24/10/2025
کوہاٹ:ہنگو میں دہشت گردوں کے حملے میں شہید ہونے والے ایس پی اسد زبیر، کانسٹیبل عاطف اور کانسٹیبل کفایت کی نمازِ جنازہ پولیس لائنز کوہاٹ میں پورے سرکاری اعزاز کے ساتھ ادا کی گئی۔
نمازِ جنازہ میں آئی جی خیبر پختونخوا ذوالفقار حمید، چیف سیکرٹری شہاب علی شاہ، ایڈیشنل آئی جی سی ٹی ڈی جواد قمر، کمشنر کوہاٹ معتصم باللہ، اعلیٰ پولیس و فوجی افسران، سیاسی و سماجی شخصیات اور عوام کی بڑی تعداد نے شرکت کی۔
پولیس کے دستے نے شہداء کو سلامی دی اور پھول چڑھائے۔
شہید ایس پی اسد زبیر کا تعلق کوہاٹ جبکہ کانسٹیبل عاطف اور کفایت کا تعلق ہنگو سے تھا، جن کی میتیں آبائی علاقوں کو روانہ کردی گئیں۔
