18/08/2026
عمران خان کی ہسپتال منتقلی کے حوالے سے اسلام آباد پولیس کا اہم اجلاس جاری ہے، جس میں شفا انٹرنیشنل ہسپتال کے اوپری پورشن کو سب جیل قرار دینے، ہسپتال کے باہر تقریباً 700 پولیس اہلکار تعینات کرنے اور چار چیک پوسٹیں قائم کرنے پر غور کیا جا رہا ہے۔
ذرائع کے مطابق عمران خان کو ہسپتال کے پچھلے گیٹ سے فول پروف سیکیورٹی میں منتقل کیے جانے کی تجویز زیر غور ہے، جبکہ سیکیورٹی اور دیگر انتظامات کو حتمی شکل دینے کے بعد اسلام آباد پولیس کی جانب سے پریس ریلیز جاری کیے جانے کا امکان ہے۔
سپریم کورٹ نے عمران خان کے علاج کے لیے طبی ماہرین پر مشتمل میڈیکل بورڈ تشکیل دینے کی بھی ہدایت کی ہے۔
