18/08/2026
پٹرولیم مصنوعات کی قیمتوں میں اضافہ عوام دشمن حکومت کی عوام دشمن پالیسیوں کا تسلسل ہے، شفیع جان
پوری دنیا کی حکومتیں اپنے عوام کی فلاح و بہبود اور ریلیف کے لیے پالیسیاں بناتی ہیں،بدقسمتی سے یہاں عوام کو ریلیف دینے کے بجائے ہر چند ہفتے بعد مہنگائی کا نیا تحفہ دیا جا رہا ہے،پٹرول 5 روپے 77 پیسے اور ڈیزل 6 روپے 47 پیسے مہنگا کرنا عوام پر ایک اور ظلم ہے،مہنگائی سے پہلے ہی پریشان عوام پر پٹرولیم مصنوعات کی قیمتوں میں اضافہ ناقابلِ برداشت ہے۔
عمران خان واحد لیڈر تھے جنہوں نے مشکل معاشی حالات میں بھی عام آدمی کو ریلیف دینے کو ترجیح دی،عمران خان کے دور میں عوام کو ریلیف دینے کے لیے عملی اقدامات کیے،آج عوام مہنگائی، بجلی اور پٹرول کے مسلسل بڑھتے ہوئے بوجھ تلے دب رہے ہیں، عوام دشمن فیصلے کرنے کے بجائے حکمران عوام کو ریلیف دینے کی پالیسی اپنائیں، پٹرولیم مصنوعات کی قیمتوں میں حالیہ اضافہ فوری واپس لیا جائے۔
شفیع جان، وزیر اطلاعات و تعلقات عامہ خیبرپختونخوا
