Daily Awaz Times Makaran

Daily Awaz Times Makaran Contact information, map and directions, contact form, opening hours, services, ratings, photos, videos and announcements from Daily Awaz Times Makaran, Media/News Company, Panjgur, Balochistan, Panjgur.

روزنامہ آواز ٹائمز کیجانب سے رمضان کا مہینہ مبارک ہو
18/02/2026

روزنامہ آواز ٹائمز کیجانب سے رمضان کا مہینہ مبارک ہو

مکران(بیورو چیف) آل پارٹیز شہری ایکشن کی جانب سے شاہنواز واجہ گل جان رند کے اغوا کے خلاف احتجاجی ریلی و جلسہپنجگور میں آ...
18/01/2026

مکران(بیورو چیف) آل پارٹیز شہری ایکشن کی جانب سے شاہنواز واجہ گل جان رند کے اغوا کے خلاف احتجاجی ریلی و جلسہ
پنجگور میں آل پارٹیز شہری ایکشن کی جانب سے کیچ کی معروف سماجی و سیاسی شخصیت شاہنواز واجہ گل جان رند کے اغوا اور عدم بازیابی کے خلاف ایک بڑی احتجاجی ریلی اور جلسہ منعقد کیا گیا، جس میں عوام کی کثیر تعداد نے شرکت کی۔ شرکاء نے حکومت سے مغوی کی فوری اور بحفاظت بازیابی کا پُرزور مطالبہ کیا۔
احتجاجی جلسے میں آل پارٹیز کیچ اور گوادر کے رہنماؤں کے علاوہ مغوی کے اہلِ خانہ نے بھی شرکت کی۔ جلسے کے شرکاء نے متفقہ طور پر ایک قرارداد منظور کی، جس میں شاہنواز واجہ گل جان رند سمیت دیگر لاپتہ افراد کی فوری بازیابی کا مطالبہ کیا گیا۔
جلسے سے آل پارٹیز پنجگور کے چیئرمین علاءالدین ایڈووکیٹ، آل پارٹیز کیچ کے چیئرمین نواب شمبے زئی، بی این پی مینگل کے مرکزی ڈپٹی سیکریٹری جنرل میر نذیر احمد بلوچ، بی این پی عوامی کے ضلعی ڈپٹی آرگنائزر حاجی محمد یاسین زہری، جمعیت علمائے اسلام کے ضلعی امیر حافظ محمد اعظم بلوچ، نیشنل پارٹی کے قائم مقام صدر کامریڈ مجیب، مسلم لیگ (ن) کے ڈویژنل صدر اشرف ساگر، جماعت اسلامی کے امیر مولانا نورمحمد مدنی، پیپلز پارٹی کے رہنما جاوید بادینی، معروف سیاسی شخصیت کفایت اللہ بلوچ، کیچ کی سماجی شخصیت خلیل تگرانی، حق دو تحریک کے ضلعی آرگنائزر ملا فرہاد، تاجران کمیٹی پنجگور کے نائب صدر لعل دوست، بارڈر بچاؤ تحریک کے رہنما نجیب سلیم اور دیگر مقررین نے خطاب کیا۔
اسٹیج سیکریٹری کے فرائض نیشنل پارٹی کے الطاف حسین اور بی این پی عوامی کے رہنما زبیر ایوب نے سرانجام دیے۔
مقررین نے اپنے خطاب میں کہا کہ شاہنواز گل جان کے اغوا کو ڈیڑھ ماہ گزر چکا ہے، مگر تاحال نہ تو اغواکاروں کا سراغ لگایا جا سکا ہے اور نہ ہی ان کی بازیابی کے لیے سنجیدہ اقدامات نظر آ رہے ہیں، جس کے باعث مغوی کے اہلِ خانہ شدید ذہنی کرب اور پریشانی کا شکار ہیں۔ انہوں نے کہا کہ شہریوں کی جان، مال اور عزت و آبرو کا تحفظ ریاست اور اس کے اداروں کی بنیادی ذمہ داری ہے، مگر بدقسمتی سے اس معاملے میں غفلت اور عدم توجہی دیکھنے میں آ رہی ہے، جس سے پورے مکران میں خوف اور بے یقینی کی فضا قائم ہو چکی ہے۔
مقررین نے واضح کیا کہ احتجاج کرنا ہمارا شوق نہیں، اگر کیچ انتظامیہ اور متعلقہ ادارے شاہنواز گل جان کو فوری طور پر بازیاب کرا لیں تو احتجاج ختم کر دیا جائے گا۔ انہوں نے پنجگور میں بڑھتی ہوئی بدامنی پر بھی تشویش کا اظہار کرتے ہوئے کہا کہ شہری آئے روز چوری اور ڈکیتی کا نشانہ بن رہے ہیں، رات کے اوقات میں بازاروں کی دکانوں کے تالے اور شٹر توڑے جا رہے ہیں۔
جلسے سے خطاب کرتے ہوئے رہنماؤں نے اتحاد و یکجہتی پر زور دیتے ہوئے کہا کہ یہ پہلا موقع ہے کہ پنجگور کی تمام سیاسی جماعتیں ایک پلیٹ فارم پر جمع ہوئی ہیں۔ اتحاد و اتفاق کے ذریعے ہی پنجگور کو امن کا گہوارہ بنایا جا سکتا ہے۔ کیچ کے افسوسناک واقعے نے ہمیں اتحاد کا درس دیا ہے۔
انہوں نے حکومت سے مطالبہ کیا کہ شاہنواز واجہ گل جان کو فوری بازیاب کیا جائے اور اس اغوا میں ملوث عناصر کو قانون کے کٹہرے میں لایا جائے۔ مقررین نے خبردار کیا کہ اگر بازیابی میں مزید تاخیر کی گئی تو احتجاج کو مکران سے بڑھا کر صوبائی سطح تک لے جایا جائے گا۔ نوجوانوں کو اٹھا کر لے جانا کسی صورت قابلِ قبول نہیں، اس سے معاشرے میں مزید خوف اور عدم اعتماد پیدا ہوگا۔
جلسے کے اختتام پر آل پارٹیز مکران کے کنوینر نواب شمبے زئی نے پنجگور کی تمام سیاسی جماعتوں، آل پارٹیز، تاجران کمیٹی، بارڈر ٹریڈ یونینز اور سول سوسائٹی کا شکریہ ادا کیا کہ انہوں نے کیچ کے عوام سے یکجہتی کا اظہار کرتے ہوئے اس مسئلے کو پنجگور کا مسئلہ سمجھ کر ہر سطح پر ساتھ دیا۔
احتجاجی جلسے میں کیچ کی سول سوسائٹی سے گلزار دوست، واجہ بجار، سہیل نوشیروانی، رمیز یاسین، اسفندیار، واجہ غلام یاسین، یونس جاوید، میران حیات، ڈاکٹر غلام فاروق، عمر جان، داد بلوچ اور دیگر افراد نے بھی شرکت کی۔

نئے کرنسی نوٹ آگئے،10 روپے سے 5 ہزار روپے تک تمام کرنسی نوٹ تبدیل کرنے کا فیصلہ۔۔۔
13/01/2026

نئے کرنسی نوٹ آگئے،10 روپے سے 5 ہزار روپے تک تمام کرنسی نوٹ تبدیل کرنے کا فیصلہ۔۔۔

پنجگور / میونسپل کمیٹی وشبود کے چیرمین نور احمد ایڈووکیٹ وائس چیئرمین ذاکر حسین بلوچ بی این پی کے ضلعی آرگنائزر ح...
13/01/2026

پنجگور / میونسپل کمیٹی وشبود کے چیرمین نور احمد ایڈووکیٹ وائس چیئرمین ذاکر حسین بلوچ بی این پی کے ضلعی آرگنائزر حاصل خان بلوچ ڈپٹی آرگنائزر حاجی محمد یاسین زہری بی این پی کے رہنما علی جاں نے دیگر رہنماؤں کی موجودگی میں پریس کانفرنس سے خطاب کرتے ہوئے مطالبہ کیا کہ حکومت اور پولیس تحفظ کو یقینی بنانے کے لیے اقدامات کریں' اور میونسپل کمیٹی وشبود کو سکیورٹی فراہم کریں ان خیالات کا اظہار انہوں نے ہنگامی پریس کانفرنس سے خطاب کرتے ہوئے کہا کہ
ہم بی این پی عوامی کے اکابرین اپ کی خدمت میں ایک اہم مسئلے کے سلسلے میں حاضر ہوئے ہیں کہ راجی راہشوں بلوچستان واجہ میر اسد اللہ بلوچ کا مشن اور پالیسی میں سے ایک عوام کو با عزت روزگار فراہم کرنا ھےاس سلسلے میں واجہ میر اسد اللہ نے اللہ پاک کی مدد سے ہزاروں غریب لوگوں کو روزگار فراہم کیا ہے میونسپل کمیٹی وشبود کا قیام اور اس میں معتدد آسامیوں کی منظوری بھی واجہ میر اسد اللہ کی لاگن اور کوششوں کا ثمر ہے جس سے مقامی لوگوں کے لیے روزگار کے مواقع پیدا ہوا ہے آج 13 جنوری بروز منگل میونسپل کمیٹی آفیس وشبود میں فائر مین کی آسامیوں کے سلسلے میں انٹرویوز جاری تھے اسی دوران اچانک سفید ر رنگ کی صرف گاڑی میں سوار نامعلوم مسلح افراد میونسپل کمیٹی افس پہنچے اور زبردستی دفتر کی عمارت میں داخل ہو گئے جب میونسپل کمیٹی کی بلڈنگ کے مرکزی دروازے پر مامور نائب قاصد محمد عالم نے ان افراد سے ان کی شناخت کے بارے میں پوچھا تو انہوں نے گالی گلوچ کی اور نازیبا الفاظ استعمال کئے اور زبردستی دفتر کے اندر داخل ہو گئے اس کے فورا بعد انہوں نے دفتر کے اندر فائرنگ شروع کر دی جس سے پورے دفتر میں شدید خوف اور ہراس پھیل گیا فائرنگ کے نتیجے میں نائب محمد عالم ٹانگ پر گولی لگی جس سے وہ زخمی ہو گیا اور انہیں فوری طور پر طبی امداد کے لیے منتقل کیا گیا ہم اللہ تعالی سے ان کی جلد صحتیابی کی دعا کرتے ہیں مسلح افراد میں سے ایک شخص انٹرویو روم میں داخل ہو گیا جبکہ دیگر افراد دفتر مختلف کمروں کی تلاشی لیتے رہے اسی دوران فائر مین کے انٹرویو کے لیے انے والے ایک امیدوار کوزبردستی اپنے ساتھ لے گئے جو کہ ایک سنگین جرم آور انسانی حقوقی کی کلی خلاف ورزی ہے یہ واقعہ نا صرف ایک سرکاری ادارے پر مسلح حملہ ہے بلکہ یہ ریاست رٹ کو چیلنج کرنے سرکاری ملازم کو زخمی کرنے عوام میں خوف و ہراس پھیلانے اور معصوم شہری کے اغوا کے مترادف ہے ہم حکومت بلوچستان اور اعلئ حکام تک یہ پیغام پہنچانا چاہتے ہیں کہ اسے واقعات کے بعد سیکورٹی کے موثر انتظامات کیے جائیں تاکہ آئندہ اس قسم کے واقعات سے بچایا جا سکے اور عوام کا اعتماد برقرار رہے آخر میں ہم سب کا مقصد یہ ہے کہ عوام آور سرکاری اداروں کے اعتماد مضبوط ہو اور ائندہ ایسے سنگین واقعات کی روک تھام ممکن ہو

جشن پنجگور اسپورٹس فیسٹیول 2025 کا شاندار فائنل، ینگ بلوچ آپسر تربت چیمپئنمکران: (بیورو چیف)جشن پنجگور اسپورٹس فیسٹیول 2...
17/12/2025

جشن پنجگور اسپورٹس فیسٹیول 2025 کا شاندار فائنل، ینگ بلوچ آپسر تربت چیمپئن

مکران: (بیورو چیف)جشن پنجگور اسپورٹس فیسٹیول 2025 کا فائنل میچ گلزار اسٹیڈیم وشبود میں انتہائی جوش و خروش کے ساتھ کھیلا گیا، جس میں ینگ بلوچ آپسر تربت نے آذاد کلب گرمکان پنجگور کو ایک کے مقابلے میں تین گول سے شکست دے کر ٹورنامنٹ اپنے نام کر لیا۔

فائنل میچ کے مہمانِ خصوصی حاجی اکرم بہار عمرزئی تھے۔ اس موقع پر ان کے ہمراہ ماسٹر عبدالصمد، ڈی ایف اے پنجگور کے صدر عبدالقیوم بلوچ، جنرل سیکریٹری پزیر احمد، خازن ماسٹر جمعہ خان گرمکانی، شوٹنگ بال کے صدر عارف بلوچ، کامریڈ مجیب بلوچ اور رحمدل ایڈووکیٹ بھی موجود تھے۔ مہمانِ خصوصی حاجی اکرم بہار عمرزئی نے ٹورنامنٹ کمیٹی کے لیے پچاس ہزار روپے، میچ آفیشلز کے لیے پانچ ہزار روپے اور سوشل میڈیا ٹیم کے لیے تین ہزار روپے نقد دینے کا اعلان کیا، جس پر شرکاء نے بھرپور داد دی۔

خطاب کرتے ہوئے مہمانِ خصوصی حاجی اکرم بہار عمرزئی نے کہا کہ پنجگور کے نوجوانوں میں بے پناہ ٹیلنٹ موجود ہے اور اس طرح کے اسپورٹس فیسٹیولز نوجوانوں کو مثبت سرگرمیوں کی طرف راغب کرنے میں اہم کردار ادا کرتے ہیں۔ انہوں نے کہا کہ کھیل نہ صرف جسمانی صحت کا ذریعہ ہیں بلکہ نظم و ضبط، بھائی چارے اور اتحاد کا درس بھی دیتے ہیں۔ حاجی اکرم بہار عمرزئی نے ڈی ایف اے پنجگور اور ضلعی انتظامیہ کی کاوشوں کو سراہتے ہوئے امید ظاہر کی کہ مستقبل میں بھی پنجگور میں اس نوعیت کے بڑے اسپورٹس ایونٹس کا تسلسل برقرار رکھا جائے گا۔

یہ اسپورٹس فیسٹیول ڈپٹی کمشنر پنجگور کی زیرِ سرپرستی اور ڈی ایف اے پنجگور کی زیرِ نگرانی منعقد کیا گیا۔ فائنل میچ کے ریفریز کے فرائض ابراہیم ارمان (فیفا)، زکریا محمود، عرض محمد اور امان جان سینیئر نے انجام دیے، جبکہ میچ کمشنر وحید عمر اور اسیسر ماسٹر عمر جان بلوچ تھے۔

میچ کے دوران شائقین نے دونوں ٹیموں کی کارکردگی کو خوب سراہا، تاہم ینگ بلوچ آپسر تربت کی منظم حکمتِ عملی اور شاندار کھیل نے فتح کو یقینی بنا دیا۔ کمنٹری کے فرائض برکت شریف، امان جان سونو، شمس الدین اور امان جان ساگر نے انجام دیے، جن کی دلچسپ کمنٹری نے مقابلے کے جوش کو دوبالا کر دیا۔
آخر میں مہمانانِ خصوصی نے کھلاڑیوں اور منتظمین کی کاوشوں کو سراہتے ہوئے پنجگور میں اسپورٹس کے فروغ کے لیے ایسے ایونٹس کو خوش آئند قرار دیا۔

مکران(بیورو چیف) پنجگور میونسپل کمیٹی وشبود کا بجٹ اجلاس زیر صدارت وائس چیئرمین اسپیکر زاکر علی منعقد ہوا چیرمین ایڈوکیٹ...
13/12/2025

مکران(بیورو چیف) پنجگور میونسپل کمیٹی وشبود کا بجٹ اجلاس زیر صدارت وائس چیئرمین اسپیکر زاکر علی منعقد ہوا چیرمین ایڈوکیٹ نوراحمد بلوچ چیف آفیسر عزت اللہ محمد حسنی اسسٹنٹ نورالحق بلوچ بھی بجٹ اجلاس میں موجود تھے میونسپل کمیٹی کے کونسلران نے متفقہ طور پرمالی سال 2025/ 2026 کے لیے 28 کروڑ 37 لاکھ 61 ہزار اکسٹھ ہزار روپے کا بجٹ منظور کرلیا بجٹ اجلاس سے چیرمین میونسپل کمیٹی نوراحمد بلوچ نے خطاب کرتے ہوئے کہا کہ وشبود ہم سب کا گھر ہے اسکی خوشحالی خوبصورتی اور عوام کے روزمرہ مسائل کو حل کرنا ہماری زمہ داریوں میں شامل ہے اس سے روگردانی نہیں کرینگے چیرمین میونسپل کمیٹی وشبود نوراحمد بلوچ نے کہا کہ کونسلران چائے انکا تعلق کسی بھی جماعت سے ہو انکو ساتھ لیکر چلوں گا بلکہ ہر کونسلر خود کو چیرمین سمجھے انہوں نے کہا کہ انفرادی سوچ سے باہر نکل کر ہم سب کو اجتماعیت کی طرف جانا ہوگا جب ہم سب اجتماعی اسکیموں پر فوکس کرینگے تو اس سے اہلیانِ وشبود کو فائدہ پہنچے گا انہوں نے کہا کہ ہمیں ایک دوسرے کی ٹانگ کھینچنے کی بجائے علاقائی مفادات کو سامنے رکھنا چائیے اپوزیشن کو وہی اہمیت حاصل ہوگا جو ہمارے اپنے کونسلران کی ہے ہم وشبود کے مفادات کو آگے لے کر جانے کی سوچ رکھتے ہیں جب سوچ علاقے کے لیے ہے تو فرق اور امتیاز کی گنجائش باقی نہیں رہتا چیرمین نے کہا کہ میونسپل کمیٹی کی مشینری بھی بہت جلد پہنچنے والی ہے میونسپل کمیٹی کا عملہ روزانہ کی بنیاد نوراحمد بلوچ نے کہا کہ اللہ تعالی کا کرم ہے کہ ہم سب کو عوام کی خدمت کے لیے چنا ہے اور اس اعزاز کا دفاع ہمیں خدمت کے زریعے کرنا ہے انہوں نے کہا کہ گزشتہ مالی سال کے بجٹ میں جن کونسلران کے کام نامکمل ہیں انکے خلاف انکوائری ہوگا. ممبران مالی سال 2025 اور 2026 کے لیے اپنی اسکیمیں پیر تک چیف آفیسر کے آفس میں جمع کرائیں اسکے بعد کوئی عذرقابل قبول نہیں ہوگا نوراحمد بلوچ نے کہا کہ کونسلران علاقے کے وسیع تر مفادات میں ساتھ دیں تاکہ مل کر عوام کو بہتر اسکیمات دے سکیں بجٹ اجلاس سے اپوزیشن کونسلران مجیب احمد ،محمدجان مطیع اللہ نے خطاب کرتے ہوئے کہا کہ پہلے ہم نظر انداز ہوئے اگر یہ تسلسل برقرار رہا تو اسکا نقصان علاقے کے عوام کا ہوگا.

10/11/2025

پنجگور نعش برآمد
پنجگور:ایئرپورٹ ایریا سے نعش برآمد،پولیس

پنجگور:مقتول کی شناخت امین اللہ کے نام سے ہوئی ہے،پولیس

پنجگور : لاش پوسٹ مارٹم کےلئے ہسپتال منتقل ،پولیس

Address

Panjgur, Balochistan
Panjgur

Telephone

+923322223000

Website

Alerts

Be the first to know and let us send you an email when Daily Awaz Times Makaran posts news and promotions. Your email address will not be used for any other purpose, and you can unsubscribe at any time.

Shortcuts

Share

Category