Jamat e Islami Nowshera Offcial, Nowshera Cantonment (2025)

24/09/2025

امیر جماعت اسلامی خیبرپختونخوا وسطی عبدالواسع رشکئ نوشہرہ میں رکنِ جماعت و سابق ڈی-ای-او جہان محمد کی عیادت اور انکی جلد صحتیابی کیلئے دعا کررہے ہیں۔
اس موقع پر امیرِضلع نوشہرہ حاجی عنایت الرحمٰن، ارشد اقبال، حاجی عبدالرحمن و دیگر موجود ہیں۔

21/09/2025

آپ سب ساتھیوں سے اس تربیتی اجتماع میں شرکت کی اپیل کی جاتی ہیں

19/09/2025

صیہونی مسجد اقصیٰ گرا کر ہیکل سلیمانی بنانا چاہتے ہیں، ان کا منصوبہ گریٹر اسرائیل ہے

18/09/2025

کراچی:امیرجماعت اسلامی پاکستان حافظ نعیم الرحمن اسرائ یل کی جارحیت و دہشت گردی کے خلاف اہل غ زہ بالخصوص معصوم ف لسطینی بچوں سے اظہار یکجہتی کے لیے شاہراہ قائدین پر”کراچی چلڈرن غ زہ مارچ“ میں شریک ہیں۔اس موقع پر امیرجماعت اسلامی کراچی منعم ظفرخان و دیگر ہمراہ موجود ہیں ۔

17/09/2025

غزہ اس وقت زمین کا وہ ٹکڑا ہے جو حقیقی معنوں میں
آزادی، غیرت اور مزاحمت کی علامت بن چکا ہے۔ اس نے اسرائیل سمیت ہر جابر اور ظالم کے سامنے جھکنے سے انکار کر کے دنیا کو یہ پیغام دیا ہے کہ ظلم کے خلاف ڈٹ جانا ہی اصل زندگی ہے۔ یہاں کے مظلوم مگر حوصلہ مند مسلمان اپنی جانوں کا نذرانہ دے کر پوری انسانیت کو جھنجھوڑ رہے ہیں۔

غزہ کے ان مظلوموں کے حق میں ہر محاذ پر ایک مضبوط، توانا اور مؤثر آواز بلند کرنا ہم سب کی مشترکہ ذمہ داری ہے۔ دنیا کے باضمیر، غیور اور بہادر انسان، بلا رنگ و نسل، اپنی استطاعت کے مطابق اس جدوجہد کا حصہ بن رہے ہیں۔

ایک طرف گلوبل صمود فلوٹیلا — جس میں پاکستان سمیت دنیا بھر کے باہمت انسان شامل ہیں — سمندر کے راستے غزہ کے مظلوموں کے لیے ادویات اور امدادی سامان لے کر اپنی منزل کی جانب رواں دواں ہے۔ دوسری طرف ملیشیا میں غزہ اور فلسطین کی تازہ ترین صورتحال پر ایک غیر معمولی بین الاقوامی کانفرنس کا انعقاد کیا گیا، جس میں اسلامی تحریکوں کی اعلیٰ قیادت نے شرکت کی۔

اس کانفرنس میں جماعت اسلامی پاکستان کے امیر، انجینئر حافظ نعیم الرحمن صاحب نے کلیدی خطاب فرمایا، جس میں قراردادوں اور بیانات سے آگے بڑھ کر اس مسئلے کے حل کے لیے عملی نیٹ ورکنگ اور منظم جدوجہد پر اتفاق کیا گیا۔ اس موقع پر ممتاز اسلامی سکالر اور نائب امیر جماعت اسلامی پاکستان، ڈاکٹر عطاء الرحمان نے بھی ایک بصیرت افروز خطاب فرمایا۔

ہم دعا گو ہیں کہ اللہ تعالیٰ گلوبل صمود فلوٹیلا کے قافلے کو اپنی خاص حفاظت میں رکھے، ان کی کاوشوں کو شرفِ قبولیت بخشے، اور مختلف محاذوں پر غزہ کے لیے جاری تمام کوششوں میں برکت عطا فرمائے۔

اللہ تعالیٰ غزہ کے مظلوم مگر بہادر مسلمانوں کو فتحِ مبین سے سرفراز فرمائے۔

آمین یا رب العالمین

16/09/2025

ملائیشیا- امیر جماعت اسلامی پاکستان حافظ نعیم الرحمٰن نے قدح میں منعقدہ 71 ویں سالانہ عالمی موتمر کانفرنس سے بطور مہمان خصوصی خطاب کیا۔

امیر جماعت نے اسلامی ممالک کے حکمرانوں پر زور دیا ہے کہ وہ غزہ میں اسرائیلی جارحیت روکنے کے لیے عملی اقدامات اٹھائیں، نیز اسلامی ممالک کے درمیان معاشی و تجارتی تعاون کے فروغ اور نوجوانوں کے وفود کے تبادلے کی ضرورت ہے۔ انہوں نے کہا کہ تعلیم اور ٹیکنالوجی کے میدان میں ترقی کیے بغیر امت اپنا کھویا ہوا عظیم ماضی واپس حاصل نہیں کر سکتی۔ امریکا اور دیگر استعماری طاقتیں اسلامی ممالک کے وسائل پر قابض ہیں، ان قوتوں سے چھٹکارا حاصل کرنا ہو گا، اسلامی ممالک کے حکمران وسائل کا رخ اپنے عوام کی جانب موڑیں۔

جنوبی ایشیا سمیت دنیا بھر کی مختلف اسلامی تحریکوں کے قائدین، علماء کرام اور پالیسی سازوں کی ایک بڑی تعداد ملائیشیا کی ریاست قدح کے دارالحکومت الورسیتار میں منعقد ہونے والی کانفرنس میں مدعو تھے۔ مسلم امہ انٹرنیشنل فورم 2025(MUNIF) کے عنوان کے تحت ہونے والی کانفرنس سے نائب امیر جماعت اسلامی بنگلہ دیش پروفیسر مجیب الرحمن اور دیگر کئی راہنماؤں و دانشوروں نے بھی خطاب کیا۔ نائب امیر جماعت اسلامی پاکستان ڈاکٹر عطاء الرحمن بھی اس کانفرنس میں امیر جماعت کے ہمراہ ہیں۔

16/09/2025

جماعت اسلامی پاکستان کے تحت 21، 22 اور 23 نومبر کو ملکی تاریخ کا سب سے بڑا اجتماع عام ہو گا۔ ملک بھر سے لاکھوں مرد وخواتین مینار پاکستان کے تاریخی میدان میں اکٹھے ہوں گے۔پوری قوم بالخصوص نوجوان اس تاریخی اجتماع میں شریک ہو کر اسلامی فلاحی نظام کے نفاذ کی جدوجہد میں ہمارا ساتھ دیں۔

15/09/2025

کوالالمپور- امیر جماعت اسلامی پاکستان حافظ نعیم الرحمٰن کی ملائیشیا کے دورہ کے موقع پر صوبہ کڈہ کے وزیراعلیٰ محمد سنوسی سے ملاقات، نائب امیر جماعت اسلامی پاکستان ڈاکٹر عطاء الرحمٰن بھی ہمراہ ہیں۔

15/09/2025

غزہ میں معصوم بچوں اورخواتین سمیت 65 ہزار سے زائد فلسطینی شہید کر دیئے گئے ہیں،اسرائیل کے ہاتھوں جاری اس قتلِ عام کا بنیادی ذمہ دار امریکہ ہے۔اقوامِ متحدہ بے معنی ہو چکی ہے،ان انسانیت سوزمظالم کو روکنے کے لیے امریکی بالا دستی سے آزاد ایک نئے عالمی پلیٹ فارم کا قیام انتہائی ضروری ہے۔

14/09/2025

پ۔ ر (نوشہرہ)
حلقہ خواتین جماعت اسلامی صوبہ خیبر پختونخوا وسطی کی ناظمہ حسینہ کاشف نے نائبین صوبہ فصیحہ مریم ، رکن صوبائی شوری زبیدہ اقبال قائمقام ناظمہ ضلع پشاور ثمینہ یعقوب اور نائب ناظمہ ضلع روحیلہ نیازی کے ہمراہ مرکز اسلامی میں صحافيات کے وفد سے حجاب ڈے کے حوالے سے ملاقات کی ۔ انہوں نے حجاب ڈے کی اہمیت اور معاشرے میں عورت کے تحفظ پر اسلامی نکتہ نظر بیان کیا ۔
حسینہ کاشف نے کہا کہ ہر سال 4 ستمبر کو یومِ حجاب “تحفظ: عورت کا بنیادی حق” کے عنوان سے منایا جاتا ہے۔ معاشرے میں عورت کو نہ صرف بنیادی حقوق سے محروم کیا جاتا ہے بلکہ گھر کی چار دیواری اور گھر سے باہر عورت کو بے جا تذلیل اور ظلم کا نشانہ بنایا جاتا ہے۔ شرکاء نے اس بات پر اتفاق کیا کہ پاکستانی عورت کی صحت ، تعلیم ،شرعی حقوق کے لیے عملی جدوجہد کرنے والی نمائندہ جماعت حلقہ خواتین جماعت اسلامی ہے ـ جماعت اسلامی پاکستانی عورت پر ہونے والے ظلم کے خلاف نہ صرف موثر آواز ہے بلکہ حصول انصاف تک عملی اقدامات بھی کرتی ہے - جماعت اسلامی کشمیر اور فلسطین کی مظلوم عورت پر ہونے والے ظلم کے خلاف آج بھی سڑکوں پر سراپا احتجاج ہے-
نشست میں صحافیات سلویٰ جاوید ، رخسانہ جاوید ، رفیہ خان ، نسرین جبین ،اسما گل ، ناہید جہانگیر اور سلمیٰ جہانگیر نے شرکت کی انہوں نے جماعت اسلامی کے معاشرے میں مثبت کردار کو سراہا ۔
نگران نشرو اشاعت ذہرہ ضیان
جماعت اسلامی حلقہ خواتین نوشہرہ

13/09/2025

جماعت اسلامی پی کے 89 کے مقامی امراء کا اہم اجلاس دفتر جماعت اسلامی پبی میں منعقد ہوا

اجلاس کا آغاز درسِ قرآن سے ہوا، درس حدیث بھی پیش کیا گیا اجلاس میں مقامی اجتماع کی اہمیت، اس کے تنظیمی فوائد، پر گفتگو ہوئی۔ضلعی راہنما مولانا سمیع الرحمان نے حلفِ رکنیت کے تقاضوں پر تفصیلی گفتگو کی۔
اجلاس میں عوامی کمیٹیوں کے قیام اور ان کے طریقہ کار پر بھی سیرحاصل بحث ہوئی۔اجلاس میں نائب امیر جماعت اسلامی ضلع نوشہرہ مولانا گوہرالرحمان نے خصوصی شرکت کی۔ اور ھدایات بھی دی۔

بقیہ سیشن میں پی کے 89 اور پی کے 87 کے انضمام کے باعث نئی تنظیمی ڈھانچے کا اعلان کیا گیا۔ اس موقع پر مسعود خان نے پی کے امیر، قیم جنرل سیکرٹری صبغت اللہ نائب امراء شاد ولی، فدا محمد اور مولانا جمیل کے ہمراہ حلف اٹھایا۔

اجلاس کے اختتام پر نومنتخب ذمہ داران کے لیے استقامت کی دعا کی گئی۔ ساتھ ہی دنیا بھر کے مظلوم مسلمانوں، خصوصاً غزہ، گلوبل صمود اور فلوٹیلا کے حق میں خصوصی دعائیں کی گئیں۔

Jamat e Islami Nowshera Offcial

24/09/2025

21/09/2025

19/09/2025

18/09/2025

17/09/2025

16/09/2025

16/09/2025

15/09/2025

15/09/2025

14/09/2025

13/09/2025

Address

Telephone

Website

Alerts

Contact The Business

Shortcuts

Share

Category

JI Youth Nowshera