ISF Sarhad University Peshawar

26/07/2025

مراد باغی کو انصاف اسٹوڈنٹ فیڈریشن خیبر پختونخوا کا ترجمان مقرر ہونے پر دل کی گہرائیوں سے مبارکباد پیش کرتے ہیں۔ آپ کی جدوجہد، خلوص اور ناقابلِ تسخیر عزم کو مدنظر رکھتے ہوئے یہ تقرری یقیناً ایک بہترین انتخاب ہے۔ ہم پر امید ہیں کہ آپ طلبہ کے مسائل کو بھرپور انداز میں اجاگر کریں گے اور انصاف اسٹوڈنٹ فیڈریشن کے پیغام کو ہر تعلیمی ادارے تک پہنچائیں گے۔ اللہ آپ کو کامیابی، استقامت اور مزید خدمت کا جذبہ عطا فرمائے۔

25/07/2025

آج نرسنگ سٹوڈنٹ کے ساتھ سرحد یونیورسٹی انتظامیہ کی ناراوا سلوک اور ان پر تشدد کے خلاف انصاف سٹوڈنٹ فیڈریشن سرحد یونیورسٹی کے سابقہ صدر عصمت اللہ کا مذمتی بیان

25/07/2025

اگر پیر، 28 جولائی 2025 تک نرسنگ ڈیپارٹمنٹ کے طلبہ و طالبات کے جائز مطالبات
منظور نہ کیے گئے، تو انصاف سٹوڈنٹس فیڈریشن (آئی ایس ایف) کے طلبہ نرسنگ ڈیپاٹمنٹ کے طلبہ کے ساتھ احتجاج میں شامل ہو جائے گی۔

ہم نرسنگ ڈیپارٹمنٹ کی طالبات سے مسلسل رابطے میں ہیں اور انہیں یقین دہانی کراتے ہیں کہ آئی ایس ایف ان کے ساتھ کھڑی ہے۔ ان کا مؤقف بالکل برحق ہے، اور ہم ہر فورم پر ان کی آواز بلند کریں گے۔

سرحد یونیورسٹی کی انتظامیہ کو خبردار کیا جاتا ہے کہ وہ مزید ظلم، جبر، اور ناروا سلوک سے باز رہے۔ طلبہ کا استحصال اب ہرگز برداشت نہیں کیا جائے گا۔ اگر مطالبات پر فوری اور سنجیدہ عملدرآمد نہ ہوا، تو ہم اپنا آئینی اور جمہوری حق استعمال کرتے ہوئے بھرپور احتجاج کریں گے۔

عصمت اللہ
سابق صدر – آئی ایس ایف، سرحد یونیورسٹی

17/07/2025

انصاف سٹوڈنٹس فیڈریشن سرحد یونیورسٹی کی گرینڈ میٹنگ

آج صوبائی صدر مشرف آفریدی اور جنرل سیکریٹری اظہر غزنوی کی خصوصی ہدایات پر انصاف سٹوڈنٹس فیڈریشن سرحد یونیورسٹی کی ایک اہم گرینڈ میٹنگ منعقد ہوئی۔ جس میں صوبائی صدر مشرف افریدی نے خصوصی طور پر شرکت کی ۔

میٹنگ میں پانچ اگست سے شروع ہونے والی تحریک پر مشاورت کی گئی اور یونیورسٹی انتظامیہ کی جانب سے طلبہ کے ساتھ روا رکھے جانے والے ناروا سلوک کے خلاف بھرپور اظہارِ تشویش کیا گیا۔

اس موقع پر سابقہ صدر عصمت اللہ نے صوبائی صدر مشرف افریدی کو یقین دہانی کراتے ہوئے کہا:

> "انشاءاللہ، ہمیشہ کی طرح اس بار بھی پانچ اگست کو انصاف سٹوڈنٹس فیڈریشن سرحد یونیورسٹی صفِ اول میں ہو گی۔ ہم چیئرمین عمران خان کے نظریے اور قیادت کے تحفظ کے لیے ہر محاذ پر ڈٹ کر کھڑے ہوں گے۔"
انہوں نے مزید کہا کہ طلبہ کے حقوق کے لیے ہماری جدوجہد جاری رہے گی اور کسی بھی قسم کی ناانصافی کو ہرگز برداشت نہیں کیا جائے گا۔

16/07/2025

12/06/2025

آج رنگ روڈ پشاور پر منعقد ہونے والی ریلی میں سرحد یونیورسٹی کے آئی ایس ایف طلبہ نے صدر سرحد یونیورسٹی پشاور، عصمت اللہ کی قیادت میں بھرپور شرکت کی۔ ریلی میں صوبائی صدر آئی ایس ایف خیبرپختونخوا، مشرف آفریدی کی شرکت نے طلبہ کی حوصلہ افزائی کی۔ تنظیم کے سرگرم کارکنوں نے بڑی تعداد میں شریک ہو کر اپنی سیاسی بیداری اور وابستگی کا بھرپور مظاہرہ کیا۔ یہ ریلی آئندہ لائحہ عمل کے لیے ایک اہم آزمائشی مرحلہ ثابت ہوئی، جس میں عوام کی غیرمعمولی شرکت نے پس پردہ سازشوں اور خفیہ قوتوں کو ایک واضح پیغام دیا۔ عمران خان کی رہائی اور پاکستان کی حقیقی آزادی کی جدوجہد بدستور جاری ہے، اور عوام کی وابستگی اس تحریک کی اصل قوت کا منہ بولتا ثبوت ہے۔

01/06/2025

آج بروز اتوار شام 7.30 کو انصاف سٹوڈنٹس فیڈریشن سرحد یونیورسٹی کنوینشن میں آپ سب کو شرکت کی دعوت دی جاتی ہے
منجانب: انصاف سٹوڈنٹس فیڈریشن سرحد یونیورسٹی میڈیا سیل

31/05/2025

کل بروز اتوار شام 7.30 کو انصاف سٹوڈنٹس فیڈریشن سرحد یونیورسٹی کنوینشن میں آپ سب کو شرکت کی دعوت دی جاتی ہے
منجانب: انصاف سٹوڈنٹس فیڈریشن سرحد یونیورسٹی میڈیا سیل

06/05/2025

میں (ISF) سرحد یونیورسٹی پشاور خیبر پختونخوا کی جانب سے معزز رکنِ صوبائی اسمبلی اور صوبائی وزیر جناب سہیل آفریدی پر پنجاب پولیس کے تشدد کی شدید الفاظ میں مذمت کرتا ہوں۔

یہ واقعہ نہ صرف غیر آئینی اور غیر جمہوری ہے بلکہ ہمارے منتخب نمائندوں کی توہین کے مترادف ہے۔ ہم واضح کرتے ہیں کہ اپنے سینئر رہنما اور صوبائی وزیر کے عزت و وقار پر کوئی سمجھوتا نہیں کیا جائے گا۔

ہم مطالبہ کرتے ہیں کہ اس واقعے کی فوری اور شفاف تحقیقات کی جائیں اور ذمہ داران کے خلاف سخت کارروائی کی جائے۔ مزید ہم ISF خیبر پختونخوا صدر مشرف آفریدی سے مطالبہ کرتے ہیں کہ آئندہ کے لائحہ عمل کا جلد از جلد اعلان کیا جائے تاکہ ایسے واقعات کے خلاف مؤثر اور منظم ردعمل دیا جا سکے۔

منجانب: آئی ایس ایف سرحد یونیورسٹی پشاور