05/06/2026
پاراچنار: منشیات کے خلاف بڑی کارروائی، بھاری مقدار میں منشیات نذرِ آتش
پولیس کی مختلف چھاپہ مار کارروائیوں اور آپریشنز کے دوران برآمد کی گئی 23 من چرس، 65 کلوگرام آئس اور دیگر اقسام کی منشیات آج سٹی تھانہ کی حدود میں علاقہ مجسٹریٹ کی زیرِ نگرانی نذرِ آتش کر دی گئیں۔
اس موقع پر ایس ایچ او سٹی تھانہ ندیم حسین، ایس ایچ او مشتاق علی، ایس ایچ او سید رضا شاہ، دیگر پولیس افسران اور قبائلی عمائدین بھی موجود تھے۔ پولیس حکام کا کہنا تھا کہ منشیات فروشوں کے خلاف بلاامتیاز کارروائیاں جاری رہیں گی اور نوجوان نسل کو تباہی کے راستے پر دھکیلنے والوں کے ساتھ آہنی ہاتھوں سے نمٹا جائے گا۔
ضلع کرم پولیس کی جانب سے منشیات کے خاتمے کے لیے مسلسل اقدامات جاری ہیں اور اب تک بڑی مقدار میں منشیات برآمد کرکے تلف کی جا چکی ہیں۔
