Gul Azim

30/10/2022

په کوم یو کار کښې چې ما کله چرته شک خوړلے
هم هغه کار کښې مې بیا خامخا څه ټک خوړلے

پــرون د کلـي یــو بـابـا راتــه قـیـصــۀ کــؤلـه
زمــا ګلاب پشــان بـچے دغــــې ټوپک خـوړلے

يـو لیـوني وې بـل سړي تـه اے خـبـره واوره
د غــریبـانـو بـرخـــۀ رزق دې ســڑک خــــوړلے

پـۀ هغه ورځ زمـا د عقـل نـه پردې لـرې شوې
چې غریبي مې شوه دماغو مې چورلک خوړلے

ما خو د پېغلو په سرونو دروند څادر غوښتلو
افسوس څادر ترې دې نقاب او تربوُزک خوړلے

پښتون زلمے د انګریزۍ کتـاب په فـخـر لـؤلي
په المارۍ کښې د پښتو کتاب منـږهـک خـوړلے

عظیم هوښیار شؤلو اوس ستا چلونه ښۀ پېژني
پۀ نادانۍ کښې يې هر ګام باندې تیندک خوړلے

عظیم خلیل

30/10/2022

30/10/2022

د ميرجمال صېب خوږ ترنم زما کلام
ژوند تېرؤمه خو بېخي راله خوند نۀ راکوي
ستا نه بغیر دا زندګي راله خوند نۀ راکوي

29/10/2022

دا چې له کوره بې حجابه اوځي
زړونه به خامخا له تابه اوځي
په کنارو باندې هېڅ نشي موندے
لعلونه ښکته له دريابه اوځي

29/10/2022

دا هم پکښې مخې له راغلو نو
زما غزل جان محمد ماشوخېلي وئيلے دے
زما دې نۀ منله

29/10/2022

پرون ماسپښين د باړې په سيمه قمبر پښتو ادبي جرګې پينځلس ورځني اجلاس مشاعره کښې د شرکت په وخت څو يادګاري عکسونه

28/10/2022

خيال ته په اوښکو غسل ورکړه چې شعرونه ليکې
بيا يې ډاډه په هر جومات هره حجره کښې وايه
عظيم خليل

28/10/2022

بده نۀ وه خو له بدو سره مل شوه
زندګي وه د املوکو تول کښې لاړه
عظيم خليل

28/10/2022

که صورت د محمد نه وای پيدا
پیدا کړې به خدای نه وای دا دنیا

ټول جهان د محمد پۀ مخ پيدا شو
محمد دی د تمام جهان پېشوا

خدای يې مه ګڼه؛ بېشکه چې بنده دی
نور یې ټول واړه صفات دي پۀ رښتيا

ــــــــــــٌـــ ـــ

درود په ستر لارښود حضرت محمد ﷺ .❤
🌹🌹🌹

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيد❤🌹🌹❤

27/10/2022

زما د‌ سر سترګې ړندې شه کۀ جمال ته ګورم
زۀ د انسان په مخ کرم د ذولجلال ته ګورم

27/10/2022

هغه نۀ يم چې په ويره او په ډار ځم
زۀ عاشق يم د محبوب په سر د دار ځم
عظيم خليل

26/10/2022

تبليغ
ت -سے تکليف
ب-سے برداشت
ل - سے لگا تار
ی - یقین
غ - غائبی مدد
یعنی اللہ ج کے رستے میں تکلیف برداشت کروگے لگاتار تو اللہ کی ذات و صفات آخرت قبر حشر قیامت کے دن پر یقین بنے گا اور دنیا میں ہر اچھے اور نیک کام میں غائبی مدد ہوگی

26/10/2022

خاورې شوے به مې قبرکښې وجُود وي
زۀ به نۀ یم خو الفاظ به مې موجُود وي

د اخلاص قدر به ډېر وي کۀ محدُود وي
پۀ قیامت به د ریا عمل مردُود وي

پۀ دې بعضو دا دنیا څومره ښائېسته ده
بعضې خلک پۀ دنیا څومره نابُود وي

لویه خدایه ستا رضا ده زۀ پرې خوښ‌ یم
زما سر او مال دې ستا پۀ لار کښې دُود وي

کمه نۀ وي کۀ هر څو ګناه وړۀ وي
لکۀ مور سره زنا ګناه د سُود وي

رحمتونه پۀ هغو وي ستا د لوري
چې پۀ ژبه ستا حبیبّ ص ته یې درود وي

دروازې چې درته بندې شې هر لور تۀ
بیا نو ورشۀ کۀ دې بل چرته معبُود وي

زۀ عظیم یې د سنت پۀ نیت ساتمه
ځکه جیب کښې راسره خوشبو د عُود وي

عظیم خلیل

25/10/2022

هسې اندازه واخله
ژوند یوه لِحظه واخله

بار یې په ووګو باندې
خيال کښې جنازه واخله

واوره لږ د خپل ضمير
سر کښې جائزه واخله

بد د جهنم په سر
غټـه دروازه واخله

دۀ پېغمبري پېشه
کور له یو بیزه واخله

لور د حوا سترګو کښې
خور او یا خورزه واخله

مینه د دنیا په ځان
ټیټه یو نېزه واخله

تیر پسې دا نور ژوندون
هسې انګازه واخله

نیمه شپه چې تیره شي
پاسه او کوزه واخله

دې مراقبې نه پس
لمونځ نه بیا مزه واخله

لیک په حقيقت کوه
پیر نه اجازه واخله

اے عظیمه حق وائېل
لیک کښې امروزه واخله

عظیم خلیل صیب

25/10/2022

چې لږ زور په څۀ کښې واخلو
څومره اور په خلۀ کښې واخلو

د بلها زړونو ساتلو
پسته کور په زړۀ کښې واخلو

عظيم خليل
تازه عکس زمونږ د حجرې

25/10/2022

لرم مکتب پاس په هوا د ستورو
ياد په نامه د پښتونخوا د ستورو

راشۀ کۀ ګورې د هوا په چپو
علم ادب پوهه رڼا د ستورو

زۀ د هغې ټولګي ستاينه کؤم
چرته چې اوسي يو دنيا د ستورو

ماته يې هر وګړے داسې ښکاري
لکه چې پړک وهي صبا د ستورو

زما د زړۀ سترګې بينا شي اکثر
چې ننداره کؤم مولا د ستورو

زما سلام د پښتونخوا په ستورو
زۀ يو خادم يمه ادنا د ستورو

کۀ چرته زۀ يې هم په شمار کې راشم
عظيم نسبت کؤم په دا د ستورو

عظيم خليل
ليک نېټه ۲۰۲۲_۱۰_۱۹
د پښتونخوا ادبي ستوري واټساپ ټولنې ته ډالۍ

24/10/2022

يو چا ويل تاسو شاعران ټول د خيال دنيا ګرځئ ما ويل حقيقت خو هم صرف د خيال دنيا کښې ملاوېږي
عظيم خليل

24/10/2022

عزيز بابا خوږ ترنم د اروښاد خاطر افريدي کلام

24/10/2022

23/10/2022

23/10/2022

وايه نو زړۀ د زړۀ نه چرته اوځې
خاطره تۀ د زړۀ نه چرته اوځې
هغه رومان لکه د شاتو پشان
يا لکه کند او د نباتو پشان
چې محسوسېږي ستا له هر يو غزل
هغه خواږۀ د زړۀ نه چرته اوځې
خاطره تۀ د زړۀ چرته اوځې .......
له تشبيهاتو نه دې خوند واخلم
که رعباياتو نه دې خوند واخلم
که ستا د عشق سوې قيصه ياده کړم
زما به څۀ د زړۀ نه چرته اوځې
خاطره تۀ د زړۀ نه چرته اوځې........
تۀ د خېبر په ښکلا ګانو کښې يې
د پښتونخوا په اتلانو کښې يې
مونږ به دې څنګه هېراؤ خاطره
نۀ کنه نه د زړۀ نه چرته اوځې
خاطره تۀ د زړۀ نه چرته اوځې......
زۀ پرستار يم ستا د فن خاطره
ځکه دې ستايمه زه نن خاطره
عظيم ولاړ يم د خیبر په سيمه
غزل په خله د زړۀ نه چرته اوځې
خاطره تۀ د زړۀ نه چرته اوځې
عظيم خليل پېښور

د خاطر افريدي په ياد کښې نن د جمرود ادبي ليکوال جرګې له خوا راجوړ کړے شوے سمينار کښې زما منظوم کلام
او په عکس کښې هم په دغه سمينار کښې د پښتونخوا ادبي ستوري واټساپ ټولنې له خوا زما په ادبي خدماتو ايوارډ د تراب شينواري او په سټېج ناستو مشرانو له خوا په ډېر مينه او درنښت رالېږلے شوے د پښتونخوا ادبي ستوري سرپرست عمر رحيم سواتي او وصال جان له اړخه زۀ يو ځل بيا د پښتونخوا ادبي ستوري واټساپ ټولنې او د جمرود ادبي ليکوال جرګې شکريه ادا کوم

22/10/2022

(((قطعه)))

دغه خراب دے دغه ښه ليډر دے
شاعره دې سره ستا څوېمه ده هن؟

چې په غزل کښې اوچه زمکه لرې
نو دې لمدې سره ستا څوېمه ده هن؟

په هر يو شعر کښې يو فتوه لګؤل
دغې دندې سره ستا څوېمه ده هن؟

حجره جومات مسلماني يادوه
دې مېکدې سره ستا څوېمه ده هن؟

عظيم خليل
ليک نېټه ۲۰۲۲_۱۰_۲۲

22/10/2022

دو به تين کړې زوروره
تور به سپين کړې زوروره

په وړه خبره دولس
په جبين کړې زوروره

نۀ پښتو باندې مزل کړې
نۀ په دين کړې زوروره

څوک دې نۀ مني واعظه
زړۀ به خوړين کړې زوروره

دا په کومه خله خبرې
د ګل چين کړې زوروره

پټ په زړۀ کښې لرې زهر
خله ګبين‌ کړې زوروره

ښکلو ښکلو ته دې سترګې
په دوربین کړې‌‌ زوروره

يوه ورځ به دې دنيا نه
اسپې زين کړې زوروره

يو غزل کښې زړۀ عظيمه
څومره ‌شين کړې زوروره

عظيم خليل

21/10/2022

Date: Aug 31, 2013

پاتې نۀ کړو تار په سر
واخلو دومره کار په سر

شپه نيمۍ ته اورسي
پروت وي زمونږ شمار په سر

لـوبه زۀ او تۀ‌‌ وکړو
او لګي یو خوار په سر

دا خو بس یو مونږه يو
مات کړو سر د یار په سر

ګرځي لیونے خوشحال
غم وي د هوښیار په سر

لاړو جنتي شو څوک
یـو دانـه انـار پـه سر

یاره نور به څومره وي
تا ته انتظار په سر

ظلم کوم ظالم وکړي
لاړ شي څوک د دار په سر

سیورے د عمل زما
غم مې شو بیسیار په سر

ؤنۀ کړې کنځل راته
ؤمې کړه ګزار په سر

را دې کړه غمونه یار
ما ته کړه قرار په سر

خیر دے ما پرې مه وژنه
یوسه دغـه لار په سر

مال د پاره چا ظالم
اویشتو نن پلار په سر

خوند د مینې وګوره
واخله دا خومار په سر

ما عظیم ته مینه کښې
نه کړو چا دستار په سر

عظیم خلیل
ليک نېټه ۲۰۱۳_۸_۳۱

21/10/2022

ګل خوبان راوله په ما ګران راوله
جبرائيله نن ما له جانان راوله

ماشاءالله ماشاءالله ماشاءالله

19/10/2022

کاپي پيسټ کتاب ليکل خو اسان دي مزه خو هله کوي چې خپل لفظونه د خپل علم په رڼا کښې اوليکې

19/10/2022

Date: Oct 18, 2022

منلي خلک وو خو چرته دي اوس
د کلي خلک وو خو چرته دي اوس

سل کاله مخکې هم په دې نړۍ کښې
راغلي خلک وو خو چرته دي اوس

ټولو قامونو کښې زمونږ پښتانۀ
ؤتلي خلک وو خو چرته دي اوس

سپينې پګړۍ کونټۍ په لاس مشران
ښاغلي خلک وو خو چرته دي اوس

په زړونو سپين د مينې ډک ساده ګان
سپېځلي خلک وو خو چرته دي اوس

چې به ولاړ خپلو وعدو باندې وو
کوټلي خلک وو خو چرته دي اوس

خواږۀ درانۀ په تول پوره په تلۀ
تللي خلک وو خو چرته دي اوس

عظيمه تېر د سر او مال په غېرت
بائيللي خلک وو خو چرته دي اوس

عظيم خليل
نېټه ۲۰۲۲_۱۰_۱۷

18/10/2022

پښتونخوا ادبي ستوري واټساپ ټولنه
((( ادبي مکتب )))
اوس خو ماشاءالله ډېره اسانه شوه کۀ هر څوک دا غواړي چې د پښتو ادب په مېدان کښې پرمختګ وکړي د پښتو نظم او نثر په ټولو لوازماتو پوهه شي د غزل باريکۍ ؤپېژني د ادب په هر اړخ ژوره مطالعه ولري نو ډېر لرې تلو ته حاجت نشته بس ټچ موبايل او پيکج پکار دے خو په شرط د دې چې د زده کړې شوق يې وي کۀ څوک په صحيح معنو کښې معيار پېژندل غواړئ نو راځئ د پښتونخواه ادبي ستوري واټساپ ټولنې ته راشئ ډېر قابل قدر مخلص استاذان پکښې شتون لري نۀ پېسې اخلي او نۀ يې د چا نه څه بدل غواړي داسې استاذان چې ستا پر مختګ غواړي او ستا پرمختګ خپل پرمختګ ګڼي د خپل قيمتي وختونو نه خپل وخت فارغ کړي او د شعر و ادب د صنف په هر اړخ دې سر نه تر وېښه پوهه کوي نن صبا د واټساپ ټولنې ډېری دي او ټولې تر خپله وسه د پښتو خدمت کوي خو ما چې څومره جاج واخېستو نو پښتونخوا ادبي ستوري يوه داسې ټولنه ده چې پارټي بازي اختلافات او کينې بغض ساتلو نه بلکل پاکه ده زمونږ پښتنو شاعرانو کښې دغه يو مرض اکثر وي خو ولې پښتونخوا ادبي ستوري ټولنه کښې دا څيز بېخي نشته او وجه يې دا ده چې د صلاح کارې ملګري يې مخلص دي هر نوي شاعر ته پوره پام لرنه کوي د استاذانو قدر کوي استاذانو سره رابطه ساتي او هر قسمه خيال ئې ساتي الله ج دې سلامت لري عمر رحيم سواتي صېب چې د‌ دې ټولنې سرپرست دے انتهائي قدرمند او دروند پښتون سړے دے زۀ يې د ډېر وخت نه د رسنۍ د لارې پېژنم خو ټول اوصاف يې راته معلوم دي چرته به ترېنه ترخه خبره وا نۀ ورې ټولنه ډېره په مينه سنبهال ساتلې ده سره ده مسافرتيا ټولنې ته زيات وخت ورکوي الله ج دې راته ژوندے لري
او دغه شان وصال جان صېب هم سره د دې چې د خپلو بچو د پاره حلال رزق په تکل کښې د مسافرۍ شپې صبا کوي ټولنه يې په ډېر ښه ډول سمباله کړې ده ډېر مينه ناک او سنجيده انسان دے د نؤو ملګرو تربيت کښې زيات لاس هم د دوي دے او استاذانو له خو دومره مينه عزت او احترام ورکوي چې حساب يې نشته پښتو ادب هم د داسې خلکو په برکت مخ په وړاندې روان دے زيات وخت په ټولنه کښې موجود وي او د ټولنې زياتې زمه وارۍ يې په خپله ذمه اخیستې دي الله ج دې ورله ډېر ژوند ورکړي
د‌ دې ټولنې يو بل فعال په ادب مئېن غړۍ تراب شينواري صېب چې اکثر د بورډ شريکولو نظامت کؤلو تشريح د پاره بیتونو راؤړلو او داسې نور بلها ګټور ليکونه ټولنې راوړي او ملګرو سره شاملوي انتهایی خوږ په اسلام مئېن انسان دے د ټولو استادانو قدر کؤنکے او د‌ نؤو ملګرو په تربيت کښې پوره لاس د دوي هم دے الله ج دې ژوندے لري
يو بل زلمے فعال په ادب مئېن غړۍ طاهر خيالي صېب چې د زرکاڼي کتاب نه او د نورو کتابونو نه او د استاذانو د غږيز پېغامونو نه ګټؤر ليکونه د قلم سوکي نه اوباسي او ادب ته يې سپاري ډېر محنت کؤنکے او د ادب په مېدان کښې ډېر زر پرمختګ کؤنکے طاهر خيالي هم ډېر مينه ناک او قدرمن ځوان دے الله ج دې راته ژوندے او سلامت لري
يو بل په ادب مئېن زلمے بلال نسيم بلال چې زۀ يې د رسنۍ د لارې ډېر وخت نه پېژنم زۀ ورته کله کله حېران شم چې تشريح يا تنقيد يې واورم ډېر زر زر يې زده کړه وکړه د ټولنې په مخکښې تلو کښې د بلال نسيم صېب پوره پوره لاس دے د نؤو ملګرو حوصله افړايئ سره سره د استاذانو ډېر احترام او قدر کؤنکے زلمے دے الله ج دې سلامت لري
يو بل زلمے خوږ ژبې دروند خوږ عالم زیب حسرت هم بلها خواري کوي د ټولنې زياتره کارونه يې په خپل سر اخیستی دي د ټولو استادانو قدر و احترام کوي د نوو ملګرو حوصله افړايئ او دې سره سره نشتوونه هم سمبالوي
يو بل زلمے محمد مدير خاکسار صېب هم د چا نه کم نه دے اکثر فعال اوسي نشستونه بورډونه ليکونه او داسې نورې غټې ذمه وارۍ سمبالوي الله ج دې لري
او دغه شان قاري زاهد الله زاهد زهبي صېب د‌ چا سره چې زۀ اکثر د پېښور په زميني مشاعرو او تنقيدي اجلاسونو کښې ملاوېږم ډېر په دين او پښتو مئېن او قدرمن زلمے دے د شعر و ادب په مېدان کښې هم د داسې ځوانانو ضرورت دے د پښتونخوا ادبي ستوري ټولنې په کاميابۍ کښې د دوي هم پوره برخه ده بلها زمه وارۍ يې په سر اخیستې دي الله ج دې سلامت لري
د پښتونخوا ادبي ستوري ټولنې ترتيب څه په دا ډول دے چې سحر پئېل يې د قرآن پاک په سپېځلو ايتونو سره کېږي او دې نه پس د صلاح کارې ډلې يو ملګرے راشي او بورډونه شريک کړي چې په هغې کښې د ورځې په اخره کښې د ماسخوتن اتو ۸بجو ځانګړې ناسته کښې چې کوم نشست وي د هغې بورډ شريکولو نه پس د تشريح د پاره د اتلانو بېنونه راوړلې شي چې وار په وار استاذان راځي او په دغه بیتونو خپل ګټور نظرونه وړاندې کوي دغه تشريح په غور سره ټول ملګري اوري او بلها ګټه ترې تر لاسه کوي او دغه شان د ورځې په محال نور ګټور ليکونه او ادبي بحث مخې ته راځي چې ملګري ترې مستعفي کېږي د هرې ورځې په اخره کښې ماسخوتن اته نيمې بجې يوه ځانګړې ناسته کېږي چې په هغې کښې کله تنقيدي نشست او کله د کره املا نشست او کله د اتلانو پېژندنه او دغه شان نور ګټور نشستونه راجوړؤلے شي
په اخر کښې به دومره ووايم چې که نن زۀ د ادب په الف با تا پوهېږم نو دا هم د دې ټولنې برکت دے الله ج دې پښتونخوا ادبي ستوري ټولنه تل اباده دومداره لري او الله ج دې وکړي چې د ملګرو جذبې هم دغه شان تاندې وي او په خپلو اتفاق او رور ولي يې هم دغه شان جاري او ساري وي

آمين يارب العالمين
عظيم خليل صدر اچيني پښتو ادبي کاروان پېښور

کوم ادب ذوفه ملګري ايډ کېدل غواړي په لاندې واټس اپ شمېره اړيکه ونيسئ
+923329497629

17/10/2022

نن دې استازي راته معلومه شوه
نقل دې په عقل باندې کړے دے
عظيم خليل

16/10/2022

https://m.facebook.com/story.php?story_fbid=195887349492436&id=100072135154550

بِسمِ اللهِ الرَّحٌمٰنِ الرَّحِیم○

*⭐پښتونخوا ادبي ستوري💫*

*خادم ادبیات پښتو ستاینلیک*

د شاهانو ورکړه لعل و جواهر وي
د ادب د خـاونـدانو د زړۀ ویـنې

د پښتونخوا ادبي ستوري (واټس اپ) ټولنې د صلاح کارې ډلې له خوا په واټس اپ ټولنو کښې د یوې نوې لړۍ بنسټ کېښودے شۀ چې په دغه لړۍ کښې به مشرانو شاعرانو ادیبانو لیکوالانو ته د *خادم ادیبات پښتو* په نوم ستاینلکونه ورکړے کېږي او په ژوندانۀ به هغوي نازوي دغه مشران کۀ په پښتونخوا ادبي ستوري ټولنه کښې وي او کۀ دغه ټولنې نه بهر وي خو چې د پښتو ادب دپاره یې کار کړے وي هغه مشران به وخت په وخت مېلمانۀ کوي او دغه ستایلنکونه به ورته د هغوي په ادبي خدماتو ورکوي او خپل ژوندي اتلان به نازوي

د دې نوې لړۍ پېل مونږ د زیارت په ورځ د کال دوه زره دوه ویشتم په دیارلسمه نېټه وکړو چې ړومبے ستاینلیک پکښې ډېر قابل قدر مشر محترم عظیم خلیل صېب ته ورکړے شو ګڼ شمېر ملګرو په دغه ځانګړې ناسته کښې برخه واخسته او د عظیم خلیل صېب په ادبي خدماتو یې ګټورې خبرې وکړې زۀ د ملګرو د خبرو نه څۀ مختصر خبرې لاندې رانقل کؤم دغه ځانګړې ناسته دوه ګهڼټې دوام داره وه د دې ځانګړې ناستې د نظامت چارې تراب شینواري او وصال جان تر سره کړې د صدارت چوکۍ ښاغلي حمید هاتف صېب ته سپارلے شوې وه د نشست اغاز د تلاوت کلام پاک نه وشو چې د تلاوت کؤلو سعادت یې ګران محترم قاري سعیدالله توحیدي صېب ته حاصل شو او پە خپل خوږ غږ کښې د تلاوت کلام نه د نشست اغاز وکړو جزاک الله
او بیا د روایاتو تر مخه د صدر صېب پە اجازت باندې نظامت کؤنکي تراب شینواري اول پە خپله د لالا جي پە درناوي کښې او د خدماتو پە ستائينه کښې د خپلو خیالاتو اظهار ډېر پە مختصر انداز او پە ښکلي ډؤل وکړو او بیا یې خپل مرستیال ملګري وصال جان صېب ته بلنه ورکړه وصال جان هم د لالاجي پە حواله ګټورې خبرې عرض کړې او زیاته یې کړه چې کله هم زمونږ د لاسو نه داسې یوه ملغلره لاړه شي نو مونږ یې بیا ډېر ارمان کؤو ولې نۀ چې خپل استاذان، مشران ، ادیبان ٬ شاعران ٬ پە ژوند وقدرؤ او بلها ښکلې خبرې یې وکړې او بیا یې خپلې خبرې مختصر کړې او محترم بلال نسیم بلال صېب ته یې بلنه ورکړه بلال نسیم بلال صېب پە اول سر کښې دوه درې شعرونه د لالاجي پە ستائينه کښې عرض کړهٔ او بیا یې هم پە دغه ډؤل خبرې اترې وکړې او وې وئيل د لالا جي پە ژوند او فن خبرې کؤل زمونږ د وس کار نهٔ دے ځکه چې د هغوﺉ خدمات ډېر زیات دي او پە هره وټس اپي ټولنه کښې د لالاجي ډېر خدمات دي او ډېرې هلې ځلې یې کړې دي کله چې پښتونخوا ادبي ستوري ټولنې د پاره ماته وصال جان ټلیفون وکړو چې داسې د یوې ټولنې بنیاد ږدو نو زهٔ ورسره متفق شؤم او بیا مونږ د ټولنې اغاز وکړو او د لالاجي پکښې راسره ډېر لاس وهٔ د دې ټولنې ائين هم د لالاجي د لاس دے د ډېرو ښکلو خبرو نه پس بیا نظامت کؤنکي د بلال نسیم بلال صېب شکریه ادا کړه او محترم زاهد هجران صېب ته یې بلنه ورکړه
او بیا زاهد هجران صېب راغلو او د عظيم خلیل لالاجي پە اړه یې ګټؤرې خبرې شریکې کړې او دا یې وۀ وئیل چې زهٔ نن پە وټس اپ ټولنو کښې زدکړه کؤم نو دا د لالاجي له برکته لګیا یم او د لالاجي د لاس اوس هم ټولنې شته چې ښۀ ابادې دي او د عظيم خلیل صېب یې ډېره ستائینه وکړه او پە دغه ډؤل بیا نظامت کؤنکي وصال جان او تراب شینواري صېب د زاهد هجران صېب مننه وکړه او طاهر خیالي صېب ته یې بلنه ورکړه او هغه هم د عظيم خلیل صېب پە درناوي کښې پە خپلو ګټؤرو خبرو د نشست ښکلا یو پە دوه کړه او وې وئيل چې د لالا جي خدمات ستائیل زما د وس کار نهٔ دے خو البته دومره به ووایم چې د لالاجي پە ستائينه کښې ټوله شپە لګیا یم نو ختم به نهٔ شي او لالاجي پە زمکي ټولنو کښې هم ډېر غټ لاس دے او ډېر خدمت کوي او هم دغه شان زمونږ پە دې ټولنه کښې د عظيم خلیل صېب لوے لاس دے او بیا نظامت کؤنکو وروڼو د طاهر خیالي صېب مننه وکړه او عمررحیم سواتي ته یې بلنه ورکړه عمررحیم سواتي هم پە دغه ډؤل د لالاجي د خدماتو ستائينه وکړه او د پاس ملګرو شکریه یې ادا کړه او وهٔ یې وئېل چې کهٔ زهٔ فیسبوک کښې ګورم او کهٔ وټس اپ ټولنو کښې نو د لالاجي نامه پکښې خامخا وینم او د لالاجي پە هره وټس اپ ټولنه کښې خامخا څۀ نخښه شته دا مونږ چې نن پە دې ټولنه کښې کوم ائين ګورو او عمل پرې کؤو نو دا د لالاجي د لاس دے البته د استاذانو قدر وکړﺉ او دوي ونازوﺉ پە ژوندوني ځکه چې هغه وخت اوس نشته چې غزل به دې پە پاڼه ولیکو او در پە دیکې به د اصلاح د پاره ګرځیدو الله راته دا بې پېسو استاذان راکړي دي نو بائيد چې د دوي قدر وکړو
بیا نظامت کؤنکو وروڼو استاذ محترم عبد الحمید حبیبي صېب ته بلنه ورکړه او هغوي هم راغلل او د خوشحال بابا او د حمزه بابا د شعرونو نه يې اغاز وکړو او پە خپلو خوږو خبرو یې نشست رنګین کړو او ښکلې خبرې یې وکړې او ورپسې بیا استاد محترم فرید فګار شینواري صېب راغلو او د لالاجي د ټولو خدماتو ستائینه یې څۀ پە دې ډؤل وکړه چې زهٔ ګورم او اؤرم نو د عظيم خلیل صېب خدمات د څۀ سره سم نهٔ دي د دوي پە شعرونو د رحمان بابا د شعرونو رنګ دے او ښکلے شعر هم لیکي او تشریح هم ښکلې کوي زهٔ د عظيم خلیل صېب تشریح ډېره پە مینه اؤرم او بله دا چې ما زرکاڼي کتاب د عظيم خلیل صېب پە وجه لوستلے دے او نورې یې هم ډېرې ښکلې خبرې وکړې او بیا استاد محترم پروفېسر رفیق الله رفیق صېب ته بلنه ورکړے شوه او هغوي راغلل او صلاح کارې ډلې ته یې داد او ډاډ ورکړو او پە خپلو درنو الفاظو یې د نشست ښکلا یو پە دوه کړه او د لالاجي پە حقله یې ښکلې خبرې وکړې او بیا اخري نوي مېلمه محترم واجد ودان خلیل صېب ته بلنه ورکړے شوه چې د لالا جي د خدماتو نه واقف وهٔ هغوي راغلل او د صلاح کارې ډلې سره سره یې د ټولو ملګرو مننه وکړه او عظيم خلیل صېب پە خدماتو یې رڼا واچوله کوم چې هغه د نیزدې نه لیدلي وو او د لالاجي يې ډېره ستائینه وکړه او بیا نظامت کؤنکي ‌وصال جان صېب منتخب شوې صدر حمید هاتف صېب ته بلنه ورکړه خو له بده مرغه هغوي ته د نېټ ستونزه وه بیا وروسته حاضر شو او د صدارت څوکۍ حافظ فرید فګار صېب ته وسپارلے شوه حمید هاتف صېب چې بیا راغلو نو د ټولو ملګرو مننه یې وکړه او لالا جي ته یې مبارکي ورکړه او پە اخره کښې استاد محترم حافظ فرید فګار شینواري صېب پە خپلو لاسو عظيم خلیل صېب ته ستاينلیک (اېوارډ) ورکړو عظیم خلیل صېب د ستاینلیک اخستو نه پس راغلے د صلاح کارې ډلې د دغه نوي ګام یې بلها ستائينه وکړه چې دا لړۍ په زمیني ټولنو کښې شروع شوې خو اوس تاسو په واټس اپ ټولنو کښې هم شروع کړه نو دا لړۍ دغسې دوام داره وساتۍ او د ټولو ملګرو مننه یې وکړه او زیاته یې کړه چې دا زما دپاره د فخر خبره ده چې د محترم حافظ فرید فګار شینواري صېب په لاسو دا ستاینلیک راکړے شو او وې ووئيل چې دا ماته د صدارتي اېوارډ نه هم غوره دے صدر محفل محترم حافظ فرید فګار شینواري یو ځل بیا د صلاح کارې ډلې او د ټولو ملګرو مننه وکړه او د نشست د اختتام اعلان یې وکړو او نظامت کؤنکو تراب شینواري صېب او وصال جان صېب هم د ټولو ملګرو مننه وکړه او لالا جي ته یې مبارکي ورکړه او د ټولنې ملګرو ته یې د مبارکۍ کؤلو اجازت ورکړو او جرګه یې ازاده کړه

لیکونکے= عمررحیم سواتي
کوم ادب ذوقه ملګرے په دې واټس اپ ټولنه کښې ځان ايډ کول غواړي په لاندې واټس اپ شمېره اړيکه ونيسئ
+923329497629

16/10/2022

نن په سخي پل اتفاق ادبي جرګه کښې زما يو د لنډ بحر غزل
چې ورته خيرے د لاسونو وائي
وايه هغې له خلکو څه ؤنه کړل

هغې دنيا له خو چا هېڅ ؤنه کړۀ
خو دلته دې له خلکو څه ؤنه کړل

عظيم خليل

14/10/2022

(( ټپه))
پور به دې ګوره پورې يوسم
ستا د بې توله مينې نيشته بدلونه
(((مطلع)))
نۀ پوهېږم ستا د مينې په بدل کښې
زۀ الفاظ له کومې راؤړم په غزل کښې
عظيم خليل
پښتونخوا ادبي ستوري واټساپ ټولنه يوه فعاله دوامداره د خپلې پښتو ژبې په اخلاص خدمت کؤنکي ټولنه ده يوه لړۍ يې روانه کړې ده چې خپل ژوندي اتلان د پښتو ادب خدمت کؤنکي اونازوي چې په هغې کښې يې بېګاه ماسخوتن ما سره د خپل بې توله مينې اظهار په دې ډؤل وکړو چې ټول ملګري په وار وار سره راتلل او زما په ادبي زيار ژوند او فن يې خپل خپل نظرونه وړاندې کؤل چې تقريبا څه د پاسه دوه ګېنټې دغه نشت واخېستو او په اخره کښې د محفل صدر ډېر محترم فريد فګار شينواري صېب په لاسو يې زۀ په دغه ايوارډ اونازؤلم
زۀ د پښتونخواه ادبي ستوري د صلاح کارې ډلې او په خاصه توګه د وصال جان تراب شينواري بلال نسيم بلال عبدالحمید حبيبي محترم عبدالحمید هاتف طاهر جان خيالي عمر رحيم سواتي زاهد حجران فريد فګار شينواري او واجد ودان خليل او د پښتونخوا ادبي ستوري د ټولو محترمو ملګريو د مينې پوره وړے يم ماله يې ډېر عزت او مينه راکړه الله ج دې وکړي چې زمونږ دا ټولنه همدغه شان دوامداره اوسي او زمونږ تر مينځه دغه د مينې اتفاق او ورور ولۍ دغه لړۍ جاري وي آمين يارب العالمين
عظيم خليل
صدر اچيني پښتو ادبي کاروان پېښور