24/09/2025
ڈپٹی کمشنر (ریٹائرڈ )عبدالغفور چودھری کی خودنوشت سوانح حیات" سپاہی سے ڈپٹی کمشنر تک" کا دوسرا ایڈیشن شائع ہو گیا۔
لاہور (ادبی رپورٹر) معروف بیورو کریٹ ،بے مثال قانون دان ، دانشور، محقق ، ادیب اور مصنف جناب عبد الغفور چودھری کی تہلکہ خیز اور سبق آموز خود نوشت سوانح حیات "سپاہی سے ڈپٹی کمشنر تک " کا دوسرا خوبصورت ایڈیشن شائع ہو کر مارکیٹ میں دستیاب ہے۔بارِ اول یہ کتاب 2024 ء میں شائع ہوئی ۔ لیکن دیکھتے ہی دیکھتے اس کی شہرت علمی ادبی حلقوں میں خوشبو کی طرح پھیلتی چلی گئی ۔ مصنف عبد الغفور چودھری کا تعلق ضلع قصور کے ایک مضافاتی گاؤں سے ہے ۔ ان کے ابا و اجداد کا پیشہ کاشت کاری تھا ۔ نا خواندگی کے ماحول میں آنکھ کھولنے والے عبدالغفور چودھری کے گھر سے ہائی سکول چھ کلومیٹر دور تھا ۔ لیکن حصول تعلیم کی راہ میں ان کی لگن نے سارے کانٹے پلکوں سے چنے اور مشکلات کی دشوار گزار گھاٹیوں کا سفر ہنستے مسکراتے طے کیا ۔ پاک آرمی میں سپاہی کے رینک سے زندگی کی شروعات کرنے والے اس مرد میدان نے زندگی کے بے شمار نشیب و فراز سے گزر کر ڈپٹی کمشنر کے عہدے تک کی منزلیں حاصل کرکے نہ صرف ایک مثال قائم کی بلکہ زمانے کو حیران بھی کیا ۔ پنجاب یونی ورسٹی سے بی اےکر نے بعد انہوں نے ، اسلامیات، سیاسیات ، اور انگریزی میں ماسٹرز کیا ۔ 1994 میں بی سی ایس کے مقابلے کا امتحان میں پہلی پوزیشن حاصل کی ۔ وہ ایڈیشنل کمشنر ساہیوال تھے جب اپنی سروس مکمل کر کے ریٹائر ہوئے۔ تصنیف و تالیف کا شوق تھا ۔ فرصت ملی تو اپنی زندگی کے سینکڑوں حالات و واقعات اور نشیب و فراز پر مبنی دلچسپ حیران کن اور منفرد اسلوب پر مبنی" خود نوشت "سوانح حیات لکھ کر ایک اور سنگ میل عبور کیا اور اردو ادب میں" سوانحی " شاہکار کا اضافہ کر دیا ۔ اس خوبصورت کتاب کا یہ دوسرا ایڈیشن پاکستان کے صف اول کے اشاعتی ادارے قلم فاونڈیشن انٹر نیشنل نے ادارے کے چیئرمین علامہ عبدالستار عاصم کی خاص نگرانی میں خوبصورت انداز میں شائع کی ہے ۔ جلد مضبوط ، ٹائٹل انتہائی خوبصورت ، کاغذ عمدہ اور کتابت و طباعت انتہائی معیاری ہے ۔ اس دلچسپ سوانح عمری کے حصول کے لیے خواہش مند قارئین درج ذیل پتہ پر خط لکھ کر منگوا سکتے ہیں
439 H2 ,Johar Town Lahore
آپ ای میل بھی کر سکتے ہیں
[email protected]
ہمارے وٹس ایپ نمبر پر ابھی رابطہ کریں
0300 88 60 479
شکریہ
