NOWSHERA TIMES

25/04/2025

25/04/2025

پاکستان تحریک انصاف کے 29 ویں یوم تاسیس کے موقع پر ڈیڈک چیئرمین نوشہرہ و رکن صوبائی اسمبلی خیبرپختونخوا حاجی زرعالم خان کا پیغام-

آج پاکستان تحریک انصاف کے 29ویں یومِ تاسیس کے موقع پر میں تمام کارکنان، رہنماؤں اور پوری پاکستانی قوم کو دلی مبارک باد پیش کرتا ہوں۔یہ صرف ایک سیاسی جماعت کی سالگرہ نہیں، بلکہ ایک ایسے خواب کی تعبیر کی جدوجہد کا دن ہے جو 29 برس قبل عمران خان نے دیکھا تھا،ایک نیا پاکستان، جہاں انصاف ہو، خودداری ہو، اور ہر شہری کو عزت و وقار کے ساتھ جینے کا حق حاصل ہو۔حقیقیی آزادی کی تحریک میں تمام شہداء جمہوریت غیرقانونی گرفتار کارکنان اور گزشتہ دو سالوں سے بے گناہ قید قائد عمران خان کو خراج تحسین پیش کرتے ہے ، یہ سفر اللّٰہ تعالیٰ کی ذات پر کامل بھروسے، اپنی قوم پر اعتماد، اور اصولوں پر سمجھوتہ نہ کرنے کی ایک روشن مثال ہے۔یہ وہ جماعت ہے جو ذاتی مفادات کے بجائے قومی مفاد کے لیے وجود میں آئی۔ جو کرپشن کے خلاف، ظلم کے خلاف، اور استحصالی نظام کے خلاف ایک بھرپور آواز بن کر ابھری۔آج 29 سال بعد، وہ پیغام، وہ مشن، اور وہ جدوجہد ایک فیصلہ کن موڑ پر کھڑی ہے۔قوم کی اکثریت عمران خان کے ساتھ کھڑی ہے

25/04/2025

ڈپٹی کمشنر نوشہرہ عرفان اللہ محسود کی ہدایت پر ایڈیشنل ڈپٹی کمشنر جنرل بشیر احمد نے تحصیل نوشہرہ کے مختلف پٹوار خانوں کا دورہ کیا۔ اس موقع پر انہوں نے وہاں موجود سائلین سے ملاقات کی اور ان کے مسائل سنے۔ سائلین نے پٹوار خانوں میں درپیش مشکلات اور دیگر انتظامی امور سے متعلق شکایات سے آگاہ کیا۔

ایڈیشنل ڈپٹی کمشنر جنرل بشیر احمد نے موقع پر موجود عملے کو ہدایت کی کہ سائلین کے مسائل کو فوری اور شفاف طریقے سے حل کیا جائے، اور کسی قسم کی کوتاہی یا بدعنوانی ہرگز برداشت نہیں کی جائے گی۔ انہوں نے واضح کیا کہ ضلعی انتظامیہ عوامی خدمت کے جذبے سے کام کر رہی ہے اور عوام کو ریلیف دینا اولین ترجیح ہے۔

25/04/2025

*پی ڈی ایم اے اپڈیٹس*
*ہیٹ ویز ایڈوائزری 25 اپریل 2025*

خیبرپختونخوا میں 27 سے 30 اپریل کے دوران گرمی کی شدت میں اضافے کا امکان. پی ڈی ایم اے مراسلہ

شدید گرم موسم کے باعث دن کے اوقات میں درجہ حرارت معمول سے 4 تا 6 ڈگری سینٹی گریڈ زیادہ رہنے کا امکان. پی ڈی ایم اے

جبکہ 30 اپریل سے مغربی سسٹم صوبہ کے بالائی علاقوں میں داخل ہو گا جس کے باعث بارش اور ژالہ باری کا بھی امکان. پی ڈی ایم اے

پی ڈی ایم اے کی جانب سے تمام ضلعی انتظامیہ کو الرٹ جاری.

۔گرمی اور خشک موسمی حالات سے ہیٹ اسٹروک اور آبی ذخائر پر پانی کے دباؤ کا امکان ۔پی ڈی ایم اے مراسلہ

۔ کسان فصلوں کے لیے پانی کا مناسب انتظام کریں۔ پی ڈی ایم اے مراسلہ

۔ عوام سورج کی روشنی میں باہر نکلتے ہوئے احتیاطی تدابیر اختیار کریں۔ڈی جی پی ڈی ایم اے

۔ عوامی آگاہی مہم کےذریعے عوام کو گرمی کی لہر سے باخبر رکھا جائے۔

۔بزرگ اور بچے صبح 10 سے شام پانچ کے اوقات میں براہ راست سورج میں نہ نکلے۔مراسلہ

۔ہیلتھ/میڈیکل سروسز، پیرا میڈیکس اور ریسکیو ڈیپارٹمنٹ کو الرٹ اور ہیٹ اسٹروک سینٹر کو فعال رکھنے کی ہدایت کریں۔ پی ڈی ایم اے

۔مویشیوں اور پالتو جانوروں کی ضروریات کا خاص خیال رکھا جائے۔پی ڈی ایم اے مراسلہ

۔تمام متعلقہ ادارے ہنگامی صورت حال سے نمٹنے کے لیے الرٹ رہیے۔ پی ڈی ایم اے مراسلہ

۔عوام سفر سے پہلے اپنی گاڑی کے انجن میں پانی اور ٹائروں میں پریشر چیک کریں۔ترجمان پی ڈی ایم اے

۔پی ڈی ایم اے کا ایمرجنسی آپریشن سنٹر مکمل فعال ہے، عوام کسی بھی نا خوشگوار واقعے کی اطلاع ہماری ہیلپ لائن 1700 پر دیں۔ ‎

*پی ڈی ایم اے میڈیا سیل*

25/04/2025

ڈپٹی کمشنر نوشہرہ عرفان اللہ محسود کی ہدایات پر اسسٹنٹ کمشنر پبی عطاء اللہ نے پٹوار خانہ چوکی ممریز ، ڈاگ بہسود اور وزیر گھڑی کا دورہ کیا۔

جہاں پر اسسٹنٹ کمشنر نے رجسٹر انتقالات،روزنامچہ واقعاتی،کارگزاری کا معائنہ کیا۔ جو کہ تسلی بخش پایا گیا۔
نیز وہاں پر آۓ ہوۓ سائلین سے ان کے مسائل کے بارے میں دریافت کیا اور پٹواریوں کو سائلین کے مسائل موقع پر حل کرنے کے لئے احکامات جاری کیے ۔

25/04/2025

ڈپٹی کمشنر نوشہرہ عرفان اللہ محسود کی ہدایات پر اسسٹنٹ کمشنر پبی عطاء اللہ نے سروس ڈیلیوری سنٹر پبی کا دورہ کیا۔
دورے کے دوران عوام کو دی جانے والی سہولیات کا جائزہ لیا۔ انہوں نے سٹاف کو ہدایات جاری کیں کہ عوام کو سہولت دینے کی بھرپور کوشش کریں۔ نیز کمپیوٹر سیکشن کا بھی معائنہ کیا۔ وہاں پر کام کے رفتار کا بغور جائزہ لیا۔ ان کو ہدایات جاری کی کہ انتقالات، فردات اور دیگر ضروری کاموں کو وقت پر سر انجام دیں۔
وہاں پر آۓ سائلین سے ان کے مسائل کے بارے میں دریافت کیا اور متعلقہ سٹاف کو ان کے مسائل فوری طور پر حل کرنے کے لئے ہدایات جاری کیں۔

25/04/2025

ڈپٹی کمشنر نوشہرہ جناب عرفان اللہ محسود کی خصوصی ہدایات پر ایڈیشنل اسسٹنٹ کمشنر (جہانگیرہ) جناب آصف اقبال نے انسدادِ پولیو مہم کے تحت اہم اقدامات اٹھائے۔ اُن کی قیادت میں ایک خصوصی ٹیم نے اکوڑہ خٹک کا دورہ کیا، جہاں ایسے بچوں کی نشاندہی کی گئی تھی جن کے والدین نے پہلے پولیو کے قطرے پلوانے سے انکار کر دیا تھا۔

ایڈیشنل اسسٹنٹ کمشنر آصف اقبال نے، محکمہ صحت اور پولیو ٹیم کے اہلکاروں کے ہمراہ انکاری والدین سے ملاقات کی۔ اُنہیں پولیو وائرس کے خطرات اور اس کے دائمی نقصانات کے بارے میں آگاہی دی گئی، اور قائل کرنے کے بعد ان بچوں کو پولیو سے بچاؤ کے قطرے پلائے گئے۔

یہ کارروائی نہ صرف ضلعی انتظامیہ کی پولیو کے خاتمے کے لیے سنجیدگی کو ظاہر کرتی ہے بلکہ یہ بھی ثابت کرتی ہے کہ مؤثر آگاہی اور عوامی تعاون کے ذریعے ہر بچے کو پولیو سے محفوظ بنایا جا سکتا ہے۔

ضلعی انتظامیہ نے والدین سے اپیل کی ہے کہ وہ انسداد پولیو مہم میں بڑھ چڑھ کر حصہ لیں اور اپنے بچوں کو پولیو جیسے موذی مرض سے بچانے میں اپنا کردار ادا کریں۔

25/04/2025

ڈپٹی کمشنر نوشہرہ جناب عرفان اللہ محسود کی خصوصی ہدایت پر ایڈیشنل اسسٹنٹ کمشنر (جہانگیرہ) جناب آصف اقبال نے اکوڑہ ہیلتھ سنٹر (اکوڑہ مہاجر ہسپتال) کا تفصیلی دورہ کیا۔ اس دورے کا مقصد مرکز صحت میں فراہم کی جانے والی طبی سہولیات کا جائزہ لینا اور مریضوں کے علاج معالجے کے معیار کو بہتر بنانا تھا۔

دورے کے دوران ایڈیشنل اسسٹنٹ کمشنر نے دستیاب سہولیات، ادویات کی فراہمی، مریضوں کے لیے موجود طبی آلات، صفائی ستھرائی کے انتظامات، اور عملے کی حاضری کا باریک بینی سے جائزہ لیا۔ انہوں نے موقع پر موجود طبی عملے سے بات چیت کی اور مریضوں کی شکایات و تجاویز بھی سنیں۔

25/04/2025

ڈپٹی کمشنر نوشہرہ محمد عرفان اللہ محسود کی ہدایت پر قائم مقام اسسٹنٹ کمشنر جہانگیرہ گوہر علی صاحب نے اکوڑہ خٹک کے مہاجر بازار کا دورہ کیا جہاں پر گوشت، سبزی،پھل, بیکری اور دیگر خورد و نوش اشیاء کی دوکانوں کامعائنہ کیا۔

اس بابت معیار اور نرخ کا باریک بینی سے جائزہ لیا گیا اور موقع پر موجود شہریوں سے بھی دریافت کیا گیا۔ غیر معیاری اشیاء اور مہنگے داموں فروخت پر بیشتر دوکانداروں سے شناختی کارڈز ضبط کرکے دفتر طلب کر لیا گیا جہاں مجوزہ قوانین کے تحت مناسب کارروائی عمل میں لائی جائے گی۔

اسسٹنٹ کمشنر جہانگیرہ نے دکانداروں کو سختی سے ہدایت دی کہ وہ حکومتی احکامات پر مکمل عملدرآمد یقینی بنائیں۔بصورت دیگر قانونی کاروائی عمل میں لائی جائے گی

25/04/2025

نوشہرہ کے علاقے خیرآباد میں فائرنگ کے نتیجے میں زوجہ گوھر موقع پر جاں بحق ہوگئے پولیس نے تفتیش شروع کردی

25/04/2025

وفاقی وزیر مواصلات عبدالعلیم خان کا نیشنل ہائی ویز اینڈ موٹروے پولیس ہیڈ کوآرٹرز کا دورہ

چاق و چوبند دستے کی سلامی، وفاقی وزیر عبدالعلیم خان کاشہداء کو خراج عقیدت

عبدالعلیم خان کی وطن عزیز پر جان نثار کرنے والے تمام شہداء کے درجات کی بلندی کی دعا

وفاقی وزیر مواصلات کا مختلف شعبوں کا دورہ، اعلیٰ سطحی اجلاس میں اہم امور پر بریفنگ

موٹروے پر گاڑیوں کی معیاد مقرر،20سال پرانی گاڑیوں کو اجازت نہیں ملے گی، عبدالعلیم خان

گاڑیوں کیلئے ٹائر سرٹیفیکیٹ علیحدہ سے جاری ہونگے، جانوں سے نہ کھیلیں، وفاقی وزیر

شاہراہوں پر حادثات میں کمی لانا چاہتے ہیں، وفاقی وزیر مواصلات

اوورسپیڈنگ اور ایکسل لوڈ پر زیرو ٹالرنس کی پالیسی سختی سے جار ی رکھیں، وفاقی وزیر کی ہدایت

کمرشل ڈرائیورز کا تربیت یافتہ ہونا ضروری، ٹریننگ کا بندوبست کریں، عبدالعلیم خان

وفاقی وزیر مواصلات کی ہدایات سے گزشتہ سال نمایاں بہتری آئی، موٹروے پولیس

اوور سپیڈنگ پر ایف آئی آر کے مثبت اثرات، جانوں کی حفاظت اولین ترجیح ہے، عبدالعلیم خان

کمرشل گاڑیوں کو اگلے3 ماہ میں فٹنس سرٹیفیکیٹ جاری کریں،وفاقی وزیر کی ہدایت

موٹروے پر ایک ہی جگہ پر حادثات قابل تشویش، آئی جی حکمت عملی تشکیل دیں، وفاقی وزیر

وفاقی وزیر مواصلات کا موٹروے پولیس کے کنٹرول روم کا معائنہ، طریقہ کار کا جائزہ لیا

موٹرویز کے گرد باڑ چوری کی 53 ایف آئی آر درج، 36 ملزمان گرفتار، 2000 میڑ باڑ برآمد، بریفنگ

وفاقی وزیر کی موٹر وے پر شہید ہونے والے انسپکٹر منصور اصغر کے لئے فاتحہ خوانی

موٹروے پولیس کے افسران اپنی حفاظت کو زیادہ مقدم رکھیں :وفاقی وزیر عبدالعلیم خان

25/04/2025

بھارتی جارحیت
پاکستانی عوام کا ردِ عمل

25/04/2025

پاک فضائیہ کے لڑاکا طیاروں کا موٹروے پر لینڈنگ مظاہرے

🤲🇵🇰🇵🇰🇵🇰🇵🇰🇵🇰👍

25/04/2025

بھارتی فوجی نے اپنی آرمی اور بھارت کا مکروہ چہرہ بے نقاب کر دیا۔۔ مزا آگیا ۔ ہمارا کام بھارتی فوجی کرنے لگ گئے

25/04/2025

سبزی, فروٹ و چکن کا روزانہ کی بنیاد پرسرکاری نرخنامہ برائے ضلع نوشہرہ

اشیائے خوردونوش, سبزی وفروٹ کی ذخیرہ اندوزی اور گرانفروشی کے بارے میں شکایات کیلئے مندرجہ ذیل نمبرز پر رابطہ کریں

09239220098
09239220099
0923610931
09239220104
0923529584

24/04/2025

جامعہ دارالہدیٰ نوشہرہ کے ناظم مولاناخیرالرحمن صاحب کی ساس کی تعزیت کیلئے جامعہ کے مدیر مولانا قاری شمس الرحمن،نائب مدیر قاری فضل الرحمن،جامعہ کےناظم اعلیٰ حاجی سیدمصنف شاہ باچا گاوں جبئ حاضر ہوئیں۔

24/04/2025

جماعت اسلامی خیبرپختونخوا کے کے والدہ محترمہ کی رحلت پر جامعہ دارالہدی نوشہرہ کے مدیر مولانا قاری شمس الرحمن ونائب مدیر قاری فضل الرحمن ان کیساتھ تعزیت کررہے ہیں.