Akhtar Thought's

Akhtar Thought's Dedicated to creating positive change! Join the movement for equality, justice, and a better world. Together, we can make a difference! ��

د ورځې په منځ کې د تیارو راتګ — یو طبیعي پدیدہکله ناکله داسې کیږي چې د ورځې په روښانه وخت، مثلاً د ۱۲ بجو په شاوخوا کې، ...
04/11/2025

د ورځې په منځ کې د تیارو راتګ — یو طبیعي پدیدہ

کله ناکله داسې کیږي چې د ورځې په روښانه وخت، مثلاً د ۱۲ بجو په شاوخوا کې، ناڅاپه اسمان تور شي، رڼا ختمه شي او د شپې په څېر تیاره خپره شي. دا عموماً هغه وخت پیښیږي کله چې درنې، باراني یا طوفاني ورېځې (Cumulonimbus Clouds) د اسمان ډېره برخه پټوي.

دا ورېځې د قوي بادونو، باران، او کله ناکله د بریښنا (Thunderstorm) نښه وي. د دغو ورېځو دننه د اوبو څاڅکي او یخ ذرات دومره زیات وي چې د لمر رڼا نه پرېږدي چې ځمکې ته راورسي، نو د ورځې منځ هم تیاره ښکاري.

دا یوه طبیعي پدیده ده، نه روحاني نښه او نه هم د ګناهونو بدله.
فطرت خپل نظام لري، کله ناکله دا بدلونونه یوازې د موسم د علمي اصولو له مخې وي، نه د عذاب یا یرې نښې.

دغه پدیده “Midday Darkness” یا “Daytime Darkening Phenomenon” په نوم یادیږي — یوه طبیعي خو زړه راښکونکې نښه چې د فطرت ځواک موږ ته را یادوي.

د یو کَـمبـه د جوړېدو انتظارپرون د ماسپښین دوه بجې زموږ په سیمه کې د یو کَـمبـه د خرابېدو له کبله بجلۍ پرې شوه. د داسې ی...
23/09/2025

د یو کَـمبـه د جوړېدو انتظار

پرون د ماسپښین دوه بجې زموږ په سیمه کې د یو کَـمبـه د خرابېدو له کبله بجلۍ پرې شوه. د داسې یوې وړې ستونزې د حل لپاره باید څه وشي؟ څو ساعته کار، څو کسانو توجه او په وخت اقدام. خو دلته څه وشول؟ د خلکو کورونه، کاروبارونه، زده‌کوونکي، ناروغان او هره ورځنۍ اړتیا د ۲۹ ساعتونو لپاره په تیاره کې پاتې شول!

دا یوازې د یو کَـمبـه خبره نه ده، بلکې د یوې ټولې ادارې د بې‌پروايۍ او غفلت هنداره ده. کله چې د خلکو اړتیاوې د دومره سپکاوي سره مخ شي، نو دا پوښتنه په ځای ده:

د دې غفلت مسوول څوک دی؟

ولې دومره اوږد ځنډ؟

ولې د خلکو ژوند دومره ارزانه ګڼل کېږي؟

موږ ټول پوهېږو چې بجلۍ د نن ورځې ژوند لومړنی ضرورت دی. که د یو کَـمبـه د جوړېدو لپاره هم ورځ نیمه وخت لګېږي، نو د لویو ستونزو حال به څنګه کېږي؟ دا حالت نه یوازې غیرزمه‌واري ده، بلکې د خلکو د ژوند سره ښکاره لوبه ده.

که حساب، پوښتنه او فشار ونه شي – نو دا غفلت به همداسې دوام ولري.
د خلکو چوپ پاتې کېدل خپله د دې ستونزې برخه ګرځي.

#غفلت #غیرزمه‌واري #دبجلۍستونزې

ښځه – د نسلونو د رڼا دروازه ښځه یوازې د کور لپاره نه ده پیدا شوې. که څه هم د کور په جوړښت کې د هغې رول ډېر مهم دی، خو د ...
20/09/2025

ښځه – د نسلونو د رڼا دروازه

ښځه یوازې د کور لپاره نه ده پیدا شوې. که څه هم د کور په جوړښت کې د هغې رول ډېر مهم دی، خو د هغې اصل ځواک د تعلیم او پوهې په خپرولو کې دی. یوه نالوستۍ ښځه کولی شي یوازې د ژوند لومړني اړتیاوې پوره کړي، خو یوه لوستلې ښځه کولی شي نسلونه بدل کړي، فکرونه رڼا کړي او ټولنه په پرمختګ روانه کړي.

ویل شوي دي: “تاسو که یو سړی تعلیم ورکړئ، یوازې یو فرد مو تعلیم کړی، خو که یوه ښځه تعلیم کړئ، نو ټول نسلونه مو تعلیم کړي دي.”
ځکه چې ښځه د هر ماشوم لومړۍ ښوونکې ده. د هغې خبرې، عملونه، پوهه او فکر په مستقیم ډول په راتلونکي نسل اغېز کوي.

که ښځه بې تعلیمه پاتې شي، ټولنه نیمګړې پاتې کېږي. خو که ښځه لوستې وي، ټولنه پرمختګ کوي، د شعور رڼا خپرېږي، او د تعصب پر ځای زغم او پوهه ځای نیسي.

ښځه یوازې د کور ملکه نه ده – بلکې د پوهې ملکه، د شعور سرچینه، او د راتلونکي نسلونو لپاره د رڼا مشعل ده.

#ښځه #تعلیم #پوهه #نسلونه #رڼا #خپلواکي
#فلسفه

اسلام او د آزاد فکر رڼا اسلام د انسان عقل ته زنځیر نه تړي، بلکې دروازې ورته پرانیزي. قرآن بار بار وایي: “افلا تعقلون؟” –...
20/09/2025

اسلام او د آزاد فکر رڼا

اسلام د انسان عقل ته زنځیر نه تړي، بلکې دروازې ورته پرانیزي. قرآن بار بار وایي: “افلا تعقلون؟” – ایا فکر نه کوئ؟ دا پخپله د آزاد فکر غږ دی.

فلسفه د عقل سوالونه ژوندي کوي، هنر د روح ښکلا څرګندوي، ادب د انسان اخلاق نرموي او تاریخ د عبرت څراغ بلوي. کله چې دا ټول د اسلام له روح سره یوځای شي، د انسان فکر هم ژورېږي او د روح پرواز هم لوړېږي.

اصلي ازادي دا نه ده چې د دین نه بېل شي، بلکې دا ده چې د ایمان په رڼا کې د عقل کار واخلي، د پوښتنې جرئت ولري او د ښکلا ستاینه وکړي. یو "Free Thinker" هغه وخت رښتیا آزاد دی چې فکر یې له تعصب خلاص وي او وجدان یې د الله په رڼا کې روښانه.

#اسلام #فلسفه #هنر #ادب #ژورفکر

د مذهب تر نامه لاندې د ظلم توجیه ❌Relgious Extremism زموږ په ټولنه کې خلک دومره مذهبي انتهاپسند جوړ کړل شوي دي چې هره مح...
19/09/2025

د مذهب تر نامه لاندې د ظلم توجیه ❌
Relgious Extremism

زموږ په ټولنه کې خلک دومره مذهبي انتهاپسند جوړ کړل شوي دي چې هره محرومي د "قسمت" په نوم ومني. که څوک ظلم وویني، ورته ویل کېږي دا "آزمائش" ده او صبر پرې وکړه. که څوک د خپلو حقونو غوښتنه وکړي، ورته د "ګناه" ټاپه لګول کېږي. همدا شان غلامي د "الله د مصلحت" په نوم توجیه کېږي او که څوک د عدالت او حق غږ پورته کړي، د بغاوت او "قتل" سزا ورته ټاکل کېږي.

دا طریقه په حقیقت کې د ولس د خاموش کولو یوه وسیله ده. د دین په نوم خلکو ته دا ذهنیت ورکول کېږي چې ګواکي د دوی درد، لوږه، بېکاري او ظلم ټول د تقدیر برخه ده. د همدې سوچ له کبله ولس د خپلو حقونو لپاره نه درېږي او ظالمان تل د خلکو په چوپتیا واک چلوي.

په اصل کې دا تر ټولو خطرناکه انتهاپسندي ده چې ظلم د خلکو د خپلو عملونو نتیجه وبلل شي. ځکه په دې سوچ کې ظالم پاک او بې‌ګناه ښکاري، خو مظلوم د خپل درد مسوول ګڼل کېږي. دا طریقه نه یوازې د عدالت ضد ده، بلکې د ټولنې د بدلون مخه هم نیسي.

FOMO – د محروم پاتې کېدو وېرهنن سبا د ټولنیزو رسنیو په زمانه کې، ډېری ځوانان د FOMO (Fear of Missing Out) ښکار دي. کله چ...
18/09/2025

FOMO – د محروم پاتې کېدو وېره

نن سبا د ټولنیزو رسنیو په زمانه کې، ډېری ځوانان د FOMO (Fear of Missing Out) ښکار دي. کله چې د ملګرو د سفرونو ښکلي انځورونه، د ودونو محفلونه، د خوړو دسترخوانونه یا د بریاوو پوسټونه وینو، داسې احساس کوو چې ګواکي موږ له ژوند شاته پاتې یو. دا منفي فکر ورو ورو خپګان، اضطراب او د ځان کم ارزښتي کېدل رامنځته کوي.

باید په یاد ولرو چې خلک یوازې د ژوند ښکلې شېبې ښيي، نه ستونزې او کړاوونه. که موږ ځان د نورو سره په پرله‌پسې توګه پرتله کړو، خپله خوشالي له لاسه ورکوو. د ژوند هره شېبه ارزښت لري، که لویه وي یا وړه.

د FOMO مخنیوي لپاره مهمه ده چې د خپلې کورنۍ، ملګرو او خپلو لاسته راوړنو قدرداني وکړو. د ټولنیزو رسنیو کارول تر یوې اندازې محدود کړو او د ځان لپاره وخت وباسو. ریښتینې خوشالي د نورو په ژوند نه، بلکې زموږ په خپل قناعت او باور کې ده.

د ښځو د رحم (بچي داني) د سر کېنسر Cervical Cancer Awareness په ښځو کې د بچي داني د سر کېنسر ډېر عام دی.اصلي وجه یې HPV...
17/09/2025

د ښځو د رحم (بچي داني) د سر کېنسر
Cervical Cancer Awareness

په ښځو کې د بچي داني د سر کېنسر ډېر عام دی.
اصلي وجه یې HPV (Human Papilloma Virus) دی.

د دې د مخنیوي تر ټولو مهمه لاره:
HPV ویکسین (د ۹ نه تر ۱۴ کلونو پورې جینکو ته ورکول کېږي).

عام Side Effects:

د مټ درد یا سوزش

زړۀ بدېدل

سر درد یا سرچورلېدل

ځینې خلک غلط پروپاګند کوي چې دا ویکسین ښځې شنډوي یا د جنسي رجحان بدلون راولي – دا خبرې بې بنسټه او بې ثبوته دي!

د ۲۱ کالو نه پورته ښځې باید:
هر ۵ کاله وروسته د HPV ټیسټ او Pap Smear Test وکړي تر څو د دې خطرناک کېنسر نه ځان وژغوري.

یاده ولرئ:
مخنیوی تل د درملنې نه اسان او غوره دی!

15/09/2025

که ماربل، که بیجلي — زموږ وسایل زموږ حق دي!

ولی‌خان بابا وویل:
که ماربل زموږ دی، که برېښنا زموږ ده، که مزدور زموږ دی — نو ولې دا ګټې بل ځای ته ځي؟ ولې خام مال صادریږي او فابریکې بل لورې ته جوړیږي؟ ولې زموږ خلک بې‌کار وي، خو په نورو سیمو کې صنعت چالان وي؟

دا د انصاف پوښتنه ده — زموږ وسایل باید زموږ سیمې کې پروسس شي، زموږ خلکو ته دې کارونه جوړ شي، او د ګټې وېش دې شفاف او عادلانه وي.
موږ خپل حق غواړو — شفافه پالیسۍ، محلي فابریکې، ارزانه برېښنا او د سیمې لپاره رښتینی روزګار.

راځئ چې یو موټی شو، خپل غږ پورته کړو او د خپلو وسایلو لپاره د انصاف غوښتنه وکړو.
که ته هم موافق یې!

قابلېتPost Five: احساس کمترېInferiority Complex Labeling as “Stupid”کله چې ماشوم ته د "نالایقه" یا "کم عقل" نوم ورکول کې...
15/09/2025

قابلېت
Post Five:

احساس کمترې
Inferiority Complex

Labeling as “Stupid”
کله چې ماشوم ته د "نالایقه" یا "کم عقل" نوم ورکول کېږي، نو د هغه په ذهن کې د احساس کمتري تخم کېنول کېږي. دا ټاپه یوازې د ماشوم په زده کړه نه، بلکې د ټول ژوند په شخصیت کې اغېز کوي.

Loss of Self-Confidence
ماشومان چې کله په دوامداره ډول د نورو له خوا ټیټ ګڼل شي، د ځان باور (self-confidence) له لاسه ورکوي. وروسته بیا د هغوی لپاره د خپلو وړتیاوو کارول ډېر ستونزمن شي او د ټول عمر لپاره د ناکامۍ وېره ورسره پاتې شي.

Positive Guidance
پر ځای د ټوکې، نیوکې او د نالایقه ټاپې، باید د ماشوم وړتیاوو ته وده ورکړل شي. کله چې ماشوم ته تشویق (encouragement) او حوصله ورکول کېږي، نو هغه خپل استعداد په مینه سره ښکاره کوي او د ژوند په هره برخه کې وده کوي.

Message
هر ماشوم د خپل ځان ځانګړی استعداد لري. د هغوی قدر وکړئ، د هغوی ملاتړ وکړئ او د احساس کمتري پر ځای د باور ډالۍ ورکړئ. سبا به هغوی زموږ د ټولنې ستوري شي.

قابلېتPost Four:د معاشرې کردار Society’s Role in Talent RecognitionEnvironment Mattersماشومان د یوې نوې نړۍ تخمونه دي. ه...
14/09/2025

قابلېت
Post Four:

د معاشرې کردار
Society’s Role in Talent Recognition

Environment Matters
ماشومان د یوې نوې نړۍ تخمونه دي. هر یو ماشوم خپل ځانګړی استعداد (Talent) لري، خو د دې استعداد د ودې لپاره چاپېریال (Environment) ډېر مهم دی. لکه څنګه چې تخم د حاصل لپاره اوبه، لمر او حاصلخېزه خاوره غواړي، همداسې ماشومان د ودې لپاره د حوصلې، مینې او ملاتړ فضا غواړي.

Encouragement Builds Potential
کله چې ټولنه ماشوم ته مثبت ماحول ورکړي، د هغه کار ستاینه وکړي او د وړتیا منلو ته چمتو وي، نو ماشوم په ډاډه زړه خپل Potential کاروي او له ځان سره ټولنه هم رڼا کوي. برعکس، که ټولنه پر ماشوم د فشار، تنقید او سپکاوي فضا واکمنه کړي، نو د هغه استعداد خاموش شي او د ژوند تر پایه د احساسِ کمتري ښکار پاتې کېږي.

Diversity of Talents
هر ماشوم د خپل طبیعي استعداد په اساس ځانګړی رول لوبولی شي. ځینې د ساینس لور ته ځي، ځینې د هنر، ځینې د لوبو او ځینې د ټکنالوجۍ په لور. ټولنه باید داسې ځای جوړ کړي چې پکې د هر ډول استعداد لپاره ځای وي، نه دا چې یوازې یو یا دوه لارې (ډاکټر/انجینر) د بریا معیار وګڼل شي.

Society Shapes the Future
په حقیقت کې، د ماشوم د ودې لپاره تر ټولو ستره مرسته دا ده چې ټولنه یې ومني، حوصله ورکړي او ورته د وده کولو موقع برابر کړي. که موږ خپلو ماشومانو ته دا باور ورکړو چې د هغوی استعداد ارزښت لري، نو سبا به زموږ ملت نوي ساینسدانان، هنرمندان، لوبغاړي او مشران وزېږوي.

Message
ماشومان زموږ د سبا ستوري دي. که کورنۍ، ښوونکي او ټولنه یوځای د هغوی استعدادونه وپېژني، روزنه ورکړي او ملاتړ یې وکړي، نو د راتلونکي نسل لپاره به داسې رڼا راوټوکې چې ټول ملت پرې ویاړ وکړي. ✨


Address

Peshawar

Website

Alerts

Be the first to know and let us send you an email when Akhtar Thought's posts news and promotions. Your email address will not be used for any other purpose, and you can unsubscribe at any time.

Shortcuts

Share

Category