13/06/2026
شبقدر میں سڑکوں کی تعمیر میں غیر معمولی تاخیر، عوام شدید مشکلات کا شکار۔۔۔
چارسدہ(سید زاہد علی چشتی)شبقدر کی تاریخ میں پہلی مرتبہ یہ دیکھنے میں ایا ہے۔ کہ مختلف ترقیاتی منصوبوں اور سڑکوں کی تعمیر کے اغاز سے قبل ہر جگہ افتتاحی تختیاں تو نصب کر دی گئیں، لیکن چھ سے سات ماہ گزر جانے کے باوجود بیشتر سڑکیں تاحال مکمل نہیں ہو سکیں۔
محلہ چشتی اباد سمیت مختلف علاقوں کی سڑکیں ادھوری پڑی ہیں، جس کے باعث عوام کو شدید مشکلات کا سامنا ہے۔ مقامی شہریوں کا کہنا ہے۔ کہ ٹھیکیداروں نے ناقص میٹریل استعمال کرتے ہوئے عوام کی انکھوں میں دھول جھونکنے کی کوشش کی ہے۔ کئی مقامات پر خاکے اور معیاری تعمیراتی سامان کی جگہ مٹی ڈال دی گئی ہے، جس سے گرد و غبار نے شہریوں کی زندگی اجیرن بنا دی ہے۔
علاقہ مکینوں نے متعلقہ سرکاری اداروں اور ذمہ دار حکام سے مطالبہ کیا ہے۔ کہ سڑکوں کی تعمیر میں ہونے والی تاخیر اور ناقص میٹریل کے استعمال کا فوری نوٹس لیا جائے۔ عوامی نمائندے اپنے وعدوں کو عملی جامہ پہناتے ہوئے چھ سے سات ماہ قبل شروع کیے گئے ترقیاتی منصوبوں کو جلد از جلد مکمل کریں تاکہ شہریوں کو درپیش مشکلات کا خاتمہ ہو سکے۔
عوام نے خبردار کیا ہے۔ کہ اگر تعمیراتی کام میں مزید تاخیر کی گئی تو شہری احتجاج کا حق محفوظ رکھتے ہیں۔۔۔
