Breking News

28/02/2026

*سی سی پی او پشاور اور ایڈیشنل آئی جی سی ٹی ڈی خیبر پختونخوا* نے موجودہ حالات کے پیشِ نظر رات گئے تھانہ ریگی ماڈل ٹاؤن، چوکی زون تھری، چوکی جمعہ خان خوڑ اور تھانہ ناصر باغ کا دورہ کرکے موجود سکیورٹی انتظامات کا تفصیلی جائزہ لیا۔

دورے کے موقع پر ایس پی ورسک ڈویژن فدا حسین نے مجموعی سکیورٹی صورتحال اور دہشت گردی کے ممکنہ خطرات سے موثر انداز میں نمٹنے کے لیے اٹھائے گئے اقدامات کے حوالے سے دونوں افسران کو بریفنگ دی۔

دونوں افسران نے ڈیوٹی پر موجود پولیس اہلکاروں کی حوصلہ افزائی کی اور انہیں ہمہ وقت الرٹ رہنے کی ہدایات کیں

سی سی پی او پشاور اور ایڈیشنل آئی جی سی ٹی ڈی نے تھانوں اور چوکیات کی مجموعی سکیورٹی انتظامات ، سی سی ٹی وی کیمرے ، سرکاری اسلحہ اور پولیس اہلکاروں کی رہائشی سہولیات کا بھی جائزہ لیا۔

انہوں نے پولیس افسران کو ہدایت کی کہ موجودہ سکیورٹی صورتحال کے پیشِ نظر کسی بھی ناخوشگوار واقعے سے مؤثر انداز میں نمٹنے کے لیے تمام دستیاب وسائل کا بروقت اور بھرپور استعمال یقینی بنایا جائے۔

سی سی پی او پشاور ڈاکٹر میاں سعید احمد نے ہدایت کی کہ سکیورٹی کو مزید مؤثر اور فول پروف بنانے کے لیے ہر ممکن اقدامات کرنے کیساتھ ساتھ افسران اور اہلکار ہمہ وقت الرٹ و چوکس رہیں۔

پشاور میں امن و امان کے قیام اور سکیورٹی پر کسی قسم کا کوئی سمجھوتہ نہیں کیا جائے گا

21/02/2026

29/06/2024

*سٹی ٹریفک پولیس پشاور نے محرم الحرام کیلئے منظم ٹریفک پلان تشکیل دیدیا*

*محرم الحرام کے دوران جلوسوں اور عزاداری پوائنٹس کو جانیوالی راستوں کو ہر قسم کی ٹریفک کیلئے بند جبکہ ٹریفک کو رواں دواں رکھنے کیلئے متبادل راستوں کا بندوبست کیا گیا ہے ‘ چیف ٹریفک آفیسر سعود خان*

*ماضی کی طرح امسال بھی چیف ٹریفک آفیسر سعود خان نے محرم الحرام کے دوران ٹریفک کی روانی برقرار رکھنے کیلئے مختلف سیکٹروں میں ایک ہزار سے زائد ٹریفک آفیسرز اور ٹریفک وارڈنز سمیت دیگر نفری تعینات کی گئی ہے*

*چیف ٹریفک آفیسر سعود خان نے ٹریفک عملے کو ضلع بھر میں جلوسوں کی گزر گاہوں کا جائزہ لیکر ہر قسم کے سہولیات کی فراہمی کی ہدایت کی جس کے مطابق سٹی ٹریفک پولیس پشاور کے افسران نے مختلف علاقوں سے محرم الحرام کے جلوسوں کے گزرنے والی راستوں کا معائنہ کیا اور مختلف مکاتب فکر کے لوگوں کی جانب سے مسائل کی نشاندہی پر اس کے فوری حل کیلئے احکامات جاری کئے*

*چیف ٹریفک آفیسر سعود خان نے کہا ہے کہ ساتویں محرم الحرام سے لیکر 10 ویں محرم الحرام کے دوران جلوسوں اور عزاداری پوائنٹس کو جانیوالے راستوں کو ہر قسم کی ٹریفک کیلئے بند کیا جائیگا اور عام لوگوں کی سہولت کیلئے متبادل راستوں کا بندوبست کیا گیا ہے تاکہ شہریوں اور عزاداروں کو کسی قسم کی مشکلات درپیش نہ ہوں*

*انہوں نے مزید کہا کہ سٹی ٹریفک پولیس پشاور کے افسران وقتاً فوقتاً مختلف علاقوں میں قائم امام بارگاہوں کے دورے کر کے تمام مکاتب فکر کے لوگوں کو درپیش مسائل بارے آگاہی حاصل کرینگے اور جہاں کہیں بھی مسائل کی نشاندہی کی جائے گی اس کے فوری حل کے لئے اقدامات اٹھائے جائینگے۔*

14/06/2024

پیٹرول کی قیمت میں 10 روپے 20 پیسے اور ڈیزل 2 روپے 33 پیسے فی لیٹر سستا۔پیٹرول کی نئی قیمت 258 روپے 14 پیسے ڈیزل 267 روپے 89 پیسے فی لیٹر مقرر۔

26/03/2024

وزیر اعلیٰ خیبر پختونخوا علی امین خان گنڈاپورنے عوام کو صحت کی معیاری سہولیات مقامی سطح پر فراہم کرنے کے سلسلے میں ایک اہم اقدام کے طور پر صوبے میں لیور ٹرانسپلانٹ اور بون میرو ٹرانسپلانٹ سنٹرز قائم کرنے کا فیصلہ کیا ہے اورمحکمہ خزانہ کو ان سنٹرز کے قیام کیلئے درکار فنڈز ترجیحی بنیادوں پر فراہم کرنے کی ہدایت کی ہے ۔ وہ گزشتہ رات وزیراعلیٰ ہاﺅس پشاور میں محکمہ صحت کے ایک اجلاس کی صدارت کر رہے تھے ۔ صوبائی کابینہ کے اراکین سید قاسم علی شاہ ، مزمل اسلم اور مشال یوسفزئی کے علاوہ چیف سیکرٹری ندیم اسلم چوہدری، متعلقہ انتظامی سیکرٹریز اور شعبہ صحت کے ماہرین بشمول ڈاکٹر عبد الوہاب ڈوگر، ڈاکٹر تقی ، ڈاکٹر جنرل (ر) پرویز اور ڈاکٹر ممتاز نے اجلاس میں شرکت کی ۔اجلاس میں لیور ٹرانسپلانٹ سنٹر اور بون میرو ٹرانسپلانٹ سنٹرکے قیام کے فیصلے کو عملی جامہ پہنانے کے سلسلے میں مختلف اُمور پر تبادلہ خیال کیا گیا۔ سرکاری سطح پر یہ صوبے کے پہلے لیور اور بون میرو ٹرانسپلانٹ سنٹرز ہوں گے ۔اجلاس میں فیصلہ کیا گیا کہ ابتدائی طور پر لیور ٹرانسپلانٹ سنٹر محدود پیمانے پر انسٹیٹیوٹ آف کڈنی ڈزیزز پشاور میں قائم کیا جائے گا،بعد میں یہ ٹرانسپلانٹ سنٹر مستقل بنیادوں پر خیبر میڈیکل یونیورسٹی میں زیر تعمیر عمارت میں منتقل کیا جائے گا۔اجلاس میں صوبے میں پہلا انسٹیٹیوٹ آف نیورو سرجری قائم کرنے کا بھی فیصلہ کیا گیا۔
یہ انسٹیٹیوٹ فاو¿نٹین ہاو¿س پشاور میں قائم کیا جائے گا۔وزیراعلیٰ علی امین خان گنڈا پور نے متعلقہ حکام کومذکورہ سنٹرز کے قیام کے لئے پلانز کو حتمی شکل دے کر منظوری کے لئے پیش کرنے کی ہدایت کی ہے اور واضح کیا ہے کہ پلانز میں ان سنٹرز کے قیام کے لئے درکار افرادی قوت، فنڈز اور طبی آلات کے ساتھ ساتھ ان کے انتظامی ڈھانچے کی تفصیل فراہم کی جائے۔ وزیراعلیٰ نے ہدایت کی کہ ان سنٹرز کو پائیدار بنیادوں پر چلانے کے لئے قابل عمل فنانشل پلانز بھی ترتیب دیئے جائیں۔ اُنہوںنے کہاکہ صوبائی حکومت عوام کو صوبے میں ہی لیور اور بون میرو ٹرانسپلانٹ سہولت فراہم کرنے کے لئے پر عزم ہے، مذکورہ سنٹرز کے قیام سے صوبے کے لوگوں کو ٹرانسپلانٹ کے لئے دیگر صوبوں کو جانے کی ضرورت نہیں ہوگی۔علی امین گنڈا پور نے متعلقہ حکام کو مزید ہدایت کی کہ جن سرکاری ہسپتالوں میں ڈائیلاسز سروسز کی سہولت موجود ہے وہاں پر اس سہولت کی چوبیس گھنٹے دستیابی کو یقینی بنایا جائے اور جن سرکاری ہسپتالوں میں ڈائیلاسز کی سہولت دستیاب نہیں وہاں پر ڈائیلاسز سروس شروع کرنے کے لئے ضروری اقدامات اُٹھائے جائیں۔وزیراعلیٰ کا کہنا تھا کہ صحت کا شعبہ موجود صوبائی حکومت کی اہم ترجیحات میں شامل ہے۔صوبے کے عوام کو علاج معالجے کی معیاری سہولیات کی فراہمی کے لئے تمام دستیاب وسائل بروئے کار لائے جائیں گے۔

26/03/2024

محکمہ خوراک نے گرا نفروشی پر 23 افراد کو گرفتار کر کے مراسلے متعلقہ تھانے میں جمع کرادیئے۔ صوبائی وزیر خوراک ظاہر شاہ طورو‘ سیکرٹری محکمہ خوراک ظریف المعانی اور ڈ ائریکٹر یاسر حسن کی ہدایت پر راشننگ فوڈ کنٹرولر پشاور جمشید آفریدی کی نگرانی میں اسسٹنٹ فوڈ کنٹرولرز تسبیح اللہ اور کمال احمد نے لطیف آباد‘ افغان کالونی‘ فوارہ چوک اور ہشت نگری میں اشیائے خوردونوش کی دکانوں میں نرخوں بارے آگاہی حاصل کی۔ کم وزن روٹی فروخت کرنے پر صدر سے 4 نانبائیوں کو دھرلیا گیا جبکہ شہر کے مختلف علاقوں میں بھینس کا گوشت مہنگے داموں سپلائی کرنے پر ہشت نگری سے نو قصابوں کو گرفتار کرلیا گیا۔ اسی طرح لطیف آباد‘ افغان کالونی اور یوسف آباد سے دس گرانفروشوں کو گرفتار کرلیا گیا جن میں سبزی و پھل فروش‘ دودھ و دہی فروش‘ جنرل سٹور مالکان و دیگر فوڈ پوائنٹس مالکان شامل ہیں۔ راشننگ فوڈ کنٹرولر پشاور جمشید آفریدی نے میڈیا سے بات چیت کرتے ہوئے کہا کہ شہریوں کو معیاری اشیاء مقررہ نرخوں پر فراہمی محکمہ خوراک کی اولین ترجیح ہے جس سے کسی صورت غافل نہیں ہیں۔ انہوں نے مزید کہا کہ سرکاری نرخنامے پر عملدرآمد یقینی بنانا ہر صورت یقینی بنائی جائے گی اس سلسلے میں کسی کیساتھ کوئی نرمی نہیں برتی جائے گی جبکہ گرانفروشی کے مر تکب افراد کے خلاف فوڈ ایکٹ کے تحت سخت کارروائی عمل میں لائی جائیگی۔

23/03/2024

خیبر پختونخوا حکومت نے سمندر پار پاکستانیوں کے لئے ایک اہم اقدام کے طور پر ڈرائیونگ لائسنس کی آن لائن تجدید کی سہولت فراہم کردی ہے۔ یہ سہولت بیرون ملک مقیم ان پاکستانیوں کے لئے دستیاب ہوگی جن کو خیبر پختونخوا ٹریفک پولیس کی طرف سے ڈرائیونگ لائسنس جاری کئے گئے ہیں۔ خیبر پختونخوا، سمندر پار پاکستانیوں کے لئے یہ سہولت فراہم کرنے والا پہلا صوبہ بن گیا ہے۔ تفصیلات کے مطابق ، ڈرائیونگ لائسنس کی تجدید کے لئے بیرون ملک مقیم پاکستانی اپنے متعلقہ سفارتخانے کے توسط سے بذریعہ ای میل درخواستیں دے سکتے ہیں جبکہ درخواست گزاروں کی دستاویزات کے نقول کی تصدیق کے بعد تجدیدی ڈرائیونگ لائسنس کا اجراء کردیا جائےگا۔ تجدید شدہ ڈرائیونگ لائسنس درخواست گزار کے نامزد کردہ مقامی شخص کے حوالے کیا جائے گا۔ اس سلسلے میں ٹریفک پولیس خیبر پختونخوا بیرون ملک پاکستانی سفارتی مشنز کو آگاہ کرنے کے لئے وزارت خارجہ کو مراسلہ ارسال کردیا ہے۔ مختلف ممالک میں تعینات پاکستانی سفارتی مشنز کی طرف سے خیبر پختونخوا حکومت کے اس اہم اقدام کو بے حد سراہا گیا ہے۔ پاکستانی سفارتی مشنز نے دوسرے صوبوں پر بھی بیرون ملک مقیم پاکستانیوں کے لئے اس سہولت کی فراہمی پر زور دیا ہے۔ اس ضمن میں یہاں سے جاری اپنے ایک بیان میں وزیر اعلیٰ خیبر پختونخوا علی امین خان گنڈاپور نے کہا ہے کہ ڈرائیونگ لائسنس کی آن لائن تجدید کی سہولت سمندر پار پاکستانیوں کا دیرینہ مطالبہ تھا، خیبر پختونخوا بیرون ملک مقیم پاکستانیوں کو یہ سہولت فراہم کرنے والا پہلا صوبہ بن گیا ہے۔بیرون ملک مقیم پاکستانی ملک کا اثاثہ ہیں، خیبر پختونخوا حکومت بیرون ملک مقیم پاکستانیوں کے صوبائی حکومت سے جڑے مسائل حل کرنے اور انہیں درکار تمام سہولیات کی فراہمی کے لئے پر عزم ہے۔ انہوں نے مزید کہا کہ ڈرائیونگ لائسنس کی آن لائن تجدید سے بیرون ملک مقیم پاکستانیوں کے وقت اور وسائل کی بچت کے ساتھ ساتھ سہولت بھی دستیاب ہو گی۔

23/03/2024

گورنرہاؤس پشاورمیں یوم پاکستان کے موقع پرتقسیم اعزازات کی پروقار تقریب
گورنرحاجی غلام علی نے صدرپاکستان کی طرف سے صوبے کی 58 شخصیات کو صدارتی سول اعزازت سے نوازا
تقریب میں میئرپشاور حاجی زبیرعلی کو خدمات عامہ کے شعبہ میں گرانقدر خدمات کے اعتراف میں صدارتی سول ایوارڈ تمغہ امتیاز سے نوازاگیا
تقریب میں2 شخصیات کو ستارہ امتیاز،6 شخصیات کو صدارتی اعزاز تمغہ شجاعت،14 شخصیات کو صدارتی اعزاز برائے حسن کارکردگی اور 36 شخصیات کوصدارتی اعزازتمغہ امتیاز سے نوازاگیا
گورنر کی صدارتی ایوارڈ حاصل کرنیوالی خیبرپختونخوا کی شخصیات کو دلی مبارکباد ،تقریب کے اختتام پر مہمانوں کیلئے افطار کااہتمام بھی کیاگیا
گورنرخیبرپختونخوا حاجی غلام علی نے ہفتہ کے روز گورنر ہائوس پشاور میں یوم پاکستان 23 مارچ پر منعقدہ ایک پر وقار تقریب میں صدر اسلامی جمہوریہ پاکستان کی جانب سے صوبے کی 58شخصیات کو اپنے متعلقہ شعبوں میں مثالی خدمات سرانجام دینے پر صدارتی سول اعزازت سے نوازا۔گورنرحاجی غلام علی نے میئرپشاور حاجی زبیرعلی کو خدمات عامہ کے شعبہ میں گرانقدر خدمات کے اعتراف میں صدارتی سول ایوارڈ تمغہ امتیاز سے نوازاجبکہ اسی طرح صوبے کی مزید 36 شخصیات کو بھی تمغہ امتیاز کے صدارتی سول ایوارڈ سے نوازا۔گورنرنے2 شخصیات عصمت جبین آفریدی اور ڈاکٹر ندیم جان کوشعبہ خدمات عامہ میں گرانقدر خدمات پر صدارتی ایوارڈ ستارہ امتیازسے نوازا جبکہ صوبہ کی 6 شخصیات کوصدارتی ایوارڈ تمغہ شجاعت اور14 شخصیات کو صدارتی سول ایوارڈبرائے حسن کارکردگی سے نوازا۔
گورنرہاوس میں منعقدہ پروقار تقریب میں نوردین (چاچا نورا) کوپشاوری چپل ،ہمایون خان کو شعبہ پشتو گائیکی ،ڈاکٹر عمر شہباز خان کو شعبہ تعلیم،ڈاکٹر کاشف کفایت کو شعبہ سائبر سیکیورٹی، ڈاکٹر امجد محبوب کو شعبہ طب ، گلاب خیل کو شعبہ فن رباب ،عجب گل خان کو شعبہ فنون، اداکاری و ہدایتکاری ، عشرت عباس کو شعبہ فن ڈرامہ، ریڈیو، تھیٹر اداکاری ،عجب خان کو شعبہ فن خطاطی و مصوری ،پروفیسر احسام الدین المعروف اسیر منگل کو شعبہ شاعری، ادب و مصنف ، احمد حسین مجاھد کو شعبہ ادب، شاعری، مصنف اور عزیز اعجاز کو شعبہ ادب، شاعری اور مرحوم محمدخلیل کو گراں قدر خدمات کے اعتراف میںصدارتی تمغہ برائے حسن کارکردگی سے نوازا گیا،شاکرزیب نوشہروی کو شعبہ فن موسیقی ڈائریکشن میں شاندارخدمات پر صدارتی تمغہ برائے حسن کارکردگی سے نوازا جوکہ اُن کے بھائی فرخ زیب نے وصول کیا۔فرمان اللہ کو شعبہ شجاعت ،عظمت علی شاہ کو شعبہ شجاعت ،مجیب اللہ کو شعبہ شجاعت ،مشکات اللہ کو شعبہ شجاعت ،اشفاق احمد کو شعبہ شجاعت اور مجیب اللہ شاہ کوبھی شعبہ شجاعت میں مثالی بہادری اور شاندار کارکردگی کے اعتراف پرصدارتی تمغہ شجاعت سے نوازاگیا۔محمد وسیم کو شعبہ فن لکڑ ورک،دانش اطلس خان کو شعبہ کھیل سکواش ،پروفیسر ڈاکٹر شوکت سعیدکو شعبہ سائنس میٹیریل کیمسٹری، پروفیسر ڈاکٹر سردار خان کو شعبہ ماحولیاتی سائنسز ،پروفیسر ڈاکٹر عبدالنعیم خان کو شعبہ سائنس کیمسٹری ،عبدالباطن فاروقی کو شعبہ فن اداکاری ،الماس خان خلیل کو شعبہ پشتو لوک گلوکاری ، فضل وہاب درد کو شعبہ فن گلوکاری ، پروفیسر ڈاکٹر گل رحیم خان کو شعبہ ارکیالوجی ،ڈاکٹر محمد اسماعیل (اسماعیل گوہر) کو شعبہ ادب، تحریر ، امجد عزیز ملک کو شعبہ صحافت ،ڈاکٹر محمد قریش خان کو شعبہ خدمات عامہ ،حاجی زبیر علی کو شعبہ خدمات عامہ ، جہانزیب ملک کو شعبہ فن مصوری میں مثالی خدمات کے اعتراف میں صدارتی ایوارڈ تمغہ امتیاز سے نواز ا گیا۔مرحوم شمس القمر اندیش کو شعبہ فن ادب شاعری تحریر تمغہ امتیاز بعد از وفات سے نواز اگیا مرحوم کی بیٹی واحدہ نے ایوارڈ وصول کیا۔ اسی طرح خیراز گل مرحوم کو شعبہ صحت میں تمغہ امتیاز بعد از وفات سے نوازاگیا مرحوم کے بیٹے نعیم اللہ نے ایوارڈ وصول کیا۔ مرحوم محمدی شاہ کو شعبہ صحت میں مثالی خدمات کے اعتراف میں تمغہ امتیاز بعد از وفات سے نوازاگیا، مرحوم کے بیٹے شاھنوازنے ایوارڈ وصول کیا۔ مرحوم ڈاکٹر پھگ چند سنگھ کو شعبہ صحت میں مثالی خدمات پر تمغہ امتیاز بعد از وفات عطاء کیا گیا، مرحوم بیٹے جتن کمار نے ایوارڈ وصول کیا۔ مرحوم محمد عباس طارق عباسی کو شعبہ صحت میں تمغہ امتیاز بعد از وفات سے نوازاگیاجن کا ایوارڈاُن کے بیٹے محمد طیب نے وصول کیا۔ مرحوم ڈاکٹر گل مرجان برکی کو بھی شعبہ صحت میں مثالی خدمات کے اعتراف میں تمغہ امتیاز بعد از وفات سے نوازا گیا جوکہ اُن کے بیٹے طارق برکی نے وصول کیا۔ مرحوم ڈاکٹر محمد اعظم خان کوبھی شعبہ صحت میں مثالی خدمات پر تمغہ امتیاز بعد از وفات سے نوازا گیا جن کا ایوارڈ مرحوم کے نواسہ محمد موسم خان وصول کیا۔ مرحوم ڈاکٹر شاہ عالم کو شعبہ صحت میں مثالی خدمات پر تمغہ امتیاز بعد از وفات سے نوازاگیا ، مرحوم کا یوارڈاُن کے بیٹے شاداب عالم نے وصول کیا۔ مرحوم ڈاکٹر فیصل مقصود قریشی کو شعبہ صحت میں مثالی خدمات کے اعتراف میں صدارتی تمغہ امتیاز بعد از وفات سے نواز اگیا جن کاایوارڈ مرحوم کے والد مقصود الرحمن نے وصول کیا۔ مرحوم ڈاکٹر سلطان زیب خان کو شعبہ صحت میں مثالی خدمات پرصدارتی ایوارڈ تمغہ امتیازبعد از وفات سے نواز اگیا جوکہ مرحوم کی بیوہ ڈاکٹر ثمینہ کریم نے وصول کیا۔ مرحوم ڈاکٹر بشیر احمدکو شعبہ صحت میں مثالی خدمات پر تمغہ امتیاز بعد از وفات سے نوازا گیا جن کا ایوارڈبیٹے ڈاکٹر نجم الدین نے وصول کیا۔ مرحوم ڈاکٹر محمد فاروق کوشعبہ صحت میںمثالی خدمات پر تمغہ امتیاز بعد از وفات سے نواز اگیا جن کے بیٹے ڈاکٹر مدثر فاروق نے ایوارڈوصول کیا۔ مرحوم ڈاکٹر سید محسن حسین کو شعبہ صحت میں خدمات کے اعتراف میںتمغہ امتیاز بعد از وفات دیاگیا جوکہ بیٹے سید محمد یاسر نے وصول کیا۔ مرحوم ڈاکٹر محمد توفیق کوشعبہ صحت میںتمغہ امتیاز بعد از وفات سے نواز اگیاجن کے بیٹے محمد علی نے ایوارڈ وصول کیا۔مرحومہ یاسمین بیگم کو بھی شعبہ صحت میں مثالی خدمات کے اعتراف میں صدارتی تمغہ امتیاز بعد از وفات سے نواز اکیا گیا ، مرحومہ کاایوارڈ بیٹی روزینہ ناز نے وصول کیا۔ مرحومہ مسرت جبیں کو بھی شعبہ صحت میں مثالی خدمات کے اعتراف میں تمغہ امتیاز بعد از وفات سے نواز اگیا جوکہ بیٹے دلدار خان نے وصول کیا۔ مرحوم ڈاکٹر منیر خان کو شعبہ صحت میں مثالی خدمات کے اعتراف میں تمغہ امتیاز بعد از وفات سے نوازا گیا جن کا ایوارڈ مرحوم کے بیٹے حمزہ منیر نے وصول کیا۔ مرحوم محمد عارف کوشعبہ صحت میں مثالی خدمات کے اعتراف میں تمغہ امتیاز بعد از وفات سے نواز اگیا جن کا ایوارڈ مرحوم کے بیٹے حسن عارف نے وصول کیا۔ مرحوم انعام اللہ کوبھی شعبہ صحت میں مثالی خدمات کے اعتراف میں تمغہ امتیاز بعد از وفات سے نواز اگیا جن کا ایوارڈ مرحوم کی بیوہ شازیہ بیگم نے وصول کیا۔ مرحوم ڈاکٹر منظور احمد کوشعبہ صحت میں مثالی خدمات پر تمغہ امتیاز بعد از وفات سے نواز اگیاجن کا ایوارڈ مرحوم کیبیوہ رفعت بی بی نے وصول کیا۔ مرحوم سراج محمدکوبھی شعبہ صحت میں مثالی خدمات پر تمغہ امتیاز بعد از وفات سے نوا زاگیا جن کا ایوارڈ مرحوم کے بیٹے فیاض احمد نے وصول کیا اور مرحوم گل وسیم کوبھی شعبہ صحت میں مثالی خدمات کے اعتراف میں صدارتی ایوارڈ تمغہ امتیاز بعد از وفات سے نوازاگیا ، مرحوم کا ایوارڈ اُن کے بیٹے عمیر گل نے وصول کیا۔گورنر نے صدارتی ایوارڈ حاصل کرنیوالی خیبرپختونخوا کی شخصیات کو دلی مبارکباددی۔تقریب میں چیف سیکرٹری خیبر پختونخوا ندیم اسلم چوہدری مختلف محکموں کے انتظامی سربراہان سمیت صدارتی اعزازات حاصل کرنیوالوں کے عزیز و اقارب نے شرکت کی۔ تقریب کے اختتام پر مہمانوں کیلئے افطار کا اہتمام بھی کیاگیاتھا۔ #