Madaris Media House

24/02/2026

نتائج بارے اہم اعلانات

24/02/2026

23/01/2026

اہم فیصلے وفاق المدارس

10/01/2026

اظہار افسوس وتعزیت
وفاق المدارس العربیہ پاکستان، (جنوبی وزیرستان) کے مسئول اور مہتمم دارالعلوم اشرفیہ وانابازارمولانا سلطان محمد حقانی صاحب، جو گزشتہ روز بم دھماکے میں زخمی ہوئے تھے، زخموں کی تاب نہ لاتے ہوئے آج مورخہ 10 جنوری 2026 بروز ہفتہ جامِ شہادت نوش کر گئے۔
وفاق المدارس العربیہ پاکستان کے قائدین،
صدرِ وفاق حضرت مولانا مفتی محمد تقی عثمانی صاحب، سینئر نائب صدر حضرت مولانا انوار الحق صاحب ناظمِ اعلیٰ وفاق حضرت مولانا محمد حنیف جالندھری صاحب اور ناظمِ وفاق المدارس العربیہ پاکستان صوبہ خیبر پختونخوا حضرت مولانا حسین احمد صاحب نے حضرت مولانا سلطان محمد حقانی کی شہادت پر گہرے رنج و غم کا اظہار کرتے ہوئے اسے ایک ناقابلِ تلافی نقصان قرار دیا ہے۔
قائدینِ وفاق نے شہید کی دینی و علمی خدمات کو خراجِ تحسین پیش کرتے ہوئے ان کے اہلِ خانہ، لواحقین، دارالعلوم اشرفیہ کے منتظمین، اساتذہ اور طلبہ سے دلی تعزیت کی اور کہا کہ یہ سانحہ درحقیقت ہم سب کے لیے باعثِ صدمہ ہے اور آج ہم سب تعزیت کے مستحق ہیں۔
وفاق المدارس کے قائدین نے ملک بھر کی مساجد کے ائمہ و خطباء اور دینی مدارس کے منتظمین سے اپیل کی ہے کہ وہ شہید مولانا سلطان محمد حقانی کے درجات کی بلندی کے لیے خصوصی دعاؤں کا اہتمام کریں۔
مفتی سراج الحسن
میڈیا کوآرڈینیٹر وفاق المدارس
صوبہ خیبر پختونخوا

07/01/2026

اختتامی دعا
تقریب ختم بخاری
جامعہ عثمانیہ پشاور
مفتی غلام الرحمن صاحب مہتمم جامعہ عثمانیہ پشاور دعا کررہے ہیں

04/01/2026

پریس ریلیز
*معروف دینی درس گاہ جامعہ عثمانیہ پشاور میں 26ویں سالانہ تقریبِ دستار بندی کا انعقاد*

معروف دینی درس گاہ جامعہ عثمانیہ پشاور میں 26ویں سالانہ تقریبِ دستار بندی منعقد ہوئی۔ اس موقع پر جامعہ کے مہتمم مفتی غلام الرحمٰن نے طلبہ کو بخاری شریف کی آخری حدیث پڑھائی۔
*تقریب میں 150 فضلاء، 96 حفاظ، 16 متخصصین، 18 مجوّدین، 14 قرّاء کی دستار بندی کی گئی، جبکہ 51 فاضلات کی چادر پوشی بھی عمل میں لائی گئی* ۔
تقریب سے خطاب کرتے ہوئے مفتی غلام الرحمٰن نے کہا کہ دستار اور منصب کی لاج رکھنا فضلاء پر لازم ہے، یہ ایک بڑا اعتماد اور حضور اکرم ﷺ کی وراثت ہے۔ انہوں نے فضلاء کو تلقین کی کہ وہ معاشرے میں امن و محبت کا پیغام عام کریں، منبر و محراب کو امن و آشتی کا مرکز بنائیں اور یاد رکھیں کہ اعلیٰ کردار کے بغیر اسلام کی خدمت ممکن نہیں۔
انہوں نے جھوٹ، خیانت اور دھوکہ دہی سے اجتناب کی تاکید کرتے ہوئے کہا کہ اپنے دامن اور دستار کو داغدار نہ ہونے دیں، امت کو تقسیم نہ کریں بلکہ جوڑنے کا ذریعہ بنیں اور امت کی خیرخواہی کے جذبے کے ساتھ معاشرے میں قدم رکھیں۔
تقریب سے صوبائی ناظم وفاق المدارس العربیہ خیبر پختونخوا اور ناظمِ تعلیمات جامعہ عثمانیہ پشاور مولانا حسین احمد نے خطاب کرتے ہوئے کہا کہ فضلاء کے سروں پر باندھی جانے والی دستار محض ایک رسمی چیز نہیں ہوتی، بلکہ یہ درحقیقت ایک عظیم اعتماد کی علامت ہوتی ہے۔ جو عالم کو محض علم کا حامل نہیں بلکہ ایک عظیم ذمہ داری کا امین بناتی ہے۔
آج کے دور میں یہ ذمہ داری اس لیے مزید بڑھ جاتی ہے کہ دینِ اسلام پر فکری حملے کیے جا رہے ہیں، خصوصاً منکرینِ حدیث کے ذریعے۔ یہ حقیقت واضح رہنی چاہیے کہ حدیثِ نبوی ﷺ کو تسلیم کیے بغیر قرآنِ کریم پر کامل ایمان ممکن نہیں۔ جو شخص حدیث کا انکار کرتا ہے، وہ درحقیقت قرآن کی حقانیت، اس کی صحیح تشریح اور عملی شکل کا بھی انکار کرتا ہے، کیونکہ حدیث قرآن پر ایمان کی بنیاد ہے۔
لہٰذا آج کے فاضل اور عالم کی ذمہ داری ہے کہ وہ نہ صرف خود قرآن و حدیث سے مضبوط وابستگی رکھے، بلکہ امت کو بھی ان فتنوں سے آگاہ کرے جو دین کی جڑوں کو کمزور کرنا چاہتے ہیں۔ دستار بندی کا یہ مرحلہ دراصل ایک نئے عہد کا آغاز ہے—

جاری کردہ
مفتی سراج الحسن
میڈیا انچارج
جامعہ عثمانیہ پشاور

29/12/2025

وفاق المدارس العربیہ پاکستان کی طرف سے اہم ہدایات
بنام مہتممین ومنتظمین مدارس