Pakhtunkhwa Radio Kurram

05/11/2025

پشاور: وزیر اعلیٰ خیبر پختونخوا محمد سہیل آفریدی سے سینیٹ کی قائمہ کمیٹی برائے بین الصوبائی رابطہ کے وفد نے ملاقات کی۔ وفد نے وزیر اعلیٰ محمد سہیل آفریدی کو منصب سنبھالنے پر مبارکباد پیش کی اور نیک خواہشات کا اظہار کیا۔

اجلاس میں پنجاب حکومت کی جانب سے گندم کی آزاد نقل و حرکت پر پابندیوں کے معاملے پر تفصیلی غور کیا گیا۔ وزیر اعلیٰ سہیل آفریدی نے کہا کہ آرٹیکل 151 کے تحت بین الصوبائی تجارت تمام صوبوں کا آئینی حق ہے اور کسی صوبے کو خوراک اور اجناس کی ترسیل روکنے کا کوئی اختیار حاصل نہیں۔

انہوں نے واضح کیا کہ سیاسی اختلافات اپنی جگہ مگر عوام کے رزق پر سیاست نہیں ہونی چاہیے۔ وزیراعلیٰ نے وفد کے ارکان کو خیبر پختونخوا کے عوام کا سفیر قرار دیتے ہوئے کہا کہ گندم کے مسئلے کے مستقل حل کے لیے بین الصوبائی ہم آہنگی ناگزیر ہے۔

ملاقات میں سینیٹر دلاور خان، محسن عزیز، نسیمہ احسان، ناصر محمود، ہدایت اللہ خان، نیاز احمد اور مصدق مسعود سمیت دیگر ارکان شریک تھے۔ اس موقع پر مشیر خزانہ مزمل اسلم، سیکرٹری خوراک شاہ محمود اور دیگر متعلقہ حکام بھی موجود تھے۔

01/11/2025

خیبر پختونخوا بار کونسل الیکشن 2025–30
پاراچنار ضلعی عدالت میں ووٹنگ کے حوالے سے عامر عباس طوری اینڈ سید فدا حسین کے گفتگو

01/11/2025

وزیر اعلیٰ خیبر پختونخوا کا صوبے کی سیاسی قیادت سے ٹیلیفونک رابطہ، امن و امان کی صورتحال پر مشاورت، آل پارٹیز جرگہ بلانے کا فیصلہ

پشاور: وزیر اعلیٰ خیبر پختونخوا محمد سہیل آفریدی نے صوبے کی تمام بڑی سیاسی جماعتوں کے قائدین سے ٹیلیفونک رابطے کیے ہیں۔ وزیر اعلیٰ نے جمعیت علمائے اسلام (ف) کے سربراہ مولانا فضل الرحمٰن، عوامی نیشنل پارٹی کے ایمل ولی خان، جماعت اسلامی کے سراج الحق، مسلم لیگ (ن) کے امیر مقام، قومی وطن پارٹی کے آفتاب احمد خان شیرپاؤ اور پاکستان پیپلز پارٹی کے محمد علی شاہ باچا سے گفتگو کی۔

ملاقاتوں میں صوبے کی مجموعی امن و امان کی صورتحال پر تبادلہ خیال کیا گیا۔ وزیر اعلیٰ سہیل آفریدی نے کہا کہ خیبر پختونخوا میں امن کے قیام پر کوئی دو رائے نہیں، امن و استحکام حکومت کی اولین ترجیح ہے۔

انہوں نے بتایا کہ صوبائی اسمبلی کی اِن ہاؤس کمیٹی کے تحت تمام سیاسی جماعتوں کے قائدین پر مشتمل ایک جرگہ بلانے کا فیصلہ کیا گیا ہے، جس میں صوبے کے امن و استحکام کے حوالے سے مشترکہ لائحہ عمل طے کیا جائے گا۔

وزیر اعلیٰ کے مطابق اسپیکر صوبائی اسمبلی کی جانب سے تمام قائدین کو باضابطہ طور پر مدعو کیا جائے گا۔ انہوں نے کہا کہ اختلافِ رائے جمہوریت کا حسن ہے، تاہم امن و استحکام ہم سب کا مشترکہ ہدف ہے۔

محمد سہیل آفریدی نے اس عزم کا اظہار کیا کہ تمام فریقین کو اعتماد میں لے کر پائیدار امن کے لیے جامع حکمت عملی اپنائی جائے گی۔

01/11/2025

وزیر اعلیٰ کا رورل اکنامک ٹرانسفارمیشن پراجیکٹ پر برہمی، منصوبے کو فوری اسٹریم لائن کرنے کی ہدایت

پشاور: وزیرِ اعلیٰ خیبر پختونخوا محمد سہیل آفریدی کی زیرِ صدارت رورل اکنامک ٹرانسفارمیشن پراجیکٹ کا اجلاس ہوا، جہاں منصوبے پر سست پیش رفت پر وزیرِ اعلیٰ نے برہمی کا اظہار کیا اور منصوبے کو فوری طور پر اسٹریم لائن کرنے کی ہدایت دی۔

انہوں نے کہا کہ یہ منصوبہ غریب عوام کی تقدیر بدل سکتا ہے، اس میں کسی قسم کی غفلت برداشت نہیں کی جائے گی۔ میرٹ، شفافیت اور ٹائم لائنز پر سختی سے عمل یقینی بنایا جائے۔

بریفنگ میں بتایا گیا کہ منصوبے کی لاگت 30 ارب روپے سے زائد ہے، جس سے 43 لاکھ افراد مستفید ہوں گے۔ منصوبہ ایفاد کے تعاون سے زرعی کاروبار، ہنرمندی کے فروغ اور روزگار کے مواقع پیدا کرنے پر مرکوز ہے۔

30/10/2025

وزیر اعلی خیبرپختونخوا اڈیالہ جیل کے باہر میڈیا سے گفتگو کررہے ہیں

30/10/2025

‏عوامی وزیراعلی محمد سہیل آفریدی روڈ بندش کی وجہ سے گاڑی سے اتر کر صوبائی اسمبلی کی طرف پیدل چل پڑے.‏عوامی وزیراعلی محمد سہیل آفریدی روڈ بندش کی وجہ سے گاڑی سے اتر کر صوبائی اسمبلی کی طرف پیدل چل پڑے.

30/10/2025

وزیر اعلی خیبر پختونوا کا صوبائی اسمبلی میں صحافیوں سے گفتگو

30/10/2025

وزیر اعلیٰ خیبر پختونخوا محمد سہیل آفریدی سینیٹ کے ضمنی انتخابات میں اپنا ووٹ پول کر رہے ہیں ۔

28/10/2025

پشاور: وزیر اعلیٰ ہاؤس میں جسٹس لائرز فورم کے 94 وکلاء کی انصاف لائرز فورم میں شمولیت

پشاور: وزیر اعلیٰ خیبر پختونخوا محمد سہیل آفریدی نے جسٹس لائرز فورم کے 94 وکلاء کی انصاف لائرز فورم میں شمولیت پر انہیں مبارکباد دی۔ اس موقع پر وزیر اعلیٰ نے کہا کہ ہم ایک ریاست دو دستور کے کلچر کو ختم کرنے آئے ہیں۔

انہوں نے کہا کہ 26 ویں آئینی ترمیم کے ذریعے عدالتوں کو مفلوج کیا گیا، تاہم ہماری جدوجہد حقیقی آزادی اور قانون کی بالادستی کی تحریک ہے، جس میں وکلاء برادری کا مرکزی کردار ہے۔

وزیر اعلیٰ نے بتایا کہ صوبے کی بار ایسوسی ایشنز کے لیے 42 کروڑ روپے کے گرانٹس منظور کیے جا چکے ہیں جو چند دنوں میں فراہم کر دیے جائیں گے۔

ان کا کہنا تھا کہ ہم آئین و قانون کو مکڑی کا جالا نہیں بننے دیں گے جس میں کمزور پھنس جائے اور طاقتور نکل جائے۔ آئین اور قانون سب کے لیے برابر ہیں، ہم نے طاقتور اور ناانصافی کرنے والوں کو بھی انصاف کے کٹہرے میں لانا ہے۔

وزیر اعلیٰ سہیل آفریدی نے کہا کہ میری عمران خان سے ملاقات کرانے کے عدالتی احکامات کو ردی کی ٹوکری میں پھینک دیا گیا۔ سڑک پر بیٹھنا میری کمزوری نہیں بلکہ عدالتوں کی بے بسی کی علامت ہے جو اپنے احکامات پر عملدرآمد کرانے سے قاصر ہیں۔

انہوں نے مزید کہا کہ اگر ججز یرغمال ہیں تو عوام کو بتائیں تاکہ انہیں آزاد کرایا جا سکے۔ ہماری جدوجہد عدلیہ کی آزادی، آئین کی بالادستی، قانون کی حکمرانی اور میڈیا کی آزادی کے لیے ہے۔

27/10/2025

27/10/2025

پاراچنار میں ریاست جموں و کشمیر پر بھارتی ناجائز قبضے کے خلاف اور کشمیریوں سے اظہار یک جہتی کے لئے ریلی کا انعقاد کیا گیا جس میں ضلعی انتظامیہ قبائلی عمائدین ،شہریوں اور طلبہ نے کثیر تعداد میں شرکت کی
27 اکتوبر 1947 کو بھارت کی جانب سے جموں و کشمیر پر ناجائز قبضے اور مظالم کے خلاف پاراچنار میں ضلعی انتظامیہ اور شہریوں نے ریلی نکالی ریلی کے شرکا مختلف راستوں سے ہوتے ہوئے پریس کلب پہنچے جہاں پر ریلی کے شرکا سے اپنے خطاب میں ایڈیشنل ڈپٹی کمشنر عامر نواز اور قبائلی عمائدین نے کہا کہ بھارت کی جانب سے مظلوم کشمیریوں پر ظلم و بربریت قابل مذمت ہے انہوں نے عالمی برادری سے خاموشی توڑ کر کشمیریوں کو حق خود ارادیت دینے کا مطالبہ کیا مقررین نے کہا کہ کشمیری ہمارے بھائی ہیں ان کی حمایت ہر حال میں جاری رکھی جائے گی