05/07/2025
مہمند ( پروفائل رپورٹ)
ارباب خان مہمند کرکٹ کا سرخیل اور عہد ساز شخصیت
قبائلی ضلع مہمند کے پہاڑی سلسلوں اور سرسبز وادیوں کے بیچ کرکٹ کی ترقی میں اہم کردار ادا کرنے والے ارباب خان مقامی کرکٹ کی ایک ایسی شخصیت ہے جنہوں نے نہ صرف اپنے انفرادی کھیل میں ضلع مہمند کا نام روشن کیا اور اپنے صلاحیتوں کے جوہر دکھائے، بلکہ کرکٹ میں مقامی نوجوانوں کی حوصلہ افزائی کی اور مختلف مشکلات کے باوجود ہارڈ بال کرکٹ کو ژندہ رکھا۔ اور شگئی گراؤنڈ کو بنجر سے آباد کیا۔ بطور صدر مہمند کرکٹ ایسوسی ایشن، ان کی قیادت اور لگن نے نہ صرف ضلع میں کرکٹ کے کلچر کو نئی زندگی بخشی، بلکہ اسے بین الاقوامی پہچان تک پہنچایا۔
**مہمند میں کرکٹ کی ابتدائی دشواریاں**
ارباب خان سے قبل مہمند میں کرکٹ کی حالت انتہائی دگرگوں تھی۔ نہ تو کھلاڑیوں کے لیے تربیت کے مناسب انتظامات تھے، نہ ہی کوئی معیاری گراؤنڈ، اور نہ ہی سرکاری یا غیر سرکاری سطح پر کسی قسم کے ٹورنامنٹس کا انعقاد ہوتا تھا۔ نوجوانوں کا جذبہ تو تھا، مگر سہولیات کے فقدان نے ان کی صلاحیتوں کو زنگ آلود کر دیا تھا۔ یہ صورتحال دیکھ کر ارباب خان نے اپنے کیریئر کے عروج میں ہی کرکٹ سے ریٹائرمنٹ لے لی تاکہ وہ اپنی پوری توانائی ضلع کے کھیلوں کے فروغ کے لیے وقف کر سکیں۔
**ذاتی قربانی اور عوامی خدمت**
ارباب خان خود اپنے وقت کے ممتاز کھلاڑی رہ چکے ہیں۔ انہوں نے اپنی ذمہ داری محسوس کی کہ جس کھیل نے انہیں شہرت دی، اسے مہمند کے نوجوانوں تک پہنچانا ان کا فرض ہے۔ انہوں نے اپنی تمام تر صلاحیتیں مہمند کرکٹ ایسوسی ایشن کے قیام اور اسے فعال بنانے میں لگا دیں۔ ابتدا میں وسائل کی کمی، عوامی بے رغبتی، اور انتظامی چیلنجز جیسے مسائل درپیش تھے، لیکن ان کی مستقل مزاجی نے ہر رکاوٹ کو عبور کیا۔
**انقلاب کی شروعات: کرکٹ گراؤنڈ کا قیام**
ان کی کوششوں کا پہلا بڑا ثمر ایک جدید کرکٹ گراؤنڈ کی تعمیر تھی، جو مہمند میں پہلی بار بین الضلعی معیار کے مطابق تیار کیا گیا۔ اس گراؤنڈ نے نوجوانوں کو نہ صرف کھیلنے کا موقع دیا، بلکہ کوچنگ، نیٹ پریکٹس، اور باقاعدہ میچز کے لیے پلیٹ فارم مہیا کیا۔ آج یہ گراؤنڈ ضلع کا فخر ہے، جہاں ہر سال کئی ٹورنامنٹس منعقد ہوتے ہیں،
**بین الاقوامی کھلاڑیوں کی تربیت**
ارباب خان کی سرپرستی میں مہمند کے نوجوانوں نے حیرت انگیز ترقی کی۔ ان کی حکمت عملی اور کوچنگ پروگرامز نے ضلع سے کئی ایسے کھلاڑیوں کو جنم دیا جو قومی اور بین الاقوامی سطح پر اپنی صلاحیتوں کا لوہا منوا چکے ہیں۔ یہ ارباب خان کی لگن ہی تھی کہ مہمند جیسے پسماندہ علاقے سے تعلق رکھنے والے کھلاڑی بھی پاکستان کی نمائندگی کرنے لگے۔
**عوامی مقبولیت
ارباب خان کی خدمات کو ضلع کے ہر طبقے میں سراہا جاتا ہے۔ ان کی انتھک محنت نے نہ صرف کرکٹ کو فروغ دیا، بلکہ نوجوان نسل کو مثبت سرگرمیوں کی طرف راغب کیا۔ علاقے کے لوگ ان کی صحت اور لمبی عمر کی دعاگو ہیں۔
Arbab Khan
