25/05/2026
🎭 “جہان ہے تو جان ہے” — موسمیاتی تبدیلی پر شاندار تھیٹر پرءفارمنس
لاہور:(جمشید صابر سے)
ٹیچرز ریسورس سینٹر (TRC) کی جانب سے گورنمنٹ پائلٹ سیکنڈری اسکول فار گرلز لاہور میں موسمیاتی تبدیلی کے موضوع پر ایک شاندار تھیٹر پروگرام منعقد کیا گیا۔ یہ سرگرمی “پاکستان بھر میں نوجوانوں کو موسمیاتی تبدیلی کی تعلیم اور کمیونٹی ایکشن کے ذریعے بااختیار بنانا” کے تحت منعقد ہوئی، جسے Canada Fund for Local Initiatives (CFLI) کی معاونت حاصل ہے۔
اس موقع پر “جہان ہے تو جان ہے” کے عنوان سے پیش کیے گئے تھیٹر ڈرامے نے حاضرین کے دل جیت لیے۔ ڈرامے کے ڈائریکٹر اور اداکار ناظم حسین تابلو نے ماحول، درختوں اور زمین کو بچانے کے پیغام کو نہایت مؤثر انداز میں پیش کیا۔ ان کی جاندار اداکاری نے طلبہ کو موسمیاتی تبدیلی کے خطرات اور ماحول دوست رویوں کی اہمیت سے آگاہ کیا۔
اس خوبصورت تھیٹر پرفارمنس کو واؤ انٹرٹینمنٹ کی ٹیم نے پیش کیا، جسے طلبہ اور اساتذہ نے بے حد سراہا۔
پروگرام کے دوران ٹیچرز ریسورس سینٹر کے نمائندگان مزمل شیرانی
سید حماد حسنین نقوی نے موسمیاتی تبدیلی، ماحولیاتی تحفظ اور نوجوانوں کے کردار پر خصوصی بریفنگ دی۔ انہوں نے طلبہ کو بتایا کہ چھوٹے چھوٹے مثبت اقدامات کے ذریعے ماحول کو محفوظ بنایا جا سکتا ہے۔
لاہور اور ملتان سے تعلق رکھنے والے بچوں نے تھیٹر ایکٹیویٹی میں بھرپور دلچسپی لی اور اس تعلیمی و تفریحی سرگرمی کو خوب انجوائے کیا۔
اس پروگرام کا مقصد نوجوان نسل میں ماحول دوست سوچ پیدا کرنا، درختوں اور زمین سے محبت کا شعور اجاگر کرنا اور کمیونٹی سطح پر مثبت تبدیلی لانا تھا۔
“آئیں! مل کر اپنی زمین کو محفوظ اور سرسبز بنائیں۔
