11/09/2026
سول ڈیفنس ضلع ہنگو
خلیفہ گلنواز ہسپتال بنوں کے گائنی وارڈ میں آتشزدگی پر سول ڈیفنس آفسران کی بروقت کارروائی
بتاریخ 07 ستمبر 2026 صبح تقریباً 08:25 بجے خلیفہ گلنواز ہسپتال، بنوں کے گائنی وارڈ میں بجلی کے شارٹ سرکٹ کے باعث اچانک آگ بھڑک اٹھی۔ ہسپتال میں موجود سول ڈیفنس آفیسران عبدالقدوس وزیر اور عادل وزیر نے صورتحال کی سنگینی کو بھانپتے ہوئے فوری اور پیشہ ورانہ انداز میں کارروائی کی اور ہسپتال میں دستیاب فائر ایکسٹنگوشر (Fire Extinguisher) کو بروقت استعمال کرتے ہوئے آگ پر قابو پا لیا، جس کے نتیجے میں کسی بڑے نقصان اور جانی نقصان کا خدشہ ٹل گیا۔
اس موقع پر سول ڈیفنس کے دونوں افسران ہسپتال میں عبدالقدوس وزیر اپنی والدہ کی تیمارداری کے سلسلے میں موجود تھے، تاہم ہنگامی صورتحال پیدا ہوتے ہی انہوں نے اپنی پیشہ ورانہ ذمہ داری اور انسانی ہمدردی کا مظاہرہ کرتے ہوئے فوری طور پر فائر فائٹنگ آپریشن میں حصہ لیا۔
ان کی بروقت کارروائی اور رضاکارانہ خدمات کو ہسپتال ڈائریکٹر، MTI بنوں، پروفیسر ڈاکٹر عبدالغفور خان صاحب نے سراہتے ہوئے دونوں افسران کو نقد 10,000 روپے انعام اور تعریفی اسناد سے نوازا۔ اس موقع پر ہسپتال ڈائریکٹر نے کہا کہ ہسپتال میں ان دونوں افسران کی موجودگی اللہ تعالیٰ کی مدد اور ایک بڑی نعمت ثابت ہوئی، جنہوں نے بروقت کارروائی کرکے ممکنہ بڑے حادثے کو ٹالنے میں اہم کردار ادا کیا۔
اس موقع پر میڈیکل ڈائریکٹر ڈاکٹر فرمان وزیر صاحب اور ایڈیشنل ڈائریکٹر بھی موجود تھے۔
سول ڈیفنس ضلع ہنگو اپنے افسران کی اس بروقت، پیشہ ورانہ اور انسانی خدمت پر فخر محسوس کرتا ہے۔ یہ واقعہ اس امر کا عملی ثبوت ہے کہ تربیت یافتہ سول ڈیفنس اہلکار کسی بھی ہنگامی صورتحال میں قیمتی انسانی جانوں اور املاک کے تحفظ میں مؤثر کردار ادا کر سکتے ہیں۔
ترجمان:
اے کیو خان وزیر
سول ڈیفنس آفس، ضلع ہنگو
