KikxNow

11/10/2025

محسن نقوی کو ایشیا کپ واقعے کے بعد آئی سی سی کے ڈائریکٹر کے عہدے سے ہٹا دیا گیا۔

11/10/2025

پاکستان اور ساؤتھ افریقہ ٹیسٹ سیریز

پاکستان اور ساؤتھ افریقہ کے کپتانوں نے ٹیسٹ سیریز کے ٹرافی کی رونمائی کردی

شان مسعود اور ایڈن مارکرم نےنیشنل کرکٹ اکیڈمی میں ٹرافی کی رونمائی کی

ساؤتھ افریقہ ٹیم کے کپتان ایڈن مارکرم نے این سی اے میں میوزیم کا دورہ کیا

شان مسعود نے ایڈن مارکرم کو میوزیم میں موجود ٹرافیز کے بارے میں بتایا

پاکستان اور ساؤتھ افریقہ کے درمیان پہلا ٹیسٹ کل سے شروع ہوگا

11/10/2025

کولمبو۔ آئی سی سی وویمنز کرکٹ ورلڈ

پاکستان وویمنز کرکٹ ٹیم اپنا چوتھا میچ 15 اکتوبر کو انگلینڈ کے خلاف کھیلے گی

پریما داسا انٹرنیشنل کرکٹ سٹیڈیم میں مقامی وقت کے مطابق میچ دوپہر 3بجے شروع ہوگا

پاکستان وویمنز کرکٹ ٹیم آج پریکٹس کرے گی

ٹریننگ سیشن دوپہر 2 بجے سے شام 5 بجے تک جاری رہے گا

خواتین کھلاڑی ہیڈ کوچ محمد وسیم کی نگرانی میں بیٹنگ۔ باولنگ اور فیلڈنگ کی مشقیں کریں گی

11/10/2025

11/10/2025

مشینیں تربیت دیں یا زنگ کھائیں؟ خیبرپختونخوا اسپورٹس ڈائریکٹوریٹ کی خاموشی کا ریکارڈ توڑ پروگرام

مسرت اللہ جان

اگر کبھی آپ کو لگے کہ آپ کی زندگی میں خاموشی بہت زیادہ ہے تو پریشان نہ ہوں، خیبرپختونخوا اسپورٹس ڈائریکٹوریٹ کے پاس اس سے بھی گہری خاموشی موجود ہے۔ یہ وہی محکمہ ہے جو 2020 میں بڑے زور و شور سے بیڈمنٹن اور ٹیبل ٹینس کے کھلاڑیوں کی تربیت کے لیے جدید مشینوں کی خریداری کا اعلان کر رہا تھا۔پریس ریلیز میں سب کچھ بہت حسین لگ رہا تھا۔ مشینیں آئیں گی، نوجوان کھلاڑیوں کے ہاتھوں میں شٹل اور ریکٹ بجلی کی طرح چلیں گے، بال روبوٹک انداز میں اڑیں گی، کوچ سائنسی تجزیے کریں گے، اور خیبرپختونخوا کے کھلاڑی انٹرنیشنل لیول پر چھا جائیں گے۔

پانچ سال گزر گئے۔نتیجہ؟ مشینیں تو کہیں بھی نہیں چھائیں، بس زنگ کی تہہ نے ان کے اوپر راج کر لیا۔ کاغذی حساب کے مطابق، یہ مشینیں لاکھوں روپے کی تھیں۔ مقصد یہ بتایا گیا کہ جدید تربیت سے نوجوان کھلاڑی عالمی معیار تک پہنچیں گے۔ لیکن جیسے ہی “خریداری” مکمل ہوئی، کہانی کا “ایپیسوڈ” ختم ہوگیا۔ تربیت کا نیا باب کبھی شروع ہی نہ ہوا۔ اب اگر کوئی پوچھے کہ ان مشینوں سے کتنے کھلاڑیوں نے تربیت حاصل کی، تو محکمہ شاید جواب دے:“ہم نے تو مشینوں کو بہترین ماحول دیا، ہوا دار کمرے، صفائی ستھرائی، کبھی کبھی پونچھا بھی۔ اگر کھلاڑی نہیں آئے تو ہم کیا کریں؟”

ابتدا میں یہ مشینیں حیات آباد اسپورٹس کمپلیکس، سوات اور بنوں کے اسپورٹس دفاترکو دی گئی گئیں۔پہلے ہفتے میڈیا کو بلایا گیا، فوٹو سیشن ہوا، ڈی جی صاحب نے شٹل مارنے کی ایکٹنگ کی، اور اگلے دن اخبارات میں سرخیاں لگیں:“خیبرپختونخوا میں جدید تربیتی دور کا آغاز!”لیکن جیسے ہی فوٹو سیشن ختم ہوا، سب کچھ واپس “قدیم دور” میں چلا گیا۔ مشینیں اسٹور میں رکھ دی گئیں۔ کوچ صاحب مصروف ہوگئے — کسی میٹنگ میں، یا کسی ورکشاپ میں، یا شاید کسی نئی خریداری کے پلان میں۔ کھلاڑی آتے رہے، دروازہ بند پایا، اور واپس چلے گئے۔

جون 2025 میں، کسی نے سوچا کہ اب تو پانچ سال ہوگئے، ذرا پوچھیں یہ مشینیں زندہ بھی ہیں یا نہیں۔سو، ایک باضابطہ درخواست ڈائریکٹر جنرل اسپورٹس خیبرپختونخوا کو دی گئی۔ ساتھ ہی حیات آباد اسپورٹس کمپلیکس، ڈی ایس او بنوں، اور ڈی ایس او سوات کو بھی لکھا گیا۔ چار مہینے گزر گئے۔ جواب نہیں آیا۔ پھر یاد دہانی بھیجی گئی۔ نتیجہ؟ پھر وہی “خاموشی کا ریکارڈ توڑ پروگرام”۔اگر یہ محکمہ خاموشی میں اولمپک مقابلہ رکھے تو یقیناً گولڈ میڈل جیت جائے گا۔

خیبرپختونخوا میں اکثر کھیلوں کے منصوبے ایسے ہی چلتے ہیں۔ پہلے پیسہ خرچ ہوتا ہے، پھر تصاویر بنتی ہیں، پھر منصوبہ بند ہوجاتا ہے۔بس فرق یہ ہے کہ کبھی گراو¿نڈ بنتا ہے مگر کھلاڑی نہیں آتے، اور کبھی کھلاڑی ہوتے ہیں مگر گراو¿نڈ نہیں۔اب نیا تجربہ یہ ہے کہ مشینیں موجود ہیں مگر استعمال نہیں ہوتیں۔ یہ کوئی عام مشینیں نہیں تھیں۔ یہ “ہائی ٹیک روبوٹک کوچ” کہلاتی تھیں، جو خود گیند پھینکتی ہیں، رفتار کنٹرول کرتی ہیں، اور کھلاڑی کو رِیفلیکس ٹریننگ دیتی ہیں۔ لیکن جب انہیں اسٹور میں رکھا گیا تو شاید وہ بھی سوچنے لگیں:“ہم یہاں تربیت دینے آئے تھے یا مٹی کھانے؟”

اس سارے کھیل میں اصل میچ کھیلا گیا ہے “بیوروکریسی” اور “ذمہ داری” کے درمیان۔ایک جانب درخواستیں ہیں، دوسری جانب فائلیں۔ کبھی کسی نے مشین کی مرمت کا کاغذ بنایا، کبھی کسی نے بجلی کے بل کا حوالہ دیا، اور پھر سب کچھ “پینڈنگ” ہو گیا۔ بیڈمنٹن کی شٹل کی طرح معاملہ ایک میز سے دوسری میز تک جاتا رہا۔کوئی سروس رپورٹ نہیں، کوئی آڈٹ نہیں، کوئی تربیت یافتہ کھلاڑی نہیں۔ بس ہر دفتر میں ایک ہی جواب: “ہم دیکھ رہے ہیں۔” اور شاید وہ واقعی “دیکھ” رہے ہیں — لیکن کچھ کرتے نہیں۔

اگر کوئی سمجھتا ہے کہ شاید کچھ کھلاڑیوں نے واقعی تربیت حاصل کی، تو وہ خوش فہمی جلد ختم ہو جاتی ہے۔ کیونکہ نہ کسی کھلاڑی کا نام سامنے آیا، نہ کسی ویڈیو میں مشین چلتی دکھائی دی، نہ کسی رپورٹ میں ذکر۔گویا یہ مشینیں “کھیلوں کی روح” کی طرح ہیں — نظر نہیں آتیں، بس ماننی پڑتی ہیں۔ اگر مشینوں کی خریداری، اسٹوریج، مرمت، بجلی، اور عملے کے اخراجات شامل کریں تو یہ منصوبہ کروڑوں روپے کا ہے۔لیکن جب کارکردگی صفر ہو تو یہ پیسہ کھیلوں کے فروغ نہیں بلکہ فنڈز کے فٹ ورک کی کہانی بن جاتا ہے۔کچھ لوگ کہتے ہیں،“مشینیں تو ہیں، لیکن تربیت کا عمل کورونا کے دوران متاثر ہوا۔’تو سوال یہ ہے کہ کیا کورونا ختم ہونے کے بعد بھی وائرس مشینوں میں رہ گیا؟

یہ پورا واقعہ خیبرپختونخوا کے کھیلوں کے نظام کی ایک مثال ہے۔جہاں منصوبے شروع تو ہوتے ہیں، لیکن انجام “گمشدہ فائل” میں لکھا جاتا ہے۔جہاں ادارے رپورٹیں بنانے میں ماہر ہیں، لیکن جواب دینے میں ناتجربہ کار۔جہاں مشینیں جدید ہیں مگر نیتیں پرانی۔یہ خاموشی دراصل جواب ہے —ایک ایسا جواب جو ہر سوال سے بڑا ہے۔اگر ڈائریکٹوریٹ واقعی شفافیت چاہتا ہے تو اسے چاہیئے کہ وہ مشینوں کی موجودہ حالت، استعمال کا ریکارڈ، اور تربیت یافتہ کھلاڑیوں کی فہرست عوام کے سامنے لائے۔ورنہ آنے والے سالوں میں جب کوئی نئی مشین خریدی جائے گی تو پرانی مشینوں کی طرح اس کا انجام بھی وہی ہوگا — تصویر میں مسکراہٹ، اسٹور میں زنگ۔آخر میں ایک مفت مشورہ: اگر محکمہ چاہے تو ان پرانی مشینوں کو میوزیم میں رکھ دے، تختی لگائے: “یہ وہ مشینیں ہیں جنہوں نے کسی کو تربیت تو نہیں دی، لیکن ہمیں سکھا دیا کہ نظام کیسے نہیں چلتا۔”

11/10/2025

پی سی بی نے تین کھلاڑیوں کو پاکستان ٹی ٹوئنٹی اسکواڈ میں شامل ہونے کا پیشگوئی کیا ہے۔ محمد نعیم – نیا خون، پاور ہٹر 💥 وسیم جونیئر – آل راؤنڈر، بیلنس لانے والا ⚡ زمان خان – ڈیتھ اوورز کا اسپیشلسٹ 💪 یہ تینوں کھلاڑی جدید ٹی ٹوئنٹی کرکٹ کے مزاج کے مطابق ہیں — جوش، رفتار اور جارحانہ انداز

11/10/2025

ذرائع کے مطابق کپتان شان مسعود کیمپ میں شاہین آفریدی کے رویے سے ناخوش ہیں۔
شان نے شاہین سے کہا، "ہم نے تمہیں مختلف کردار دیے ہیں، بہتر ہے کہ تم انہی پر توجہ دو۔"
اس پر شاہین نے جواب دیا، "آپ ایسے کپتان ہیں جو خود ٹیم میں جگہ کے بھی حقدار نہیں۔"

11/10/2025