Kurram Press Club

31/08/2025

23/08/2025

پاراچنار، تیدہ، شلوزان اور نستی کوٹ سمیت گرد و نواح میں پاک فوج اور ضلعی انتظامیہ کی زیرِ صدارت متعدد جرگے منعقد ہوئے جن میں قبائلی مشران نے بڑی تعداد میں شرکت کی۔ ان جرگوں میں امن کے قیام، فرقہ وارانہ ہم آہنگی، نوجوانوں کی تربیت، ہتھیاروں کے رضاکارانہ انخلا اور ولیج ڈیفنس کمیٹیوں کے قیام پر زور دیا گیا۔
نستی کوٹ واقعے کو افسوسناک قرار دیتے ہوئے مشران کو کوہاٹ امن معاہدے کے تحت ہتھیار جمع کرانے اور امن دشمن عناصر کی نشاندہی میں تعاون کرنے کی ہدایت دی گئی۔ ڈی سی کرم کی زیرِ صدارت ہونے والے جرگے میں پولیس آپریشن کے بعد سیکیورٹی سخت کرنے، ملوث افراد کی حوالگی، بھاری ہتھیاروں کی واپسی، سرچ آپریشن اور فائرنگ میں استعمال ہونے والے گھروں کی مسماری جیسے مطالبات پیش کیے گئے۔
مشران نے ان مطالبات پر مکمل تعاون کی یقین دہانی کرائی اور اعلان کیا کہ کل علاقے کا دورہ کر کے معاملے کے پرامن حل کے لیے عملی اقدامات کیے جائیں گے۔

22/08/2025

کرم: پاک فوج کے مقامی ونگ کمانڈر نے امن فٹسال گراؤنڈ صدہ کا افتتاح کر دیا
کرم میں پاک فوج کے مقامی ونگ کمانڈر نے امن فٹسال گراؤنڈ صدہ کا باقاعدہ افتتاح کیا، جو علاقے میں کھیلوں کے فروغ اور دیرپا امن کے قیام کی جانب ایک اہم قدم ہے۔ افتتاحی تقریب کے بعد دن اور رات کے اوقات میں دوستانہ فٹسال میچز کا انعقاد کیا گیا، جن میں ینگ ایف سی نے صدہ الیون کو شکست دے کر کامیابی حاصل کی۔
تقریب میں صدر اور سیکریٹری AeF، چیئرمین تحصیل لوئر کرم، صدہ کے دیگر معززین اور بڑی تعداد میں نوجوانوں نے شرکت کی۔ مقامی مکینوں اور نوجوانوں نے قانون نافذ کرنے والے اداروں کا شکریہ ادا کیا کہ انہوں نے علاقے کو ایک دیرینہ تفریحی سہولت فراہم کی۔
تقریب سے خطاب کرتے ہوئے ونگ کمانڈر نے امن قائم رکھنے کے اقدامات میں اہلِ سنت کے تاریخی کردار کو سراہا، خصوصاً غیر مسلح مہم (De-Weaponization Drive) کو۔ انہوں نے نوجوانوں کو تلقین کی کہ وہ کھیلوں کے میدانوں کو فعال رکھیں اور اپنی توانائیاں مثبت سرگرمیوں میں صرف کریں۔
امن فٹسال گراؤنڈ کا قیام نہ صرف صحت مند تفریحی مواقع فراہم کرے گا بلکہ کرم بھر میں اتحاد، بھائی چارے اور دیرپا امن کو مزید فروغ دے گا۔

04/07/2025