02/07/2021
اس سے بڑا عملی اقدام اور کیا ہوگا؟
1. امریکہ کو افغانستان پر حملے کرنے کے لئے ہوائی اڈے دینے سے Absolutely Not کہہ کر صاف انکار کر دیا۔
2. امریکی افواج کے انخلاء کے بعد افغانستان میں پیدا ہونے والی صورتحال میں پاکستان نے اپنا مؤقف بلا کسی لیت و لعل کے دوٹوک انداز میں پوری دنیا کے سامنے رکھا۔
3. امریکہ کو واضح طور پر بتا دیا کہ ہم آپ سے برابری کی سطح پر دوستی اور تعلقات رکھ سکتے ہیں مگر آپ کی غلامی نہیں کر سکتے۔
4. امریکی انخلاء کے بعد افغانستان میں کسی بھی پارٹی یا تنظیم کے برسر اقتدار آنے کو تسلیم کر کے افغانستان سے بھائی چارہ قائم رکھنے کا کھل کر اعلان کیا۔
بغض کا کوئی علاج نہیں، حقیقت کو تسلیم کرنے کی کوشش کریں، سیاسی اختلاف اپنی جگہ رکھیں کم سے کم اس مؤقف کی تائید تو کریں جو محض کسی خاص پارٹی کا نہیں بلکہ پوری پاکستانی قوم کے مفاد میں ہوتا ہے، گزشتہ کل کے خطاب کے بعد جمیعت علمائے اسلام کے ایک مولانا صاحب جو غالباً قومی اسمبلی کے ممبر ہیں کا عمل بہت اچھا لگا، انہوں نے عمران خان کے خطاب پر ڈسک بھی بجایا اور بعد میں صحافی کے سوال کا جواب دیتے ہوئے کہا کہ ہم خوامخواہ کی مخالفت نہیں کرتے، عمران خان نے آج مسلمانی غیرت پر مبنی گفتگو کی ہے اس لئے مجھے ان کی تائید پر خوشی ہے۔ آپ بھی حقیقت کو تسلیم کریں، آپ کی اطلاع کے لئے عرض کر دوں، نواز شریف ہمیشہ لوگوں کی لکھی ہوئی تقریر پڑھتا ہے اور خان جو بولتا ہے وہ تاریخ میں لکھا جاتا ہے اور پوری قوم اسے پڑھتی ہے۔
Writer by: Saleem Azad
