Press Club Pattoki

Press Club Pattoki News, Information, Updates, Publicity, Public Voice and The voice of Pattoki Tehsil.
(4)

پریس کلب(رجسٹرڈ)پتوکی خبروں کی اشاعت اور شہریوں کی آواز بننے والا پتوکی کا سب سے بڑا ادارہ ہے جس کا کام عوام کی بے لوث خدمت کرنا اور شہری مسائل اجاگر کرکے ان کا خاتمہ کروانا

30 بلٹ پروف گاڑیوں کی منظوری، حکومت کا بڑا فیصلہحکومت نے سیکیورٹی اقدامات کے تحت 30 بلٹ پروف گاڑیوں کی خریداری کے لیے 6 ...
10/09/2026

30 بلٹ پروف گاڑیوں کی منظوری، حکومت کا بڑا فیصلہ

حکومت نے سیکیورٹی اقدامات کے تحت 30 بلٹ پروف گاڑیوں کی خریداری کے لیے 6 ارب 60 کروڑ روپے کی منظوری دے دی۔ فیصلہ اہم شخصیات اور سیکیورٹی معاملات کو مدنظر رکھتے ہوئے کیا گیا ہے۔










10/09/2026

پنجاب کے ہسپتالوں میں تشدد، مریض اور طبی عملہ متاثر

پنجاب بھر کے ہسپتالوں کی ایمرجنسی اور طبی مراکز میں جھگڑوں اور بدسلوکی کے واقعات تشویش کا باعث بن رہے ہیں۔ ہسپتالوں میں تشدد سے طبی عملے اور سیکیورٹی اہلکاروں کو مشکلات کا سامنا کرنا پڑتا ہے جبکہ شدید بیمار مریضوں کی طبی امداد بھی متاثر ہو سکتی ہے۔

حکام کو ہسپتالوں میں سیکیورٹی مزید مؤثر بنانے، انتظامی نگرانی سخت کرنے اور تشدد میں ملوث افراد کے خلاف فوری قانونی کارروائی یقینی بنانے کی ضرورت ہے۔ ہسپتال علاج اور تحفظ کی جگہ ہیں، تشدد کی نہیں۔

لاہور/پتوکی ( ندیم اکرم سے)ماڈل ٹاؤن اراضی ریکارڈ سنٹر سے سروس سنٹر آفیشل گرفتاراینٹی کرپشن لاہور نے شہری کی درخواست پر ...
10/09/2026

لاہور/پتوکی ( ندیم اکرم سے)

ماڈل ٹاؤن اراضی ریکارڈ سنٹر سے سروس سنٹر آفیشل گرفتار

اینٹی کرپشن لاہور نے شہری کی درخواست پر کارروائی کرتے ہوئے ماڈل ٹاؤن اراضی ریکارڈ سنٹر کے سروس سنٹر آفیشل عثمان کو مبینہ طور پر رشوت لیتے ہوئے رنگے ہاتھوں گرفتار کر لیا۔ حکام کے مطابق ملزم نے فردِ ملکیت کے اجراء کے لیے شہری سے رشوت طلب کی تھی۔

مجسٹریٹ کی موجودگی میں کیے گئے ٹریپ ریڈ کے دوران ملزم سے نشان زدہ نوٹ برآمد ہوئے، جس پر مقدمہ درج کر کے مزید قانونی کارروائی شروع کر دی گئی۔

لاہور/پتوکی ( چوہدری تنویر سے)لاہور: ریٹائرڈ ایس ایچ او مبینہ طور پر 100 کروڑ سے زائد کرپشن کے الزام میں گرفتاراینٹی کرپ...
10/09/2026

لاہور/پتوکی ( چوہدری تنویر سے)

لاہور: ریٹائرڈ ایس ایچ او مبینہ طور پر 100 کروڑ سے زائد کرپشن کے الزام میں گرفتار

اینٹی کرپشن حکام کے مطابق سب انسپکٹر (ر) رفیق احمد کو مبینہ طور پر اختیارات کے ناجائز استعمال، غیر قانونی کاشت اور ناجائز اثاثے بنانے کے الزام میں گرفتار کیا گیا ہے۔ حکام کا کہنا ہے کہ ملزم نے کچے کے علاقے میں تعیناتی کے دوران 1,444 کنال اراضی پر ناجائز کاشت کی جبکہ 1,384 کنال وقف اراضی بھی حاصل کرنے کا الزام ہے۔ مزید بتایا گیا کہ مبینہ غیر قانونی آمدن سے بے نامی جائیدادیں اور چار قیمتی گاڑیاں بنائی گئیں۔ اینٹی کرپشن کے مطابق تحقیقات کے بعد ملزم کے خلاف کارروائی عمل میں لائی گئی۔

10/09/2026

سیالکوٹ: اینٹی کرپشن کا ٹریپ ریڈ، پولیس ASI مبینہ 50 ہزار روپے رشوت لیتے گرفتار
سیالکوٹ میں اینٹی کرپشن گوجرانوالہ/سیالکوٹ نے کارروائی کرتے ہوئے پولیس کے ASI محمود کو ٹریپ ریڈ کے دوران مبینہ طور پر 50 ہزار روپے رشوت وصول کرتے ہوئے رنگے ہاتھوں گرفتار کر لیا۔ حکام کے مطابق ملزم سے رشوت کی رقم بھی برآمد کرلی گئی۔ واقعہ کا مقدمہ FIR نمبر 41/2026 کے تحت درج ہے جبکہ مزید تفتیش جاری ہے۔

10/09/2026

لاہور رشوت لینے والے ایس ایچ او کو گرفتار کرکے اسی تھانے کے لاک اَپ میں بند کردیا گیا

لاہور (عصمت شہزاد سے) لاہور پولیس نے محکمہ پولیس میں احتساب کی کارروائی کرتے ہوئے رشوت لینے اور منشیات فروشوں کو مبینہ طور پر چھوڑنے کے الزام میں ایس ایچ او کے خلاف مقدمہ درج کرکے اسے گرفتار کرلیا۔

ڈی آئی جی آپریشنز لاہور فیصل کامران کے مطابق ڈیفنس اے کے سابق ایس ایچ او میاں سجاد پر منشیات فروش سے 17 لاکھ روپے رشوت لینے اور اسے چھوڑنے کا الزام ثابت ہونے پر تھانہ ڈیفنس اے میں مقدمہ درج کیا گیا اور اسے گرفتار کرلیا گیا۔

دوسرے واقعے میں فیصل ٹاؤن کے ایس ایچ او سلیمان اکبر اور کانسٹیبل شاکر کے خلاف بھی رشوت لینے اور منشیات فروش کو چھوڑنے کے الزام میں مقدمہ درج کیا گیا، جبکہ ان کی گرفتاری کے لیے کارروائی جاری رہی۔

پولیس حکام کے مطابق گرفتار افسر کے خلاف کارروائی اسی تھانے میں کی گئی جہاں وہ ایس ایچ او کے طور پر تعینات رہا، جسے محکمہ پولیس میں احتساب اور قانون کی بالادستی کی اہم مثال قرار دیا جا رہا ہے۔

09/09/2026

*پتوکی: پرانی منڈی میں ڈکیتی کی واردات شہری ہنڈا 125 اور موبائل فون سے محروم*

پتوکی کی پرانی منڈی میں گورنمنٹ ایلیمنٹری سکول چلڈرن پارک کے قریب مبینہ ڈکیتی کی واردات نامعلوم مسلح ملزمان پرانی منڈی کے رہائشی علی حمزہ سے ہنڈا 125 موٹر سائیکل اور موبائل فون چھین کر فرار ہوگئے واقعہ کی اطلاع ملتے ہی متعلقہ پولیس موقع پر پہنچ گئی اور واقعہ کی تحقیقات شروع کر دیں شہریوں کا کہنا ہے کہ علاقے میں بڑھتی ہوئی وارداتوں کے باعث شہریوں میں شدید خوف و تشویش پائی جا رہی ہے شہریوں نے ڈی پی او قصور اور متعلقہ پولیس کے اعلیٰ حکام سے مطالبہ کیا ہے کہ واردات میں ملوث ملزمان کو فوری گرفتار کرکے شہریوں کو تحفظ فراہم کیا جائے۔

پتوکی: میلہ سخی بابا عباس پر بااثر بھتہ خور مافیا کی کھلم کھلا ڈکیتی؛ انتظامیہ کی مجرمانہ خاموشی اور ناکام حکمت عملی کا ...
09/09/2026

پتوکی: میلہ سخی بابا عباس پر بااثر بھتہ خور مافیا کی کھلم کھلا ڈکیتی؛ انتظامیہ کی مجرمانہ خاموشی اور ناکام حکمت عملی کا پردہ چاک

پتوکی (خصوصی رپورٹ رانا محمد فیاض) شہر میں 6 ستمبر کو منعقد ہونے والا مذہبی و ثقافتی میلہ سخی بابا عباس جہاں عوامی تفریح کا ذریعہ بننا تھا، وہیں بااثر مافیا کی لوٹ مار اور مقامی انتظامیہ کی ناہلی و ناقص حکمت عملی کے باعث شہر کی تاریخ کا سب سے بڑا تماشا بن گیا۔ انتظامیہ کی سستی اور پیشگی منصوبہ بندی کے فقدان نے بااثر بدمعاشوں کو آزاد چھوڑ دیا، جنہوں نے غریب سٹال ہولڈرز، جھولے مالکان اور شہریوں کو بے دردی سے لوٹا۔

صحافتی تحقیقات کے دوران ثابت ہوا ہے کہ شہر کے چند بااثر افراد نے میلے کو اپنی ذاتی جاگیر سمجھتے ہوئے جگہ جگہ ناجائز ٹیکسنگ اور بھتہ خوری کا بازار گرم کر رکھا تھا۔

دربار سٹاپ ملتان روڈ کے دونوں اطراف نالے کی سرکاری زمین پر لگنے والی عارضی دکانوں سے زبردستی تقریباً 50 لاکھ روپے وصول کیے گئے۔

صرف سرکس کی جگہ کے سامنے سے 22 لاکھ روپے کی بھاری رقم بٹوری گئی، جبکہ دربار روڈ پر موجود دکانوں سے الگ سے لاکھوں روپے وصول کر کے غریب تاجروں کا معاشی قتل کیا گیا۔

شہر کے چوراہوں اور سڑکوں پر غیر قانونی پارکنگ سٹینڈ قائم کر کے شہریوں سے 80 سے 100 روپے فی موٹر سائیکل جبراً وصول کیے جاتے رہے، اور انتظامیہ غفلت کی نیند سوتی رہی۔

پریس کلب رجسٹرڈ پتوکی نے جب اس کھلم کھلا لوٹ مار کا پردہ چاک کیا اور خبریں نشر کیں، تو انتظامیہ کی نیند ٹوٹی۔ انتظامیہ نے افراتفری میں غیر قانونی پارکنگ ختم کر کے نجی کالونی میں 50 روپے سرکاری فیس کے ساتھ عارضی پارکنگ قائم کی۔ اس کے علاوہ پنجاب گزٹ کے نوٹیفکیشن کے تحت سٹالز سے فی سٹال 1500 روپے یومیہ سرکاری فیس وصول کرنا شروع کی، اور حفاظتی این او سی و فٹنس سرٹیفکیٹ نہ ہونے پر خطرے کا باعث بننے والے جھولوں کو بند کروایا۔

انتظامیہ کے تاخیر سے کیے گئے ان اقدامات کے باعث جب بااثر مافیا کی ناجائز کمائی کا دروازہ بند ہوا—خصوصاً وہ لاکھوں روپے جو وہ جھولے مالکان سے پہلے ہی ہضم کر چکے تھے—تو ان کی بوکھلاہٹ دیکھنے کے قابل تھی۔ اپنی ناکامی اور چوری چھپانے کے لیے اس بااثر مافیا نے سوشل میڈیا پر انتظامیہ کے خلاف زہر افشانی اور منظم محاذ آرائی شروع کر دی۔

یہ پورا واقعہ مقامی انتظامیہ کی غفلت اور مکمل ناکامی کا منہ بولتا ثبوت ہے۔ سوال یہ پیدا ہوتا ہے کہ:
1. انتظامیہ نے میلے سے پہلے پنجاب گزٹ کے تحت سرکاری ریٹ لسٹ، این او سی اور پارکنگ سائٹس کا نوٹیفکیشن پہلے دن سے کیوں جاری نہیں کیا؟
2. بااثر افراد کو پہلے دن سے کروڑوں روپے بدمعاشی کی بنیاد پر جمع کرنے کی کھلی چھٹی کیوں دی گئی؟
3. کیا انتظامیہ صرف خبر نشر ہونے کے بعد جاگنے کی پابند ہے؟
4. شہری اور تجارتی حلقوں نے مطالبہ کیا ہے کہ: سٹالز اور جھولے مالکان سے کروڑوں روپے بٹورنے والے بااثر افراد کے خلاف بھتہ خوری اور مقدمات درج کر کے رقم واپس کروائی جائے۔ انتظامیہ کی اس ناقص حکمت عملی پر ذمہ دار افسران کا احتساب کیا جائے تاکہ آئندہ کوئی بااثر مافیا غریب تاجروں کا استحصال نہ کر سکے اور نہ ہی شہر میں غیر قانونی پارکنگ اور بھتہ خوری کی جرات کر سکے۔
Governor's House, Lahore, Punjab Govt of Punjab Chief Secretary Punjab Commissioner Lahore Division Deputy Commissioner Kasur Assistant Commissioner Pattoki Maryam Nawaz Sharif Government of Pakistan #پتوکی #قصور

کراچی: پیپلز پارٹی کے رہنما سعید غنی نے کہا ہے کہ ایم کیو ایم قومی اور صوبائی اسمبلی کی ایک نشست بھی جیتی نہیں تھی، اسے ...
09/09/2026

کراچی: پیپلز پارٹی کے رہنما سعید غنی نے کہا ہے کہ ایم کیو ایم قومی اور صوبائی اسمبلی کی ایک نشست بھی جیتی نہیں تھی، اسے زرداری سسٹم کے تحت اسمبلی بھیج دیا گیا۔ ان کا کہنا تھا کہ سیاسی معاملات میں عوامی مینڈیٹ اور جمہوری اصولوں کو اہمیت دی جانی چاہیے۔

#سعیدغنی #کراچی #زرداری #سیاست #پاکستان

09/09/2026

‎ٹوبہ ٹیک سنگھ/ پتوکی ( شاید خان سے)

تھانہ سٹی ٹوبہ ٹیک سنگھ کے علاقے 295 گ ب میں شہری عبدالوہاب کو پولیس اور پیرا فورس کی جانب سے مبینہ تشدد کا نشانہ بنا کر گرفتار کرنے کی ویڈیو سامنے آگئی۔ ویڈیو میں مبینہ تشدد کے دوران شہری کی شلوار تک اترتی دکھائی دے رہی ہے، جس پر اہلِ علاقہ میں تشویش پائی جا رہی ہے۔

ذرائع کے مطابق واقعہ مبینہ طور پر 5 ہزار روپے کے واٹر سپلائی تنازع سے متعلق ہے۔ متاثرہ شہری نے آر پی او فیصل آباد سے شفاف انکوائری اور ذمہ دار اہلکاروں کے خلاف قانونی کارروائی کا مطالبہ کیا ہے۔

سوال یہ ہے کہ اگر شہری کے خلاف قانونی کارروائی بنتی تھی تو اسے قانون کے مطابق گرفتار کرنے کے بجائے مبینہ تشدد اور تذلیل کیوں کی گئی؟

‎ Part 4

Address

Pattoki
55300

Telephone

+923448480814

Website

Alerts

Be the first to know and let us send you an email when Press Club Pattoki posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Press Club Pattoki:

Shortcuts

Share

Category