Rekhta

06/02/2024

*ریختہ اجلاس 10*

گورنمنٹ فریدیہ گریجویٹ کالج پاکپتن شریف کے ادبی فورم "ریختہ" کا اجلاس دہم مؤرخہ 31 جنوری 2024ء، صبح 10:30 بجے بسلسلۂ استقبال بی ایس اردو نیو سیشن، کالج ہذا کے ماڈل روم میں نام ور استاد شاعر جناب موج دین فریدی صاحب کی صدارت میں منعقد ہوا۔ شعبہ اردو سے جناب ڈاکٹر نوید احمد عاجز صاحب بطور مہمان خصوصی، جبکہ پروفیسر ڈاکٹر محمد عمران، پروفیسر عمر فاروق اور پروفیسر محمد احمد صاحب بطور مہمان اعزاز شریکِ محفل تھے۔ بی ایس اردو کے تمام سمیسٹرز کے طلباء و طالبات اس محفل کی زینت بنے۔ بی ایس اردو کے طالب علم محمد عارف نے تلاوتِ قرآن مجید کی سعادت حاصل کی، جن کے بعد موج دین فریدی صاحب نے بارگاہِ نبوت میں گلہائے عقیدت پیش کیے۔ نقابت کے فرائض جنرل سیکرٹری ریختہ ناظم زرؔسنّر نے سر انجام دیے اور تقریب کے آغاز ہی میں کالج ہذا کے شعبہ اردو کا تفصیلی تعارف پیش کیا، اس کی خدمات کا ذکر کیا، ادبی فورم ریختہ کا تعارف پیش کیا اور نئے سیشن کے طلباء کو بھی ادبی تخلیقات میں دلچسپی لینے پر آمادہ کرنے کی سعی کی۔ شعبہ اردو کے پروفیسر حضرات کا بھی تفصیلی تعارف پیش کیا۔ بی ایس اردو کی باعثِ فخر طالبہ اور "فضا سے کہنا" کی خالق، فضا موسیٰ کی ادبی خدمات کو بھی خوب سراہا گیا۔ بی ایس اردو سمیسٹر چہارم کے طلباء راؤ علی رضا اور فائزہ علی نے استقبالیہ خطبہ پیش کیا جس کے بعد شعبہ اردو کے تمام پروفیسر حضرات طلباء و طالبات سے مخاطب ہوئے، شعبہ اردو چننے پر ان کی حوصلہ افزائی کی اور انھیں روشن مستقبل کی نوید سنائی اور ان تھک محنت کرنے کی نصیحت کی۔ اس کے بعد بی ایس باٹنی کی طالبہ شازیہ رمضان نے سپاس نامہ پیش کیا۔ اس کے بعد مختصر محفلِ مشاعرہ منعقد کی گئی جس میں ناظم زرؔسنّر، فضا موسی، ڈاکٹر محمد عمران، ڈاکٹر نوید احمد عاجز اور جناب موج دین فریدی صاحب نے اپنا کلام پیش کیا اور ایسی خوبصورت محفل سجانے پر منتظمین کی حوصلہ افزائی کی۔ آخر میں تمام حاضرین کے لیے پر تکلف کھانے کا اہتمام کیا گیا۔ اس طرح یہ محفل قریبا دوپہر 12:30 بجے اپنے اختتام کو پہنچی۔

*منجانب*
ناظم زرؔسنّر
جنرل سیکرٹری ریختہ

08/01/2024

06/12/2023

بتوں سے عمران کیا گلہ ہے خدا کے ہوتے
یزید جیسوں کے بخت میں تاجِ سروری ہے

عمران ملک✨

06/12/2023

کلامِ شاعر بہ زبانِ شاعر✨

01/12/2023

*ریختہ اجلاس نمبر 09*

گورنمنٹ فریدیہ گریجویٹ کالج پاکپتن کے ادبی فورم ریختہ کا اجلاس نمبر 09 امروز مؤرخہ یکم دسمبر 2023ء کو کالج ہذا کے ماڈل روم میں منعقد ہوا۔ اجلاس کی صدارت پاکپتن کے مایہ ناز سینیئر شاعر جناب شریف ساجدؔ صاحب نے کی۔ محترمہ فرحتؔ شکور بطورِ مہمانِ خصوصی اور ڈاکٹر نوید عاجزؔ صاحب بطور مہمانِ اعزاز زیبِ محفل تھے۔ نقابت کے فرائض جنرل سیکرٹری ریختہ، ناظم زرؔسنر نے ادا کیے۔ مشاعرے کا باقاعدہ آغاز صبح 10:30 بجے ہوا۔ سب سے پہلے تیمور علی (شعبہ اردو) نے کلام الٰہی کی تلاوت سے دلوں کو منور کیا، اس کے بعد محمد آصف ثناء (شعبہ باٹنی) اور محمد بلال علی (شعبہ اردو) نے بارگاہِ رسالت مآبﷺ میں گلہائے عقیدت نچھاور کیے۔ نقیبِ محفل نے سب سے پہلے اپنا کلام پیش کیا جس کے بعد بالترتیب عامر ثقلین (شعبہ کیمسٹری)، امجد مختار (شعبہ کیمسٹری) اور محمد احمد (شعبہ کیمسٹری) نے اپنا کلام پیش کیا۔ محترمہ فضاؔ موسی کی ولیؔ دکنی کی زمین میں لکھی گئی غزل نے بھی خوب داد سمیٹی۔ اس کے بعد حسین کمالؔ، صدرِ ریختہ ڈاکٹر محمد عمراؔن اور صدرِ شعبہ اردو ڈاکٹر نوید عاجزؔ صاحب نے اپنا خوبصورت کلام پیش کیا۔ محترمہ فرحتؔ شکور کا خوبصورت کلام تمام شرکائے محفل نے ہمہ تن گوش ہو کر سنا اور خوب داد دی۔ آخر میں صدرِ محفل محترم شریف ساجدؔ صاحب نے اپنا خوبصورت اردو اور پنجابی کلام پیش کیا اور خوب داد سمیٹی اور خطبہ صدارت میں اسے ایک کامیاب مشاعرہ قرار دیا، ریختہ کو ایک کامیاب فورم قرار دیا، اس کی ترقی کے لیے دعا کی اور اپنی نیک خواہشات کا اظہار کیا۔ آخر میں چائے بسکٹ سے حاضرین کی تواضع کی گئی۔ اس طرح قریباً دوپہر 12:00 بجے یہ خوبصورت محفل اختتام پذیر ہوئی۔

13/11/2023

*ریختہ اجلاس ہشتم بسلسلہ تقریب رونمائی تازہ غزل*

امروز مؤرخہ یکم نومبر 2023ء کو گورنمنٹ فریدیہ گریجویٹ کالج، پاکپتن کے ادبی فورم ریختہ کا آٹھواں اجلاس بسلسلہ "تقریب رونمائی تازہ غزل" صبح 10 بجے ماڈل روم میں منعقد ہوا۔ صدارت کے فرائض جناب شریف ساجد صاحب نے ادا کیے۔ ڈاکٹر نوید احمد عاجز اور اعجاز آدم بحیثیت مہمانان خصوصی زیب محفل تھے۔ محترم یونس فریدی اور ایوب اختر صاحب نے مہمانانِ اعزاز کے طور پر محفل کو رونق بخشی۔ ناظم حسین نقیب محفل تھے۔ تقریب کا باقاعدہ آغاز تیمور علی نے تلاوتِ قرآن مجید سے کیا جس کے بعد محمد بلال نے نعت رسول مقبولﷺ سے دلوں کو منور فرمایا۔ یہ تقریب دو ادوار پر مشتمل تھی۔ پہلے دور میں ڈاکٹر محمد عمران، پروفیسر عمر فاروق، پروفیسر محسن جوئیہ صاحب، ناظم حسین اور جناب شریف ساجد صاحب نے کتاب کے بارے میں اپنے قیمتی تاثرات عطا فرمائے اور اسے پاکپتن کی شعری روایت میں عمدہ اور قابلِ قدر اضافہ قرار دیا۔ دوسرا دور مشاعرے پر مشتمل تھا جس میں ناظم حسین، مزمل فرید، فضا موسی، اختر سلیم، عبدالرؤف، ماجد آسی، ملک کاشف عمران، ایوب اختر، یونس فریدی، اعجاز آدم، پروفیسر ڈاکٹر نوید احمد عاجز صاحب اور محترم شریف ساجد صاحب نے اپنا کلام پیش کیا۔ ایک مختصر ٹی پارٹی کے بعد یہ محفل قریباً دوپہر 12 بجے اختتام پذیر ہوئی۔

29/10/2023

عہدِ شباب میں جو رہے شُترے بے مُہار
پِیری میں اب ہے ان کا بیاں، احتیاط سے

نوید عاجز💕

27/09/2023

تمھارا حسن پرویا ہے میں نے شعروں میں
غزل تمھارے لیے آٸینہ بنائی ہے

اسی کے رنگ ہیں عمران میرے شعروں میں
بٹھا کے سامنے جس کو غزل سنائی ہے

ع-م✨

21/09/2023

ادبی تنظیم "ریختہ" کے پانچویں اجلاس کا ذکر قومی اخبار میں کیا گیا۔