Nawagai Breaking News

16/12/2025

پلندری شہر میں افسوسناک واقعہ پیش آیا، جہاں ایک ڈرائی فروٹ کی دکان پر کام کرنے والے دو کم عمر نوجوانوں کے درمیان ہونے والا معمولی تنازع جان لیوا جھگڑے میں تبدیل ہو گیا۔

تفصیلات کے مطابق عظمت اللہ ولد خان محمد سکنہ باجوڑ ایجنسی، عمر تقریباً 20 سال، اور رفیع اللہ ولد شفیع اللہ قوم پٹھان، سکنہ باجوڑ، عمر تقریباً 17 سال، پلندری شہر میں ایک ڈرائی فروٹ کی دکان پر ملازمت کرتے تھے اور دونوں خوش اخلاقی کے ساتھ کام کر رہے تھے۔

عینی شاہدین کے مطابق مغرب کے وقت دکان کا مالک نماز کی ادائیگی کے لیے گیا ہوا تھا کہ اسی دوران دونوں نوجوانوں کے درمیان کسی بات پر تلخ کلامی ہوئی، جو دیکھتے ہی دیکھتے تکرار اور پھر شدید جھگڑے میں بدل گئی۔ جھگڑے کے دوران چاقو کے وار سے رفیع اللہ کو گردن پر شدید زخم آئے۔

زخمی نوجوان کو فوری طور پر ڈسٹرکٹ ہیڈکوارٹر ہسپتال پلندری منتقل کیا گیا، تاہم وہ زخموں کی تاب نہ لاتے ہوئے دم توڑ گیا اور اپنے خالقِ حقیقی سے جا ملا۔

واقعے کی اطلاع ملتے ہی پولیس موقع پر پہنچ گئی، شواہد اور خون کے نمونے تحویل میں لے لیے گئے ہیں، جبکہ لاش کو پوسٹ مارٹم کے بعد ورثاء کے حوالے کیا جائے گا۔ پولیس کے مطابق واقعے کی مکمل تحقیقات جاری ہیں اور قانون کے مطابق کارروائی عمل میں لائی جائے گی۔ پولیس نے قاتل کو حراست میں لے لیا اہے

11/12/2025

برہ ناواگئ شیرزمان خان ، کشر خان ، عرف خان جی ھنرخان ، مسافر کا والد محترم ملک نجب الدین خان وفات پا چکا ہے جس کا نماز جنازہ کل بروز جمعہ 3:00 بجے ناواگئ خان پمپ کے قریب ملکانہ جنازگاں میں آداکیا جائے گا
انا للہ وانا الیہ راجعون اللہ تعالٰی جنت الفردوس میں اعلٰی مقام عطا فرمائے آمین ثم آمین یا رب العالمین 🤲🤲🤲

05/12/2025

ناواگئ میں بڑھتی ہوئی چوریوں پر شدید تشویش

ناواگئ بازار میں ریڑھی چلانے والا ایک غریب محنت کش سیف اللہ کل رات تقریباً 8 بجے ناواگئ کالونی سے کچھ فاصلے پر شینگر کے مقام پر مسلح چوروں کے ہاتھوں لٹ گیا۔ ڈاکو اس غریب سے 1,20,000 روپے نقد اور موبائل فون بندوق کے زور پر چھین کر فرار ہوگئے۔ یہ واقعہ نہ صرف ظلم ہے بلکہ ناواگئ میں بڑھتی ہوئی غیر محفوظ صورتحال کی عکاسی بھی کرتا ہے۔

یہ کوئی پہلا واقعہ نہیں۔ گزشتہ تین مہینوں میں مہمد گٹ سے زوربندر تک مین روڈ پر کم از کم 50 ڈاکہ زنی یا چوری کے واقعات رپورٹ ہو چکے ہیں، جو کہ ایک بڑے المیے اور انتظامی کمزوری کی نشاندہی کرتے ہیں۔

ہم ڈی پی او باجوڑ، ڈی سی باجوڑ اور کمانڈنٹ باجوڑ سے پرزور اپیل کرتے ہیں کہ فوری طور پر مؤثر اقدامات کرکے ان وارداتوں کو روکا جائے، عوام کو تحفظ فراہم کیا جائے، اور ملوث گروہوں کے خلاف سخت کارروائی کی جائے۔

ساتھ ہی ناواگئ کے تمام اقوام و مشران سے درخواست ہے کہ اس سنگین صورتحال پر ایک مشترکہ قومی جرگہ بلایا جائے، تاکہ اجتماعی طور پر ایک بڑا اور مؤثر فیصلہ کیا جا سکے اور ان چوروں کا راستہ ہمیشہ کے لیے روکا جا سکے۔

23/10/2025

حاجي محمد دين صاحبزاده ده نواګۍ په حق رسيدلی دی آلله دي مغفرت نصيب کي ده جنازه اعلان به روسته کېږي

19/10/2025

24/09/2025

باجوڑ۔

موضوع: ٹائپ ڈی ہسپتال ناواگئی میں غیر قانونی رقوم لینے کے خلاف شکایت

محترم جناب،

میں آپ کی توجہ ایک سنگین مسئلے کی طرف دلانا چاہتا ہوں۔ ٹائپ ڈی ہسپتال ناواگئی میں ختنہ کے بعد مریضوں سے غیر قانونی رقم وصول کی جاتی ہے اور تمام سامان پرائیویٹ دکان سے خریدنے پر مجبور کیا جاتا ہے، حالانکہ یہ سامان ہسپتال سے فراہم ہونا چاہیے۔

اس کے علاوہ، آپریشن کے بعد بھی غیر قانونی رقم (شیرینی کے نام پر) طلب کی جاتی ہے، جو کہ سراسر ناانصافی ہے اور سرکاری ہسپتال کے قوانین کے خلاف ہے۔ ان غیر قانونی اقدامات کی وجہ سے مریض شدید مشکلات کا شکار ہیں اور عوام کا اعتماد صحت کے نظام پر بری طرح متاثر ہو رہا ہے۔
نگار علی خان ۔

20/09/2025

آج نواگئ میں ایک اہم اور تاریخی قومی جرگہ منعقد ہوا۔ اس جرگے کا انعقاد گزشتہ دنوں پیش آنے والے ایک غیر شرعی اور غیر اخلاقی واقعے کے پس منظر میں کیا گیا، جس نے عوامی حلقوں میں شدید غم و غصے کی لہر دوڑا دی۔

یہ جرگہ نواگئ کے تمام اقوام کے سرکردہ مشران، علما کرام اور معتبرین پر مشتمل تھا اور علاقے کے قاضی مولانا سیف الرحمن کی زیرِ سرپرستی منعقد ہوا۔ جرگے نے متفقہ طور پر اس واقعے کو انتہائی شرمناک قرار دیتے ہوئے سخت ترین الفاظ میں مذمت کی اور واضح کیا کہ یہ فیصلہ پوری نواگئ قوم کا مشترکہ اور متفقہ فیصلہ ہے۔

اعلامیہ میں کہا گیا کہ اگر واقعے کے ذمہ داران عوام سے معافی نہ مانگیں تو ان کے خلاف ہر قسم کا سماجی، معاشرتی اور اقتصادی بائکاٹ کیا جائے گا۔ اس مقصد کے لیے ایک مؤثر کمیٹی تشکیل دی جائے گی جس میں ہر گاؤں سے تین مشران شامل ہوں گے۔ کمیٹی کی نگرانی خان آف نواگئ کریں گے اور ہر گاؤں اپنے نمائندوں کے ذریعے ذمہ داری قبول کرے گا۔ اگر کسی گاؤں میں دوبارہ ایسا عمل ہوا تو اس کے مشران جواب دہ ہوں گے اور جرگہ ان کے خلاف سخت کارروائی کرے گا۔

یہ جرگہ اس سلسلے کا پہلا اجلاس تھا۔ ان شاءاللہ اگلا اجلاس اگلے چند دنوں میں خان آف نواگئ نجیب خان اور دیگر خانان کی سرپرستی میں منعقد ہوگا، جہاں سخت ترین فیصلے کیے جائیں گے تاکہ آئندہ کوئی بھی شخص شرعیت اور علاقے کی رسم و رواج کے خلاف کوئی اقدام نہ کرے۔

17/09/2025

میرے خیال میں کیسی کو بے گناہ قتل کرنا اورکسی مظلوم پے ظلم کرنا ایک مجرے سے کہیں زیادہ کبیرہ گناہ ہیں جو ہماری پختون معاشرے میں بہت عام ہیں

12/09/2025

جناب ڈپٹی کمشنر صاحب اور جملہ ایم پی ایز صاحبان اور ایم این اے صاحب ہم برا ناواگیء خونہ کلی سڑک جو عوام نے اپنی مدد آپ سے ایک کچہ سڑک بنایا تھا اور جتنا ایم این اے یا ایم پی اے گزرے ہیی سب کو ہم درخوستیی دی ہیی حال ہی میی میی نے ڈی سی صاحب کو کلی کچہری میی درخواست کی ہیی لیکن ابھی تک اسکے پکانے کا کوئی بندوبستی نہیی ہویی ابھی بارشوں کی وجہ سے بالکل ختم ہونے کو قریب ہیی میرا بھتیجا داؤد شاہ نے کل ڈی سی صاحب کوعرض کیا تھا کہ اس میی 8 گھنٹے کام کریی سرکاری خرچ پر لیکن وہ بھی 8 گھنٹے نہیی ہورہی کہتا ہے کہ ہمیشہ 5گھنٹے کا اڈر ہیی خدا را ہم بھی پاکستانی اور باجوڑ کی اپنے والے ہیی ہمارا بھی حق بنتا ہیی کہ یہ 1کلومیٹر راستہ بناکر ان غریبوں پر رحم پر ماہی ہم برا ناواگیء کوز کلے ننگریزان اور خونہ کلی عوام عاجزانہ درخواست کیجاتی ہیی کہ سڑک اور پانی ان دونوں سہولت سے یہ عوام اس جدید دور میی محروم ہیی۔ درخواست گزار حاجی ولایت زرگر چیرمین فی سبیل اللہ فاونڈیشن اور جملہ علاقہ برا ناواگیء خونہ کلے

18/08/2025

ندا بی بی ولد گلستان نیو اسلامیہ چلڈرن اکیڈمی سکول سے چھٹی کے بعد گھر پر نہیں پہنچی۔ عمر 8 سال اگر کسی کو ملے تو عامر ڈاکٹر کوزہ آڈہ سے رابطہ کریں یا ناواگئ میں ماموند متاثرین کیلئے جو امداد کیمپ لگایا ہے اس سے رابطہ کریں
رابطہ نمبر03088186082

17/08/2025

"سینیٹر ہدایت خان شہید فاؤنڈیشن" کے قیام کا اعلان

ہم نے خود اور اپنے قریبی ساتھیوں سے مشاورت کے بعد فیصلہ کیا ہے کہ سینیٹر ہدایت اللہ خان کے مشن کو جاری رکھتے ہوئے ایک فلاحی ادارہ قائم کیا۔جس کا نام "سینیٹر ہدایت خان شہید فاؤنڈیشن" رکھا گیا ہے۔

یہ فاؤنڈیشن باجوڑ کے عوام کی خدمت اور خصوصاً محروم طبقات کی عملی مدد کے لیے کام کرے گی۔ ہمارا مقصد صرف باتوں تک محدود نہیں ہوگا بلکہ حقیقی خدمت کے جذبے کے ساتھ میدانِ عمل میں قدم رکھا جائے گا۔

فاؤنڈیشن کے بنیادی مقاصد:

باجوڑ آپریشن کے متاثرین کی بھرپور امداد

نئی نسل کے لیے معیاری ایجوکیشن کی فراہمی

بیروزگاری کے خاتمے کے لیے روزگار اور ہنرمندی کے مواقع پیدا کرنا

معذور افراد کی مالی و سماجی معاونت

یتیم، غریب اور لاچار بچوں کی کفالت اور تربیت

بہتر صحت کی سہولیات فراہم کرنے کے لیے اقدامات

عوام کو صاف اور پینے کے قابل پانی کی فراہمی

منشیات کے خاتمے کے لیے بھرپور جدوجہد

نوجوانوں کو مثبت سرگرمیوں کی طرف لانے کے لیے کھیلوں کے میدانوں کی سرپرستی اور سہولیات میں اضافہ

میرا یقین ہے کہ یہ فاؤنڈیشن باجوڑ کے عوام کے لیے امید کا نیا چراغ ثابت ہوگی۔ میں دعا کرتا ہوں کہ اللہ تعالیٰ ہمیں اخلاص اور خدمت کے ساتھ یہ مشن آگے بڑھانے کی توفیق عطا فرمائے

آپ سب کی دعاوں طلبگار
حاجی بسم اللہ خان (سابق ممبر قومی اسمبلی باجوڑ)
انجینیر شوکت اللہ خان (سابق گورنر خیبر پختونخواہ)
عظمت اللہ خان (خان آف ناواگئی)
ڈاکٹر عنایت اللہ خان
حمایت اللہ خان
نجیب اللہ خان
حسیب اللہ خان
عدیل خان
انیس خان (فرزند سینیٹر ہدایت اللہ خان شہید)
خان عماد خان (فرزند سینیٹر ہدایت اللہ خان شہید)

16/08/2025

ڈاکٹر محمد ایوب کے طرف سے ماموند متاثرین کے نام پیغام
​ ہمیں یاد ہے جب 2008 اور 2009 کے مشکل وقت میں ہم نے باجوڑ کے اپنے بھائیوں کو پناہ اور علاج کی سہولیات فراہم کی تھیں۔ آپ سب سے ہمارا رشتہ نیا نہیں، بلکہ یہ اعتماد اور خدمت پر قائم ہے۔
​آج ایک بار پھر، اسی جذبے اور عزم کے ساتھ ہم آپ کی خدمت میں حاضر ہیں۔ خاص طور پر ماموند کے تمام متاثرین جو نواگئی میں قیام پذیر ہے کہ ان کا ہمارے ہسپتالوں میں مفت چیک اپ اور علاج کیا جائے گا۔
​ہمارے ہسپتالوں میں لیبارٹری کی سہولت، ڈیجیٹل ایکس رے کی تمام سہولیات بھی دستیاب ہیں۔
​آپ کا 24/7 (چوبیس گھنٹے، ساتوں دن) انتظار رہے گا۔
​ہمارے ہسپتالوں کے پتے
​بادشاہ گل میڈیکل کمپلیکس، نواگئی بازار، دویزو اڈہ
​ایوب میڈیکل کمپلیکس، کوزہ اڈہ، نواگئی
​آپ کی دعاؤں کے منتظر۔
نوٹ: اس پیغام کو زیادہ سے زیادہ لوگوں تک پہنچائے،شکریہ