03/04/2025
کلام ہیر و رانجھا
لے وے رانجھیا رب دے واسطے وے میرا رب رسول گواہ جانے
میں تاں کن توں وے حشر تک تیری پیر ولی کتب اولیاء جانے
جانے علی نبی یا حسن حسین یا فاطمۃ الزہرا جانے
ہور لوح و قلم تے عرش کرسی جبرائیل یا خود خدا جانے
میں تینوں خریدیا رب کولوں میرے دل دی آپ صلاح جانے
تو تاں واقفی والا میرا خاص ساتھی دس ہور کہڑا دوجا را جانے
کرکھاں یاد چوری بیلےوالڑی وے خود تقدیر تے خود رضا جانے
غصے پتن اتے جدوں سرد ہوئے لائیاں اوس ویلے راہنما جانے
360 تیرے اتوں گھول پیتے اگے دید دی ہیر دعا جانے
ہر ہر ساہ کہندا رہندا ہاے رانجھا اگے ہور پتہ خیزی شاہ جانے
دوبارہ زندہ وارث شاہ ہیر سید خیزی شاہ
مصنف : حضور سید خیزی شاہ گیلان❤️❤️
