Voice of JK

06/08/2026

06/08/2026

میرپور(ظفرمغل سے) میر پور کے پوش سیکٹر ایف-2 سے ملحقہ قیمتی اراضی پر مبینہ غیر قانونی قبضے کے معاملے میں ادارہ ترقیات میرپور کے شعبہ انسدادِ تجاوزات نے کارروائی کرتے ہوئے مبینہ طور پر تعمیر کی گئی دیواریں مسمار کر دیں۔
تفصیلات کے مطابق لیاقت علی ولد غلام رسول نے سابق وزیر و ممبر اسمبلی چوہدری یاسر سلطان اور ادارہ ترقیات میرپور کے بعض اہلکاروں، جن میں چوہدری اجمل اکرم، چوہدری پرویز رشید، ٹاؤن پلانر چوہدری محمد سلمان اور دیگر شامل ہیں، پر الزام عائد کیا ہے کہ انتخابات سے دو روز قبل مبینہ ملی بھگت کے ذریعے سیکٹر ایف-2 سے ملحقہ سرکاری اراضی پر غیر قانونی قبضہ کروا کر تعمیرات کی گئیں۔شکایت موصول ہونے اور مقامی شہریوں کے احتجاج کے بعد ادارہ انسدادِ تجاوزات کے انسپکٹر راجہ شہزاد نے موقع کا معائنہ کیا۔ معائنے کے بعد انسدادِ تجاوزات کے عملے نے کارروائی کرتے ہوئے مبینہ غیر قانونی تعمیرات کے تحت قائم دیواریں مسمار کر دیں۔مقامی شہریوں نے کارروائی کا خیرمقدم کرتے ہوئے مطالبہ کیا ہے کہ سرکاری اراضی پر مبینہ قبضوں کے تمام معاملات کی شفاف اور غیر جانبدارانہ تحقیقات کرائی جائیں اور اگر کسی بھی فرد یا سرکاری اہلکار کا کردار ثابت ہو تو اس کے خلاف قانون کے مطابق کارروائی عمل میں لائی جائے۔

26/07/2026

*چیف الیکشن کمشنر آزاد کشمیر جسٹس (ر) غلام مصطفیٰ مغل کی عوام سے 27 جولائی کو میرپور ڈویژن میں ہونے والے انتخابات میں بھرپور شرکت کی اپیل*

میرپور(ظفر مغل سے)
چیف الیکشن کمشنر آزاد جموں و کشمیر جسٹس (ر) غلام مصطفیٰ مغل نے عوام سے اپیل کی ہے کہ 27 جولائی کو میرپور ڈویژن میں ہونے والے انتخابات میں بھرپور انداز میں حصہ لیں اور اپنے حقِ رائے دہی کا ضرور استعمال کریں۔ چیف الیکشن کمشنر نے کہا کہ ووٹ دینا قومی، آئینی اور اسلامی فریضہ ہے، اس لیے ہر شہری اپنی جمہوری ذمہ داری ادا کرتے ہوئے اپنا ووٹ ضرور ڈالے۔ انہوں نے عوام پر زور دیا کہ وہ گھروں سے نکل کر اپنی مرضی کے نمائندے کا انتخاب کریں، حقِ رائے دہی کا استعمال ہی مضبوط جمہوریت کی ضمانت ہے۔ جسٹس (ر) غلام مصطفیٰ مغل نے کہا کہ تمام پولنگ اسٹیشنز پر مکمل سیکیورٹی انتظامات کیے گئے ہیں، اس لیے شہری بلاخوف و خطر اپنے ووٹ کا حق استعمال کریں۔ انہوں نے بتایا کہ تمام پولنگ اسٹیشنز پر سیکیورٹی فورسز اور کوئیک رسپانس فورس تعینات ہوگی۔ چیف الیکشن کمشنر نے واضح کیا کہ ووٹنگ کے عمل میں رکاوٹ ڈالنے والوں کے خلاف قانون کے مطابق کارروائی کی جائے گی، جبکہ ریاست ووٹرز کی پولنگ اسٹیشنز تک آمد و رفت کے دوران بھی سیکیورٹی کو یقینی بنائے گی۔ انہوں نے عوام سے اپیل کی کہ وہ انتخابی عمل میں بھرپور حصہ لے کر اپنی جمہوری ذمہ داری ادا کریں اور اپنے ووٹ کے ذریعے اپنے مسائل کے حل کے لیے بہتر نمائندے کا انتخاب کریں۔

26/07/2026

( میرپور(ظفرمغل سے

ضلع میرپور میں 27 جولائی کو ہونے والے انتخابات کے لیے ڈسٹرکٹ ریٹرننگ آفیسر جہانگیر احمد جرال کی نگرانی میں پولنگ میٹریل روانہ کیا جا رہا ہے۔

میرپور کے 611 پولنگ اسٹیشنز کے لیے پولنگ میٹریل روانہ کیا جا رہا ہے۔

پریزائیڈنگ افسران کو سخت سیکیورٹی میں پولنگ اسٹیشنز کی جانب روانہ کیا گیا ہے۔

میرپور کے چاروں انتخابی حلقوں میں الیکشن 2026 کے انعقاد کے لیے انتظامات مکمل کر لیے گئے ہیں۔

انتخابی عمل کو سرانجام دینے کے لیے میرپور میں 3,643 کا اسٹاف تعینات کیاُگیا ہے ۔

میرپور کے 320 انتہائی حساس پولنگ اسٹیشنز پر اضافی سیکیورٹی انتظامات کیے گئے ہیں:
میرپور

ڈسٹرکٹ اینڈ سیشن جج / ڈسٹرکٹ ریٹرننگ آفیسر میرپور جہانگیر احمد جرال کا اہم پیغام

میرپور میں پولنگ میٹریل کی مرحلہ وار تقسیم کا عمل جاری ہے،ڈسٹرکٹ ریٹرننگ آفیسر میرپور

انتخابی حلقوں میں پولنگ میٹریل مرحلہ وار تقسیم کیا جا رہا ہے، جہانگیر احمد جرال

پریزائیڈنگ افسران کو پولنگ میٹریل فراہم کیا جا رہا ہے، ڈسٹرکٹ ریٹرننگ آفیسر میرپور

پولنگ اسٹیشنز کے لیے پولنگ باکسز پہنچا دیے گئے ہیں، جہانگیر احمد جرال

انتخابات کے انعقاد کے لیے تمام انتظامات مکمل کر لیے گئے ہیں، ڈسٹرکٹ ریٹرننگ آفیسر میرپور

27 جولائی کو نتائج تیار کرکے فارم 26 پر درج کیے جائیں گے، ڈسٹرکٹ ریٹرننگ آفیسر میرپور

شہری 27 جولائی کو گھروں سے نکلیں اور اپنا حقِ رائے دہی استعمال کریں، ڈسٹرکٹ ریٹرننگ آفیسر میرپور

ووٹ صرف اصل قومی شناختی کارڈ پر ہی کاسٹ کیا جا سکے گا، ڈسٹرکٹ ریٹرننگ آفیسر میرپور جہانگیر احمد جرال

اصل قومی شناختی کارڈ کے علاوہ کسی دوسری دستاویز پر ووٹ ڈالنے کی اجازت نہیں ہوگی، ڈسٹرکٹ ریٹرننگ آفیسر میرپور

سیاسی جماعتیں اور امیدواران ووٹرز کو اصل قومی شناختی کارڈ ساتھ لانے کی ہدایت کریں، ڈسٹرکٹ ریٹرننگ آفیسر میرپور

پرامن اور شفاف انتخابات کو ہر صورت یقینی بنایا جائے گا، ڈسٹرکٹ ریٹرننگ آفیسر میرپور

الیکشن کمیشن کے ضابطہ کے مطابق میرپور میں پولنگ کا عمل صبح 8 بجے سے شام 5 بجے تک جاری رہے گا، ڈسٹرکٹ ریٹرننگ آفیسر میرپور

میرپور میں مجموعی طور پر 611 پولنگ اسٹیشنز قائم کیے گئے ہیں، ڈسٹرکٹ ریٹرننگ آفیسر میرپور جہانگیر احمد جرال

میرپور میں 1,011 پولنگ بوتھ قائم کیے گئے ہیں، ڈسٹرکٹ ریٹرننگ آفیسر میرپور جہانگیر احمد جرال

میرپور میں مرد ووٹرز کی تعداد 2 لاکھ 8 ہزار 898 ہے، ڈسٹرکٹ ریٹرننگ آفیسر میرپور

میرپور میں خواتین ووٹرز کی تعداد 2 لاکھ 2 ہزار 242 ہے، ڈسٹرکٹ ریٹرننگ آفیسر میرپور

میرپور میں مجموعی ووٹرز کی تعداد 4 لاکھ 11 ہزار 140 ہے، ڈسٹرکٹ ریٹرننگ آفیسر میرپور

میرپور میں انتخابی عمل کے لیے 3,643 اہلکار تعینات کیے گئے ہیں، ڈسٹرکٹ ریٹرننگ آفیسر میرپور

میرپور میں 320 انتہائی حساس پولنگ اسٹیشنز قائم کیے گئے ہیں، ڈسٹرکٹ ریٹرننگ آفیسر میرپور

میرپور میں 162 حساس پولنگ اسٹیشنز ہیں، جہانگیر احمد جرال

میرپور میں 129 نارمل پولنگ اسٹیشنز قائم کیے گئے ہیں، ڈسٹرکٹ ریٹرننگ آفیسر میرپور جہانگیر احمد جرا