Mufaz News Tv - مفاز نیوز ٹی وی

04/01/2026

PTI SINDH READY FOR WARM WELCOME

03/01/2026

سافکو گروپ کا نئے سال 2026 کا عزم اور امید کے ساتھ آغاز

سافکو کے مختلف اداروں کا مشترکہ اجلاس، ڈاکٹر سلیمان ابڑو کا خواتین کی قیادت، ٹیکنالوجی اور موسمیاتی اقدامات پر زور

حیدرآباد( رپورٹ کاشف ابڑو ) سافکو گروپ نے نئے سال 2026 کا آغاز عزم، امید اور اجتماعی وژن کے ساتھ کیا اس موقع پر سافکو سپورٹ فاؤنڈیشن (SSF)، سافکو مائیکروفنانس کمپنی پرائیویٹ لمیٹڈ (SMCL) اور سندھ ایگریکلچر اینڈ فارسٹ ورکرز کوآرڈینیٹنگ آرگنائزیشن (SAFWCO) سے وابستہ افسران اور عملے پر مشتمل ایک خصوصی نئے سال کی تقریب منعقد ہوئی_
تقریب کے دوران مختلف شعبہ جات اور ادارہ جاتی سربراہان نے سال 2025 کی نمایاں کارکردگی حاصل شدہ اہداف اور درپیش چیلنجز پر تفصیلی بریفنگ دی، جبکہ سال 2026 کے لیے اسٹریٹجک منصوبہ بندی اور ترجیحات کا بھی اعلان کیا گیا
تقریب سے کلیدی خطاب کرتے ہوئے سافکو کے بانی ڈاکٹر سلیمان جی ابڑو نے جنوبی ایشیائی ممالک کو درپیش سماجی، معاشی اور ماحولیاتی چیلنجز کا ذکر کرتے ہوئے کہا کہ موجودہ دور میں خواتین کی قیادت میں اقدامات، جدید و اختراعی حکمتِ عملیاں، ٹیکنالوجی پر مبنی حل اور فوری موسمیاتی اقدامات وقت کی اہم ضرورت بن چکے ہیں
ڈاکٹر سلیمان ابڑو نے کہا کہ سافکو سندھ بھر میں ان چیلنجز سے نمٹنے کے لیے مؤثر انداز میں کام کر رہا ہے اور ادارہ اپنی فلاحی و ترقیاتی سرگرمیوں کے ذریعے کمزور اور پسماندہ طبقات کی زندگیوں میں مثبت تبدیلی لا رہا ہے انہوں نے واضح کیا کہ سافکو کا مشن درست سمت میں گامزن ہے اور اس کی کامیابی کا انحصار ادارے سے وابستہ ہر فرد کی لگن، دیانت اور اجتماعی کاوشوں پر ہے۔
انہوں نے مزید کہا کہ نئے سال میں سافکو گروپ سماجی انصاف، معاشی خودمختاری اور پائیدار ترقی کے اہداف کے حصول کے لیے اپنے اقدامات کو مزید وسعت دے گا تاکہ مستحق طبقات کو باوقار اور محفوظ مستقبل فراہم کیا جا سکے۔

02/01/2026

ایران سعودیہ میں بغاوت پھوٹنے لگی۔۔

02/01/2026

تیسری عالمی جنگ خطرات منڈلانے لگے۔۔

02/01/2026

بجٹ سے پہلے ٹیکنوکریٹ کی سادائیں آنے لگی۔۔۔ !

02/01/2026

بارڈرز بند ہونے سے صرف پنجاب کو ماہانہ 80ارب کا نقصان ۔۔۔،?

02/01/2026

PIA
کے بعد ریلوے کو بیچنے کی تیاریاں ?

02/01/2026

مزاکرات کے لیے رابطے۔۔۔ فیلڈ مارشل شہباز زرداری ۔۔ خان مزاکرات براہ راست ۔۔۔

02/01/2026

02/01/2026

نواب شاہ: چیئرمین ایچ ایم خوجا ٹاؤن سید عاطف زیدی کی سالگرہ کی تقریب، کیک کاٹا گیا

پاکستان پیپلز پارٹی کے رہنماؤں، ٹاؤن افسران اور کارکنان کی شرکت، عوامی خدمات پر نیک تمناؤں کا اظہار

نواب شاہ( رپورٹ کاشف ابڑو) پاکستان پیپلز پارٹی سٹی نواب شاہ کے صدر خان بہادر بھٹی اور اولڈ نواب شاہ ٹاؤن کے چیئرمین حاجی محمد حیات کاکیپوٹہ کی قیادت میں ایچ ایم خوجا ٹاؤن آفس میں چیئرمین ایچ ایم خوجا ٹاؤن میونسپل کارپوریشن سید عاطف زیدی کی سالگرہ کی مناسبت سے تقریب منعقد کی گئی، جس میں سالگرہ کا کیک کاٹا گیا تقریب میں ٹاؤن میونسپل کمشنر کاشف حیدر زرداری، ٹاؤن اسٹاف، پاکستان پیپلز پارٹی کے کارکنان اور شہر کی مختلف سماجی و سیاسی شخصیات نے شرکت کی شرکاء نے سید عاطف زیدی کو سالگرہ کی مبارکباد دیتے ہوئے ان کی بلدیاتی خدمات، عوام دوستی اور انتظامی صلاحیتوں کو سراہا۔

01/01/2026

سندھ میں اسکول سے باہر بچوں کی تعلیم کے لیے اہم پیش رفت
سافکو سپورٹ فاؤنڈیشن اور محکمہ لٹریسی سندھ کے درمیان معاہدہ

تھرپارکر اور عمرکوٹ میں نان فارمل ایجوکیشن سینٹرز قائم کیے جائیں گے، شرحِ خواندگی میں اضافے کی امید

رپورٹ: کاشف ابڑو
سندھ میں اسکول سے باہر بچوں کو تعلیم کے دائرے میں لانے کے لیے ایک اہم قدم اٹھایا گیا ہے۔ سافکو سپورٹ فاؤنڈیشن (SSF) اور ڈائریکٹوریٹ آف لٹریسی اینڈ نان فارمل ایجوکیشن، حکومتِ سندھ کے درمیان ایک معاہدے پر دستخط کیے گئے ہیں، جس کے تحت تھرپارکر اور عمرکوٹ اضلاع میں نان فارمل ایجوکیشن (NFE) سینٹرز قائم کیے جائیں گے۔
اس معاہدے پر سافکو سپورٹ فاؤنڈیشن کے چیف ایگزیکٹو بشیر احمد ابڑو نے صوبائی وزیرِ تعلیم سید سردار علی شاہ اور سیکریٹری تعلیم زاہد علی عباسی کی موجودگی میں دستخط کیے۔ منصوبے کا بنیادی مقصد سندھ میں شرحِ خواندگی کو بڑھانا اور اسکول سے باہر بچوں کے دیرینہ مسئلے کا مؤثر حل تلاش کرنا ہے۔
یہ اقدام سندھ کے چھ اضلاع میں مجموعی طور پر 1,420 نان فارمل ایجوکیشن سینٹرز کے قیام کے دوسرے مرحلے (فیز ٹو) کا حصہ ہے۔ اس منصوبے کے ذریعے شراکت دار ادارے نہ صرف جامع اور معیاری تعلیم کے فروغ بلکہ کمیونٹی ڈویلپمنٹ کے لیے اپنے عزم کا بھی اعادہ کر رہے ہیں۔
تعلیمی ماہرین کے مطابق یہ منصوبہ پسماندہ علاقوں میں بچوں کو بنیادی تعلیم فراہم کرنے اور انہیں باقاعدہ تعلیمی نظام سے جوڑنے میں اہم کردار ادا کرے گا۔

31/12/2025

اسلام آباد: سندھ میں 27 ارب روپے کے سولر انرجی پراجیکٹ میں اربوں روپے کی بے قاعدگیوں کا انکشاف ہوا ہے۔

سینیٹر سیف اللہ ابڑو کی زیر صدارت سینیٹ کی قائمہ کمیٹی برائے اقتصادی امور کا اجلاس ہوا۔

اجلاس میں سندھ میں 27 ارب روپے کے سولرانرجی پروجیکٹ میں اربوں روپے کی بے قاعدگیوں کا انکشاف کیا گیا۔

حکام پلاننگ ڈویژن سندھ نے بتایا کہ سولر پروجیکٹ میں اربوں روپےکی کرپشن کے ثبوت ملے ہیں، اس پروجیکٹ کی دو مرتبہ انکوائریاں مکمل کی گئی ہیں، یہ این جی اوز کے تحت پروجیکٹ دیا گیا تھا، اس پروجیکٹ کے تحت غریب لوگوں کو سولر پینل ملنے تھے، اس میں بڑے پیمانے پر بے قاعدگیاں ہر لیول پر پائی گئی ہیں۔

سینیٹرکامل علی آغا کا کہنا تھا کہ غریب کا پیسہ کھانا بڑا ظلم ہے، ایسا کرنا بڑا جرم ہے۔

سیف اللہ ابڑو کا کہنا تھا کہ این جی اوز کی سلیکشن بغیر ٹینڈر کے ہوئی اور کچھ لوگوں میں بندربانٹ کی گئی، 21 ہزار میں ملنے والا پینل 60 ہزار میں لیا گیا، اپنی مرضی کے لوگوں کو نوازنے کے لیے پورا پلان بنایا گیا۔

قائمہ کمیٹی نے آئندہ اجلاس میں تمام ریکارڈ کے ہمراہ سیکرٹری کو دوبارہ طلب کرلیا۔