Tribal News Network

07/09/2026

ملاکنڈ کے علاقے طوطہ کان میں نامعلوم افراد کی فائ رنگ سے پی ٹی آئی کے سابق ویلج چیئرمین محمد فیاض اور ان کے بھائی محمد حامد جاں بحق ہوگئے۔ فائ رنگ کی وجہ معلوم نہیں ہوسکی، جبکہ ملزمان فرار ہوگئے۔

واقعے کے خلاف لواحقین نے کیٹیگری اے ہسپتال بٹ خیلہ کے باہر لاشیں رکھ کر احتجاج کیا، جس کے باعث مین روڈ بند ہوگئی۔ مظاہرین نے قات ل وں کی فوری گرفتاری اور انصاف کا مطالبہ کیا۔

واقعے کے بعد ملاکنڈ لیویز نے علاقے میں ناکہ بندی کرکے ملزمان کی گرفتاری کے لیے کارروائی شروع کردی۔

07/09/2026

حکومت نے پیٹرول اور ڈیزل کی قیمتوں میں اضافہ کردیا۔

جاری نوٹیفکیشن کے مطابق پیٹرول کی قیمت میں 12 روپے 90 پیسے فی لیٹر اضافہ کیا گیا ہے، جس کے بعد نئی قیمت 358 روپے 77 پیسے فی لیٹر ہوگئی۔

نوٹیفکیشن کے مطابق ڈیزل کی قیمت میں 3 روپے 72 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 381 روپے 77 پیسے فی لیٹر مقرر کردی گئی ہے۔

07/09/2026

رہنما جمعیت علمائے اسلام حافظ حمداللہ نے کہا ہے کہ خیبر پختونخوا اور بلوچستان کے عوام پاکستان کے لیے بڑی قربانیاں دے رہے ہیں۔

انہیں پنجاب کے لیے خطرہ قرار دینا ان کی قربانیوں کی توہین ہے۔

انہوں نے مطالبہ کیا کہ متعلقہ خاتون اپنا بیان واپس لیں اور خیبر پختونخوا اور بلوچستان کے عوام سے معافی مانگیں۔

07/09/2026

خیبر پختونخوا محکمہ صحت نے حیات آباد نرسنگ کالج واقعہ کی تحقیقات کے لیے تین رکنی کمیٹی تشکیل دے دی۔

کمیٹی کی سربراہی سپیشل سیکرٹری صحت کریں گے، جبکہ ڈی جی ہیلتھ سروسز اکیڈمی اور ڈی جی ہیلتھ سروسز ممبران ہوں گے۔ کمیٹی ایک دن میں رپورٹ پیش کرے گی۔

07/09/2026

سوشل میڈیا کی دھمکیاں اور آن لائن ہ ر ا سانی، سابقہ قبائلی صحافیوں کے لیے صحافت کو کس طرح مشکل بنا رہی ہے؟

ٹی این این اردو - TNN URDU

07/09/2026

نوشہرہ میں ایف آئی اے اے سی سی پشاور اور پیسکو کی ٹیم نے مشترکہ کارروائی کرتے ہوئے ایک نجی اسٹور پر چھاپہ مارا۔

کارروائی کابل ریور کے قریب عارف خان کے زیرِ استعمال اسٹور میں کی گئی، جہاں سے:

100 کے وی اے کا ٹیمپرڈ ٹرانسفارمر
اے این ٹی کنڈکٹر
دیگر برقی سامان
برآمد ہوا۔

حکام کے مطابق یہ سامان بظاہر پیسکو کی ملکیت معلوم ہوتا ہے، تاہم اسٹور سے سامان کی ملکیت یا قانونی قبضے کے بارے میں کوئی مستند کاغذات پیش نہیں کیے جا سکے۔

07/09/2026

صوبوں کے حوالے سے متنازع بیان پر وزیراعلیٰ پنجاب مریم نواز کو مختلف حلقوں کی جانب سے سخت تنقید کا سامنا ہے۔ مزید تفصیل مہرین عابد کی اس ویڈیو میں

07/09/2026

حیات آباد نرسنگ کالج کے طلبہ نے ہاسٹل نہ ملنے اور کلینیکل پریکٹس کے مسائل کے خلاف احتجاج کیا۔

پولیس نے مبینہ طور پر 11 طلبہ و طالبات کو گرفتار کر لیا۔

طلبہ کا الزام ہے کہ احتجاج روکنے کے دوران پولیس نے مبینہ طور پر گاڑی طلبہ پر چڑھا دی۔

07/09/2026

عظمیٰ بخاری کی مریم نواز کے بیان پر وضاحت

وزیرِ اطلاعات پنجاب عظمیٰ بخاری نے وزیراعلیٰ مریم نواز کے دہشتگردی سے متعلق بیان کی وضاحت کرتے ہوئے کہا ہے کہ

مریم نواز پاکستان کو درپیش بیرونی خطرات سے لاعلم نہیں ہیں۔

عظمیٰ بخاری کے مطابق مریم نواز جانتی ہیں کہ پاکستان کو پڑوسی ملک سے کس نوعیت کا خطرہ ہے،

تاہم معرکۂ حق میں پاک فوج نے اپنی دفاعی صلاحیت پوری دنیا کے سامنے ثابت کر دی ہے۔

ان کا کہنا تھا کہ پاکستان کی مسلح افواج نے دشمن کے مقابلے میں بھرپور کامیابی حاصل کی اور قوم کو اپنی بہادر افواج پر فخر ہے۔

07/09/2026

سندھ کے سینئر وزیر شرجیل میمن کا کہنا ہے کہ وفاقی وزراء سے گزارش ہے کہ پہلے عوام کے درمیان جائیں، عوام سے ووٹ لے کر منتخب ہو کر آئیں، پھر بات کریں۔

خیراتی یا مصنوعی مینڈیٹ پر بیٹھےلوگ قوم کے فیصلے نہیں کر سکتے، قوم کے فیصلے وہ لوگ کریں گے جنہیں قوم نےووٹ سے منتخب کیا۔