سچ نیوز پاراچنار

11/02/2023

پاراچنار
ڈسٹرکٹ ہیڈ کوارٹر ہسپتال پاراچنار میں پراجیکٹ کے تحت کام کرنے والے ملازمین کا گذشتہ آٹھ مہینوں سے بند تنخواہوں کے خلاف احتجاجی مظاہرہ ، تنخواہیں بحال نہ کی گئی تو ہسپتال کے مین گیٹ پر دھرنا دیں گے ، ملازمین
پاراچنار پریس کے سامنے احتجاج کرتے ہوئے کنسول پراجیکٹ ملازمین نے مین شاہراہ کو ہر قسم ٹریفک کیلئے بند کردیا اور اپنے مطالبات کے حق میں نعرہ بازی کی اس موقع پر خطاب کرتے ہوئے سپروائزر قیصر حسین نے کہا کہ ملازمین گذشتہ آٹھ ماہ سے کنسول کمپنی میں پراجیکٹ کے تحت ہسپتال میں کام کررہے ہیں ہمارے آنے سے قبل ہسپتال کی حالت انتہائی ناگفتہ بہ تھی ہم نے شبانہ روز محنت کرکے ہسپتال میں سینی ٹیشن اور دیگر صفائی ستھرائی کا کام انتہائی احسن طریقے سے انجام دیا اور ہسپتال میں ڈاکٹروں اور مریضوں کیلئے ایک بہترین ماحول فراہم کیا پراجیکٹ کے شروعات سے اب تک ہمیں صرف ایک مہینے کی تنخواہ دی گئی ہے اور آٹھ مہینوں کی تنخواہ تاحال بند ہیں ملازم سید میراں شاہ نے اپنے خطاب میں کہا کہ ہم سے اٹھ مہینوں تک کام لیا گیا اب انتظامیہ کہہ رہی ہے کہ آپ لوگ فارغ ہو جو کہ سراسر ظلم اور ناانصافی ہے اگر ملازمین کو فارغ کرنا مقصود بھی ہو تو ان کی بقایاجات ادا کرنا چاہیے بصورت دیگر وہ ہسپتال کے سامنے دھرنا دینے پر مجبور ہو جائیں گے کنسول کمپنی کے پراجیکٹ منیجر نعمت اللہ نے کہا کہ ان کی کمپنی بارہ اضلاع میں فعال ہے اور ان کی فنڈنگ صوبائی حکومت کررہی ہے چونکہ فنڈنگ میں مشکلات کا سامنا کرنا پڑرہا ہے اسی وجہ سے ملازمین کی تنخواہیں بند ہیں مگر کمپنی تنخواہوں کی بحالی کیلئے بھرپور کوششیں کررہی ہے

08/02/2023

کرم پریس کلب پاراچنار کے سالانہ انتخابات مکمل۔
سنئیر صحافی علی افضل افضال صدر اور محمد علی طوری جنرل سیکٹری منتخب ہو گئے۔
کرم پریس کلب پاراچنار رجسٹرڈ سالانہ انتخابات حاجی رؤف حسین اور حاجی عابد حسین کی سر براہی میں پریس کلب ہال میں انتہائی خوشگوار ماحول میں ہوئے۔جس میں سے ووٹنگ کے ذریعے ہر دلعزیز سنئیر صحافی علی افضل افضال دوبارہ صدر جبکہ محمد علی طوری جنرل سیکٹری منتخب ہو گئے۔
دیگر کابینہ میں اسرار حسین بنگش سنئیر نائب صدر، بشارت حسین نائب صدر، رشید خان جوائنٹ سیکرٹری، سید جواد حسین فنانس سیکرٹری، جنان حسین جوائنٹ فنانس سیکرٹری، ذاہد حسین انفارمیشن سیکرٹری، ریاض علی ڈپٹی انفارمیشن سیکرٹری، اور سنئیر صحافی ساجد کاظمی آفس سیکرٹری منتخب ہو گئے۔
صدارتی امیدوار ہدایت علی پاسدار اور پریس کلب کے دیگر ممبران نے الیکشن میں کامیابی پر علی افضل افضال کو مبارکباد دی اور انہیں مکمل تعاون کا یقین دلایا۔
اس موقع پر اپنے خطاب میں نو منتخب صدر علی افضل افضال اور جنرل سیکٹری محمد علی طوری نے کہا کہ وہ پریس کلب کی مزید بہتری و ترقی اور صحافیوں کی بہترین مفاد کیلئے جدوجہد جاری رکھیں گے۔

29/01/2023

پارچنار پریس کلب میں تحصیل چیرمین آغا مزمل کا پریس کانفرنس سے خطاب کرتے ہوئے ۔

29/01/2023

پارچنار پریس کلب میں تحریک حسینی کے صدر آغا تجمل کا پریس کانفرنس سے خطاب کرتے ہوئے ۔

29/01/2023

آج پارچنار پریس کلب میں انجمن حسینیہ تحریک حسینی قومی مشران نے قومی مسائل پرایک پور ہجوم پریس کانفرنس سے خطاب کرتے ہوئے

26/01/2023

فیض احمد فیض کی نظم آج کے دور کی بہترین عکاسی ہے

#جس دیس میں آٹے چینی کا*
*بحران فلک تک جا پُہنچے*

*جس دیس میں بجلی پانی کا*
*فقدان حَلق تک جا پُہنچے*

*جس دیس سے ماؤں بہنوں کو*
*اغیار اٹھا کر لے جائیں*

*جس دیس سے قاتل غنڈوں کو*
*اشراف چُـھڑا کر لے جائیں*

*جس دیس کی کورٹ کچہری میں*
*انصاف ٹکوں پر بکتا ہو*

*جس دیس کا منشی قاضی بھی*
*مجرم سے پوچھ کے لکھتا ہو*

*جس دیس کے چپے چپے پر*
*پولیس کے ناکے ہوتے ہوں*

*جس دیس میں جاں کے رکھوالے*
*خود جانیں لیں معصوموں کی*

*جس دیس میں حاکم ظالم ہوں*
*سسکی نہ سنیں مجبوروں کی*

*جس دیس کے عادل بہرے ہوں*
*آہیں نہ سنیں معصوموں کی*

*جس دیس کی گلیوں کوچوں میں*
*ہر سمت فحاشی پھیلی ہو*

*جس دیس میں بنت حوا کی*
*چادر بھی داغ سے میلی ہو*

*جس دیس کے ہر چوراہے پر*
*دو چار بھکاری پھرتے ہوں*

*جس دیس میں روز جہازوں سے*
*امدادی تھیلے گرتے ہوں*

*جس دیس میں غربت ماؤں سے*
*بچے نیلام کراتی ہو*

*جس دیس میں دولت شرفاء سے*
*نا جائز کام کراتی ہو*

*جس دیس کے عہدیداروں سے*
*عہدے نہ سنبھالے جاتے ہوں*

*جس دیس کے سادہ لوح انساں*
*وعدوں پہ ہی ٹالے جاتے ہوں*

*اس دیس کے ہر اک لیڈر پر*
*سوال اٹھانا واجب ہے*

*اس دیس کے ہر اک حاکم کو*
*سولی پہ چڑھانا واجب ہے*

*(فیض احمد فیض)*

25/01/2023

حکومت کی میڈیا کش پالیسیاں پی الف یو جے نے کل پورے پاکستان میں اختجاجی تحریک کا اعلان تحریک میں شمولیت کی دعوت دی جائی گی۔کل پورے پاکستان پریس کلبوں پر سیاہ پرچم لہرائے جائنگے۔پارلیمنٹ ہاوس پر دھرنا مطالبات کی منظوری تک جاری رہے گا۔ارشد شریف کے قاتلوں کی گرفتاری میں تاخیر شاید اسلم کی گرفتاری پر اختجاج ہو گا۔

17/01/2023

پاراچنار
ضلع کرم میں پولیس نے بروقت کاروائی کرکے قتل چوری ڈکیتی سمیت مختلف جرائم میں ملوث گینگ کے چھ افراد گرفتار کرلئے گرفتار ملزمان سے تحقیقات جاری ہیں تین روز قبل قتل کے واقعے میں گرفتار ملزمان ملوث ہیں
پاراچنار میں پریس کانفرنس سے خطاب کرتے ڈی ایس پی ہیڈ کوارٹر عظمت بنگش نے بتایا کہ پولیس نے قتل ڈکیتی اور دیگر جرائم میں ملوث گینگ کے چھ افراد گرفتار کئے ہیں ڈی ایس پی ہیڈ کوارٹر عظمت بنگش نے گرفتار ملزمان کے تازہ جرائم کا ذکر کرتے ہوئے کہا کہ 13 جنوری 2023 کو تھانہ اپر کرم پاراچنار میں مدعی شاھین حسین ولد شاعر حسین سکنہ کمیٹی کالونی پاراچنار سٹی کے گھر سے سونا اور کلاشنکوف کی چوری کی واردات اور چاند مارنی بٹ سٹیڈیم کالونی سے گلزار حسین کی قتل کی اطلاعی رپورٹ موصول ہوئی جس پر ڈی ایس پی ہیڈکوارٹر عظمت بنگش کے زیر نگرانی اور ڈی ایس پی سرکل مظہر علی کی قیادت میں ایس ایچ او لوئر کرم عبدالقاسم ، ایس ایچ او تھانہ احمد یار ، سٹی انچارج ایس آئی زاہد حسین طوری ، نیٹ ٹیم کے انچارج ایس آئی عابد حسین اور تفتیشی ٹیم کا انچارج OII ایس آئی رحیم خان پر مشتمل ٹیم تشکیل دی گئی اور چوری و قتل کی واردات میں ملوث گروہ کو ٹریس اور مال مسروقہ کے برآمدگی کا ٹاسک دیا گیا
پولیس ٹیم نے دن رات انتھک محنت اور اپنی پیشہ ورانہ صلاحیتوں کو بروئے کار لاتے ہوئے سائنسی خطوط کے ذریعے دونوں وارداتوں میں ملوث گروہ کا سراغ لگا لیا گیا گرفتار ملزمان کے قبضے سے مال مسروقہ سونا زیورات و چاندی اور اسلحہ برآمد کرلی ڈی ایس پی عظمت بنگش نے بتایا کہ مال مسروقہ میں ایک عدد گھڑی ، ہار لائٹ سونا، چھوٹے بالیاں سونا، دو عدد گول رنگ سونا و دو چھوٹے جوڑے بالیاں سونا، تین عدد چوڑیاں سونا ، چھ عدد سونے والے انگوٹھیاں، ڈائمنڈ سونے والا، آٹھ عدد گول رنگ کے چاندی سونا، آٹھ عدد مختلف سائز رنگ ، آٹھ عدد مختلف سائز کے انگوٹھیاں اور دیگر مختلف قسم کے زیورات سمیت ایک عدد کلاشنکوف فیکس چارجر بمعہ ایمونیشن اور 15150 نقد رقم بھی شامل ہےگرفتار ملزمان سے تفتیش کے دوران آپس میں زیورات کی تقسیم کے موقع پر بمقام چاند مارنی بٹ ٹھکانہ ملزم مجاہد علی اور میثم علی کے درمیان میں آپس میں لڑائی ہوئی جس کے نتیجے میں گلزار ولد جمال حسین سکنہ پیواڑ کو مدعی کے گھر سے چوری شدہ کلاشنکوف سے فائر کرکے موت کے گھاٹ اتارا گیا تھا

15/01/2023

اللہ کے کرم سے المصطفی ایجوکیشنل کمپلیکس پاراچنار کے زیر اہتمام امیزون اور ای کامرس کا پہلا کامیاب بیچ فارغ ہو چکا ۔ دوسری کلاس کا باقاعدہ آغاز 20جنوری 2023 سے ہورہا ہے جس کیلیے لاہور کے اساتذہ کی خدمات حاصل کی گئی ہیں ۔ خواہشمند خواتین و حضرات سے گزارش ہے کہ داخلہ فارم حیدری بلڈ بنک اینڈ ویلفیئر سوسائٹی پاراچنار کے مرکزی آفس اور یونیورسٹی ماڈل کالج کے آفس سے حاصل کریں ۔
داخلہ فیس مع فارم 20 جنوری سے پہلے پہلے حیدری بلڈ بنک اینڈ ویلفیئر سوسائٹی پاراچنار کے آفس میں جمع کریں ۔
کل نشتیں 50
مردانہ 25
زنانہ 25
فیس : 20 ہزار ایڈوانس
کلاس کا دورانیہ : 2 گھنٹے
برائے رابطہ
سید امداد حسین 03018871374
سر نبی حسن 03025722798

12/01/2023