ قوم ہیں جو اپنے شہداء کو احترام اور محبت میں رکھتی ہے۔
